﴿ وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ ﴾
منتديات سماحة السيد الفاطمي ــ العلاج الروحي بالقرآن الكريم
السلام على الحسين وعلى علي بن الحسين وعلى أولاد الحسين وعلى أصحاب الحسين

قال الامام المهدي عليه السلام ... عج فليعمل كلُ أمرءٍ منكم بما يقربُ به من محبتنا، ويتجنب ما يدنيه من كراهيتنا وسخطنا











                            



                                    

قصه الشيخ محمد طه نجف

قصه الشيخ محمد طه نجف

مشاركةبواسطة ام كوثر الخاقاني » الاربعاء سبتمبر 12, 2018 9:21 pm

اكو صورة تشوفها من تدخل لضريح الامام علي سلام الله عليه وبالضبط على يسار الداخل من الباب المطلة على جهة منطقة الحويش ومن تشوفها معلگه بسرعه تدنگ للگاع وتشوف گبر مكتوب عليه الزعيم الشيخ محمد طه نجف،،،
عاش الشيخ بالنجف ايام العثمانيين وچان مرجع فقهي لامور الناس وهو صاحب الكلمة المعروفة
العلماء تنقصهم الخدمة الحسينية!!!!
واذا الك خلگ تسمع خليك وياي وتابع للاخير،،،،
يگول الشيخ محمد طه نجف ابو مهدي وره ما تغديت بظهر ذاك اليوم نزلت للسرداب مال البيت لان بارد والدنيا صيف وخذتني غفوة وبالحلم حسيت اني ميت!!!!
اسمع اولادي واهلي بالحلم يبچون ويصيحون يابوية يابوية والجيران فزعت على بيتي وصارت ضجة بالنجف وكل الناس تصيح شيخ محمد مات واني ما اگدر احجي بس اعاين عليهم،،،
اخذوني غسلوني ودفنوني ولما كلها راحت عني بقيت وحدي انتظر منكر ونكير وحساب الخالق،،،
وحشة وخايف وضيگ ماينوصف واني بذاك الحال واريد واحد يجيني يسولف وياي ماكو،،،
يگول بيني وبين نفسي واني بالحلم اسولف وي روحي شني هاي معقوله احنه نچذب ع الناس وماكو حساب وره الموت اشو صار ثلث تيام محد اجاني،،،
يگول اسمع الناس يمي جايبين شخص چان يشتغل حمال ودفنو يمي مسافه واني اشوفه بس ما اگدر اسولف،،،
راحت الناس بعد ما دفنو الحمال واشوف مهبط الملائكة والصالحين ويبشرون ذاك الحمال ويتقربون يمه بلطف واشوف شخص لازم قلة ماي بارد وانطه للحمال وراحو عنه،،،
يگول سولفت وي روحي معقوله الصار اذا اني مرجع وعالم وتقي ومحد اجاني والملائكة هبطت على ذاك الشخص البسيط الكادح،،،
نهضت يگول ورحت للحمال وسألته انته شني وشمسوي وليش هيج الخالق انطاك كرامة ولطف بيك،،،
گاله شيخنا الله بعظمته اكرمني لان جازاني علمود شغلي من اشيل تنك الماي واترس الحب الفخاري الصاير بطريق زوار ابو عبد الله الحسين وهاي العادة مالتي من اني ازغير لان ضعيف حال وما عندي امكانية اصرف على زوار الحسين ع وقدرتي تنكات الماي اجيبهن من البير واترسهن حتى الزوار يشربون،،،،
فز من الحلم شيخ محمد طه نجف وصاح( العلماء تنقصهم الخدمة الحسينية)
وگام طلع ولزم التنكات وترسهن ماي ومن شافته الناس واولاده گالوله شيخنا خليك منهم احنه نترس الماي،،،
رفض وگال لا معليكم لازم بيدي ولو شايفين الشفته لچان محد لامني،،،،
وصارت عادة عند الشيخ بيده يترس الماي كل يوم الى ان توفاه الله واختاره لجواره،،،،
ام كوثر الخاقاني

صورة العضو الشخصيه
فـاطـمـيـة
 
مشاركات: 329
اشترك في: الثلاثاء ديسمبر 22, 2015 6:29 pm

رقم العضوية : 160080

Re: قصه الشيخ محمد طه نجف

مشاركةبواسطة أنوار فاطمة الزهراء » الخميس سبتمبر 13, 2018 4:36 pm

السلام عليكم ورحمة الله وبركاته
هنيئا له التوفيق لخدمة الحسين "ع"

أبا الفضل دخيلك

أنوار فاطمة الزهراء

صورة العضو الشخصيه
المدير الإداري
 
مشاركات: 50781
اشترك في: الثلاثاء سبتمبر 23, 2008 1:36 pm

رقم العضوية : 250

Re: قصه الشيخ محمد طه نجف

مشاركةبواسطة ام كوثر الخاقاني » الخميس سبتمبر 13, 2018 7:26 pm

وعليكم السلام شكرا لمرورج
ام كوثر الخاقاني

صورة العضو الشخصيه
فـاطـمـيـة
 
مشاركات: 329
اشترك في: الثلاثاء ديسمبر 22, 2015 6:29 pm

رقم العضوية : 160080


العودة إلى روضة القصص القصيرة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 4 زائر/زوار