السلام عليكم
اللهم صل على محمد وآل محمد الطيبين الطاهرين
أنثى _الشهاده ثانويه _عمري 22 _ مو متزوجه ولا مخطوبه
اختي الغاليه موعارفه من وين أبدأ انا انسانه حقيره بكل ماتعنيه الكلمه من معنى أختي انا مشكلتي اني أكلم شباب بالنت كل ماقلت خلاص ابغى ابطل هالعاده مو قادره ارجع اكلم غيرهم واجد اطيح الميانه بعد كم مره يصيدني أخوي وانا اكلمهم يشيك مايصارخ علي بس تصرفاته تتغير ناحيتي مو عارفه كيف اتصرف وكيف ابطل هالعاده الي خذيتها لي من سنين انا انسانه شاعريه احب الرومانسيه واكتب شعر وغيره بس مشكلتي ان محد معطيني مجال اطلع الي بداخلي لشخص معين لان مافي حياتي شخص اكتب له واحبه حاولت احب بس مين محد اخوي الي يعرف بسالفتي في حياته بنت عمي ويحبها وتحبه علشان كذا اهو مو حاس فيني اني ابغى انسان بحياتي ابادله مشاعري والي احس فيه احاول ابطل عن هالعاده ماقدرت ماقدرت اذا جيت اكلم شخص ابادله الضحك والغشمره والمزح وكأني اعرفه لي سنين مافي حياتي شخص اقدر اقوله الي في بالي واقرب شخص لي أمي بس ما أقدر اقولها هالشي الي الحين انا قلت لك عليه انا بنت عمري 22 سنه أفتقد الحب بحياتي درست بالكليه سنتين وبعدين طلعت مفصوله لان المواد واجد يحملوني اياها المهم هذي مو سالفتي سالفتي كيف اتخلص منها تكفين عطيني حل انا موعاجبتني حياتي كل يوم رجال اكلمه بالنت وأتعود عليه وأخذ عليه انا متضايقه حيل من حالي ومن حياتي كلا اقول ليت اني مريضه ولا فيني بلاء ثاني بس ماأطيح من عين اخوي للمره الثالثه اخوي اكيد مارح يثق فيني مره ثانيه يالغاليه انا بالحيل متضايقه من نفسي متضايقه ياليت تردين علي بأقرب فرصه انتي الوحيده الي قدرت اقول لها هالكلام هذا يمكن لاني ماعرفك ولا شي وبيني وبينك شاشه وكيبورد بس ..
اللهم صل على محمد وآل محمد
اشكر لك ردك لي يالغاليه
- كم عدد افراد اسرتك ؟ وماترتيبك بينهم ؟
عدد افراد اسرتي 9 مع امي وأبوي وترتيبي بين اخواني الثانيه
- كيف هي علاقتك بأسرتك ومن الأقرب لكِ ؟
علاقتي فيهم قويه بس علاقتي بأبوي جداً عاديه تتخللها البروده في المعامله
اقرب شخص لي امي ومن ثم اخوي واختي الصغيره
- هل لديك صديقات تتواصلين معهم بأستمرار ؟
عندي صديقات بس مابين فتره والثانيه اكلمهم يعني مو بشكل مستمر اكلمهم
- ماهي هواياتك واهتمامتك ؟
هواياتي كتابة الشعر والخواطر والروايات الرومنسيه
- ما هي طموحاتك واحلامك على صعيد الدراسة والعمل ؟
ماعندي طموح لاني انا الحين ما أدرس جالسه بالبيت ولا أشتغل ابوي مايحب البنات الي يشتغلون الا بشغله على كيفه
لاهنتي يالغاليه على الرد حبيت أقولك ان من طموحي الكتابه كتابة الخواطر مادري هذا يعتبر هذا الشي طموح ولا لا حابه أذكر لك شغله كمان وحابه اخذ رايك فيها ان من قبل 9 سنوات حبيت واحد مايقرب لي وموعارفه عنه شي واهو كذالك بهذاك الوقت كان معجب فيني وحاول يتقدم لي رسمي بس اهي بهذيك الفتره مانطلع من برى الاهل ومن صارت هالشغله وانا تعلقت فيه مع انه لما اهو انعجب فيني انا ماكنت اعرف عنه شي ولا كنت افكر فيه ولا كنت اصلاً أعرفه بس من تقدم لي وانا تعلقت فيه وتذكرت كل شي له علاقه فيه كيف تعلقت فيه ؟ وليه اهو بالذات حبيته مادري مع ان الحب مايجي الا من العشره عشرة العمر صح ولا لا ؟ ليه اجل انا تعلقت بهالشخص هذا لمدة تسع سنوات وللحين موراضيه اقدر أنساه وكلا يجي على بالي حبيت اسوي عنه كشف بس مارضى علي البحراني يقول دامه مايقرب لك ماأقدر اسوي لك كشف عنه اخر مره بكيت عليه في عيد الفلانتاين طرا على بالي وبكيت ليه ؟ ليه بكيت عليه ؟ اهو مايقرب لي ليه حبيته قبل كم سنه كنت ابكي عليه بكاء بدل الدمع دم وبكاء موطبيعي ليه ؟ ليه أبكي عليه ؟ وكيف تكون هالحب له والشوق عليه مع اني ماعشت معه ولايوم واحد بحياته ليه حبيته ؟ يالغاليه انا قلت لك هالقصه لأنك استشاريه نفسيه اتخيل بعد مو بس أسريه تقدرين تخبريني هل ممكن الي صار بيني وبينه توارد خواطر وتعلقي فيه ليومي هذا ممكن يكون توارد خواطر الي علقتني فيه ؟
انا متضايقه حيل من حالي ومن حياتي كلا اقول ليت اني مريضه ولا فيني بلاء ثاني بس ماأطيح من عين اخوي للمره الثالثه اخوي اكيد مارح يثق فيني مره ثانيه يالغاليه انا بالحيل متضايقه من نفسي متضايقه ياليت تردين علي بأقرب فرصه انتي الوحيده الي قدرت اقول لها هالكلام هذا يمكن لاني ماعرفك ولا شي وبيني وبينك شاشه وكيبورد 