اللهم صل على الزهراء وابيها وبعلها وبنيها والسر المستودع فيها
السلام عليكم ورحمة الله وبركاته ..
سيدي الفاضل- حفظكم الله
انا عمري 19 سنة واعاني من التبول اللاإرادي اثناء النوم منذ الصغر والى الان
كذالك الام معدة مستمرة منذ حوالي 6-7 سنوات
وكوابيس متعبة خصوصا هذا الشهرين وبشكل شبه يومي
احس ان احد يكتم نفسي ولا اقدر اتنفس رغم قرائتي المعوذات واية الكرسي في اغلب الاحيان
سآتقوم بتفصيل بعضها الي اتذكره
الاول : كنت اذاكر لاحد الاختبارات وشعرت بالنعاس تركت الكتب وبداية نومي حسيت احد يخنقي واني ماقدر اصحى من النوم
وحسيت اني اشوف هيئة اليد لي تحاول تخنقني فصرت اقول ياعلي ياعلي الين قعدت من النوم بعد محاولات عديدة كان الساعة 12 باليل تقريبا
الثاني: كنت نايمة في الصالة ومحد كان موجود بالصالة كلهم راحو غرفهم ينامون المهم لما نمت حسيت نفس الشي ان احد يخنقني بقوة ولا اقدر اقوم
لكن حسيت ان روحي تروح غرفتي وتنام على سريري ولكن احس جسمي بالصالة وكذا مرة احس روحي تطلع تروح الغرفة بس بدون فايدة تقريبا 7 او 8 مرات حسيت كذا وبعدين صحيت من النوم .
الثالث : كنت نايمة على جنبي اليمين بعد قراءة المعوذات واية الكرسي حسيت احد يضغط علي بقوة وكنت اقول بنفسي لاني ابغي اصحى من النوم
قل هو الله احد ولما اوصل لكلمة الله احس يزيد الضغط علي والكتمان وصرت اقول ياعلي لين قعدت من النوم .
الرابع: دخلت انام من الساعة 11 او 10 ونص اليل وماقدرت انام اتقلب يمين ويسار ولما غفت عيوني نمت على بطني معني مو متعودة ابدا انام على بطني وماكنت ماكلة ثقيل ونفس الشي حسيت احد يخنقني بقوة وبطلعة الروح صحيت من النوم .
وباقي الايام اغلبها كذا خصوص هالشهر زاااايد هالحالة واخر شيء شفته شيء مفزع والله حسيت اني خلاص بموت سلمت امري لله مدري كيف صحيت
وهذي تفاصيل الي شفته ..
بعد اذان الفجر غطت عيوني بالنوم وحسيت بخلعة وصحيت على طول صليت على محمد وال محمد وقريت اية الكرسي والمعوذات وغيرت من الجنب اليسار الى الجنب اليمين ورجعت نمت ولما غفت عيوني نفس الحالة حسيت احد يخنقني ويكتم علي بقوووووة شديدة جدا ومثل كل مرة صرت اقول يالله ياعلي ياعلي بس بدون فايدة صرت اقول ياحسين بس بعد هالمرة مافي فايدة وبعدين حسيت روحي تروح لغرفة امي وابوي ابغي اقولهم يجون يصحوني من النوم وكان روحي صارت تشتكي لهم كان ابوي قال لا تتكلمين عن هالامور وامي كانها حست فيني واقتنعت وقامت تكلم ابوي المهم كان في شي غريب قبل لا ادخل غرفة امي بالمسافة لي بين غرفتي وغرفة امي كاني اشوف قران لي فيه جزء عم مرمي على السجاد حق البيت وكأن روحي تعبناه مررة وانا انتظرهم يفتحون لي لباب حاولت اجمع قوتي واشيل القران من على الارض ولما نزلت شلته تساقطت اوراقه لانه ممزق ومرمي وكانت كل صفحة منزوعة من التدبيس لي يثبت فيه الصفحات ومقطوعة كل صفحة بطريقة عرضية من النص وماقدرت اشيل القطع الي طاحت على الارض وبعدين فتحو لي الباب حق غرفتهم ودخلت وشكيت لامي ولابوي ..
وكاني شفت غرفة اخواني الصغار فيها شخص كانه جالس وخايف بس ماشفت وجهه بس هيئته وكأن النافذة مفتوحة والتكيف مطفىء عكس الواقع
وبعدين ماحد جاني يصحيني من النوم وانا احس الخنقة تزيد علي والكتمة وادري اني نايمة واحس روحي كله تروح لامي وكاني قمت اصيح ورحت قلت لها امي تكفي قعديني من النوم احس بموت بس محد جاء
بعدين تعبت حدي قلت مالي الا اقول ياعلي يازهراء ياحسن ياحسين وكان صرت اشوف نفسي جلست اضرب على راسي واقول ياااعلي ياعلي ياعلي والضغط يزيد علي اذا قلت ياعلي بس ماتركني وزاد وخلاص حسيت جسمي بالواقع يعورني من جد فقلت للي جالس يكتم علي انفاسي قلت له انت وش تبغي فيني اتركني وجلست اقسم عليه قلت له اقسم عليك بالرسول محمد تروح اقسم عليك بالزهراء واضلاعها تروح عني واقسم عليك بالحسين وغربته تروح وبعدين قلت له عليك امير المؤمنين حيدر الكرار قامع الكفار بسسس قام يضغطني اكثر ولا حسيت تأثر بالقسم الي قلتهم له
وبقيت كذا وبالموت لما صحيت بعدها من النوم من شدة الكتمة صرت اتنفس بقوة وانا توني صاحية من النوم ولا حسيت وين انا بواقع ولا اتخيل ولا حسسسيت بشيء غير اني فتحت باب الغرفة وصرت امشي وانا اتنفس واحس فعلا روحي كانت برا جسمي ولما وصلت المطبخ رحت شربت ماي والله وانا المس الكاس اقول انا بواقع ولا لا ولما بديت اشرب الماي شكيت انه يدخل جوفي ماي واقع وجلست على كرسي بالصالة ثواني وطلعت امي تقول وش فيش قلت لها انتي تشوفيني اني هنا موجودة يعني مو خيال وراسي يعورني مررررة كآن الضربات لي كنت اضرب بها ع راسي واقول ياعلي حقيقة وصار يعورني
هذا الي اتذكره خلال هالفترة حاولت مرة اخذ علاجات بس احس كل ما نحاول نبدا شيء نكسل لان حتى امي واخواني حالتهم متعبة
بدات مرة بخور بس ماكملناه وقران بس ماكملنا نسيت السبب لي خلانا نوقفه انشغلنا بشيء
وشفت منتدى من المنتديات عنده علاجات سجلت ونسيت حتى اسمي ومعرفي فيه وكسلت ادخله
ولما جيت اسجل هنا حسيت جسمي ينمل وبوخز بسيط سجلت بيانات الدخول عشان لا انساها
اتمنى المساعدة سيدنا الجليل
رحم الله والديك وجعله في ميزان اعمالكم
