بسم الله الرحمن الرحيم
اللهم صل على محمد وآل محمد
السلام عليك أبه ورحمة الله وبركاته
عظم الله لك الأجر بوفاة الامام الباقر عليه السلام
بيان أحوالي
اليوم الأول :
البخور ( الفاطمي و البخور ) :
فرقعة عادية .
القراءة + لبان ذكر :
خشوع
الأحلام :
عن امتحان النحو , والثاني عن جدول فيه تغييرات .
اليوم الثاني :
البخور ( الفاطمي والبخور ) :
فرقعة قوية ,’ تطاير على رقبتي وحرق .
القراءة :
حزن ,’ خشوع ,’ رغبة في البكاء
الأحلام :
لا أذكرها جيداً ,’ شي عن البحر ,’ وشي عن المسجد ما أذكر منه إلا إني أوصف بيتنا لوحدة بالنسبة للمسجد .
اليوم الثالث :
البخور ( الفاطمي والبخور ) :
فرقعة خفيفة جداً ,’ رائحة مو حلوة .
القراءة :
حزن ,’ بكاء بخشوع ,’ توجه .
الأحلام :
نسيته
اليوم الرابع :
البخور ( الفاطمي والبخور ) :
فرقعة عادية ، اختناق خفيف ، صداع خفيف .
القراءة :
خشوع وتوجه .
الأحلام :
لا أذكر
اليوم الخامس :
البخور ( الفاطمي والبخور ) :
فرقعة عادية / اختناق خفيف من الرائحة
القراءة :
توجه .
الأحلام :
أذكر منه إني أتابع التلفزيون و كأنه في مذيعة ايرانية متحجبة بحجاب أزرق ومتدرج بالسماوي وجاكيت أزرق وفي نهاية حجابها لون أخضر ’ وكنت أقول شدخل اللون الأخضر في اللي هي لابسته بس يمكن لايق وكأنه في لاعب كرة قدم اسمه محمد وجسمه رياضي بيسوون معه لقاء ,’ وأنا مادري شدخلني يبيلي أجيبه ,’ وبعدين كأنه مسوين معه اللقاء وكان يبي يروح لدولة عشان يحترف كرة القدم ,’ فماسمعت أو ما فهمت اللي قال فقلت عشان شنو ,’ فقال عشان احترف وكان شاد اعصابه ,’ وبعدين كان في وحدة ممثلة متينة حيل وتصلي ولابسة أزرق سماوي وكان كمها نص ومليان فصوص تلمع ,’ وكان هذا اللاعب يتكلم عنها بكلام يعني أنه يحبها حيل ,’ و كلامه كأنه شعر ,’ وكان واقف جنب ناس ثلاث تقريباً في نفس الصف ويطالعها من بعيد ويقول كلمات غريبة وكلما استغربت من معناها فسرها بأنها القلب ,’ وكان يقول أن اسمها القلا ويعني القلب والقلـَّة ويعني مكان القلب وكنت أتخيل مثل اللي يحطوه وراى البرغي ويلفونه عشان يمسك لونه سماوي بس شوي شكله غريب , وغيرها ماأذكر .
والحلم الثاني إني بروح المستشفى لعيوني وأبوي أخذنا لمستشفى جديد توهم فاتحينه وكان مركز متخصص بس للعيون ,’ ولما دخلنا كانت البوابات والجدران شفافة ومو عارفين من وين نمر في أي طريق ,’ وكان في مكتب للمراجعين في البداية وجهة ثانية للي توه جديد فوقفنا أبوي عند المكتب وراح يدور التسجيل الجديد من وين ويقول أنه عارف وراح مع أمي وبقيت أنا وأختي ,’ بعدين طولوا فمشيت أنا واختي وصرنا كأننا في سجن ولما شفنا أبوي عند المدخل مرة ثانية كان معصب ليش تحركنا وقلنا له أنه هذا للمرجعين فقال يدري ,’ وبعدين صار كأنه واقف عند مطعم يعتبر مدخل ,’ واللي يبي طلبات يبعد ويقرا من المعلق على طول طاولة الطلب بعدين يقرب ويطلب ,’ فأذكر أنه كان في يدي شاورما لحم ودجاج وكنت جايعة وأكلتها بدون حتى عصير ,’ بعدين مادري ليش بنطلب فكنت اقرأ واتخير بين الأكلات خاصة أن في غريبة ,’ آخر شي عصبت مي قالت لي بسرعة فقلت لها اللي قرأته آخر شي فلافل باللبنة مع أنه في فوقها شي غريب كان ودي أجربه ,’ بس كان مع الفلافل شرايح لحم فاستغربت من الفكرة ,’ وجلست على جنب ووصل طلبي وما انتظرت أحد ولا أنتظرت العصير على طول بديت آكل ,’ وكان جنب أختي كولا في علبة وفي كاس ورق وثلج فشربت نصه مع نص الفلافل ,’ ولما خلصت أمي وطلعت مع أبوي كانوا جايبين عصير منجا وماحسبوني ,’ قلت حمدالله إني شربت من البيبسي وعبرت حالي ,’ ولحقتهم ,’ واستغربت من أبوي لابس بشت أسود لما كان بيركب السيارة ,’و لما جيت أركب أمي عصبت علي ليش دست على السحر ,’ فقلت لها ما أدري أنه سحر فقالت لي ماشفتيه وهو داخل وشايله في يده , وكانت تعني أحد دخل السجن ,’ فقلت شلون قدر يدخل السجن به ,’ وما أذكر شنو صار .
اليوم السادس :
البخور ( الفاطمي والبخور ) :
فرقعة قوية قليلا وتطاير خفيف .
القراءة :
خشوع وتوجه .
الأحلام :
لا اذكر
اليوم السابع :
البخور ( الفاطمي والبخور )
فرقعة وتطاير خفيف واختناق من الرائحة
القراءة:
خشوع وبكاء وانكسار .
الأحلام :
حلمت أن بنت في المسجد تقول لي انها ضيعت مهرها في أجهزة ,’ فقلت لها حتى أنا شكلي بضيع مهري في أجهزة وجوالات وكمبيوترات .
بعدين صار مطر شديد في ليل فقلت لها صعبة عليك ترجعين بيتكم في الجو فقالت عادي ,’ ورجعت المسجد والما مليانة غيوم وبرق وكان من قوة المطر أن المسؤولة حطت كشوان النعل وانت بكرامة داخل المسجد جهة جدار القبلة واستغربت ,’ وكأن في ناس جدد جايين المسجد قبل سالفة المطر ,’ وكانوا بيصلون ومافي أحد من المشرفات الكبار ما في إلا أنا وبنت وكنا نبيهم ما يتأخرون عشان ما نتأخر على قسم الرجال ويقفلون الباب ,’ فقلت بكلمهم كم كلمة مع إني استحي من الحريم ,’ فقلت لهم ثلاث ( طلبات ) عن الصلاة ,’ أذكر الثالث أو هو الثاني مدموج مع الثالث ,’ خففوا الصلاة بس مو لدرجة تخلون فيها مو الحين ألقاكم تقرون دعاء التوسل , وقلت لهم الكلام بأسلوب لبق مو بعصبية وتأمر عليهم ,’ وكلمت اللي معاي إن كان ودي أقولهم 7 كلمات بس وانا أتكلم نسيت اللي ناوية أقوله فقلت الطلب الثالث زيادة وعلى ما أنا أتكلم لقيت بعضهم يصلون ففرحت انهم بيساعدون في التخفيف , بس استغربت أن بعضهم جالس يقرأ دعاء التوسل وكأنهم ماودهم يفوتهم ,’ والبنت اللي معاي بعد في يدها كتاب و تقراه وهي تمشي معاي .
