بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى ال محمد وعجل فرجهم واهلك اعدائهم
معلومات عني
متزوجه وعندي طفلتين
عمري 27سنه
الدراسه خلصت الثانويه ودخلت اكمل دراسه الجامعه من السنه اللي فاتت انتساب تخصص ادارة اعمال
اختي تقوى حبيت مساعدتك في مسألة الخوف اللي عندي انا اعاني من هالخوف من زمان لكن بشكل خفيف جدآ لكن هالفتره زاد الخوف معاي بشكل موطبيعي وذلك لأسباب هو انني مرضت فتره
ومن بعد مامرضت وانا صرت اخااف يعني لما اصير بأماكن زحمه احس بخوف بشكل قوي لما اكون بشقتي واحس ان باب الشقه مقفل والمفتاح موعندي اخاااف بقوه مع انو الشقه كبيره
ولما اكون بالسياره مع زوجي وتصير سيارات وازدحام احس بخوف وقلق وتوتر نفسي حتى تخف الزحمه وصرت اخاف من الجو لما تكون فيه رطوبه وذلك لسبب اني مره لما زاد مرضي
كان الجو فيه رطوبه وكنت احس يتصعب اتلنفس معاي فكرهت الجو ولما يصير رطب اخاااف منه بقوه ولااحب اطلع مكان مع انو مره كنت طالعه مع زوجي وكان زوجي يقول انو الجو فيه
رطوبه وانا كنت اكذبه واكذب نفسي لكن اصرار زوجي بأن الجو رطب حسيت بتعب نفسي وحسيت بموت جاتني اعراض الهلع حتى رجعت البيت وارتحت نفسيآ وبنفس اليوم اضطريت اطلع
مع اخواني طلعة بر وكان الجو لسا رطب كنت اقول لاخوي الجو فيه رطوبه ماتصلح الطلعه كان يقول لي مورطب بالعكس حلوو ويالله قومي نطلع فطلعت معاهم والله حسيت بوناسه
ومشا وقتي طبيعي معاهم بس استغربت حالي ان مع زوجي تعبت ومع اخواني ولاشئ عرفت ان السبب نفسي اكثر من اي شئ ولما اطلع بطريق مسافه يعني من عندنا الحساء للدمام يعني كم كيلو احس
اني منقطعه من الطريق وبيجيني شي ولافي احد بيساعدني تعبت نفسيآ المشكله تجين ياعراض الهلع مثل صعوبة تنفس تنمل باليدين سرعة دقات قلبي والم في بطني حتى اسهال يجيني صار معاي
القولون وارتجاع مرئ المعده وهذولي محتاجين بالاساس هدوء اعصاب والبعد عن القلق وانا بالخوف هذا موقادره اعالج نفسي ماصرت احب ازور احد اقول يمكن يجيني شئ يمكن ماارتاح
وانا من قبل احب الناس والجلوس معاهم واللي يتعبني نفسيآ اني دايم احس زوجي ماراح يقدر يسوي لي شئ لما اتعب فما اكون مرتاحه معاه وذلك لأن لما مرضت في هذيك الفتره كان لازم
يلجأ لأهلي اخواني وامي فحسيت اخواني اهم اللي يقدرون يساعدوني ارتااااااح كثير لما اكون مع اخواني وحتى اخو زوجي احس براحه لما بس اسمع انه موجود لأن احس بيقدرون يساعدوني
مع ان زوجي الان مومقصر معاي والحمدلله ماصرت امرض مثل اول لكن سبب حاجه في نفسي نفسي اشيلها طبعآ مرضي اللي سبب لي عقده اهو كان تعب فجأه وعدم التنفس جيدآ
ودوخه وظليت فتره طويله على هالحال ومحد عارف لي بعدها شخصو حالتي بأنها ارتجاع مرئ وبعدها القولون وفقر الدم صار لي 3 سنوات وانا احاول اعالج نفسي وعلشان كذا صرت
اخاف من كل شئ دخلت الجامعه من السنه اللي فاتت ابي اطلع من اللي انا فيه ولما اروح اختبر احس بخوووف موطبيعي انو تجيني اعراض التعب يعني تفكير بالامتحان وتفكير بنفسي
مع اني احاول اعالج نفسي بنفسي واتحدا نفسي لكن اوقات افشل واتعب نفسيآ لجأت لك يااختي تقوى لأن صدق ابغا اطلع من اللي انا فيه .
والسلام عليكم ورحمة الله وبركاته ..
يامستقبل انت في عالم الغيب عندي فلن افكر في شئ وهو لم يأت
- قبل اصابتكِ بالمرض ، هل تعرضتي لمشكلة ما في حياتك أثرت عليكِ بشكل كبير ؟
نعم كنا نمر بظروف ماديه سيئه جدآ جدآ لان زوجي لم يكن على وظيفه لدرجة اني حاولت اني اعمل بمحل نسائي وانا عندي بنتاي اخذهم معاي
واعاني معاهم ودخل رمضان علينا حتى اكل ماعندنا فلوس نشتري لنا كان عندنا اكل بسيط فكنت اتعب انا وزوجي نفسيآ حتى الكهرب مرتين
يطفي علينا لأن ماعندنا نسدده ويجي اخوي يسدده لنا ااااه بس ياتقوى ذكرتيني بأيام قاسيه مرت علي اذكر برمضان ببدايته كان اخو زوجي اذا
طبخت زوجته يجيبون لنا كل شئ ماادري اهم يدرون بظروفنا او لا لكن كانو يجيبون حتى السلط حسيت كأنهم يتصدقون علينا اتذكر زووجي كان
مايقبل ياخذ منهم وانا كنت اقول له عادي برمضان الكل يسوي كذا كان يقول لي بس احنا ماعندنا نعطيهم وفعلآ لما يوم انا فتحت الباب وشفت
كل شئ حاطيينه لنا بكيييييييت وربي بكييييت بشكل هستيري وانا صايمه بهذاك اليوم ماقدرت اتحمل المنظر من بعدهاا خلاص صرت احس بصعوبة
تنفس بالذات لما اكل وزادت الي دوخه وتنمل وتعب عام بالجسم حتى جاتني ارتجاع مرئ ومعده وقولون والحمدلله على كل حال طبعآ عانيت كثيير
على ماشخصو حالتي حتى وزني نزل كثييير .
_________________
هل لديكِ قلق وتوتر قبل أن يصيبك المرض ؟
كان معاي لكن بشكل بسييييييط جدآ يعني عند المشكله يكون عندي قلق توتر لكن بعدها الحمدلله ولاشئ فيني مومثل الان معي بأستمرار من دون اي مشكله
_________________
- كيف كنتي قبل المرض ؟
كيف كنت اااه بس كنت اروع انسانه واسعد انسانه من ناحية الصحه وعدم الخوف الشديد هذا كنت اروح اي مكان من دون خوف وقلق وتوتر كنت
احب اروح البحر والحين لااااااا احبه بس اخاف يجيني شئ فأفضل عدم الروحه كنت احب الناس واحب الجلسه معاهم واحب اتكلم واضحكهم وازيل
همومهم لما كنت اجلس عند احد وكنت زعلانه مستحيل اخليهم يحسو فيني كنت احاول اسعد اللي حولي حتى ان وحده قالتها في وجهي انتي مستحيل
تكونين زعلانه بيوم انتي شكلك مبسوطه على طول كنت بقمة صحتي لدرجة اني اقول لزوجي نفسي تجيني فلونزا زكام وحراره اااه وربي لذكرت
اني كنت اقول هالكلام انقهر من حالي واطلب من ربي ان يسامحني كنت فرفوشه حركيه الحين قليلة حركه احس نفسي بسرعه اتعب او اقول في
نفسي بتعب لما اسوي فأفضل اني ماسوي حركه كثيره اول كنت انظف الشقه كلها بيوم واحد الحين احس نفسي مااقدر صرت اجزأ شغلي ايام
اول كنت اجلس بالحراره ماعندي اي مشكله الحين صرت احس الحراره تتعبني وماادري هذا من القولون وارتجاع المرئ والمعده اول كنت
احب الطلعات والتمشيات الحين افضل اخذ المهم وبس والله بناتي كاسرين خاطري احس ظالمتهم معاي اوقات مع اني احاول ارجع مثل قبل
وان شاءلله واكيد برجع نفسي احمل لان بنتي بتكمل الاربع لكن من خوفي من عوارض ضيقة التنفس والخوووف اللي فيني ارجع اشيل الحمل من بالي
مشرفتي تقوى انا عندي عزيمة واراده قويييييه جدآ اني اغير من حالي وارجع مثل اول واحسن لكن محتاجه من بعد ربي مساعدتك فربي يقويك
على مساعدتي...
الفتره هذي جالسه اخذ حبوب خاص لأرتجاع المرئ لأني بالذات في رمضان عانيت من حموضة المعده فتعبت لكن الحمدلله مع الحبوب الحمدلله ارتحت
وبالنسبه للقولون فالحمدلله احس الفتره هذي الحمدلله مايجيني مشرفتي انا متأكده لو الخوف هذا يروح مني انا ابكون بخير.
يامستقبل انت في عالم الغيب عندي فلن افكر في شئ وهو لم يأت
السلام عليكم ورحمة الله وبركاته
اهلآ بك غاليتي ومشرفتي الاستاذه تقوى والله اني لأحس بالراحه عند التكلم معك واتحمس كثيرآ لردك لي ربي يوفقك
ويقضي حوائجك للدنيا والاخره بحق النبي محمد واله ...
__________
بالنسبه للعلاج بالطاقه بحثت عنها بمنطقتي ولكن لم اجد من يعالج بها حاولت البحث عنها بالنت وقرات عنها وتحمست لها
ولكن للأسف ماعندنا احد يستخدم العلاج هذا قرأت بالنت انو في كتاب للأستاذ طلال خياط دكتور في علم الطاقه باالريكي
فقلت ابروح اكبر مكتبه عندنا بالمنطقه واخذه فماادري انتي ايش رايك مشرفتي اخذه والا...
__________
والسلام عليكم ورحمة الله وبركاته ..
__________
يامستقبل انت في عالم الغيب عندي فلن افكر في شئ وهو لم يأت
مشرفتي الغاليه راح زوجي اكبر مكتبه عندنا بالمنطقه ماحصل الكتاب ورح مكتبه ثانيه قالو له يقدرون يوفرونه لنا بعد العيد فأتفق معهم
زوجي يجيبونه لنا بعد العيد .. لكن انا بعد ماقلتي لي عن الطاقه وانا اقرأ كثير عنها بالنت وحيل متحمسه اتعلم شئ يفيدني منها..
_______________
يامستقبل انت في عالم الغيب عندي فلن افكر في شئ وهو لم يأت
السلام عليكم ورحمة الله وبركاته
اتمنى ان تكوني بأفضل حال اختي تقوى ...
بالنسبه للي قلتي عنهم فكلهم ابعاد عني حاولت الوصول لأرقام او كيفيه التواصل مع المعالجات التي ذكرتيها لكن مالقيت لهم بالنت
كيف اتواصل معاهم.
وبالنسبه لمراكز العلاج واحد بجده ومرره بعيده عني وواحد بالرياض وكمان بعيد عني ..
انا الان احاول اسوي تأمل كل يوم لأتخلص من متاعبي احاول قد مااقدر اخليها يوميآ لكن بصراحه تصير ايام مااقدر اسويها
انا الان سويت لي موضوع عند السيدالفاطمي وقلت خليني كمان اتعالج بالطاقه الروحيه اللي اهو القران واهل البيت عليهم السلام
وكلي ثقه بالله اني سأتخلص من هذا الخوف .
تصدقين مشرفتي اكتشفت حاجه اللي اهو عن اعراض هالخوف هذا انا فعلآ كنت خاف من قبل وبعد مامرضت صرت اخاف لكن موكذا
لكن مازادت هالاعراض الاا لما اخذت علاج كان كاتبه لي دكتور للقولون ولا في عندنا بالسعوديه زيه فأخذته من الامارات اخذت علبتين
وكل مااتعب اخذ منه وارتاح له اهو يهدأ القلق والتوتر فبتالي يهدأ القولون يعني اثنين في واحد المهم الفتره هذي حاولت ارجع اخذ
لي من الامارات وكل ماحد يروح من اقاربي اوصيهم الصيدليات اللي هناك مايقبلون الااا بوصفه طبيه ومرر مشددين ع الموضوع
وسبحان الله موجايه اتوفق اسوي هالوصفه من هناا
انا صرت اقرأ عنه بالنت انو ليه ممنوع عندنا بالسعوديه فلقيت من ضمن الردود انه يؤدي الي الادمان عليه وعند تركه فجأه يحدث
اعراض للجسم فأنا توقعت ممكن يكون السبب منه فقررت ماارجع له مهما يكن .
مشرفتي الغاليه في موضوع خايفه منه علي اني مبسوطه بنفس الوقت ماادري كيف اخبرك عن شعوري الموضوع انا ببدايه موضوعي قلت
لك عندي بنتين والصغيره عمرها 4 سنوات وانا بصراحه بقوه حابه اجيب طفل ثالث ويتغير روتين حياتي معاه لكن بفس الوقت يجيني
خووف من انو اللي يصير معي من هلع وارجع اتراجع عن فكرة الحمل لكن هالفتره زوجي قرر انو نترك مانع الحمل لان يبي طفل
انا انبسطت لكن خايفه بنفس الوقت مرات اقول بتوكل على الله وماراح يصير شئ ومرات اقول لااا المروض اتعالج عن هالخوف اول
وبعدين افكر بالحمل طبعآ زوجي مايدري عاللي يجول بخاطري ولايدري بمدا الخوف اللي اعاني منه محتاره ياليت تعطيني رايك غاليتي
فوالله راح انبسط فيه .
و ربي يحميك من كل سوء ويقضي حوائجك كلهاااا
وبأذنه تعالى سأخبرك بكل جديد يحصل معي ..
يامستقبل انت في عالم الغيب عندي فلن افكر في شئ وهو لم يأت
بسم الله الرحمن الرحيم
السلام عليكم ورحمة الله وبركاته
اللهم صل على محمد وآل محمد الطيبين الطاهرين
هلابك من جديد اختي الغاليه تقوى ان شاءلله تكونين بأتم الصحه والعافيه
واسعدني ردك لي كالعاده يالغاليه سبحان الله الكلام معاك يريحني كثييير
غاليتي بالنسبه للعلاج بالطاقه فياليتني والله اقدر اجي للبحرين فديتك والله انا الحين راسلت
موقع سعودي ريكي اللي بالرياض وانتظر ردهم لي وبالنسبه للدكتوره وئام المديفع فماتم شي ماسويته
علشان اقدر اوصل لها راسلت منتدي انا كنت مسجله فيه زمان ولقيت انهم يكتبون لها
ويحاورونها بنفس المنتدى فلما راسلتهم يعطوني شي لها اعطوني التويتر حقها لكن انا للأسف
موعارفه كيف اتكلم معها بالتويتر ولقيت لها بالفيس بوك وراسلتها لكن ماجاني رد منها
فلما يأست راسلت سعودي ريكي وا شاءلله خير
طيب مشرفتي الغاليه وش رايك تكونين دكتورتي بالتأمل ادري ممكن يكون غباء طلبي هذا
لكن انا عرفت الطريقه الصحيحه للتأمل ومن زحمة الحياة اوقات اسويها واوقات لا
لكن لو يصير احد يأمرني بفعلها وتكونين تنتظرين ردي لك كل اسبوع فيما حصل لي من التأمل
كذا ابحطها شي رسمي وابجبر حالي اسويها انا حيييل ودي التزم فيها لان متأكده انو لها فايده كبيره
لكن لان مافي مشجع لي اذا انشغلت اقول بلاها يمكن تقولين الواحد اذا اصر مايحتاج مشجع
يمكن صح لكن اوقات يحتاج الواحد من يوقف معه ويشجعه بكل خطوه فياليت تقبلين تكونين لي
المشجع ...
ولكي مني كل احترامي وودي...
يامستقبل انت في عالم الغيب عندي فلن افكر في شئ وهو لم يأت
بسم الله الرحمن الرحيم
السلام عليكم ورحمة الله وبركاته
كيف حالك يااغلا مشرفه اليوم انا مررره مبسوطه لان سويت انجاااز في شئ اخااف منه وكل هذا بفضل الله ثم بفضلكم
انتي والسيد ...طبعآ هو صار لي يوم الجمعه اللي فات لكن من حماسي انا كتبته بنفس اليوم لما رجعت فتلاقي كتابتي عنه بصيغة اليوم ..
اليوم قرر ابو زوجي يروح البحر وقال لزوجي انو نروح معهم طبعآ انا وحده اخاااف من البحر سبق وقلت لك وزياده
على كذا الجو الرطب اللي احناا فيه المهم زوجي قال الجو حلوو وخلينا نروح وبناتي حيل يبون يروحون فقلت خلاص بروح
علشانهم حرام اكسر بخاطرهم وفي داخلي خووف المهم جهزت لي اللي ابغاا اخذه معي وقلت لزوجي ابقول لك شئ تراني
فيني توتر من البحر فتكفاا لوقلت نمشي خلاص نمشي فقال خلاص لاتخافين وان شاءلله مافي الا كل خير انا توكلت على
الله ودفعت صدقه ان الله يسعدني باليوم هذا ولايصير شئ اخافه المهم مشينا واحنا بالطريق فيني توتر قليل لان صرنا
نمشي بشارع طويل وحوالينا بران وانا اخاف من هذا الشئ ودخل علينا الليل صار الشارع اطلم انا بالوقت هذا احاول اشغل نفسي
ياا اسولف مع اختي لان اختي وزوجها معنا او اللعب بالجوال الين وصلنا البحر هناك بدت المشكله زحمه واناا اتوتر من كذا
لكن مسكت نفسي زياده علي كذا الجو رطب اااه ياتقوى حسيت خلاص اسودت الدنيا بعيني قلت في نفسي شلون انا جيت
المهم صارحت زوجي وقلت له اناا صراحه الجو مااقدر عليه وماابي انزل من السياره فقال لي جربي نزلي قلت له لاااا
خلوني براحتي قال خلاص كيفك جلست بالسياره بعدها بشوي حسيت نفسي بقوه ابروح لدورة المياه وانتي بكرامه فحسيت نفسي
ابكون مضطره انزل بالجو هذا فقلت لزوحي فركب السياره ومشيناا لدورة المياه ولما نزلت من السياره وانا امشي حسيت مافي شئ يخوف اقدر اتنفس وحتى لو بعض
الاوقات يتصعب التنفس الاا اني قادره اتنفس حسيت براحه ولما دخلت دورة المياه صارت عطلانه فأضطريت ارجع السياره ونروح دورة مياه ثانيه كنت خايفه اني
ماصدقت نزلت علشان افتك وبضطر انزل ثانيه فوداني زوجي مكان ثاني واضطريت انزل وامشي مسافه بعيده للدورة المياه هذي لان السياره ماتدخل الي هناك
المهم بعد ماخلصت رجعت للسياره حسيت اني مرتاحه نفسيآ الحمدلله فلما وصلناا لمكان جلسة اهل زوجي قال زوجي بتنزلين والا قلت بنزل بس لوبغيت ارجع السياره
ابرجع قال اي اوك فنزلت وجلست مع اهل زوجي واستغربو نزلتي لان لما اسألو زوجي قال لهم ماراح تنزل لانها تتحسس من الجو هذا عاد عمو ابو زوجي قال تدلع
عاد زوجي عصب من رد عمي فرد برد انا صراحه ماحبيته لما سمعته من حمياتي لكن شسوي كان مضطر يسكت عمي فقال زوجي اني انا اخااف وانو فيني فوبياا من الجو
واني اتضايق من ناحية التنفس وان خوفي هذا اكثر من خوفي بالاصنصير المهم لما قالو لي زوجك قال كذا وكذا انا الحمدلله قدرت اغير الكلام هذا وقلت لهم لاااااا مافيني شئ
الحمدلله بس كنت مغتلقه يعني متضايقه فقلت اجلس بالسياره اشوي وبعدها بنزل وهذا رحت لدورة المياه وجيت نزلت فحسيت الحمدلله غيرت فكرتهم عني بنزلتي واثبت لنفسي
اني اقدر اجلس بهذا الجوو والحمدلله جلست وسوالف وضحك ووناسه مع حمياتي وماكأن فيني شئ ومارحت السياره الااا لما قالو يالله بنمشي فلما جيت بركب السياره مسكت يد
زوجي وانا حيل مبسوووطه وقلت له اخيرآ قدرت انزل وانبسط بالجو هذا فقال لي مافي شئ يخوف والحمدلله انك قدرتي وخلاص ركبنا ومشينا وكنت في قمة السعاده ومافيني اي خوف
حتى من الطريق حسيت الخوف راح لان الشئ الكبييير وقدرت عليه اللي اهو نزلتي للبحر بالجو الرطب هذا فكل شئ ثاني يهون علي ..
تدرين مشرفتي ورب الكون اني تشجعت اسوي هذا علشان دايم ببالي انتي اقول خل اسويهاا علشان اكتب لمشرفتي هذ االتطور واني قادره اني اسويهاا فلما سويتها حييييل متحمسه
اني اكتب لك كل شئ فأول ماوصلت كتبت لك كل شئ بالتفصيل الممل .
بنفس الاسبوع تفاجأت بخبر احد قريباتي العزيزات على قلبي واصغر مني بسنتين انو صارت معها جلطه فبقوه خفت عليها وغير كذا انها حامل وبنفس الوقت جاني وسواس وخوف
انو هي صغيره وجاتهاا يعني ممكن تجيني الله لايقول وبهذاك اليوم تفكير في تفكير لكن بعدهاا قدرت اتغلب عليه بقوة ارادتي وشلته من بالي والحمدلله تناسيت الموضوع
بالنسبه للأسترخااء تمنيت كثير اطلع برا شقتي واسوي الاسترخاء لكن زوجي مافضاا لي فقلت خليني اسويهاا في غرفتي ع الاقل افضل من اني مااسويها وسويتهاا الحمدلله حسيت
براحه وكان يومي تمام التمام ربي لك الحمد والشكر الاحساس بالراحه النفسيه والاحساس بالحيويه وان شاءلله اسبوع الجاي تكون لي طلعة برى الشقه في حديقه او اي مكان مكشوف
واكتب لك كل شئ .وبالنسبه لسعودي ريكي ماردو علي للأسف..
وربي اني احبببببببك من كل قلبي احس اني ابطلع من اللي انا فيه لان من زمان وانا محتاجه احد يفهمني ويسمعني
ويعرف حالتي كيف..
من كل قلبي ادعي لك بالتوفيق يالغاليه....
يامستقبل انت في عالم الغيب عندي فلن افكر في شئ وهو لم يأت
وادلك على مراكز تعالج بالطاقة )