واخيرااااااااااااا توصلت لكم
اللهم صل على محمد وال محمد
خلصت الاعمال من 10 ايام وماقدرت احط هنا لان مافي نت مقطوع وان شاء الله مقبوله اعمالي وعدله
المهم هذه الاعمال ولكن في عدة ملاحظات
الحرمل حقنا مشكل يعني حرمل وشبه وفي دوائر حمراء بس مااعرفه وملح اذا ماخاب ظني وماعندي الا هو وطبعا انا اذا جيت احط الحرمل احط اشوي اشوي يعني مب دفعه وحده
وثاني شئ نومي دائما مقطع وانام احيانا بالليل والنهار بنفس اليوم يعني لاتستغرب كثرة الاحلام
وثالث شئ اعمالي كلها اسويها في المغرب لكن مب نفس الاوقات لا .. مره الساعه 7 ومره 8 و هكذا يعني مب في وقت معين
ورابع شئ الاعمال انا سويتها بصاله صغيره لحالي ولكن في فوضى دخول الاهل وخروجهم من الغرفه ودائما القراءه بشكل سريع لاني اخاف يقطعون علي او ينادوني ويبغوني لشئ اليوم الاول والثاني في هذه الصاله الصغيره اما باقي الايام في غرفتي والحرمل ادور على البيت كله كل يوم على هالحال ولااذكر احلامي زين
وللعلم انا مب قادره اكتب الرقيه الشرعيه جاني نعاس شديد وخمول ومااشتهي اقراها ولااكملها او اكتبها وجلست اكتب ايه مب قادره قلت بطبعها وطلعت الطابعه مافيها حبر وقلت بكتبها بحاول مره ثانيه مب قادره وغصبت روحي وانا مب قادره لين وصلت لسور اية ال عمران كلهم وماقدرت اكمل فقلت مالي الا اللابتوب اسوي الاعمال وقبالي اللابتوب وظليت على هالحال من البدايه للنهايه اقرا من اللابتوب
وللعلم انا ارتاح للحرمل واحب اسويه يعني مرتاحه واحب ابخر البيت به وادور به
طيب نجي للاعمال :
اليوم الاول :
0عند قرائتي للرقيه الشرعيه فتور يعني مافي روحانيه ( سويت معاه حرمل بنفس الوقت لاني ماانتبهت لكلامك الا بعدين اني اسوي الحرمل بعد الرقيه الشرعيه)تفرقع الحرمل بشكل خفيف وكل مايخلص احط عليه زياده ( والشبه نستخدمها للحسد ومعرفة شكل الشخص اللي حسدنا .... وطلعت لي الشبه كان كائن على شكل حيه يصارخ ) ثم تفرقع بشكل اقوى وانا بالصاله الصغيره رحت لابوي اسلم عليه لانه بيمشي للعمل وعندي الحرمل تفرقع بشكل قوي وتطافر على وجهي وكمان في سورة الجن تطافر بقوه عند الرقيه الشرعيه وخلصتهم وجاتني الام في الخاصره اليسرى والرجل اليسرى كلها ولكنها وبعدين خفت الالام
الاحلام :
1\ مب ذاكرته زين كان احنا في حسينيه في بيت خالتي واذا ماخاب ظني احنا جالسين نقرا عزا لام البنين
وبعدين شفت روحي اصلي وجنبي اليمين اختي فاطمه واليسار اخوي عبدالله وكان احنا متلاصقين وكاني مضايقتهم والصلاه اللي اصليها خربوطه ماادري وش اقول فيها و مع الخيل ياشقرا اذا ركعوا وسجدوا اركع واسجد مثلهم حتى لو ماخلصت الكلام ويوم خلصنا عاتبوني المفروض تصلين بعيد اشوي المهم ونقوم نصلي ثانيه ونفس الشئ صليت معاهم وبالوسط كمان وملاصقه لهم
واليمين فاطمه واليسار عبدالله وهالمره تضايقوا حيل مني وعبدالله يصلي وهو معصب ويدزني بكوعه معناته روحي صلي بعيد ولكني صليت واستمريت على الرغم من ضرباته0
ثم قمت من النوم ولكن لازال الم الخاصره والرجل اليسرى قوي ثم خفيف ورجعت نمت
2\حلمت كاني نايمه وجلستني فاطمه اختي وجات من الساعه12 وهي جايه من الدمام قالت ابيك تجلسين معاي وسولفي معاي وكانه متحمسه حيلوالغريبه ماشفت عيالها وياها
وقلت لها صبري اروح الحمام (اكرمكم الله )وواسولف معاك وشفت عصافير عند الموزع واحد اصفر كناري والثاني كانه بلبل اسود المهم ودخلت الحمام ومفتوح الباب جالسه اعدل السروال عند القدم لاني رافعته ونزلته الا اسمع صوت رجال وكانه الامام علي في الموزع عند العصفورين ويقولي كلام عند الدين بس انا مب ذاكره شاللي قال فتاففت وقلت انا لله وانا متململه ( وهذا حالي في اليقظه متململه من العباده ودائما في فتور في العباده وبرود في الروحانيه مافي ) ورحت لاختي فاطمه وقالت لي انها طلعت وراحت بيت عمي بوقاسم قلت لها وشسوين من نصف الليل واصله من الدمام الساعه12 ورحتي على طول بيت عمي وجايه الساعه3 قعدت تسولف وقالت لي تصدقين ان عشاهم الساعه12 غير والساعه3 غير قلت لها شلون قالت 12 عشا للصغار (بس ماادري شنو ماشفته ) وقالت لي واحنا عشانا رمان قلت لها المفروض عشاك يصير عشا ثقيل ودسم مب رمان
وانتي توك واصله وقالت ان مرت عمي حامل بولد وفرحان حيل وقال بسميه احمد(وللعلم عنده ولد اسمه احمد في متوسط وكمان زوجته توها والد وجابت بنت عمرها 7شهور تقريبا )وقلت لها انا بس مرته توها والد وجابت بنت اسمها داليا وانا قلت شكله بيسميه علي( وهو يبي علي اذا ولد بس جات بنت داليا )وبعدين كان رحنا البيت وشفت زوجة ولد عمتي نازله من درجنا انا استغربت واطالعها وانا اقول وش جيبها هنا في بيتنا(لانها بالاساس مب ساكنه ويانا )
المهم ونزلت بتطلع فقلت انا بطلع برى في مزرعتنا اشم هواء وطلعت الا اشوف ولد عمتي زوجها انا اختبصت ورحت طبيت في مزرعتنا الا انصرع واخاف لاني شفت حيه نايمه (تقريبا متوسطه ولونها اصفر اذا ماخاب ظني )وانا خفت اجلسها طلعت فوق بهدوء الا اشوفها هي نفسها بس مذبوحه الا بعدين اختفت وصارت على شكل حشرات ميته ومقطعه الا اسمع عبدالله يقول لولد عمتي حمد انا قتلت الحيه وانا ماصدقته لان اخوي يحب يتفلسف ان هو كل شئ يعرفه ويسويه
وشافني عبدالله اخوي وعصب علي لاني طالعه وولد عمتي موجود المهم ورحت الصاله الصغيره واشوف زوجة اخوي واغراض وشراشف ولحافات كانهم نايمين فيها وجالسه تطالع اللابتوب الاندخل بسرعه غرفة الحريم لان اخوي بياكلنا لو درى ان احنا هنا وهو بيدخل ولد عمتي وهو معصب لان شافنا تونا داخلين وبعدين يدخل علينا اخوي علي وجالس بالوسط بجنبه زوجة اخوي سكينه والجنب الثاني اليسار انا ويقول لسكينه ماقالك عبدالله ان هو قتل الحيه هي قالت لا وانا قلت يعني صج وبعدين رحنا السوق ونشوف علب نفتحها ونشوف داخلها ملاعق اربع او5 تقريبا وكل العلب كذااقول لاختي وش هالكرم الزايد عند راعي البقاله ملاعق كثيره قالت اي الا وندخل قسم للاطفال ونشوف بنت عمي خاتون وزوجها يلاحقوننا ودخلنا لقسم السرير المهد للاطفال وكان جاو خواتها وشافوا مهد هزاز وكلنا ملتمين حوالي هالمهد وقالوا هذا حق فردوس اختهم (وللعلم فردوس عندها ولدين وتوها والد بالثاني وخاتون ماجابت عيال )
@@@@@
اليوم الثاني :
1\ الحلم الاول مااذكره
2\حلمت اني جالسه في مزرعة جدي القديم وبعدين سمعت اصوات تعلن عن الحرب وانا خفت بس ماشفتهم لاني هربت وبعد ماهربت لحقوني فيل اثنين صغار بس حجمهم كبير لاباس بهم وبطولي او اطول بشوي وانا خفت حيل منهم و يقربون مني وانا ابعد خايفه منهم وقربوا وشفتهم اليفين معاي مايضرون صاحبتهم في كل مكان وبعدين رحت في مكان قبال غرفه وكاني دخلت المدرسه درست حصتين من الساعه 12 الى وحده الا اسمع ان عمي ماهر مات ونصيح عليه انا واختي زينبوتقول مساكين عياله مين بيكد عليهم وشكلهم بياجرون بيتهم الجديدعشان لقمة العيش قلت لهااي وبعدين سمعنا ان عمي بوحاتم مات (وللعلم هو ميت ) وبعدها سمعنا ان عمي ابراهيم ماتوا واحنا نصيح حيل عليهم وعلى فقدهم (بس مافي نعش ولاعزا ولاشئ بس صياح ونياح )وبعدين شفت روحي بالبيت القديموجينا بيت عمتي بس بيت عمتي كانه صار بيت اماراتيين او عمانيين ماادري ودخلت وشفتهم يغنون ويرقصون ويقولون جلسي معانا بنات وشباب ومسووين روحهم محتشمات وهم مختلطين وبعدين سمعت ان كوثر اختي ماتت وانصدم حيل وانقهر واقول مب حلوه الدنيا بعدها وبعدين كاني اشوف منطقه جديده وكلها بيوت نصهم مبنيين مب مكتملين والمنطقه مظلمه ومخيف ودخلت بيت وحده ممثله بس مااعرف اسمها وفي بيتهم دائما هواش ومشاكل وكانهم يتكلمون عن قتل وماادري ايش وكاني شفت الرادود صلاح الرمضان يلحقونه ويبون يقتلونه الا اسمع مات واصيح حيل وشفته ميت وممدد على الارض ( وش سالفة هالحلم اللي كله موت وهل هو خير ام شر ؟)
وفي المغرب .... قرات الرقيه الشرعيه بدون حرمل مافي روحانيه ولاشئ بس الام خفيفه في الرجل
وبعد القراءة سويت الحرمل ودرت به على البيت ويتطافر اشوي وبعدين عادي .
الحلم في الليل \حلمت كان احنا قاعدين جميع انا واهلي كلنا جالسين ناكل حلاوه وحب (فصفص ) وبعدين اخوي عبدالله بيطلع مع زوجته وكاني حاسه بزوجته وش اللي تبي تقوله وكاني داخله منتدى واذا ماخاب ظني منتدى السيد الفاطمي واكتب عن احساسي ( وللعلم ماعندي حاسه سادسه ) وكاني اقولها ماسالتيني وقلتي وش دراك ؟ قالت لي قولي لي وش دراك باللي يجول بخاطري ؟قلت لها عندي الحاسه وجالسه اكتب هالكلام في المنتدى .
@@@@@@@@@
اليوم الثالث :
الحلم الاول \ كان صديقتي عازمتني (وهي من زمان ماشفتها )وشفتها وقلت لها عطيني شريط ( بس مااذكر شنووو) وعطتني 3 اسطوانات وبعدها وعدتها اجي يوم العزيمه المهم واحنا جالسين في بيتنا قلنا بنطلع المهم ولامداني اروح العزيمه قلت لهم طيب بس ارجع لها الاسطوانات 3واجي لكم المهم ورحت لها ( بس مااذكر اذا عطيتها اياه اولا ) وبعدها واحنا جالسين فوق في غرفتي سمعت صراخ فاطمه اختي مع عيالها حوريه وعلي لانهم يلعبون مع الديك وخايفه عليهم منه ان ينقدهم بمنقاره لانه شين وكانها في الدمام جيراننا وانا طبيت اعاونها عشان امسك عيالها هاللي يتراكضون واحد يمين وواحد يسار وصدناهم بصعوبه ويهربون مره ثانيه واختي مسكت الديك عشان عيالها يبون يلمسونه وبعدين حوريه هربت (وللعلم هي ماتمشي ولاتحبي ) الا اشوف كلب مفترس قبال حوريه كانه يطالعها بقوه ويراقب جهه ثانيه مدري وش سالفته هي تبي تلمسه بس هو بعد وانا خفت ياكلها وصرخت على فاطمه اختي الحقي لاياكلها جيبيها وجابتها واحنا مطبوعين من الماء والطين في المزرعهوبعدين رحنا نسبح وانا افسخ ملابسي وشافتني فاطمه اختي واستغربت من شئ .... المهم وبعدها قعدت ادور فوطه لاني استحيت وبعدها لبست فوطه الا دخل محمد اخوي وكانها هي جالسه تنزع ملابسها بدت من فوق وبان صدرها وشافها محمد اخوي وعادي مااستحت ولاشئ وظلت تسولف وياه بعدين طلع وبعدين(بس ماادري هذي ...
تكمله او ملخبط الحلم ماب ذاكرته زين )كاني شفت الممثل جاسم النبهان ولابس ملابس القدماء وراكب الخيل وله هيبه وملك والسلطه والمال وكانه يلاحق واحد ووصلوا عند نهر ويقول الممثل لورجعت بصحه وعافيه وشباب لااوريكم الويل الا الله نزل عليهم العقاب هو وجيشه بان ازل عليهم العذاب وهو الظلام طاح عليهم وماتوا كلهم ..
,,,,,,,,,,,,,,,
الحلم 2\حلمت كان احنا بالعيد بس ماادري اي عيد هالمره ولاول مره في بيت هدى بنت عمتي وكان بيتها كبير حيييل وجلسنا نسلم على العائله كلها المهم وجابوا عشاء شرت جاهز بس لها ولعيالها وزوجها وكاني ادور حمام (اكرمكم الله ) وكانه كلها قذره المهم دخلت وطلعت المهم وجاو عمامي واخوان زوج هدى وانا احترت ابي عباه لان عباتي مدري وين حطيتها فيه وجات خالتي وتقول جيبوا لها عباه ورحت بعيد عنهم ماسلمت عليهم وعايدت بهم المهم ويجيبون لي عباه (بس بعدين ماادري اذا سلمت وعايدت بهم ولالا ) وبعدين جلست عند العمام كلهم وبدون عباه وولد بنت عمتي محمد ولد هدى جالس يسولف معاي ومستانس بالسوالف وبعدين ناداه ابوه فقال لي وهو بيروح ودي اكمل السوالف معاك بس بروح واجي قلت له روح لابوك اول وبعدين قلت بسبح في البركه وسبحت وقلت
بروح الحمام ( اكرمكم الله )المهم وامه قالت بتعرسه الحين (وهو خاطب ومب مملك ) الا نشوف مسرح كبير
وكان مافي شئ لاحاطين مواليد ولاشئ وكان جات وحده متزينه واسمها انيسه وقال بيتزوجها لانه تعب من الخطوبه ( وللعلم بنت عمته اللي هي خطيبته الحقيقيه شيخه تدرس في امريكا ) المهم وملك عليها اللي اسمها انيسه وقالوا لهم اعلنوا الحين ان هذي زوجته والحين بنسوي العرس وكانه خايف من ردة فعل او شئ مافي على وجهه علامات الفرح بس مرتبك وخايف وسسوا العرس وجلست العروس تسبح وطلعت وبعدين جلست ادور الحمام ( اكرمكم الله ) ودخلت حمام العروس وتسبحت وبعد ماخلصت شفت خطيبته اسمها مريم (وهي اخته الحقيقيه ) جات على المسرح وجات وقالت انها فرحانه له وعندهاولد (وللعلم هو ولده الحقيقي ) قلت لها اكيد فرحانه قالت اي والخطوبه اكلمه بدون ملكه وعادي وقالي لي اشياء كثيره هذي ماتعجبني وتصرفاتي كلها ماتعجبه وبعدها تقول انا انقهرت بس بعدين عادي
......
اما في المغرب القراءة ماتغير شئ فتور مافي روحانيه
وبعدين سويت الحرمل تفرقع بشكل كبير وقوي ومرتين تطافر علي (وللعلم هالمره اضفت ملح لاني لم انتبه في موضوع الفاطمي والحرمل الا بعدين ) مافي الالام ولا روحانيه ولاشئ .
...........
الحلم 1\ مااذكره
2\الحلم كان ي العب بلاستيشن وكان داخل فيها جني يلعب معاي ولعبه فيها تحدي ومسالة موت او حياه وشفت يوم جا اللعب حق عبدالله اخوي انا جالسه العب معاه بعدي (يزيد راتبه او ينقص ...ام .... يفيه او يمرضه )مااذكر اي واحد من الخيار.
الحلم 3\كان جات لنا المغنيه اسيل في النهار عزمتها اختي فاطمه وصديقتها واكان اختي تبيها تجي بيتنا وبعدين جا محمد اخوي وفتح الكراج للسياره وجاب امي من المستشفى وهي تصيح واسيل ركضت وراحت استراحت اخوي محمد واسال امي وشفيك تصيحين ماردت علي بس ماادري شالسبب ودخلت البيت ودخل محمد الا انا اركض ابي اقوله ان اسيل في استراحتك وطلع من البيت الا شافني وقلت له وقال لحظه اخذ رقمها من اختك عشان تطلع من استراحتي واتصلوا عليها وطلعت وجات لنا وبعدين صار الليل وصرنا في بيت اهلي بيت جدي وطلبنا عشاء ورق عنب ولبنه بالجبن ودخلت الغرفه وانا ملتهفه على هالاكل اللي احبه وحولت عيوني على الورق عنب 6 صحون وكباروقمت اكل وكاني شفت وحده مااعرفها هي اختي بالحلم وتقول صبري قلت لها مافيني صبر واكل الا جا محمد وشال العشاء وعزل لاسيل قلت له اسيل مب تتعشى ويانا قال لا بتتعشى مع زوجها المهم وحطينا العشاء في الصاله وجاو اهلي ياكلون الا اسيل تجلس معاناابي اكل وياكم وتزاحمنا لها انا جنب امي ومحمد وزينب وفاطمه خواتي بوسطهم اسيل وكاانهم يقارنون بجمال اسيل وصديقة اختي فاطمه وانا اقول صديقة اختي احلى وهم يقولون لااسيل احلى وان اسيل عندها بالتوك وبهالسبب شافوها وعزموها
وبعدين اسيل تتكلم عن وحده تقول ماتصدقني اقوله انا حامل وهي تكذبني اجل ليش تسالني ....
@@@@@@
اليوم الرابع :
الام بيديني الاثنين
الحلم 1\ مب ذاكرته زين بس هو لم مضحك اشوي كانه في شغل رواتبه غاليه اللي يبيها يعطونه فله وسياره وراتب كانه 500 ريال وهي شغلة الزبال (اكرمكم الله ) كانه امراه وزوجها قالوا بيشتغلونها .
الحلم 2\ مااذكره
,,,
القراءه فيها روحانيه واشتهيت اقرا زياده (عادي يصلح اسوي اعمال بدون الرجوع اليك واذا في مواضيع عادي حددهم لي مع الفاطمي والملح مشتهييه اسويها )
والحرمل تفرقع بقوه 3 مرات والبخور زياده ..
الحلم الليل 1\لااذكر
2\ لااذكر
3\كاني اقرا قصص ومعاجز وكرامات اهل البيت ع(والحلم طويل بس مب ذاكرته زين ) وكاني جالسه اكتب قصة ناس مؤمنه وكاني شفت الامام المهدي عج وسمعته يقول لهذي الناس رد حلو (بس نسيته )وانا قاعده اقول ليش حظوا بهذا الحظ العظيم وانا ادور الاسباب ليش نالوا هالمنزله وكاني كتبت هم ناس خيرين مؤمنين ويجبتعدون عن المعاصي . وبعدين شفت واحد شايب وعلاقته باهل البيت قويه يساعد الناس وله قصص ومعاجز كثيره مع اهل البيت وكاني جالسه اقرا قصة شاب ماادري هو شخص عادي ام علي الاكبر كان الشايب يعرف كل شئ عن نفس الشاب ويعرف نفس كل انسان ويساعدهم واسمه ابوالحسن بس ناسيه عائلته كانه الكربلائي عراقي بس ماادري هو سيد ام لا وكاني شفت الغتره على كتف لونها اخضر .
@@@@@
اليوم الخامس في المغرب
قراءة الرقيه الشرعيه ( عادي مافي اي شعور لاروحانيه ولاشئ)
والحرمل يتطافر بشكل خفيف 3 مرات تقريبا
الالام بالرجل اليمنى بشكل خفيف
وجيت من العزا في نصف الليل وجلست انتظر صلاة الفجر
وشبيت حرمل ثانيه من نوع ثاني وشب بقوه وطلع ريحه كريهه
والحلم 1\ في النهار
عن مرت اخوي كانها تتعالج عن حمل وزعلانه علي وتخفي هالامر علي (مب ذاكره الحلم زين )
2\حلمت كان في بيتنا القديم شفت احد جاي لخطوبتي ناس مااعرفهم يبوني
وبعدين شفت خالي وزجته يبون يخطبوني لولدهم محمد وكانهم مصممين ومابعد نرد عليهم وبعدين شفت بنت عمي تكلم اختي بس ماادري شتقول لها (مب ذاكره الحلم زين )
@@@@@
وبعد ماسويت هالاعمال وخلصتهم من الاحد الا الخميس
جا يوم الجمعه والسبت جات لي الالام شديده في البطن
فما اادري هذي الالام الدورة الشهريه ام اسباب ثانيه انت ادرى بها بس خفت الالام في الليل حيل لاني قريت على روحي الايات والمعوذات
وللعلم هي تجيني الالام قبل الدوره بشكل خفيف وهو
شئ طبيعي ولكن هالمره الالام بزياده وكانها جايتني وهي
مابعد تجيني بس في الفتره القليله القادمه موعدها
تجيني وللعلم هي تجيني بالالام شديده قبل خفيف واذا جا موعدها الالام تزيد وتكون شديده
(والحين اليوم السادس وجاتني من يوم الثلاثاء يعني جاتني من ثلاثة ايام )
,,,,,,,,,
وهذي اعمالي كلها وبشر عساها خير وشالتفسير
في اطمئنان وراحه ام لا وفي ارتقاء روحي ام لا وش طلع معي ؟؟؟ تراني ملوله اذا طول او ماعرفت يروح حماسي واطفش قللي بالتفصيل واللي يعافيك
والان انتهيت من الدوره الشهريه في اليوم العاشر
وشكراااااا