استشارة نفسية من الدكتورة تقوى

[موالية الكرار]

اللهم صل على محمد وال محمد

اسلام عليكم
هذي الاستشارة مو حقي
حق اخت زوجي

الجنس :- انثى
العمر :- 35 سنة
المستوى التعليمي :- اخذت الثانوية لكن اخر ترم من الصف الثالث ماخلصته (يعني مااخذت الشهادة الثانوية)
الوضع العملي :- ربة بيت


المشكلة ان اخت زوجي صايره كله تعبانه وتتوجع في جميع جسمها
تقول ان جسمها متكسر وتعبان وغير كذا تحس بلوعه وماتشتهي تاكل
راحت المستشفى وعملوا لها اشعة وتحاليل ومناظير وكل مره يقولون مافيها اي شي عضوي

المهم
هي قبل كذا كانت صحتها تمام بس مرضت بنتها (على كلام ال يس ان صار عند بنتها تابع)
تابعت اخت زوجي علاج بنتها مع ال يس والحمدلله صارت بنتها زينه
لكن سلوك بنتها المراهقة تاعبها وايد غير عصبية زوجها في البيت

اللي صار اخت زوجي بدت تحس بضربات قلب سريعة وضيق راحت المستشفى وقالوا كل شي سليم

بعدها عملت رجيم دشتي (يعتمد على اللحوم والخضروات وترك النشويات) تقريبا اسبوعين من بدت الرجيم
ونهار جسمها صارت كله تعبانه لدرجة تصيح من الام جسمها وماتقدر تقوم او تقعد او تنسدح
ومثل ماقلت في البدايه راحوا المستشفيات وكل التحاليل سليمه

وسلامتج
هذي مشكلتها
وبأذن واحد أحد على ايدج شفاها

[.:تقوى:.]

وعليكم السلام والرحمة
اهلا بك اختي الكريمة ، شكرا لثقتك بنا
كيف حالك؟ اتمنى ان تكوني بأحسن حال ..


على اخت زوجك ان تترك الرجيم فورا وبعد اسبوع اخبريني كيف هي ..

ساحتاج منك بعض التوضيحات لأستطيع ان اساعدك على اكمل وجه بإذن الله تعالى ..

- هل اخت زوجك كثيرة التفكير او الوسوسه ؟

- هل هي شديد الحرص في بعض الامور مثل النظافة ، الترتيب ، التنظيم ، الدقه ...؟

- هل تصر على بعض الامور مثل ان يجب تكون على نظام معين مثل ابنائها يجب ان يفعلوا كذا ولا يفعلوا كذا ؟؟

- ما الامور التي تشعرين انها تبالغ فيها ؟


نتواصل قريبا إن شاء الله
حفظكِ الله

[موالية الكرار]

مشكورة دكتورة تقوى على السؤال عن حال

انا الحمدلله بخير
وان شاء الله انت باحسن حال

بالنسبة لاخت زوجي
هي تركت الرجيم من اكثر من شهر
ولكن حالها الى الاسوء

احت زوجي ليست كثير ة التفكير والوسواس

وليست شديدة الحرص على النظافة والترتيب والدقه (هذا الشيئ يوجد في الولادها حيث انهم شديدي الحرص على الدقة)

ولا تصر على نظام معين

وابدا ماعندها مبالغة
كانت انسانة بسيطة وهادئة ماعندها وساوس ولا عصبية

للعلم
صارت تاخذ دواء للاكتئاب
وحاليا حالتها افضل من قبل
ورجعت شهيتها لطعام وذهبت الام جسمها

[.:تقوى:.]

اهلا بك اختي الكريمة

عزيزتي اذا كانت اخت زوجك تاخذ ادوية الاكتئاب

هذا يعني انها تتعالج بالطب النفسي !

وليس من المعقول انها لاتفكر ولا تعاني من الوسوسه !!

على العموم اتمنى لها الشفاء و الحمدلله انها في تحسن ..

حفظكِ الله

[موالية الكرار]

مشكوره دكتورتنا تقوى

يصير انه عندها وسواس !!!
يعني اشوفها انا ماعندها اي شي من هذا
مثلا في النظافة والدقة وهذي الاشياء على قولتها انظف بالمزاج وحسب الروقان

قالوا لها في المستشفى ان عندها قلق وتوتر
يصير يجي قلق وتوتر من الوسواس؟؟؟

مثلا عمتها ام زوجها عندها هوس بالنظافة وفعلا عندها اكتئاب واضح
يصير ا الشخص اذا جلس مع الناس اللي عندهم اكتئاب انه يصير مثلهم (عدوى )

وشنهو اسباب الاكتئاب غير الوسواس
لان مثل ما الكل عارف ان بعض الاحيان المرأة الوالد تصاب بكتئاب بعد الولاده
منك نستفيد
ويعطيج العافية يارب