بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم يااخت تقوى
الجنس ( ذكر / أنثى ) : أنثى
العمر : 25
الحالة الأجتماعية ( أعزب / متزوج ) : عزباء
المستوى التعليمي ( غير متعلم/ أبتدائي/إعدادي/ثانوي/ جامعي ) : جامعي
الوضع العملي ( يعمل/يدرس/ربة بيت ) : اعمل مدرسه خصوصي
المشكلة بالتفصيل :ماادري كيف ابدي المشكله،،،
المشكله فيني انا فتاة لم يحالفني الحظ في الزواج ولا اعلم السبب وانا اريد ان اتزوج اذا كنت اي بنت تنخطب او تزوجت اغار منها وانتقهر واقول اصيح
سواء كان كبيرة او صغير في السن من الاهل او برا او صديقاتي او مجرد انه اسمع انه فلانه انخطبت مااتحمل اذا كنت برا البيت وسمعت كذا اكتم روحي وانعفل بسرعة يعنى ينغلب مزاجي ومجرد ادخل البيت على طول غرفتي واجلس اصيح وافكر هذا حالتي الحين اخوي يبي بس يخطب بنت من الاهل وانا مو راضيه له ياخذها واهوى يبيها وهي تبيه يعنى من هم صغار محجزين حق بعض ولنل موراضي اذا جي كلمني اقول له اي اخذة بعدين اقول لا تاخذها
اقول له اذا تبغي تزوج اخذ بنت مو من الاهل امهم هذا حالتي المشكله طيب تقريبا قبل شهر شفت بنت عجبتني قلت له عنها هو مارضى ياخذها قلت له اجل ماتاخذ هالفلانه قلت له قبل ماتخطب قرر انا او هي يعنى مجرد تخطب هالفلانه تنسى انه عنك اخت ضليت اسبوع معانده ماياخذها بعدين كلمنى قلت اي خلاص اخطبها الحين وشو صار توه قبل يومين امي اتصلت على البنت وقالت لها انهم يسون تحليل من يوم اتصلو انا مااكلمه الى الحين مااقولت اهوى جا لى الغرفة قام يتكلم يتكلم بس انا ماارد عليه واهوى يدري السبب يعنى يدري انه انا ماابغيها وهوى قصب طيب بياخذها والحين خيرته بيني وبينها
ماتاخذها اكلمك تاخذها تنساني هذا هي المشكله .....
بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم،،، كيف حالتي اختي تقوى
اتمنى ان تكوني بخير
حبيت اعطيك اخر الاخبار اخوي جا لي وكلمني قال لي شفيك الحين ماتكلمني قلته بس قال انا ادري علشان اللى باخذها قلت له اذا انت تدري ليش تعاندني
وتاخذها قال لي ليش ذات اليوم رضيتي وكان اخر كلامنا انا اوك اخذها انشالله بنفرح ونرقص في عرسك قلت له الحين تغير الكلام قال كلهم افرحو الا انتي قلت مابفرح اخذ وحده انا اتغبها وافرح لك قال فرحي لي على شاني على شان اخوك مو علشانها شوفني انا ساكت طول هالمدة على شانك ماقلت لكم خطبولي
شوفني يوم وافقتي تكلمك يوم تقدمك تسوين كذا قلت له انت تدري من زمان اني ماابيها قال الحين مافي فايدة الكلام قلت له خلاص واصل مشوارك ولا عليك
مني قال لا عليك انا ابيك معاي قال بعد الاختبارات بنروح نشتري الهديه ابيك معاي قلت له مابروح ما بقضى لها شي اذا وحدة ثاني اي اما هي لاامهم
انا عصبت منه كلامه انه يبغي ياخذني قصب وهو عصب من كلامي اني موراضي اروح معاه اهو طلع من غرفتي ضليت اشوي طرشت اخوي الصغير
قلت له راح قلت اختك مولاتي ياأم البنين اعتبرها من اليوم بالنسبه لك ماتت وانا اعتبرت انك مت اذا بتاخذ هالبنت قال اوك قال راح قل لها تكبر عقلها
قلت له راح قل له انا عقلي كبير واحسن منك ومن اللى بتاخذها قال اوك اوك امهم سكتنا لين يوم ثاني
قريب المغرب جا لي واقف يم الباب يبتسم مارديك عليه سويت روحي كاني مااشوفة قام ينادني ماارد عليه قال جبت لك هدية قلت له مايحتاج
هدية قال والله مو قصدي علشان توفقين على البنت ابي ابين لك معزتك عندي شوفي انتي البارحة وشو قلتي وشوفي انا اليوم شسويت لك قال البارحة يوم قلت لك هالكلمة كنت معصب منك امهم انه مارضيت اخذها قال الهديه ماتنرد خلها يمي وطلع انا قمت اصيح على طول ظلينا ليين الساعة 10 ليل جا لي مرة ثاني قال هااا قال ادخل قلت اي عاد لي الكلام مرة ثاني لاتعتبرين الهديه توافقين عليها او شي بس لانت اني قلتي انا مو مهمه ابي ابين لك انت مهمه بالنسبه لي قال الحين ابيك تجين معاي علشان نقضى ضليت ضليت ضليت ساكته قلت له بجي بس على شانك قال حتى هي انشالله مع الايام تتقبلينها قلت مااتوقع لو بتغبيها شان من زمان قال ماتدرين قال الحين فرحتني وطلع واخر كلامنا انه اروح معاهم
بس بقول لك شي هم اختي الصغير اخو اللى بياخذها اخوي محجوزين لبعض يعني قصة بقصة
بس بقول لك اختى تقوى انا مابي اوقف في طريقهم بس من غير شعوريا ينغلب مزاجي واسوي كذاوالصراحة بيني وبينك مابي ينكسر خاطري
حتى من اختي اغار منها والله احيانا من امي وابوي انزعج اذا شفتهم مع بعض احاول اتغير
اسفة على الاطال ،،وتعبتك معاي ادري انه ماعندي سالفة
ملاااحظة نسيت ماقلت لك الهدية جوال جلكسي
فمان الله
بسم الله الرحمن الرحيم
اللهم صل على محمد وآل محمد الطيبين الطاهرين
كيف حالك خيتوو
حبيت ابين لك ليش انا مو راضيه الصراحة انا اكرهه اهلي من جهة ابوي وجهة امي صارت لي مواقف واجد بيني وبينهم وهالسبب اكرهم مو كلهم بس فيه البعض المهم خيتو ابي منك برنامج يغير حالي ابي اضحك افرفش بعيد من الهم والتفكير مثل اهم ماهتمو فيني ولا اعتبو لي اي اعتبار حتى انا كرهتهم كلهم ابوي وامي واخواني وخواتي اهل ابوي واهل امي ابي بس اتزوج اطلع من البيت وابتعد عنهم ماقصرو فيني لين قالو بس انا مااتبلاء عليهم بس اطلع من البيت مابيارجع له ثاني وابيهم يبتعدون عني كلهم واعيش حياتي من دونهم
ابي اذا قريتي تحذفيه ماابي احد يقرا موضوعي
