علاج لابطال السحر ..

[عباس يا عيوني]

بسم الله الرحمن الرحيم

السلام عليكم ورحمة الله وبركاته....وكل عام وانتم بألف خير بمناسبة مولود الامام الحجه عج ..

هذا الموضوع خاص بيه بسبب وجود عمل اسود على اصحاب الدار وطلبت مني ان كل شخص بالعائلة يفتح صفحة خاصة اله واريد بكل سرور اتعالج عند حضرتك الكريمة ...

احلامي:
احلامي عادية ماعندي كوابيس ولا احلام مزعجة...بديت احلم احلام تخص العلاج الي باشرنه بي بالبداية وسردته سابقا يعني احلام تخص العلاج ومسيرته بس احلام مزعجة وكوابيس ماشكي منها

الاوجاع:

عندي وجع بالكتف والرقبة صارله تقريبا اكثر من سنتين وينزل الوجع على ايدي وفحصت سابقا كلولي اوجاع بعضلات الكتف عندي واخذت حبوب ودوا بس كانت مجرد مسكنات لا اكثر وبلشت بعلاج من قسم الفاطمي والعرفان الفاطمي والتداوي بزيت الزيتون اول يوم استعملته صار عندي وجع قوي بكتفي وكل مكان زيته بس الصبح كعدت مرتاحه والالم كلش خفيف صار عندي والحمدلله ارتاحيت حيل حيل عليه وبعدها تركته بسبب العذر الشرعي وانشاءلله استمر عليه من بعد طهارتي..

وحاليا دا تصير عندي اوجاع بقدمي الايسر ويمكن يكون بسبب عمللي لان اشتغل شوية شغل نوعا ما ثقل بي وحتى ياثر على اكتافي

عندي نحول وكسل قبل كنت اذا اريد اسوي شي او اشتغل شغلة اكملها بساع وماتعب اما حاليا يختلف الوضع مجرد ان انظف شوية احس نفسي تعبانه ويصير عندي خمول ومرات الجأ للنوم ومرات اكول لاني اعيش بالسويد فالجو دائما مغيم واظلم فيمكن يكون السبب بس هسة صيف وتصير عندي هاي الحالة ممكن تكون من الروتين اليومي الله اعلم بس عندي نحول وكسل وتعاجز وكلت لازم اذكرها...

حاليا اشتغل وراتبي جيد والحمدلله بس راتبي مابي بركة ..وكل ماريد اتقدم خطوة ارجع اراوح على نفس المكان هسة اريد على اقلها اطلع اجازة السوق ..اطير الفلوس وماحس عليها اتمنى ان احس بطعم رزقي وتعبي الي اتعبه...عمري 23 سنة وعزباء ..

كان عندي علاج سابقا بالروضة الاخرى من فترة طويلة بس ماسويته لان المواد مكانت متوفرة عندي وظروف منعتني فغلق الموضوع بطلب مني.

هذا كلشي عني ...وجزاك الله كل خير .

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
أنصح بقراءة الرقية الشرعية فقط
وأنتم على طهارة ووضوء لمدة خمسة أيام قبل صلاة المغرب بساعة ونصف أو بعد صلاة العشاء.ثبت الموضوع في روضة الكشكول الفاطمي
بعد الانتهاء من الاعمال أخبرونا عن أحوالها للتواصل معكم بمشيئة الله تعالى رب العالمين
أنصح العمل بموضوع الفاطمي والبخور بعد الانتهاء من الرقية الشرعية.مالم تشتكي من ضيق التنفس أو الربو
أنصح بدفع صدقة بنية الشفاء قبل القيام بالاعمال قربة لله تعالى رب العالمين
حفظكم الله تعالى من شر الجن والانس مع شيعة محمد وال محمد
وصل اللهم على محمد وال محمد الابرار الاخيار
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

بسم الله الرحمن الرحيم
اللهم صل على محمد وآل محمد الطيبين الطاهرين..وكل عام وانتم بالف خير ورمضان كريم والف الحمدلله على سلامتك ابتي الفاضل نورتنه برجوعك انشاءلله الصحة والعافية يارب...

اما بعد هذي نتائج علاجي...

قبل تقريبا يومين من بدء الاعمال كانت اليومين الاخيرة من الانتهاء من العذر الشرعي حلمت وكـأن أمرأة شكلها عادي بس مليء بالهم والغم وسواد جوا العيون وشعرها اذا اتذكر زين بي شيب وخصل اسود..كلتلي متكدرين وتضحك ضحكة عادية متكدرين تسوين العلاج اني ماخليج واني مكنت مهتمه الها مثل طبعيتي بالحقيقة ومصرة ان اسوي علاجي ظليت ساكته بالحلم وماجاوبتها ...

وابدي سيدي الفاضل بأول يوم العلاج ...

اول يوم ..
قراءة الرقية الشرعية اكملتها قبل صلاة المغرب بدقيقتين ومن بعد صلاة العشا بخرت لان مالحكت ابخر قبل صلاة المغرب ادركني الوقت
الاوجاع: وجع بين الضلعين صار عندي بالظبط مثل الدمار الي لزمني اثناء قراءة الرقية الشرعية
التبخير:بخرت نفسي وكل البيت وقسم من اهل بيتي وكان جيد وطبيعي
الاحلام لا يوجد

اليوم الثاني:
قريت الرقية الشرعية وصار عندي وجع بنفس المكان مع ثقل بمؤخرة الراس اثناء القراءة
التبخير :كان جيد ومريح
الاحلام:
حلمت كاتي رحت لمكان عملي ودا تكلم ويه زميلة الي عن امور العمل وبعدها دخلت وشفت كان عدنه اجتماع بسبب خلاف صاير بين موظفتين ويانه ودا يريدون يحلون الخلاف فاجتمعنه كلنه قبلها رحت لكنتوري وكان وياي 3 مفاتيح بالحقيقة اني عندي مفتاحين بس بالحلم كانن اتلاثة والمفتاح ال 3 يشبة مفتاح كنتوري بالظبط فكلت عجيب هذا منين اجا اني عندي بس 2 وانكطع الحلم..

اليوم الثالث:
وجع بمفصل الكتف بنفس المكان وصار عندي ثقل بمؤخرة الراس اثتاء القراءة
التبخير سهل وجيد كان
الاحلام...
حلمت كاني ابيت جدي رحت زيارة الهم من بعد فراك سنين وشفت بنت خالتي تشوي ارنب بس اسم الله الارنب محترك حرك شديد بحيث لونه اسود مثل الفحم وشالته للارتب وكانت تتلكم على والدها كلام يسيء اله ماكانت قابله عليه وضايجه منه..

اليوم الرابع...
سهل وخفيف جدا اثناء تأديتي الاعمال الاوجاع صار عندي ثقل بمؤخرة الراس وغزات بالكتف الايسر
التبخير كان طبيعي وخفيف ..
الاحلام ..
حلمت ابزون اسود لونه بغرفة النوم يريد يجي عليه بس اني نهضت وبأيدي وساده وخنكتها للبزون واكولها متكدريلي اني راح اكتلج متكدريلي وهيه تقاوم من جوا المخده ومكدرتلي بيها وصرت اقره ايات اثتاء خنقي الها بس ماذكر اصار بس الي تذكر اتغلبت عليها وبنفس الحلم دا اسولف الحلم لاختي الصغيرة وكلتلي عودين كوليله للسيد عليه كتلها طبعا راح اكوله بس جنت مكيفه لان البزون مكدرتلي بهاي الاثناء انتهى الحلم فشفت نفطة بيضة يم سريري صايرة من جهة راسي وبنفس اللحظة قلبت نفسي ونمت على ظهري فشقت نقطة بيضة ثانية فوك من راسي فكلت اي يعني همه موجودين بس منو ماعرف بالظبط وكنت بيها منايمة ولا صاحية صحوة كاملة يعني شقت هذا الشي باليقظة وكان باب الغرفة شوية مفتوح فشفت مثل الانوار داخلة من فتحة الباب واتذكر واحد من الانوار كان شكله بالظبط مثل خيط الشمس بس بي وردي فاتح جدا جدا فاني بيني وبين نفسي كلت منو فاتح اضوية المجاز ماكدر انام الضوا بعيني بعدين صحيت شفت ضوا المجاز الي احنه دائما انفتحه ضوا عادي جدا وبعيد عني وعرفت ان نور يشع ضارب بغرفتنه
فرحت حيل حيل اول مرة يصير وياي هذا الشي وظليت اتذكر الحلم والي شفته حتى مانساه ..وكملت نومتي شفت خالي الشهيد بمكان عملي موجود واني مكنت منتبهه وملتهيه بالشغل درت وجهي لكيته يباوعلي ومبتسم ..انتهى..

اليوم الخامس..
كان جيد وماصار عندي اوجاع والاحلام ماحلمت بشي بس التبخير كان اقوى من كل الايام بخرنه اني والدتي لان هيه ايضا تتعالج وعدها تبخير مثلي فبخرنه سوية الجمر كان كلش مشتعل ويلأللأ والطركعه مالته كانت الها شوية صوت طالع مو مثل بقية الايام وبخرنه كل مكان بالبيت..

اخر يوم من اعمالي هو اليوم الخامس بوجه الفجر حلمت امشي لو بكربلا او النجف وشايله ابن خالي الصغير حتى اودي لابوه يزور قبره بهاي الاثنااء كان فريق من الصحفيين يصورون الحياة العامة للمدينه فمن دخلت اني وجهو الكاميرات عليه وكامو يصورون 2 بيهم كان اشكالهم عادية واحد كان شكله حسن ويملك قدر من الجمال وبنت وياهم همه عراقيين بس على اساس جايين من السويد فاني كلت ذوله ليش دا يصوروني وضجت فخليت ايدي على وجهي ومشيت فرحت ويه ابن خال ثاني الي كلي خالي عباس خالي بغرفة وحده كتله شلون يعني بسرداب غير كلي اي شوفي هذا مكانه عودين مكانه صاير على شارع ويه عامة الناس والقبر مالته كان كله اسود يلمع واسمه مكتوب بوضوح عباس ابنه صار شكلع اصغر وتغير قكال ابن خالي هذا كل ميجيبو لابوه يكوم قلبه يدك ميتخمل فاخذه ابن خالي وراح فشفت ورد يبعون بصف القبر مال خالي رخت دا اشتري منهم لخالي وانقطع الحلم..

بعدها كعدت صار وفت دوامي بال 6 الصبح دخلت للحمام اجلكم الله غسلت وطلعت بهاي الاثناء نسيت شغلى دا اخذها واطلع عسريع وخليت باب الحمام مفتوح فسمعت حس واحد يمشي مشية شوية بي دكه قوية ع الارض فطلعت اريد اشوف لان ظنيت امي كعدت اني وصلت لعتبة الحمام وشفت بس خيال وعكس ع المطبخ راح مالحكت بس شفت بي خيال طلعت ماشفت احد وامي نايمة اتعوذت من الشيطان وسميت البسملة وقريت ايات ماعرف شنو هذا صار وياي بس ابد ماخفت لان عبالك حسيت راح يصير هيجي شي لهذا السبب خليت باب الحمام مفتوح ..انتهى..

هذا كل شي عني ..
شتنصحني سيدي اسوي بالخطوة الجايه.

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
ربي يبارك بكم ويسدد خطاكم مع شيعة محمد وال محمد
أنصح العمل بموضوع الفاطمي وحرز أبي دجانه .ثبت في روضة كشكول الفاطمي
كما أنصح بهذه الاعمال المباركة وأنتم على طهارة ووضوء لمدة خمسة أيام بعد حمل هذا الحرز المبارك . وأنتم باتجاه القبلة
اللهم صل على محمد وال محمد ونجنا من شر الجن والانس يامهيمن بعدد 7 مرات
اية الكرسي بعدد 7 مرات
سورة الجن بعدد مرة واحدة
سورة يس بعدد مرة واحدة
أنصح أن يقرأهذا الدعاء بعدد مرة واحدة
اللهم صل على محمد وال محمد
بسم الله الرحمن الرحيم
بسم الله وبالله سددت أفواه الجن والإنس والشياطين والسحرة، والأبالسة من الجن والإنس والسلاطين ومن يلوذ بهم، بالله العزيز الأعز، وبالله الكبير الأكبر، بسم الله الظاهر الباطن، المكنون المخزون الذي أقام به السماوات والأرض، ثم استوى على العرش، بسم الله الرحمن الرحيم ووقع القول عليهم بما ظلموا فهم لا ينطقون، قال اخسئوا فيها ولا تكلمون وعنت الوجوه للحي القيوم، وقد خاب من حمل ظلما، وخشعت الأصوات للرحمان، فلا تسمع إلا همسا، وجعلنا على قلوبهم أكنة أن يفقهوه وفي آذانهم وقرا وإذا ذكرت ربك في القرآن وحده ولوا على أدبارهم نفورا، وإذا قرأت القرآن جعلنا بينك وبين الذين لا يؤمنون بالآخرة حجابا مستورا، وجعلنا من بين أيديهم سدا ومن خلفهم سدا فأغشيناهم فهم لا يبصرون، اليوم نختم على أفواهم وتكلمنا أيديم فهم لا ينطقون، لو انفقت ما في الأرض جميعا ما ألفت بين قلوبهم، ولكن الله ألف بينهم إنه عزيز حكيم، وصلى الله علي محمد و آله الطاهرين.
اللهم صل على محمد وال محمد
بسم الله الرحمن الرحيم
يا من إذا استعذت به أعاذني، وإذا استجرت به عند الشدائد أجارني، وإذا استغثت به عند النوائب أغاثني وإذا استنصرت به على عدوي نصرني وأعانني، إليك المفزع وأنت الثقة، فاقمع عني من أرادني واغلب لي من كادني، يا من قال إن ينصركم الله فلا غالب لكم، يا من نجى نوحا من القوم الظالمين، يا من نجى لوطا من القوم الفاسقين، يا من نجى هودا من القوم العادين، يا من نجى محمدا صلى الله عليه وآله من القوم الكافرين نجني من أعدائي وأعدائك، بأسمائك يا رحمان يا رحيم، لا سبيل لهم على من تعوذ بالقرآن، واستجارك بالرحيم الرحمان، الرحمان على العرش استوى ان بطش ربك لشديد، إنه هو يبدىء ويعيد وهو الغفور الودود، ذو العرش المجيد، فعال لما يريد، فإن تولوا فقل حسبي الله لا إله إلا هو عليه توكلت وهو رب العرش العظيم
وصل الله على محمد وال محمد الطيبين الطاهرين .. مع طلب الحاجة
اللهم صل على محمد وال محمد وانصرنا بحقك وحقهم نصرا عظيما بعدد 7 مرات
أنصح العمل بموضوع الفاطمي والبخور او الفاطمي والحرمل بعد الافطار.ثبت في كشكول الفاطمي
أنصح بدفع صدقة بنية دفع البلاء والشفاء والعافية والحفظ وقضاء الحوائج قربة لله تعالى
أخبرونا مايجري عليكم بعد الانتهاء من العلاج للتواصل معكم بمشيئة الله تعالى رب العالمين
حفظكم الله تعالى من شر الجن والانس ونصركم نصرا عظيما مع شيعة محمد وال محمد
(ملاحظة مهمة) يحمل حرز أبي دجانه على الدوام بغض النظر عن أنتهاء العلاج للحفظ من كيد الجن والانس
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

بسم الله الرحمن الرحيم
السلام عليكم ورحمة الله وبركاته..وكل عام وانت بالف الف خير بحلول عيد الفطر المبارك انشاءلله من عواده الصحة والسلامة يارب...

هذي نتائج اعمالي...

اول يوم من العذر الشرعي حلمت كاني في بيت جدي ودا اسلم على بنت خالي سلمت وعانقتني بس عناقها كان يختلف عن كل مرة حصرتني حيل
وظغطت على جسمي بعناقها بحيث احس عظام جسمي كلش وجعني كتلها شداتسوين وخري عني وظلت حيل تظغط الا ان وكعتني بلكاع وظلت ظاغطه بكل قوتها واني بيني وبين نفسي كلت هاي بيها تابعه او جني اسم الله وهيه بالحقيقة سمعت قبل ان بيها هذا الشي وكمت اكول اللهم يا الله بحق محمد وعلي وفاطمة والحجة ادركوني ولا تتركوني كم مرة كررت يلا تركتني وردت انهض حتى انهزم بس بس تركتني رجعتلي وفزيت من النوم...

حرز ابو دجانه سويته اول شي وحاملته دائما وياي ....

اما اوقات اعمالي راح ابدي اشرحها...

اول يوم حلمت ان اني بغرفتي نايمة ومقابيلي اختي وكان اختي دا تستنجد بيه ان اكعدها من النوم لانها دا تضايق بالحلم مختنكه ومدا تكدر تكعد وتتلوى ع السرير وشفت عودين مثل خيال طفل عود دا يصعد ع السرير وهو الي جان يضايقها فكمت اصيح باسمها فلانه اكعدي اكعدي حتى تخلص من هذا الشي وبعدين ماعرف شصار وكمت اسولفلها الحلم بالحلم نفسه اختي نفسها ملائكة الفجر الي حاليا دا تتعالج ايضا.. وانتهى....

عند قراءة الاعمال حسيت براحة وسهولة بيها..

التبخير حسيت بوغزات خفيفه بالاكتاف وغز خفيف جدا جدا بالظهر

اليوم الثاني..

قراءة الاعمال كانت طبيعيه ومريحة

احلام لا شيء

والتبخير ايضا جيد

اليوم الثالث...

قراءة الاعمال جيده

والتبخير كان ايضا جيد

الاحلام ..مخربطة وما مفهوم شي منها

اليوم الرابع...

قراءة الاعمال مريح

والاحلام ...لاشيء

التبخير..مريح

اليوم الخامس..

قراءة الاعمال ..جيدة

الاحلام .. لاشيء

التبخير مريح وسهل..انتهى...

هذا كل الي صار وياي...


بس صارت اشياء جديدة الي من ناحية النصيب كام تجيني خطابة من اول مابديت باعمال الرقية الشرعية بس اكيد اكو الزين واكو الشين
واخر شي اجاني شخص البارحة السبت ومتحيرين بي لان منعرفه حق المعررفة فرفضناه لان مو من ثوينه مثل منكول بالعراقي
وحتى قبل جانت عندي ازمة من ناحية الماده رغم اني اشتغل وراتبي جيد بس والدي صارله كم شهر دا يقتصد واشترالي سيارة ودا ادرب حاليا وياه الي اريد اكوله ان اموري وضعيتي تحسنت هواي عن قبل...الحمدلله والشكر يارب..
وسوالي سلفة والامور تمام الحمدلله والشكر كله بفضلك سيدي ساعتدني هواي الحمدلله اموري دا تمشي تمام ودا احس بارتياح مو مثل قبل اضوج وتكأب فجأة واحس ملل مو طبيعي ...بس صارت شغلة وياي اليوم وجه الفجر كنت نايمة على ظهري حسيت مثل العيطة بأذني نوعا ما قوية وفززتني بالظبط من واحد يخرع المقابل او يفززه تعوذت من الشيطان وقريت ايات ورجعت نمت

دعواتك الي ابتي الفاضل بكلشي محتاجتها...

وشكرا جزيلا على كلشي وربي يحفظك ويخليك..

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
هذا العلاج لقضاء الحوائج بفضل الله تعالى رب العالمين
أنصح بهذه الاعمال المباركة لمدة 10 أيام وأنتم على طهارة ووضوء مع أستحباب أستقبال القبلة
صلاة من ركعتين تهدي ثوابها للرسول محمد وعترته الأطهار عليهم السلام قربة لله تعالى
اللهم صل على محمد وآل محمد بعدد 7 مرات
سورة الفاتحة بعدد مرة واحدة
سورة الكوثر بعدد 40 مرة
حديث الكساء اليماني مع طلب الحاجة
(( ثــم يتم رفـع اليــد وأنت تقـول ))
أهدي ثواب هذه الأعمال المباركة إلى سيدتي ومولاتي فاطمة الزهراء عليها السلام قربة لله تعالى رب العالمين.اللهم إني أسألك بحقك وبحق محمد وآل محمد صلواتك عليهم أجمعين أن تتقبلها مني بالقبول الحسن ولاتجعله أخر العهد مني ))

((الإستغاثــة بالسيدة فاطمة الزهـــراء عليها السلام ))

ياغياث المستغيثين أغثني بمقام فاطمة الزهراء أدركني بعدد 3 مرات
ياغياث المستغيثين أغثني ببضعة الرسول محمد فاطمة الزهراء أدركني بعدد 3 مرات
ياغياث المستغيثين أغثني بـ أم أبيها فاطمة الزهراء أدركني بعدد 3 مرات
ياغياث المستغيثين أغثني بـ زوجة حيدرة الكرار فاطمة الزهراء أدركني بعدد 3 مرات
ياغياث المستغيثين أغثني بـ أم السبطين الحسن والحسين فاطمة الزهراء أدركني بعدد 3 مرات
ياغياث المستغيثين أغثني بـ أم الأئمة المعصومين فاطمة الزهراء أدركني بعدد 3 مرات
ياغياث المستغيثين أغثني بمظلومية فاطمة الزهراء أدركني بعدد 3 مرات
ياغياث المستغيثين أغثني بحق كسر ضلع فاطمة الزهراء أدركني بعدد 3 مرات
ياغياث المستغيثين أغثني بالتقية النقية فاطمة الزهراء أدركني بعدد 3 مرات
ياغياث المستغيثين أغثني بالطاهرة المطهرة فاطمة الزهراء أدركني بعدد 3 مرات
ياغياث المستغيثين أغثني بـ صاحبة القبر المجهول فاطمة الزهراء أدركني بعدد 3 مرات
ياغياث المستغيثين أغثني بسيدة نساء العالمين فاطمة الزهراء أدركني بعدد 3 مرات
ياغياث المستغيثين أغثني بنور فاطمة الزهراء أدركني بعدد 3 مرات
ياغياث المستغيثين أغثني بشفاعة فاطمة الزهراء أدركني بعدد 3 مرات
أنصح بزيارة السيدة فاطمة الزهراء عليها السلام مع صلاة الزيارة قربة لله تعالى مع طلب الحاجة
أنصح العمل بموضوع الفاطمي والحرمل كل يوم في الوقت المناسب لكم . والافضل قبل أذان المغرب بقليل
أنصح بدفع صدقة قبل القيام بالاعمال بنية الشفاء ودفع البلاء قربة لله تعالى
بعد الانتهاء من الاعمال أخبرونا للتواصل معكم بمشيئة الله تعالى رب العالمين
حفظكم الله تعالى من سطوات وكيد الجن والانس مع شيعة محمد وال محمد ونصركم نصرا عظيما
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته...
انشالله تكونون باحسن الاحوال سيدي الفاضل هذي نتائج اعمالي

اليوم الاول..

قراءة الاعمال..

حسيت براحة وطمـأنانيه كلش عالية وكأنما شيئ انمسح على قلبي بالذات من بديت بسورة الكوثر صار عندي امل وتفاءل ..

التبخير ..

كان ممتاز وسهل باشعاله وفرقعت وطفرت وحدة قوية عليه والثانية فرقعت بغرفتنه اني واختي ...

الاحلام.. لا يوجد

اليوم الثاني..

الاعمال طبيعيه ومريحة وكان عندي اقبال عليها

التبخير ..

مريح وسهل

الاحلام ..

لا يوجد

اليوم الثالث..

قراءة الاعمال..

اثناء اداء الاعمال حستها طبيعيه بالبداية ومريحة وعند وصولي ل حديث الكساء اليماني قرئت نصف الحديث وبديت احس بنعاس خفيف الى ان اكملته ..بعدها من وصلت ال صلاة الزيارة لسيدتي فاطمة الزهراء عليها السلام اشتد النعاس وكأنما اريد اغفى على السجاده وحسيت بثقل بجسمي اثناء الصلاة ...

التبخير..

كان كلش زين وملأ البيت بكثرة بعد انتهائي من الاعمال والتبخير اتعكر مزاجي لفترة بسيطة

الاحلام ..

لا يوجد

اليوم الرابع..

قراءة الاعمال طبيعيه ومريحة كانت

الاحلام..

لا اذكر شي منها

التبخير مريح وجيد

اليوم الخامس ..

اثناء قراءة الاعمال حسيت بوغزات متتالية باصبع السبابه بالايد البسرى وظل عندي الى ان نهيت الاعمال وبعدا الاعمال بفتيرة قصيرة جدا وراح عني ..
وجع خفيف صار عندي بمفصل الكتف

التبخير..
مريح وجيد

الاحلام..

لا شيء

اليوم السادس..

قراءة الاعمال ...

صار عندي كسل وتعاجز قبل البدء بالاعمال لكن اصريت الا اسويها وما اهملها وبعدها قريت الاعمال وكانت جيدة وطبيعيه

التبخير..

كان جيد وسهل وفرقعت وطفرت

الاحلام..

مختلطة وغير مفهمومة

اليوم السابع...

صار عندي تعاجز قبل البدء بالاعمال وكسل بس الحمدلله ظليتني مصرة عليها بعدها حسيت براحة اثناء الاعمال..

التبخير ..كان كلش زين وبسهولة شعل عندي

الاحلام..حلمت كأني في بيت جدي بزيارة رايحين على اساس من السويد للعراق وسلمت على خوالي من بعد فراق طويل لكن واحد من خوالي كان دا يغير ملابسه واني دا اتكلم وياه بنفس الوقت,,, ظهر جسمه من فوق فقط وجهه ايضا ,,,جسمه من فوق مثل جسم المرأة بالظبط بس هو خالي يعني يملك صدر مثل المرأة ؟؟؟؟ورحت سلمت على خالي الثاني وكلي شلونه ووياج كتله ليش هو اني عندي احد حتى شلونه وياي
كلي راح ادزلج شلون واحد ومبتسم كان ولابس هدوم حلوة ومرتبة وشكله اضخم من ماهو عليه وكمت ابجي بعدها كتلها لامي رجعيني للسويد ماريد ابقى هنا لان خالي الفلاني ماموجود خالي شهيد ماتحمل ماشوفه وياهم هنا وكمت ابجي ..وظليت متسمرة بالحلم امشي الا ان وصلت فرن مال صمون
وشتريت منه مثل الجرك وبي كاستر ونطيتهم 25 كرون تقريبا بالعملة السويديه...وانتهى..

اليوم الثامن..

اثناء قراءة الاعمال صار عندي وغزات بسيطة بالكتف الايسر وشرود ابفكاري وبالي

الاحلام.. ايضا حلمت ان على اساس واحد كلي راح يجوج خطابه بس ماعرف منو بالظبط ماذكر ممكن الي كلي من اقاربي او غريب الله اعلم بس اتذكر هاي الحجايتين ان راح يجوج خطابة ...وانتهى

التبخير ..مريح وسهل

اليوم التاسع..

حسيت بوغزتين خفيفتين بمفصل الكتف الايسر ويه حكة خفيفه بالقدم الايمن وشرود وتفكير اثناء القراءة


الاحلام..
حلمت بأني في بيت جدي وطلعت لعتبة الباب البراني وشفت كثير من الرياجيل كاعدين واحد بصف الثاني وكلهم يقرون قرأن وكان قسم من النساء يقرن القران وامي واختي ايضا والجامع يقرأ ايضا بصوت مسموع لكني ماقبلت على امي اختي واني صرت عصبية لان يقرن وياهم ذتلهم ذوله سنه وتفاسيرهم تختلف عنه احنه الشيعه بس مهتمن وظلن مستمرات على القراءة اني تركتهن ودخلت داخل البيت انتهى...

وصارت شغلة وياي من بعد انتهائي من الاعمال لليوم التاسع ماعرف بالظبط اوصفها وهيه خلدت للنوم بس ماكدر اتذكر اذا كنت نايمة او لا وكأنما كنت بغير عالم سمعت شخص كال العجب كل العجب
مابين رجب وشعبان فشفت نفسي بمكان مثل البيت الكبير وبي 3 مسابح احواض مسابح وكان خالي من البشر
الوحيدة اني كنت بي ولابسة ثوب ابيض جميل جدا وكنت بغاية الجمال اتقربت يم المسابح اول مسبح جلست بقربه وكلت هذا شهر رجب المي الي بي صافي ولونه مابين سمائي وازرق منظره رائع وبعدهانهضت وجلست يم الحوض الثاني وكلت هذا شعبان وبصفه رمضان على
اساس شهر رمضان بس ماهتميتله وكأنما كنت منتظرة شي من شهر شعبان وظليت كاعده يم شعبان الحوض الي ينص صاير وكنت مبتسمة وتأمل بالمي ...انتهى هذا الي صار وياي بس ماعرف اني اذا نايمة او كنت احلم او شفت بالواقع الله واعلم

التبخير ..كان مريد وجيد جدا وشهل باشعاله

اليوم العاشر ..
قبل البدء بالاعمال كنت متنرفزة ومالي واهس وحسيت بالوحده واثناء قراءة الاعمال حسيت بوغزات بسيطة جدا بخلفية الراس وصار عندي خشوع ودموع عند زيارة سيدتي فاطمة الزهراء عليها السلام ..

التبخير ..كان مريح وسهل جدا

الاحلام مخربطة ولا اتذكر الكثير منها...بس كنت نايمة على بطني وحسيت مثل الشي يدبي على لحافي وبدا بتسارع بالحركة وبشدة حسيت بس ماكدرت اكعد حسيت جشمي ثكيل ورجليه ماكدر احركها وكمت اصلي على النبي واريد اقره ايات نسيت مو مثل كل مرة وبيني وبين نفسي اكول لازم اكوم لاني اختنكت ونفسي ضاق عليه وصارعندي شخير وفكرت بلكي اختي تحس عليه وتكعدني بس الحمدلله كدرت اتغللب ونهضت بسرعه بس جشمي ثكيل كان بالبداية جدا..

سيدي داتجيني فترات اعاني بيها من الوحده واكون حزينه مرة تشوفني اضحك واسولف واشاقه ومرة تشوفني كاعده وحدي واحب انعزل وومرات اكوم ابجي يمكن لان خواتي اتزوجن وصديقتي كذلك والتهن بحياتهن ولو هنه ما مقصرات وياي بس احس نفسي وحيده صرت زائدا اني اعاني من فراغ عاطفي وبالاضافه الغربة الي عايشتها ..احس نفسي مرات اصير مكروه بسبب تقلب مزاجي ونفسيتي اتمنى اتخلص من الوحده والكي الانسان المناسب اكمل بقية عمري وياه...بس ردت افضفضلك وانشاؤلله ماكون اثقلت عليكم بالكلام ..

هذا كل الي صار وياي سيدي الفاضل شتنصحني بالخطوة الجايه...بس اكو شغلة سويت الفاطمي والبخور بدل الفاطمي والحرمل لان مامتوفرة مواد الحرمل عندي ..

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
هذا العلاج نافع جدا لدفع ضرر الجن والانس, ونافع للفتح والقبول بمشيئة الله تعالى
أنصح العمل بموضوع الفاطمي وابطال السحر مدة خمسة ايام.ثبت في كشكول الفاطمي
بعد الانتهاء من الاعمال أخبرونا عن أحوالكم اثناء العلاج للتواصل معكم بمشيئة الله تعالى رب العالمين وبخدمتكم
أنصح بدفع صدقة قبل القيام بالاعمال بنية الشفاء ودفع البلاء قربة لله تعالى
حفظكم الله تعالى من كيد وسطوات الجن والانس مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته..ابتي العزيز هذي نتائج اعماالي ..
كتابة الاعمال كتبناها كل ورقة قبل يوم وطبقنه التعليمات مثل ماذكرت لنا ابتي العزيز
عند كتابة الزعفران كان بسهولة وغير متعب

اليوم الاول ...

حسيت براحة ونشاط من بعد الغسل
قراءة الاعمال
وغزات بسيطة بالكتف الايسر نزولا الى اليد منطقة الزند ..بعد الاعمال حسيت براحة وضلت نفسيتي ايجابية ومرتاحة بحيث ضحكت من كل قلبي مع الوالدة وكلتلها راح اكوله للسيد الاعمال ريحتني و خلتني اضحك ضحك من هذا ابو الدمعه كثر مارتاحيت ...الله ينطيك الصحة والعافية ويقضي حوائجك بجاه الامام المهدي عجل الله فرجه الشريف..

الاحلام ..مخربطة
التبخير..
سهل ومريح بس النار ماخفتت عدنه مثل كل مرة حتى انضيف المواد ونقره الايات عليها ابد ما خفتت مع العلم والدتي حاولت تخفتها بس مفاد وظلت تلهب فظطرينه ان نضيف المواد حتى نبخر وكثرت اكثر عند اضافه المواد وملئت البيت كان الدخان الي يطلع كثير جدا جدا..

اليوم الثاني ..
كتابة الزعفران كان عادي وقبول عندي عند كتابته
الغسل ..حسيت براحة
قراءة الاعمال..وغزات بسيطة بالكتف
الاحلام مخربطة
التبخير ..كان جيد ومريح باشعاله وريحته طيبة اكثر من كل مرة

اليوم الثالث..
كتابة الزعفران كان سهل وعادي
وقبل قيامي بالاعمال كان عندي تكاسل وتعاجزت بقيام الاعمال بس اني مصرة ان اكمل علاجي بعدها بديت بالاعمال..
الغسل ..ايضا براحة ونشاط
قراءة الاعمال..
اثناء قراءة سورة يس صارت عندي وغزات بالكتف الايسر نغزات بسيطة بالجبين وجع خفيف بخلفية الرأس واحسست بتعب عند صلاة الزيارة مع العلم مكنت تعبانه قبلها ......وكان عندي تركيز وتمعن اكثر عند قراءة القرأن الكريم.

الاحلام...
حلمت كاني في مكان عملي وكان يوم شغل عاددي وروتيني وكانو ويانه موظفين جدد ويانه بس اعمارهم سن المراهقه وصار وقت الغداء واهممنا بخروجنه الى المطبخ وبعدها جلست على ميز وكانت الشمس عالية جدا بس مو حارة ولا باردة مناسبة جدا حرارتها ,,ونورها ساطع بالمطبخ بس اكثر شي عليه دخل نورها بنص عيني بحيث مكدرت اكعد واكل كثر مانورها قوي عليه كان ولون النور يجنن ذهبي فاتح وانتهى...

التبخير جيد ومريح

اليوم الرابع...
عند كتابة الزعفران كان مريح وعادي ماتعاجزت منه او شي من هذا القبيل..
الغسل ..راحة وطمانانية

قراءة الاعمال..
حسيت بوغزات بالكتف الايمن بسيطة جدا...

الاحلام ..
حلمت كان بنية عراقية من المنطفة مالتنه اجتي علينه للبيت ورنت على جرس البيت فشفت من زرف الباب فلانه استغربت بجيتها النه لان احنه ماعدنه علاقة بيها لا من بعيد ولا قريب بعدها فتحت الباب كانت سعيده والابتسامه على وجها ومرتاحه مبين على ملامحها كلتلي احنه مسوين مولود النبي عليه الصلاة والسلام وانتو معزومين عليه هيه بس كعدة نسوان ونطتني اسم المنطقة الجديدة الي شالتلها هيه ,,وهية فعلا شالت لمنطقة جديدة بس اني بيني وبين نفسي كلت انروح احنه منرغبلهم لانهم بعثية ومنحبهم بس علمود المولد اروح ...وانتهى ..وبعدها مباشرة حلمت ان اني ابيت خالتي وكان جدي وخالي الشهيد موجودين وكان خالي مالابس ملابس بس لاف نفسه بجرجف ابيض ومتمدد ع الارض للراحة..وكاني عندي ماعون زردة ورشيت عليه دارسين ودا اكل وانتهى...

وسوينه زردة للنبي محمد عليه الصلاة والسلام استنادا للحلم الي حلمته...

التبخير ..
متعب شعلناه مرتين وطفى عدنه والمرة الثالثة شعل يلا بدا يبخر مع العلم خشب وجمر خلينه مثل كل مرة بس كان صعب اشعاله الا بالمرة الثالثة يلا شعل عدنه..

اليوم الخامس ..عند كتابة الزعفران سهل واكملته بدون ماتعب
الغسل ذان مريح وسهل واحسيت براحة

قراءة الاعمال ...
حسيت بوغزات بالكتف الايسر عند قراءة سورة يس واستمرت عندي اتروح وتجي
حسيت بتعب وصرت اتثاوب ونعست شوية عند قراءة زيارة
الامام الحجه عجل الله فرجه الشريف وبعدها حسيت بتحسن عند صلاة الزيارة صحيت اكثر...

التبخير كان مريح وسهل ..

الاحلام لا اتذكر شيئ منها غير ملامح خالي الشهيد هواي احلم بخالي الشهيد من اسوي الاعمال...

هذا كل الي صار وياي..شتنصحني بالخطوة الجاية سيدي الفاضل...

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
أنصح العمل بموضوع الاستغاثة بأم البنين عليها السلام . لمدة 10 أيام .ثبت في روضة الفاطمي وحوائج السائلين
عليكم بطلب حوائجكم بعد الانتهاء من كل ورد بخضوع وخشوع
بعد الانتهاء من الاعمال أخبرونا عن أحوالكم أثناء العلاج للتواصل معكم بمشيئة الله تعالى رب العالمين وبخدمتكم
أنصح بدفع صدقة قبل القيام بالاعمال بنية الشفاء والعافية ودفع شر الجن والانس قربة لله تعالى
حفظكم الله تعالى من كيد وسطوات الجن والانس مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

بسم الله الرحمن الرحيم
اللهم صل على محمد وآل محمد الطيبين الطاهرين..السلام عليكم ورحمة الله وبركاته
ابتي العزيز اتمنى ان تكون باتم الصحة والعافية ..انقطعت عن اعمالي بسبب العذر الشرعي.

هذي نتائج اعمالي ..



اليوم الاول..



عند قراءة الاعمال حسيت بهدوء وسكينة وعند قراءة سورة الفتح حسيت بوغزة بسيطة بخلفية الرأس وغز بالقدم الايسر وجع بالضرس وغز بالصدر وغز بمفصل الابهام مع ثقل بسيط جدا بالراس ... وبعدها استمريت بالاعمال وعند وصولي وتعمي ابصار الظالمين عنا من الجن والانس صار عندي الم بمفضل الكتف الايسر ...



وشعلت شمعه وبخور ايضا ....



الاحلام لا توجد



اليوم الثاني...



كان جيد وقراءة الاعمال كانت طبيعيه



الاحلام لا اتذكر شيء منها..



وشعلت شمعه وبخور



اليوم الثالث...



قراءة الاعمال كانت جيدة وطبيعيه



شعلت شمعه وبخور



والاحلام...



حلمت كأن اثنين من خواتي جالسات على صخور كبيرة وتجري منها مي وتحت هاي الصخور مجرى ماء فجالسات لغرض العلاج اجيت اني وشفتهن فبيني وبين نفسي قلت ان هذا المي همزين يعالج حتى اعالج رجلي اليسرى لانها توجعني ونزلت ع الصخور وخليت رجلي بالمي لغرض العلاج بس بعدها خواتي تركني وراحن واريد اصعد على الصخور حتى اطلع لفوق بس ماكدرت صحت على اختي وساعدتني بالصعود والا كنت على وشك الوقوع..انتهى.



ااتوقفت بسبب العذر الشرعي وبعدها اكملت اعمالي وهو اليوم الرابع...



اليوم الرابع..

كان عندي كسل قوي جدا وفتور عبادي وعجز غير طبيعي وعدم الرغبة باداء الاعمال لكن جبرت نفسي وقمت بالاعمال وصار عندي وغزات بالكتف عند قراءة عند قراءة اللهم صلي على محمد وال محمد وثقل بالكتف الايسر اثناء قراءة سورة الفتح بعدها نعاس خفيف ونحول اثناء صلاة ام البنين عليها السلام وكنت حزينه كلش اثناء اداء الاعمال وبكيت بوقتها ..



الاحلام..
حلمت دا اصلي بغرفة الخطار والدي ايضا اخذ السجادة وبدا يصلي لكيني استغربت جدا لان هو بالحقيقة ميصلي ...انتهى...
شعلت بخور وشمعه

اليوم الخامس..

عدم الرغبة باداء الاعمال فتور عبادي صار عندي نعاس ونحول اصتاء قراءة الاعمال..
شعلت بخور وشمعه
الاحلام ..
لا اتذكر شيء منها بالكاد اتذكر اني حلمت

اليوم السادس ..
الاعمال جيدة وطبيعيه
اشعتل بخور وشمعه
الاحلام لا شيء

اليوم السابع ...
الاعمال جيدة ومريحة
الاحلام لا اتذكر شيء
شعلت بخور وشمعه

اليوم الثامن..
اداء الاعمال اوجاع بالكتف الايسر مع وغزات بمؤخرة الرأس
الاحلام ..
كان صعب اتذكر بالظبط لكن الي اتذكره اني كنت واقفه امامكم تتكلمون وياي بموضوع لا اتذكر اي شيء منه والوقفه واقفها بهيبه عالية جدا ومبين نصف من وجهكم الكريم مثل الي بالمنتدى تقريبا ولابس غترة على رأسكم الطاهر وكنت انا اصغي واسمع لكلامكم ..وانفطع الحلم

اشعلت شمعه وبخور

اليوم التاسع كان عجز مو طبيعي وكنت تعبانه جدا فتركته وسويت اعمال اليوم التاسع بعدها بيوم

اليوم التاسع..
عدم الرغبة باداء الاعمال وفتور عبادي بعدها اكملتها
احلام..
حلمت برجل عراقي من معارفنه صديق للعائلة كان مع زوج اختي اوصله لمدينتنه وبعدها ذهب زوج اختي الى غير مكان وظليت امشي الا ان وصلت امام السيارة الي تابعه لهذا الرجل وكنت لابسة نعال اكرمكم الله لكنه قديم واسود اللون وبي شق كبير جدا وغير مناسب لقدمي كان صعب امشي بي يفلت من قدمي وكل شوية اوكف وقفت حتى اعدله وامشي على كيف فشفت هذا الرجل واقف ورائي لكن كان ما منتبه عليه...وبعدها استمريت وانقطع الحلم...

اشعلت شمعه وبخور...

اليوم العاشر...

كسل في اداء الاعمال بعدها قريت الاعمال بتمعن وتركيز احسن من باقي الايام وحسيت بنحول خفيف جدا....
الاحلام..
حلمت كأني في بغداد ذهبت لبيت السيد اسمه اياد جمال الدين سياسي عراقي ذهبتله على اساس عدنه معرفه بي فدخلني كلي هاي بغداد وكمت امشي كانها عبارة عن بناية جميلة جدا لكن صغيرة بحجمها اطلعت على الناس الي موجودين كلهم ناس سياسين ومن الحكومة وناس يعني اشكالهم مو عادية من عامة الشعب فبيني وبين نفسي كلت هاي المنطقة الخضراء المهم فرحت لبيت جدي وظليت ابجي على اماكن خالي الشهيد المكان الي كان ينام بي ويكعد بي والخ لان اني كلش متعلقه بي فدائما احلم ازور بيت جدي واظل ابجي وابوس باشيائه الخاصة بي فبعدها تخربطت من كثر مابجيت وساعدني السيد الا ان وقفت على رجليه وطلعت من المدينه ...انتهى..وكعدت من النوم سيدي دموعي ورموشي متبلله وكأنما بالحقيقة بجيت....
اشعلت شمعه وبخور...



واحب اضيف شغلة اضافية ابتي العزيز بالنسبة للرجل الي تكملت عنه بالحلم الي وصل زوج اختي وكنت اني لابسة نعال اكرمكم الله نفس هذا الرجل حاليا موجود عدنه ...اجا خطبني قبل 3 سنين لكن تعرقلت بسبب ظروفه الي مر بيها و كانت حجايه وحجى بيه عند والدي وتمت الموافقه بس ماصار عقد او شيء المهم فبعدها انتظرت اكثر من سنتين واني ماوصلني شي منه غير بس ظروفه صعبه
اعرف اخباره عن طريق بيت اختي بعد 3 سنين اجا وحجى بيه من جديد وعلى اساس ان راح يجي يخطبني رسميا بعد شهرين تقريبا اذا الله راد لكني احس نفسي مترددة من ناحيته مرة اريده كزوج الي ومرة لا ..وحدة من معارفنه عدها نور من العباس ابو فاضل عليه السلام تكولي مهبوطة عندج صدمه ومأثرة على نفسيتيكلش وحتى على الزواج مرة تريدين ومرة لا فاكول يمكن الصدمة دا تخليني اتصرف بهذا الشكل صراع ويه نفسي واتمنى اخلص من هذا الصراع وتنتهي هاي السالفه لان كولش طولت وتعبت منها....والتساهيل من الله واهل البيت عليهم السلام ان صارت او لا كلشي بي صالح...

وشغلى ثانية هذي المرة نطنتني بخور مزور من العباس ابوفاضل عليه السلام بخرت بي 3 ايام كلتلي كلش زين فبخرت بي ونطتني قطعه قماش بي تراب طاهر من الحضرة العباسية على ماظن للغسل بس بعدني ماغسلت بيها لان اريد ااعرف ان يصير او لا لاني اتعالج عندكم حبيت اسال واعرف ..؟؟؟؟؟؟؟؟؟

وهذا كل شيء عني..

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
بدل كلمة طبيعية اكتبي احوالك اثناء القراءة خشوع وراحة او ضيق او تعب او اوجاع متفرقة او فتور عبادي او ملل الى اخره
أنصح بهذه الاعمال المباركة قبل النوم لمدة 7 أيام وأنتم على طهارة ووضوء
أنصح بقراءة الرقية الشرعية المثبتة . في روضة الكشكول الفاطمي .على ماء عذب بقدر 14 قدح . وأنتم على طهارة ووضوء
بعد الانتهاء من القراءة أرجو النفخ على الماء بذكر البسملة الصلوات
من ثم تمسح به نفسك من أعلى الرأس الى أخمص القدمين بذكر قراءة سورة الفاتحة
مع بواطن الكفين والقدمين والابطين ..
أنصح بشرب قدح ماء من هذا الماء المبارك بعد الانتهاء من مسح الجسد
لايجوز مطلقا مسح الاعضاء التناسلية بهذا الماء المبارك
أنصح بقراءة سورة يس بعدد مرة واحدة
أنصح بقراءة دعاء المشلول مع طلب الحاجة
أنصح بزيارة عاشورا مع صلاة الزيارة وطلب الحاجة
أنصح العمل بموضوع الفاطمي والبخور أو الفاطمي والحرمل. ثبت في روضة كشكول الفاطمي
بعد الانتهاء من الاعمال أخبرونا للتواصل معكم بمشيئة الله تعالى رب العالمين
حفظكم الله تعالى من سطوات وكيد الجن والانس مع شيعة محمد وال محمد ونصركم نصرا عظيما
أنصح بدفع صدقة قبل القيام بالاعمال بنية الشفاء ودفع البلاء قربة لله تعالى
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي

[عباس يا عيوني]

تم الاطلاع على اعمالكم انصح باعادة العلاج كاملا ويجب بيان احوالكم اثناء القراءة والمسح والبخور والشرب لكل يوم ربي يبارك بكم واي تاخير لاعذر لكم فيه بعد الان

[عباس يا عيوني]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته..كيف الحال ابتي العزيز اتمنى ان تكون باتم الصحة والعافية ..
وهذي نتائج اعمالي..

قراءة الرقية الشرعية..
صار عندي وجع وثقل بمفصل الكتف الايسر ثقل في التنفس ثقل في مؤخرة الراس ...
اداء الاعمال..
اليوم الاول..
المسح ..كان جيد وحسيت براحة وانشراح في الصدر
الشرب..هدوء وسكينة وراحة
قراءة اعمال.. اقبال وصرار على تأدية الاعمال حسيت براحة بالبداية بعدها صار عندي شرود ذهني وزال مع الم في الاصبع الصغير وغز في الكتف الايمن وزال ثقل في مؤخرة الراس واثناء الدعاء لطلب وقضاء حوائجي بعد صلاة الزيارة على السجادة راسي داخ دوخة قوية وسريعه وزالت خلال ثواني.. حسيت بهاي الثواني فقدت السيطرة على نفسي ...
التبخير..
شعل بسهولة وفرقع جيد بالبداية وبخرت نفسي وقسم من البيت وحسيت براحة اثناء التبخير
الاحلام..
حلمت زوجة عمي السابقة اتصلت علينه وتريد تخطبني لاخوها اسمه احمد ودا تحجي عنه بس بصورة مقهورة كانت بالحلم..وانتهى.

اليوم الثاني ..
المسح كان جيد ومريح حسيت بشوية نرزفة واستعجال بصورة خفيفة
الشرب ..ريحني وهدئني وزال نرفزتي وارتاحيت بيها
قراءة اعمال..
عند قراءة سورة يس حسيت بثقل وتعب في البلعوم عند القراءة وشرود ذهني خفيف وزال تعب ونعاس خفيف
التبخير..
كان كلش زين وشعل بسهولة وبخر كثير ارتاحيت حيل وحسيت بثقل في الكتف الايسر اثتاء التبخير.
الاحلام..لاشيء

اليوم الثالث..
المسح..حسيت براحة
الشرب..حسيت ايضا براحة متواصلة
قراءة الاعمال..
قبل الاعمال كان عندي عجز بادائها وعند البدء بالاعمال حسيت براحة مع شرود ذهني بسيط وزال مع نغزات متفرقة مابين العنق واكتاف وزالت من بعد انتهائي من الاعمال مباشرة.
التبخير..
كان كلش زين فرقع بصورة ممتازة وحسيت براحة وطمأنانية وفرقع كثير على سريري .
الاحلام..
حلمت بالعراق دا اسوي طعام الي كان بتيتة وزلاطة واجا ابن خالتي يريد ياخذ من اكلي وازعجني بشقاه كان شقاه غير لائق فطلبت منه ان يبتعد عني لكن مقبل ويضحك ضحكة مو حلوة ومو طبيعيه فصرت عصبية جدا ورميت الماعون ع الارض وانكسر الماعون الى اجزاء صغيرة جدا..وانتهى.

اليوم الرابع..
المسح كان مريح وارتاحين كلش بي
الشرب..
صارت عندي حكات خفيفة ومتفرقة بالجسم اثناء الشرب وبعد الشرب وبالذات بي الاصبع الابهام مثل القرص قرصة خفيفة مع حكة.
قراءة الاعمال...
حسيت براحة وهدوء واقبال عليها
التبخير..
ارتاحيت بي وفرقع كلش هواي وملى البيت لكن بعدها واثناء التبخير كنت ممخلصة بعدني صارت عندي لويات بالمعدة ولعبان نفس وهاي اول مرة تصير وياي اثتاء التبخير..لكن العبان نفس زال بس اللويات ظلت لفترة اطول .
الاحلام..
حلمت اني في بيت جدي بالعراق وكلنه مجتمعين حتى خالي الشهيد لكن الغريب اني كنت حامل وفي بداية اشهري,..انتهى.

اليوم الخامس..
المسح .حسيت براحة
الشرب..ريحني بعد اكثر مع هدوء نفسي
قراءة الاعمال..
حسيت براحة مع هدوء مع تعب ونعاس كان عندي تعب ونعاس خفيف من البداية بسبب شغلي لكن زاد اكثر اثناء الاعمال بالذات عند وصولي لصلاة الزيارة حسيت بنعاس قوي.
التبخير..
كان جيد وحسيت براحة لكن الفرقعات كانت اخف من باقي الايام
الاحلام..
حلمت ان الشخص الي تقدملي بي العيد الصغير ورفضناه اتصل على والدتي وخبرها ان هو خطب بنية ووفرحان ومرتاخ وياها..انتهى.

اليوم السادس..
المسح ..ارتاحيت كلش بي وكأنما شي وزال عني التعب وارهاق العمل..
الشرب..راحة متواصلة
قراءة الاعمال..
كانت جيدة بالبداية وماصارت عندي الالم لكن بعد الانتهاء من قراءة زيارة عاشوراء نهضت لصلاة الزيارة صار عندي ثقل في الصدر ونعاس خفيف اثناء الصلاة..
التبخير..ريحني وفرقع بصورة جيدة وبالذات على سريري فررقع بكثرة..
الاحلام..
حلمت اني بغرفتي واختي معي كانت وطلع صوت غريب ماذكر شنو كال الصوت لكنه من طلع كان مخيف وبصورة مو طبيعيه كان عالي جدا فاختي كالت هذا جني صوت الجن هذا فكتلها اطلعي وسدي باب الغرفة لانها كانت خايفة وظليت واقفه بنص الغرفة ومنزله راسي لارض وبديت اقره ايات حتى اتخلص منه هذا كل الي اتذكره واعتقد سيدي كلتلي شغلة بخصوص هذا الشي اثناء الحلم انه جن موكل او هيجي شي والله اعلم هذي الفقرة اخيرة ماتذكرها زين ..

اليوم السابع ..
المسح كان جيد وحسيت براحة مثل باقي الايام..
الشرب..حسيت براحة وهدوء نفسي
قراءة اعمال..
اول مابديت بسورة يس صارت عندي حكات متفرقة وبالذات بالانف والساقين والوجنات كلش هواي ..
بعدها هدأت الحكات ورجعت حكة خفيفة بالانف اثتاء صلاة الزيارة
التبخير كان جيد وحسيت براحة وبخرت اكثر اهل بيتي
الاحلام لااتذكر شيء منها.

هذا كلشي عني واتمنى سيدي ماتنساني بالدعاء عندي امتحانين لاجازة السوق والخميس اول امتحان ان شاء الله انجح ..وشاكرة مجهودك وتعبك وياي الحمدلله اموري هواي احسن من قبل دا تتحسن وهذا كله بفضلكم ابتي العزيز..

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
هذا العلاج نافع جدا لدفع ضرر الجن والانس, ونافع للفتح والقبول بمشيئة الله تعالى
أنصح العمل بموضوع الفاطمي وابطال السحر مدة 3 ايام.ثبت في كشكول الفاطمي
بعد الانتهاء من الاعمال أخبرونا عن أحوالكم اثناء الاغتسال والشرب والقراءة والبخور لكل يوم
للتواصل معكم بمشيئة الله تعالى رب العالمين وبخدمتكم
أنصح بدفع صدقة قبل القيام بالاعمال بنية الشفاء وقضاء الحوائج ودفع البلاء قربة لله تعالى
حفظكم الله تعالى من كيد وسطوات الجن والانس مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي