بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته...
رمضان كريم وكل عام وانت بخير يعود عليكم وعلينا باليمن والبركه يارب..
الجنس ( أنثى ) :
العمر :راح اصير 25 سنة
الحالة الأجتماعية ( أعزب ) :
المستوى التعليمي ( درست تمريض لكن لم اكمله لظروف معينه) :
الوضع العملي (حاليا اعمل صارلي تقريبا 3 سنين ) :
المشكلة بالتفصيل :
اختي عندي مشكلة في نفسي عندما اريد ان اقدم على شي احس ماقدر اسوي لحالي لازم العائلة تساندني ويشجعني وتكون ويايه على طول الخط وبنفس الوقت احس هذا الشي دا يتعبني يصير عندي ظغط نفسي من كثر كلامهم الي وتشجيعهم وتلفونات اخواتي ومثلا اعطيكِ مثال انا اريد ان اقدم على امتحان اجازة السوق وصار كم مرة ارسب بالامتحان العملي بسببي وسبب المشرف الخطأ من الطرفين ..وصارت عندي عقده من الامتحان العملي اصطحاب بخوف وارتباك واظطراب نفسي لكن بصورة خفيفه الان تحسنت كثيرا عن قبل وكل ما ارسب اظل بس ابجي وتاخذ ايام من التفكير والحالة النفسية المتعبه مع العلم انها ليست بالمشكلة الكبيرة واغلبية الناس الي اعرفهم والجالية الي تعيش معنا في المهجر وهم سواق صارلهم سنين تعاني من نفس الشيء لكن مشكلتي انه اذا صادفتني فد مشكلة صغيرة اكبرها واظل افكر بيها واعطيها اكثر من حجمها وهذا الشي دا يسبب الي ازمة نفسية عميقه واحجي بل المشكلة لكل اهلي واظل على غير طبيعتي اتمنى ان تساعديني على تخطي هذي الامور اريد انه من اقدم على شي اكون واثقه من نفسي وبكل عزيمه واخذ راي الاهل اكيد هذا الشي مهم جدا بالنسبة الي لكن اكون معتمدة على نفسي بقرارتي بصورة اكبر احس نفسي مرات من اخذ قرار معين ما مقتنعه بي من الداخل بس اجاري اهلي واكول خطية هذا وخطية ميصير اسوي هيج او ارفض مثلا اذا اجا احد خطبني وارضي اهلي والمقابيل بس اني ما مقتنعه من الداخل يعني اعيش لغيري ماعيش لنفسي ..اريد اكون واثقه بخطواتي بقرارتي مارتبك او ايصير عندي اظطراب نفسي من اقدم او اريد اسوي شي واول شي اريدج تساعديني بي تبعدين عني خوف امتجان اجازة السوق خوف قليل عندي وارتباك قليل جدا من كثر ماسويت امتحانات صارت عندي عقدة هاي العقده اريد افكها بحيث احس نفسي اي راح اسوي الامتحان وراح انجح واخذه بكل سهولة وثقة بالنفس حتى اذا مانجح ماريد تظل عندي عقدة لان اني هسة ثبتلي ماكو شي سهل بهل حياة كل شي لازم نصبر عليه ..
الاسبوع المقبل يوم الاربعاء امتحاني يوم 10 /8
في وطني يموت ,من لا يستحق الموت ,,على يد من لا يستحق الحيــــــــــاة..
وعليكم السلام والرحمة
اهلا بك اختي الكريمة ، شكرا لطرح مشكلتك ولثقتك بنا..
كيف حالك ؟ اتمنى تكوني بأحسن حال ..
كل عام وانتي بخير عزيزتي ..
وانتي بالف خير يارب ينعاد عليج بالمسرات والفرح
وضحي لي بعض الامور عزيزتي لأستطيع مساعدتك بإذن الله تعالى ..
- في صغرك هل اعتدي على ان يقوم اهلك بامورك الخاصه مثل الكلام عنك او عمل شي خاصه لك عنك ؟
يعني عادة ماكنه اني لو اخواتي نسوي شي لحالنه الاهل تقريبا يسوون كلشي عنا اصلا البيئة الي عشت بيها متساعد اسوي شي اريده لحالي ..
- هل انتي واهلك اجتماعيون ؟ (يشاركون الآخرين في المناسبات العامه )
هاي مشكلة جبيرة دا اعاني منها ....اني واهلي اجتماعيين بس يا اختي اني اعيش باوروبا والمدينه الي عايشه بيها صغيرة كوووووولش مابيها غير بس اهل البلد وقسم من الفسلطينين وافغان وجنسيات اخرى العراقيين كولش قليلين وهسة عدد سكان المنطقة ميتجاوز ال 5000 شخص واكثرهم سويديين وعجزة ..اصلا تكدرين تكولين ماكو اني اسميها للمدينه جنه بدون ناس لان طبيعتها حلوة بس ميته تكدرين تكولين عليها حتى اسواق ومولات مابيها غير بس 3 سوبر ماركتات بيها مال الاكل ومحلين صغار للملابس ..جنت قبل 3 او 4 سنين عندي صديقه وياي بنفس المدينه وخواتي وياي صديقتي شالت وتزوجت والتهت بحياتها مجنت احس بفراغ او اضوج هواي ..وخواتي موجودات يمي بس هم ازوجن وبس الجبيرة تفهمني وهم حايرة باطفالها وتحاول تفرغ من وقتها الي ولاختي الصغيرة بعض الاحيان وحاليا ماكو اي شي يونسني نفسي مسدودة ويمكن تكولون مسكرة عدكم من كلشي ماكو شي يسويلج واهس واشتغل 9 ساعات تقريبا ماعدا يوم الجمعه اروح للشغل وارجع للبيت والعكس وهاي اني يوميه هل شكل ماعندي صديقه ولا خالة ولا اي اقارب بهذا البلد ولا عائلة تزورنه كلهم انتقلوا غير مدن وبعيده علينه وناس مو مثل قبل تغيروا...منتوالم وياهم ..حتى قسم من الناس من تشوفني الي يعرفون اهلي من العرب يتعجببون اني بنتهم لان مشايفيني ابدا يسالوني انتي بنت ابو فلان اقولهم اي ميصدكون ابد مشايفييج ...مااطلع غير للشغل والبيت نسوي بعض السفرات احيانا لغير مدن نتسوق مثلا ناكل بالمطعم ونرجع ...ماكو تواصل اجتماعي ابدا لان الناس كلمن ملتهي بحياته ومو مثل قبل اكثرهم مصلحة تحسيهم بس على مصلحتهم كانو مصادقينه ...اعاني من كأبه شديده وفراغ عاطفي وعدم تواصل اجتماعي شبه ميت عندي بعض الاحيان مااطيق حتى نفسي ولا اهلي ماتحمل الوضعيه الي عايشتها اني بشر اريد اتواصل ويه الناس اريد يكون عندي صديقه واني كولش صعبه باختيار الصديقه راح يصير عمري 25 سنه وماعندي غير بس وحده واكيد المكان الي عايشته يساعد لان مابي ناس هواي من الجالية المسلمة ..لان السويديين ماكدر اتوالم وياهم عندي بس وحده وبعيده عني ..صاير بيه طبع ماحجي ضوجتي وكأبتي اظل بس ساكته وامشي ايامي بس لان لازم اعيشها جنت قبل اضحك واتشاقه وييسموني اني الي مسويه جو بالبيت كنت مرحة جدا جدا بس تغيرت كل الموازين من يوم الي استشهد خالي بي لليوم لاني فقدته وجنت كولششششششششش متعلقه بي الى ابعد الحدود كان خال واب وصديق مستوعبت الصدمه والمصيبه اني ماشفته من فاركته العراق الى ان استشهد انحرمت منه ..اخذ جزء جبير من فرحتي وياه ..كتبت هواي وطولتها عليج...
بالنسبة لأمتحانك عزيزتي ..
اريد منك ان تكرري ( انا ناجحة بإذن الله ) كل يوم قبل النوم وعند الاستيقاظ 10 مرات بصوت مسموع
واخبريني بعد كم يوم كيف تشعرين .
ان شاء الله اكرر اني هم جربت حسيت شوية تحسن بس تركت بس ان شاء الله استمر عليها
أمر آخر اريد منك ان تتذكريه قبل دخولك الامتحان وهو أن هذا مجرد اختبار لمدى اتقانك لسياقة السيارة
اي صحيح احتي بس هنا الامتحان يختلف تطلع الروح يلا واحد ياخذ الاجازة الامتحان النظري لازم تقريله ويجيبون 70 سؤال ولازم تقرين فوك ال 300 سؤال حتى تنجحين بس والعملي بس تفاصيل وامور معقده همه معقديها يعني مو مثل بلادنه على العموم بلكي الله واهل البيت انجح لان تعبت ومليت منها اريد بس شي من بصيص الامل يصير بحياتي..حتى احس نفسي عايشه..
وليس نهاية العالم إن لم تنجحي فيه ، كما اريد منك البحث عن تمارين على اليوتيوب ( للتخلص من التوتر والقلق )
ومارسي الاسترخاء من هذا اليوم لترخي اعصابك ..
لاتنسي اخراج صدقة وقراءة الفاتحة لأم البنين عند دخولك الامتحان واطلبي من والدتك الدعاء لكِ عند الفجر
اقضي حاجة لمحتاج أو مساعدة محتاجين او تفريج هم مكروب خلال هذه الفترة واطلبي منهم الدعاء لكِ بتيسير الامور..ان شاء الله اسوي الي اكدر عليه
وثقي وتوكلي على الله سبحانه وتعالى بأنكِ ستنجحين ..ونعم بالله ..
الى لقاء قريب
حفظكِ الله
شكرا الج على كلامج الحلو الله يوفقج يارب...من زمان جنت اريد اكتب وأجل الموضوع كل الشكر والامتنان الج الله يقضي كل حوائجج يا رب..
في وطني يموت ,من لا يستحق الموت ,,على يد من لا يستحق الحيــــــــــاة..
اللهم صلّ على محمد وآل محمد وعجل فرجهم وفرجنا بهم ياكريم
عزيزتي تكوين الصداقات ليس له شروط مثل الجنسية ، اللغة ، الديانة ..
صحيح اختي تقوى انا اتفق معك لكن البيئة الي اعيش بيها تختلف اول شي المدينه صغيرة جدا ومابيها غير الناس الاكبار بالعمر والصراحة صعب جدا ان اصادق بنات من اهلا لبلد الاصلي لانه اكو شغلات معينه ماكدر اذكرها لازم تقومين بيها حتى تكدرين اتجاريهم وتكدرين تندمجين وياهم طبعا مو الكل بس الاغلبية وعندي صديقه سويديه وحتى تجي وتتزاور ويانه نأكلو نشرب سويه وعلمناها شغلات من العادات والتقاليد العربية لكنها شالت ويمكن تجي بالسنة مرة او اكثر ,,,, ويختلفون عنج من الاساس لراس متاخذين راحتج ابدا ...اما الباقي الجنسيات المسلمة ماكو يمي ابدا يمكن ينعدوا على عدد اصابع اليد الواحده لان اعيش في مدينه شبه ميته ..بالعكس والا احنه حتى من كنه بالعراق جيرانه من الطائفة المسيحيه والسنه والصابئه تزاور بيناتنه واحد يبعث اكل للثاني وحتى قسم يحضرون مجالس الحسينية ويانه لكن الظروف الي محاوطتني صعب عليه ان اكون صداقات لاسباب الي ذكرتها واني بيه طبع من اكون صداقات اكون كولش دقيقه بالاختيار ماكدر اتوالم ويه شخص.....
كما لاتنسي عزيزتي نحن نتعمل من سيدنا ومولانا الامام علي عليه السلام عندما يعامل غير المسلمين
باللطف واللين وهذا يجعلهم يأنسون به ويطلبون مصداقته وعندما يكتشفون من يكون وما ديناته
كان هذا يشجعهم على الدخول في الاسلام والتقرب من سيدنا و مولانا ارواحنا فداه ..
انتم العراقيون لكم الفضل الكبير في نشر المذهب الجعفري بسبب هجرتكم وتشتتكم في كل بقعة وارض
فهنيئاً لكم هذه النعمة التي خصكم الله تعالى بها .. نسأل الله ان يركم لدياركم وتنعمون بالأمن والأمان
والخيرات ..
الحمدلله والشكر هذا الشي نتشرف بي وين منروح تبقى انفاسنه جعفرية وللابد .......وشاكرج على كلامج الطيب يا وردة..
عزيزتي لاتضعين افكار في رأسك (الامتحان صعب) وإلا لما نجح غيرك ، انتم العراقين لديكم قدرات
كبيرة ولكن تجهلون استغلالها احيانا .. كوني مطمئنة وكرري مهما كان الامتحان صعبا فأنا استطيع اجتيازه ..
ان شاء الله دا اكرر هذه الايام واحس بشي ايجابي في نفسي.... وهادئه ايضا بفضل الاعمال التي اقوم بيها عند ابتي السيد الفاطمي ......
اهتمي بنفسك عزيزتي
ننتظر ان تبشرينا بنجاحك
يارب ان شاء الله ...
حفظكِ الله
[/quote][/align]
في وطني يموت ,من لا يستحق الموت ,,على يد من لا يستحق الحيــــــــــاة..
اللهم صلّ على محمد وآل محمد وعجل فرجهم وفرجنا بهم ياكريم
عزيزتي لا اقصد بتكوين الصدقات انه يجب ان تصداقي أي كان انما اريد منكِ
لا اكيد اختي افهم قصدك والذي تعنيه الصداقه شي حلو ويكمل بالاختيار المناسب ..
ان تغيري افكارك التي بعقلك وتكوني قادرة على تقبل الصداقات في اي وقت وزمان ..ممكن تجي بأي وقت واي زمان لكن المكان الي اعيش بي تقلص من الصداقات وبصورة كبيرة .......
الصداقات ستأتي وحدها لا حاجة لأن تبحثي وتطلبي من الآخرين الصداقة
والله اختي اني كولشي اخلي يجي وحده ابد ماطلب واروح ورى الشي اذا كانت الصداقه او القسمة او شيء اخر دائما ابدا مافد يوم طلبت الصداقه من الاخرين تعرفين شغلة صديقتي الي قتلج عنها كانت معي بنفس المدينه سابقا وانتقلت لغير مدينه وتزوجت والتهت بحياتها هذي تقريبا سنتين احنه نعرفها وكانت مقربه لاختي الكبرى اكثر مني بعد سنتين يلا بديت اقترب منها وهيه كذلك فعندي انه اطلب من احد الصداقه كولش بعيد عني احب هذي الاشياء تترتب لحالها.... ..
فقط غيري افكارك ستتغير حياتك .. جربي
ما اخبار الامتحان ؟؟ والامتحان يا خيه والله ماتوفقت بي لسبب بسيط جدا جدا الانتباء يكولي عندج انتباه بس لازم يكون انتباه اكثر عندج هنا معظميها كولش انقهرت شوية لكن مشيتها لان تعلمت من درس السياقة انه اكافح حتى اصل للشي الي اريده ولو هو امر السياقة امر بسيط وليس بالشي الصعب لكن اتعلمت منه حتى الصبر وكنت فاقده لهذي الفقرة ايضا ......والحمدلله على كل شي .......
ويحفظج الله واهل البيت يارب ويقضي جميع حوايجج..
الى لقاء قريب
حفظكِ الله
في وطني يموت ,من لا يستحق الموت ,,على يد من لا يستحق الحيــــــــــاة..
