حبيبتي انا محتاجه مساعدتك جد احس نفسيتي تعبانه انا مطلقه ومن فتره تقدم لخطبتي رجال كنت حابه ارتبط فيه لسمعته بس ابوي رفضه لانه متزوج وانا من داخلي كنت متمسكه فيه كثير مادري ليه بس كنت مصره هالموضوع يتم وماقدرت اقنع ابوي المهم انا عرفت انه يبيني ومتمسك فيه كلمته بالجوال بدون علم اهلي وقلتله ينتظرني يمكن مع الوقت ابوي يوافق والمكالمات استمرت زوجته اكتشفت الموضوع وكانت بتشوه سمعتي رحت واعترفت لامي انصدمت من الشي اللي سمعته مني سمعتني كلام زي السم انا اعترف اني غلطت بس وربي بحسن نيه ماكنت اقصد غير الارتباط بالحلال
واختي كانت جدا قاسيه معي كل كلمه اقولها تقول احلفي ع المصحف وامي تقوللي الحسين ماراح يكون راضي عنك وعمري ماراح اثق فيك لاانا ولاخواتك
والرجال اللي كلمته انا واثقه فيه راح وكلم زوجته وتهاوش معها بس طلب من قريبته تقوللي ان كل شي بيننا انتهى هذي كانت صدمه ثانيه لي انا واثقه كثير اني يبيني بس ماادري اش معنى رده هذا عليه هو خوفه عليه او فعلا ماعاد يبيني
انا بخير والحمدلله ، اهلا بك عزيزتي عاشقة آل البيت
كيف حالك ؟ اتمنى تكوني بخير وعافية
عزيزتي اتفهم ماتمرين به كونك منفصله وهذا الامر يجعلك خائفه من ان لا يرغب
احد بك من جديد بما انك مررتي بتجربة سابقة لم تنجح وقد يلقي الجميع اللوم عليكِ ،
وهذا الامر يخليكِ مندفعه لمجرد ان يتقدم اي رجل لك حتى لو كان لايستحقك ..
عزيزتي تأكدي ان اهلك يبغون لك الافضل وينظرون للمسقبل بعد 10 -20 سنة وليس
بعد سنه او سنتين .. وقرار الارتباط يجب ان يكون بدراسة وتأني فهذه حياة وليس عمل
تستطيعين تركه في اي وقت والحصول على غيره في حالة لم يناسبك ..
ومن بعد التجربة التي مررتي بها يجب ان تكوني أكثر تأني في اتخاذ القرار بشأن الزواج وأكثر حرص
على حياتك المستقبلية من أهلك ..
طلب من قريبته تقوللي ان كل شي بيننا انتهى هذي كانت صدمه ثانيه لي انا واثقه كثير اني يبيني بس ماادري اش معنى رده هذا عليه هو خوفه عليه او فعلا ماعاد يبيني
الاثنين عزيزتي ..
هل تعتقدين انه بيرجع يتقدم لك بعد ما عرف اهلك انك تكلميه بالتلفون ؟
اولا اهلك ما راح يرضون لنفس السبب السابق وهو لأنه متزوج بالأضافة الى انه كلمك بالتلفون من ورى اهلك
وهذا الشيء ماراح يخلي اهلك يثقون فيه
{ وهذا واضح بالنسبة له ولهذا السبب ما راح يتقدم وهو عارف ان اهلك ينظرون له بنظرة الغير كفؤ }
بالأضافة الى مكالمتك معه بالتلفون وبعد ما عرفت زوجته وهذا الشي سبب مشاكل بينهم وعدم ثقة زوجته فيه
هل تعتقدين انه يفكر يرتبط بأمرأة تسببت في زعزعة الثقة بينه وبين زوجته ؟
حتى لو كان ناوي يتزوج عليها ! ان يتقدم من الباب يختلف من اذا يكلم بنت من دون علم اهلها ..
طريقة تعاملك مع موقف رفض اهلك والبحث عن رقمة ومكالمته ..حتى لو تجاوب معك في البداية
فهذا الشيء يخليه يفكر (شنو اللي يضمن انك ماسويتي هذا الشي مع شخص آخر غيره ؟) يعني ماراح يكون واثق فيكِ
مثل ماتسببتي باندفاعك في عدم ثقة اهلك فيكِ ..
:
ولكن عزيزتي اطمئني تقدرين تستعيدين ثقة اهلك فيك لما تفكري زين وماتتسرعي في اتخاذ اي قرار
المطلوب الحين منك عزيزتي ان تنسي موضوع الرجل اللي تقدم لك وتنتبهي لنفسك ومستقبلك
طوري من نفسك وذاتك ولا تجعلي الزواج محور اهتمامك والسبيل الوحيد للسعادة ..
عزيزتي هل بالأمكان ان توضحي لي بعض الامور لأساعدك في تطوير ذاتك ..
- كم عمرك ؟
- كم عمر زوجك السابق وما اسباب الانفصال ؟
- كم دام زواجك ؟ وهل كانت الخطبة تقليديه ؟
- مامستواكِ الدراسي ؟
- هل تعملين أو تدرسين ؟
- ماهواياتك واهتماماتك ؟
- كيف تقضين يومك ؟
يعطيك العافيه ياقلبي ومشكوره ع انك بتساعديني
بقولك شي وبصراحه انا مو مندفعه بمشاعري بالعكس عمر موضوع الزواج ماكان يعنيلي بس من تقدم هالرجل لخطبتي اكثر من مره وابوي يرفض حسيت انه متمسك فيني ويبيني ومكالماتي معه كانت بريئه بس انه راح لشيخ وقاله اقرى زيارة عاشوراء اربعين يوم وتعالي وانا بروح معك نطلبها من ابوها
زوجته مايبيها لاسباب كثير الناس كلها تعرفها اولها واهمها انها مريضه نفسيا ماتقدر تكون جنبه ابدا
ادري لازم يكون تفكيري بالزواج بتاني اكثر وادري الحياة مع حرمه ثانيه صعبه بس والله العظيم كل مادعيت ربي احس اني متمسكه فيه اكثر
ولو كان يبي يتسلى كان يقضي المكالمه بكلام حب ودلع هذا انسان متدين وحسيت اسلوبه بالكلام ذوق
وربي عمري ماغلطت ولاكانت لي علاقه مع احد غير طليقي كنت اقضي اخر الليل ع سجادتي واقرى التوسل او حديث الكساء او القرآن وهذا اللي صدم امي فيه
كم عمرك ؟
25
- كم عمر زوجك السابق وما اسباب الانفصال ؟
تزوجته عمره 30 وعمري 21 اسباب الانفصال امه وشخصيته ضعيفه جدا
- كم دام زواجك ؟
وهل كانت الخطبة تقليديه ؟
3 شهور بس خطبه تقليديه
- مامستواكِ الدراسي ؟
ثانوي
- هل تعملين أو تدرسين ؟
جالسه بالبيت
- ماهواياتك واهتماماتك ؟
احب اقرى كثير
- كيف تقضين يومك ؟
بين عبادتي واوقات قليله المطبخ او بزيارة الجيران
صعب انساه الفرق بينه وبين طليقي كبير طليقي كان حتى صلاه مايصلي اسلوبه معدوم
امس زرت الحمزه عم رسول الله ودعيت وبكيت حسيت ان قلبي تعلق بهالرجل اكثر من قبل اقسملك بالله واثقه من محبته لي وعندي احساس كبير انه بيجي يوم ونجتمع وحتى الكلام اللي قالته قريبته طلعت تكذب عليه عشان ماتبي قلبي يتعلق فيه خافت اننا مانتزوج اليوم تاكدت
بس ابي منك تساعديني كيف ارجع ثقة امي فيه صارت تعصب عليه كثير وتكره جلستي ع الجوال خواتي اذا كلمو الجوال يروحون بغرفه لحالهم الا انا تقوللي صرت اخاف منك[/align]
حبيبتي اعذريني ادري كلامي كثير بس من شوي امي جلست معي وصارت تدعي عليه وانا والله العظيم كانت نيتي سليمه والله كلمته بنية انه ان شاء الله بالمستقبل بنرتبط
امي كانت ثقتها فيه جدا كبيره الحين حتى نظرتها تذبحني حاولت اقنعها كلمتها احسها كارهتني البنات يغلطون واهلهم يسكتون وامي بس مكالمة اسبوعين وبريئه وجات بعد خطبه رسميه كرهتني
طول عمري شخصيتي قويه ودايم يقولولي تفكيرك اكبر من سنك والله مابي الغلط بس ارتحت لهالانسان كثير رحت للرسول والزهراء واحس ان قلبي يتعلق اكثر احساس اول مره احس فيه
انا بين نارين امي اللي فقدت ثقتها فيه ودعاويها عليه تخيلي تقوللي اعمالك الله مايتقبلها وربي اكتبلك ودموعي ع خدي ونار انسان قلبي تعلق فيه وابي ارتبط فيه حتى الشيخ مدحه ومدح اخلاقه وكل اللي حوله ورفض اهلي ماني متقبلته وهو مااستغل مكالمتي بشي مو زين بالعكس دايم يحسسني انه متمسك فيه ويروح يزور ويدعي اننا نرتبط
امي بس خايفه لو الناس درو اش يقولون عننا
قوليلي صح مكالمتي له حرام؟؟
من حقي اختار اللي برتبط فيه؟
خذي راحتك عزيزتي عندما تشعرين بالضيق تستطيعين الفضفضه هنا..
..
من حقك عزيزتي اختيار شريك حياتك ولكن لايمكن تجاوز الاهل خاصة بالنسبة للفتاة
عزيزتي انصح بالصبر والابتعاد عن الكلام بالهاتف وحدك ليطمئن اهلك بانه لا شي بينك وبينه
واقطعي اي تواصل بينك وبين الرجل عسى الله يفتح لكِ ويسهل الأمر ..
واستمري بالدعاء فإن كان لك نصيب معه إن شاء الله تتسهل الأمور وإن لم يكن لك نصيب معه
فالله أعلم بما هو صلاح لك ..
وماتفعله والدتك من دعوات على الرجل بسبب غضبها مماحصل .. تستطيعين في هذه الحالة
عندما تسمعينها تدعي ان تشاركيها بـ (آمين) ولكن بنية ان تكون الدعوة لأعداء اهل البيت عليهم افضل الصلاة والسلام
وابتسمي بوجهها (بحيث تجعليها تفهم من ابتسامتك ان رأيهم هو الصحيح) .. فهذا يطمئنها
عزيزتي لاتكوني عاطفية جداً كي لايتفطر فؤادك الرقيق ..
كون الرجل تقدم لعدة مرات لايعني ان يكون متعلق بك قد يكون لأسباب أخرى الله أعلم بها ..
حبيته ولليوم عندي امل اني برتبط فيه
ابي منك شي واحد بس تدعيلي الله يكتبه من نصيبي
انسان مهتم بامور دينه مايترك زيارة الاربعين ذوق في تعامله الكل يمدحه بديانته واخلاقه
مع انه زوجته مهملته مارضي يطلقها قال اخليها عشان عيالها وارتبط بغيرها
بس ابوي الله يهديه
انا واثقه الله واهل البيت مايخيبوني دايم اروح ازور الرسول والزهرا واتوسل وادعي
