محتاجة مساعدتك...

[أم حسن1]

اللهم صل على محمد وآل محمد الطيبين الطاهرين
السلام عليكم ورحمة الله وبركاته

اختي العزيزة الله يوفقج على فعل الخير والله ينطيج الصحة والعافية والقوة ويرزقج ياطيبة

حابه ارتاح واريد المساعدة منج..

اني متزوجة صارلي سنة و8 اشهر وصار عندي ولد وعمره 6 اشهر بداية زواجي جان زوجي زين وياي بس ورة 3 اشهر من زواجنة صار يطلع هواية وية اصدقائه صار كل يوم يطلع واني كمت اضوج وكعدت وحجيت وياه وكتله اني حابة نطلع سوية اني وياك وابنة نطلع طلعه عائلية اريد صار عصبي ويكلي انتي مو تمنعيني من الطلعة وتفرضين رايج عليه واني والله بوقته بكل لطف جنت اناقشه واني كتله اني ماعندي هل طبع انو احب السيطرة او افرض راييه بس اني حابة نطلع سوية كعائلة كمت احس صديقه صار مثل ضرتيةبس هو صار ميفهمني ويعاند ويطلع وياهم ومن اكله طلعنة ميقبل يحب يكضي وكته بس وياهم وانطيج مثال اذا ردنة نطلع افرح كلش واشكره واكله الله يخليك وينطيك الصحة والعافية وبعدين يكلي بس فلان من اصدقائي يجي ويانة هل هذا معقول؟؟؟ وكام يتكرر هل شي كل مياخذني نطلع لازم صديقه ويانة اني انقهر بالزايد ولمن احجي وياه تصير مشكلة بيناتنة ويضل يكلي بكيفي اسوي الي يعجبني ومرات اكله مثلا ليش بس تطلع وياهم ومتخصصلي وقت اني والطفل يكلي انتي تغارين مني لان اني عندي اصدقاء وانتي ماعندج وبعدين من نتصالح يكلي مجنت اقصد اتصوري اني حالتي النفسية كامت تتعب كلش اعصابي منهارة من التفكير وانقهر من كلماته

هو مدلل كلش وبعده لهسة بداية شبابه يعني الي قاهرني مدا يحس بمسؤولية بيته يا اختي بالبيت يضل يصيح علية اذا ابني بجة شوية اكله شيله ساعدني حتى اكمل تنظيف اكمل الطبخ يكلي هذا مو شغلي هذا شعلج وتضلين شايلته وتشتغلين واني اتعب بالزايد نفسيتي جدا تعبانة ما اعرف شاسوي مشاعره باردة اتجاهي اكله ليش انت هيج يكلي اني هذا طبعي بارد يدخل البيت ميسال علية يدخل يكعد يتفرج على التلفزيون وهو ميشتغل لان مدا يلكي شغل ودائما من افتح نقاش ننهي بخلاف لان هو يفكر شكل واني افكر شكل واكله اني احتاجك احسك بعيد عني يكلي شتريدين اسويلج اني مو عاطفي وما احب هاي الشغلات جنت اعتقد راح اعيش حياة زوجية حلوة حب وود واحترام بس كل هل شي مموجود ومن احجي وياه مثلا اكله اقترح انو يكون هيجي يضل يكلي امي من يمي وانتي شنو جاية تفرضين كلمتج علية يا اختي العزيزة كلمة اقترح تختلف عن اريد اني ما اكدر اناقشه لانه ميفهمني ومن ميفهمني يقهرني اني حالتي النفسية تسوء بالزايد لدرجة الطم على راسي اقطع شعري ابكي مثل المخبلة احس اني عايشة بتعاسة شاسوي ساعديني الله يخليج

اعتذر منج على اطالتي

واشكرج على سعة صدرج وسماعج الي

مشكورة يالطيبة وربي يجعلها بميزان حسناتج

[.:تقوى:.]

وعليكم السلام والرحمة
اهلا بك عزيزتي البتول الحبيبة وشكرا لثقتك
كيف حالك؟ اتمنى تكوني بأحسن حال..

شكرا لدعواتك الطيبة مثلك عزيزتي والله يرزقك انتي بعد على قد نيتك ( :

عزيزتي آني بخدمتج فضفضي بُكل شي والله يقدرني وآساعدج حبيبتي

( شرايج أعرف احجي عراقي ؟ مو تضحكين عليّ اختي هاااا ( : )

نجي الى مشكلتك عزيزتي البتول ..
احتاج منك بعض المعلومات لأستطيع مساعدتك على اكمل وجه ..

- كم عمرك وعمر زوجك ؟
- المستوى التعليمي لك ولزوجك ؟
- مكان السكن : سكن خاص أو مع أهل الزوج ؟
- هل لكِ صديقات ومعارف قريبين من مكان سكنك ؟
- ما هواياتك واهتماماتك وكذلك الزوج ما هواياته واهتماماته ؟


عزيزتي في بداية الزواج يكون الرجل مشغوف بزوجته مثل اللعبة بالنسبة للطفل ..

تلاقينه يفرح بيها ولا يحب احد يشاركة لعبته الجديدة ومع مرور الوقت يمل منها !

حتى مايمل الطفل ما نعطيه اللعبة طوال الوقت ..

المعنى عزيزتي لاتكوني دائما متوفرة لزوجك ودائما تنتظريه هو يجيك .. وجودك

طوال اليوم معه وخاصه انه مايشتغل يشعر بالملل منك ! ( كل الرجال بهذا الشكل مو بس زوجك)

طيب شنو تسوي البتول حتى تخلي زوجها يرجع يهتم بيها وما يمل منها ؟؟

انتظر اجوبتج حتى اقدر اساعدج بشنو تسوين لترجعي اهتمام زوجك فيج من جديد ..

كما اتمنى عزيزتي تبحثي عن كتاب ( الرجال من المريخ ، النساء من الزهرة )
فهو يعرفك اختلاف طريقة التفكير لدى المرأة والرجل ويساعدك على فهم الرجل بشكل أفضل
وكيف تتعاملين معاه .. الكتاب ممتع جداً وشيق تقدرين تلقينه بالنت ..

ياعزيزتي طولي براحتك ماراح انزعج ابداً مهما طولتي ( :

اهتمي بنفسك
وكوني بخير
دمتي بحفظ الله ورعايته

[أم حسن1]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته

وعليكم السلام والرحمة
اهلا بك عزيزتي البتول الحبيبة وشكرا لثقتك
كيف حالك؟ اتمنى تكوني بأحسن حال..
بخير حبيتي بشوفة ردج الي يثلج القلب

شكرا لدعواتك الطيبة مثلك عزيزتي والله يرزقك انتي بعد على قد نيتك ( :

عزيزتي آني بخدمتج فضفضي بُكل شي والله يقدرني وآساعدج حبيبتي

خادمة ربج والرسول وال بيته يا طيبة انتي هديه من الله عزوجل
( شرايج أعرف احجي عراقي ؟ مو تضحكين عليّ اختي هاااا ( : )

ما عاش الي يضحك عليج بس الحمدلله تعرفين حتى تفهمين علية ههههه
نجي الى مشكلتك عزيزتي البتول ..
احتاج منك بعض المعلومات لأستطيع مساعدتك على اكمل وجه ..

- كم عمرك وعمر زوجك ؟
عمري 23 وهو 23 سنة- المستوى التعليمي لك ولزوجك ؟
ما كملت الاعدادية وصلت للمرحلة العاشرة وهو المرحلة التاسعة كمل متوسطة- مكان السكن : سكن خاص أو مع أهل الزوج ؟
نسكن بالسويد اهل زوجي بالعراق ماعنده احد هنا غير بس اني ويعتبر اهلي همة اهله - هل لكِ صديقات ومعارف قريبين من مكان سكنك ؟
ما عندي ابد لم اجد الصديقة المناسبة بس اختي الجبيرة اعتبرهة صديقتي بس ما فارغتلي لان عدهة اطفال وبيت دائما مشغولة- ما هواياتك واهتماماتك وكذلك الزوج ما هواياته واهتماماته ؟

هوايتي الخياطة والحلاقة النسائية وعمل المعجنات والحلويات اهتماماتي الكتابة بس لاني ضعيفة بالقواعد اتركها واتفرج تلفزيون وية زوجي
هوايات زوجي السباحة ولعب كرة القدم وصيد السمك واهتماماته الخروج وية اصدقائه لعب الطاولي والبليارد التفرج على التلفاز

عزيزتي في بداية الزواج يكون الرجل مشغوف بزوجته مثل اللعبة بالنسبة للطفل ..

تلاقينه يفرح بيها ولا يحب احد يشاركة لعبته الجديدة ومع مرور الوقت يمل منها !

حتى مايمل الطفل ما نعطيه اللعبة طوال الوقت ..

المعنى عزيزتي لاتكوني دائما متوفرة لزوجك ودائما تنتظريه هو يجيك .. وجودك

طوال اليوم معه وخاصه انه مايشتغل يشعر بالملل منك ! ( كل الرجال بهذا الشكل مو بس زوجك)

كلامج صحيح
طيب شنو تسوي البتول حتى تخلي زوجها يرجع يهتم بيها وما يمل منها ؟؟

انتظر اجوبتج حتى اقدر اساعدج بشنو تسوين لترجعي اهتمام زوجك فيج من جديد ..

كما اتمنى عزيزتي تبحثي عن كتاب ( الرجال من المريخ ، النساء من الزهرة )
فهو يعرفك اختلاف طريقة التفكير لدى المرأة والرجل ويساعدك على فهم الرجل بشكل أفضل
وكيف تتعاملين معاه .. الكتاب ممتع جداً وشيق تقدرين تلقينه بالنت ..

ياريت اتمنى احب القراءة واذا لكيته راح اكول لزوجي عنه لان يحب يقرة
ياعزيزتي طولي براحتك ماراح انزعج ابداً مهما طولتي ( :
تسلمين ياطيبة يوفقج ربي ويهنيج بحياتج ويرزقج ويرزقنة وجميع المؤمنين شفاعة محمد وال بيته الاطهار
اهتمي بنفسك
وكوني بخير
دمتي بحفظ الله ورعايته

راح اكلج الصراحة اني من حبلت الى بعد الولادة نفسيتي بدءت تتعب وصرت نكدية وهيج كله من الكابة الي بداخلي لان النكد مو طبعي بالاخص من بعد الولادة حسيت اني صعب اوازن بين الطفل والبيت صارت المسؤولية اصعب لان على طول شايله ابني ومينام صاير من وره سنونه وزوجي ميقبل اتركه على الارض يلعب ينقهر عليه ونبدء مشاجرات على هل شي لاني اريد اكمل شغل بيتي والطبخ وهو يتعارك وياي ويكلي شيليه يعني لا يساعدني يشيله هو ولا يقدر اني اتعب بالزايد وما اطلع من البيت غير اروح بس لاهلي بنفس المنطقة واروح بالاسبوع مرة او مرتين تعودت على جمعة الاهل قبل الزواج وبعدها من تزوجت صار يطلع ويتركني وحدي كمت احس بالوحدة هو المدينة الي احنة عايشين بيهة صغيرة كلش بيهة يمكن 10 محلات للتسوق وما بيهة اماكن ترفيه الة نروح غير مدينة والحالة المادية متسمح نروح لغير مدينة زوجي ماعنده شغل عايشين على البلدية ناخذ راتب يكفينا اكل وشرب والحمدلله والشكر واتمنى ازور العراق حتى اهله يشوفوني لان همة ابد مشايفيني تزوجنة هنا بالسويد واتمنى انروح حتى ازور اهل البيت عليهم السلام حتى نفسيتي ترتاح وهو وعدني ان شاء الله نروح بالشتا
اعتقد المشاكل من اني مدا اسيطر على الطفل والبيت بنفس الوقت وهو ماعنده شغل وكاعد بالبيت فتخلق المشاكل
وهو كلي اذا تحبين روحي طبيبة نفسانية حتى ترتاحين بس كتله هنا سويديين مايفهمون علية حتى لو جانت لغتي قوية بس ميفهموني مثل الطبيبة النفسانية العربية وانتي اجيتي بوقتج الله يحبني التقيت بيج والله يوفقج ياربي لفعل الخير وربي يريحج بحق ام البنين مثل ما ريحتيني وريحتي غيري
والسلام عليكم ورحمة الله وبركاته

قالولي العلاج افضل الج في هذا المنتدى لاني اشكو من التابعة واعتقد هذا ايضا سبب وانام لم افعل بالنصيحة لان ما اعرف شنو الي بية كانو شي يمنعني

[.:تقوى:.]

وعليكم السلام والرحمة عزيزتي البتول

...


بس احب انبهج الى شي .. انتي مو بحاجة الى طبيبة نفسية

لأن الاعراض اللي عانيتي منها نتيجة الحمل والولادة وهذي كل أمرأة تمر بنفس اللي مريتي فيه

والشي الآخر اني عزيزتي مو طبيبة نفسية بل مرشده اسرية

الطب النفسي عزيزتي يختلف عن الاشارد النفسي والاسري والاجتماعي

احنا نعتمد بعلاجنا على تصحيح السلوك( العلاج المعرفي السلوكي)

بينما الطب النفسي يعتمد على الادوية والعقاقير فقط

..

اعذرين كتبت رد اطول مني وانمسح

انتظريني بكره راجعه لج

[.:تقوى:.]

عدنا ..

كيف حالك عزيزتي البتول ؟ اتمنى تكوني بأحسن حال..

عزيزتي بالنسبة للدراسة حاولي اكمال دراستك اذا وجدتي فرصه

وزوجك شجعيه بعد يكمل دراسته اذا لقه فرصه .." العلم نور وسلاح"


س: ماكو عراقيين قريبن منكم بنفس المنطقة ؟ أو فعاليات دينية او انشطة
خاصه بيكم انتوا العراقيين او الجالية العربية تتجمعوا بيها ؟
اذا كان اكو عزيزتي حاولي تتعرفي على بنات وتكوني صداقات جديدة
فالانسان عزيزتي بحاجة للصديق والصاحب وبما انك احيانا تحتاجين للفضفضه
فانتي بحاجة لصديقه تفضفضي لها أو تحجي وياها عن يومك وشنو سويتي
لن المرأة بطبعها تحب الحجي ( ثرثارة) ( : لهذا الشي هي بحاجة لصديقه
تكلمها ، وكون الرجل يفضل الصمت ..

اما بالنسبة لهواياتك عزيزتي ، باين عليكِ موهوبة وعندك قدرة على التعلم بسرعه
استغلي هوايتك عزيزتي في مشروع تنمي فيها موهبتك وبنفس الوقت تربحي منه
حتى يساعدكم بحالتكم المادية وتحسنها ..

وحتى تنمي موهبة الكتابة عندك عزيزتي أقرائي حتى تتحسني بالقواعد وفن التعبير ..

واما زوجك شاركيه هواياته فهذا يقربك له أكثر ويشعر باهتمامك فيه ، اطلبي منه
ان تشاركيه مثلاً بصيد السمك ..

عزيزتي زوجك مازال شاب صغير وكونه مايشتغل فيقضي وقت فراغه مع الاصحاب
وامور التسلية .. لكن لما يشتغل إن شاء الله راح يتبدل كل هذا وراح تلاحظي تحمله للمسؤلية
افضل عن السابق ..

شي جميل وممتاز انكم انتوا الاثنين عندكم حب للقراءة ، راح افيدكم ببعض الكتب ابحثوا عنها
انتوا الاثنين وتشاركوا بقرآتها وتبادل المعلومات ..

- كتاب أنت لا تفهمني (بربرا)
- كتاب لاتهتم بصغائر الأمور (للمتزوجين حديثا) ريتشارد كارلسون
-الأحرف الأبجدية للسعادة الزوجية (جاسم المطوع)
- موقع بلاغ
- موقع الأسرة السعيدة (للدكتور جاسم المطوع)
-موقع شبكة المعارف وابحثوا عن موضوع (آداب الزوجين)

ركزي في كل مره على كتاب او موقع حتى ما تتلخبط الافكار عندك وبأمكانك تطلبي من زوجك
يقرأ لك الكتاب وهو على النت اذا عندك صعوبه بما انك أم ان تبقي فترة طويلة على الجهاز ..
وهذا يساعد على المشاركة بينكم وتقارب الافكار ..

[.:تقوى:.]

نأتي لطريقة الطلب ..

عزيزتي الزوج لا يتقبل ان تطلبي منه شي بصيغة الأمر (أفعل هذا ، افعل كذا)

مثل لما طلبتي منه يساعدك في اخذ الطفل تذكرين شنو قلتي له ( شيله ساعدني ..)

حتى يساعدك زوجك ويلبي طلبك غيري صيغة الطلب الى ( هل يمكن أن تساعدني ، ها تستطيع مساعدتي)

مثل تطلبين منه ( ممكن تشيل الطفل الى ان اخلص شغلي ؟)

أو ( تقدر تشيل الطفل عني شوي حتى اخصل شغلي ؟)

واستخدمي طريقة طلب ( اللبنانيات والسوريات)

(ازا بدك / ازا بتريد/ ازا فيك ..)

ودمج كلمات غزل او حب مع الطلب
( تفضل ياعمري/ أمرك ابن عمي /تؤبرني ممكن تساعدني ..)

هاي الكلمات عزيزتي تساعد على ان يتقبل الزوج طلبك برحابة صدر وبكل سرور

ولاتنسين عزيزتي كلمات الغزل والحب في البيت لما تنادينه واذا تدلعينه بأسم خاص بينك وبينه

جدا ممتاز .. كلامك بهاي الاسلوب يعلمه يكون رومنسي ويتعود على الكلام الحلو والحب ..

:
بالنسبة عزيزتي للطلعه قولي له انك تتواصلي مع اخصائيه نفسية

واني نصحتك تطلعين الى اماكن مفتوحه (البحر ، حديقة ، بستان..)

فهذا مفيد لك ويساعدك على التفاعل الاجتماعي وهدوء الاعصاب

اما بقائك بالبيت وعدم الخروج او الاختلاط بالناس ممكن يؤدي الى امراض نفسية لاسمح الله

مثل ( الرهاب او الاكتئاب ) ..


وياريت تكون الطلعه خاصه انتي وزوجك بس والطفل طبعاً ( لاتنسينه وبعدين تقولين تقوى قايلة لي ( :

طريقة اخرى : ممكن تنظمين فسحه مع الاهل (عائلية) اهلك واختك وزوجها وزوجك على غداء او عشاء

في بستان وعلى البحر ومنها تمشي معاه وحدكم ( :


*

لو طلب مره من المرات يكون صديقه موجود معكم لا تعارضين لكن اطلبي يدعوا اهل صديقه
حتى تتعرفي عليهم ويحس زوجك بأهتمامك بأصدقائه وانك مو ضايجه منهم ..


خبريني عزيزتي بما يستجد معك

واهتمي بنفسك
حفظك الله

[أم حسن1]

اللهم صل على محمد وآل محمد الطيبين الطاهرين
السلام عليكم ورحمة الله وبركاته

شكرا على التوضيح وصلت الفكرة عزيزتي اعتذر لعدم فهمي ظنيت انك دكتورة نفسانية بس مع هذا انتي ارحتيني بكلامك والحمدلله هو قلبه طيب ويحبني بس المشكلة انه في بعض المرات مايفهمني مثلا اني افكر شكل وهو يفكر شكل وبعض مرات يكلي حتى اذا خطات تسكتين وترضين هو ميسويهة بس قصده انو اني زوجته وحتى اذا صار منه خطا لازم ما احجي عن الغلط لازم اضل ساكته واني هل شي مو طبعي اذا شفت شي غلط لازم احجي ما اكدر اسكت..
اتمنى اشاركه اهتماماته لاني بصراحة اتعلم بسرعة يعني ماكو شي يصعب عليه والحمدلله مثلا يحب يلعب البليارد يعشقه ودائما يكلي لو مو وياي اصدقائي جان اخذتج وياي نصيد سمك او نلعب بليارد لان هو مشتري البليارد وخاله بقاعة جوة عمارة بيت اختي لان زوج اختي شريك وياه بالبليارد فاني ما اكدر اروح وياه لان يجون غير رياجيل يلعبون وياهم وهو يحب اشاركه بالاشياء الي يحبهة..
واني هم ما اكدر اكون صداقات هنا يا اختي العزيزة اكو عراقيين وعرب بس ماكو صديقة تناسبني بالعراقي نكول مو من ثوبنة غير ناس ماكو التزام ولا حشمة كيف الي بمصادقتهم فهمتي علية اكيد؟؟
احب الخياطة اعشق مكينة الخياطة اعتبرهة فن بس للاسف ما اكدر اشتريهة لان افكر اني اوفر لابني حليب وملابس والعاب وحفاضات واحنة منشتغل زوجي يدور على شغل بس مدا يلكي والرزق من الله والحمدلله على كلشي وبالنسبة للدراسة ياعزيزتي اتمنى اكمل بهوايتي الحلاقة النسائية احب هذا المجال كلش بس المشكلة زوجي كتله ميقبل هسة لان يريد طفل وشكل حاولت احجي وياه بس ميقبل يكول اريد اخ وية ابنة حتى يلعب وياه وميضوج وحده وبصراحة ياعزيزتي اني ممستعدة جسديا ولا نفسيا والحمل يرادله راحة وابني توه 6 اشهر بس ما اكدر حاولت بكل الطرق اقنعه ماكو فائدة وراح نسوي الثاني رغم اني حاسة اني راح اتعب بالزايد لان احس هل شي صعب علية وراح يكون وقتي بس للاطفال وترجع حالتي بالازيد لاني احس بعدم السيطرة على امور البيت والاسرة...
وافكر بزوجي اذا كملت دراستي واخذت الشهادة اخاف انه يصير يتحسس لان صارت عندي شهادة وهو ماعنده وهو ميحب الدراسة يكره شي اسمه دراسه يكره الالتزام بالدراسة يتعاجز من كلشي
واشكرج على سماعج الي وفي ميزان حسناتك يارب وراح اشوف الكتب الي ذكرتيهن مشكورة يالطيبة...