كأني حلمت بالسيد الفاطمي اليوم ؟

[حنة الزهراء]

[align=center]السلام عليكم ورحمة الله وبركاته والصلاة والسلام علي سيدنا محمد وآله الاطهار

صباح الخير اشلونكم ميخالف يمكن هذه مو المكان الصحيح لكتابة الحلم بس اول مرة احلم بالسيد من زمان ..مرة حلمت بيه من انطاني علاج بس من زمان كلش ..وهسه هاي

ما اكدر اتذكر تفاصيل الحلم بالضبط بس اكو مشاهد منه ظلت بذاكرتي من صحيت ..

اول شي كأني جنت اعرف اني احلم لاني اتذكر اني حاولت قدر الامكان اني ما اصحا ..بس اول مشهد شفته هو حوار بين السيد الفاطمي وبين واحد كلنا نعرفه - لن نذكر اسمه الان - وكانت مع هذا الشخص امراة شقراء وسافرة وشكلها مثل الاجنبية ..المهم كان السيد الفاطمي يحاول يقنع هذا الشخص بوجود عالم الروحانيات وهذاك الشخص رافض بلسانه لكن مصدق بقلبه وكان وجود تلك المراة مزعج لانه حسيت انها مسيطرة عليه او ما شابه لانها جانت اكبر منه ..

وبعدين شفت نفسي فارشة السجادة بصالة بيتنا واريد اصلي الفجر قبل ما تطلع الشمس بس حسيت انه اكو احد خلف الحائط اللي يربط الصالة بالممر ..وطليت لكيت امي كاعدة بالممر وكانت تعبانة اجيت يمها وشفت رجلها اليسري مجروحة وكانه مغروزة بيها سكين لدرجة انه جزء من ملابسها دخلت داخل العظم واللحم لقوة ضربة السكين لم اسالها كيف ومن ضربها بالسكين لكني كأني ركضت لغرفتي حتي اجيب مطهر وقطن اعالجها بيهم ..لكن فجاة من الصالة لغرفتي اصبح كانه مكشوف كانه في حوش او فوق السطح وكانت الدنيا ظلمة حيل وخفت ادخل للغرفة وهيه ظلمة ..بس رحت دخلت واكول لنفسي يا ليتك تساعدني يا سيدي الفاطمي ساعدني حتي اعالج امي ..وفعلا دخلت الغرفة الظلمة ولكيت المطهر والقطن علي طاولة المرآية وخفت حتي اشوف بالمرآية لانه حسيت بعدم راحة ..اخذت الاغراض بسرعة ورحت لامي وكان جرحها صغير بس ينزف وكمت امسحه بالمطهر والقطن وتوقف قليلا بعدين ما ادري منين امي جابت مثل المسحوق او البودر ورشته علي الجرح وخف تماما كلتها منين جبيته ؟ كالت انا اعرف انتي ما تعرفين !

وحاولت بعدين ارجع اصلي الفجر قبل ما تطلع الشمس بس لكيت الفجر بدأ يطلع وما اتذكر اذا صليت لو لا


انتهي الحلم


هسه انا اعتذر منكم ادري ما تفسرون احلام ومو طالبة تفسير بس ردت اشارككم هذا الحلم شنو ما يكون معناه ..وهسه اعذروني لازم اروح الحك علي الشغل ..نشوفكم ان شاء الله[/align]

[صرخة الزهراء]

[align=center][font=Andalus]اللهم صل على محمد وآل محمد وعجل فرجهم
السلام عليك ياشريك القرءان السلام عليك يازهراء
حبيبتي لي عودة ان شاء الله
دمتم بحب الزهراء[/font][/align]

[حنة الزهراء]

يكفيني مرورج الكريم عزيزتي ..مشكورة

[نبع الزهراء]

[align=center]اللهم صل على الصديقة الكبرى فاطمة الزهراء
السلام عليكم ورحمة الله وبركاته
أختي الكريمة
اللهم صل على محمد وآل محمد
فعلا لايوجد تفسير احلام لكن الرؤيا واضحة إن شاء الله تعالى لكم

ربي يوفقكم ويرزقكم ومرضاكم علاج وشفاء مبارك لدى سماحة السيد الفاطمي الموسوي الكريم
اللهم صل على محمد وآل محمد[/align]

[حنة الزهراء]

اشكر مرورج الكريم اختي نبع الزهراء ..صحيح الحلم واضح التفسير لكن ما اعتقد انه الوالدة محتاجة اوتعترف بانها محتاجة للعلاج ..فما ادري بعد اذا يسوه نعطل السيد ونطلب منه العلاج ؟

علي العموم الله يوفقكم جميعا ما قصرتم

[حنة الزهراء]

السلام عليكم سيدنا الفاطمي والاخوات الكرام

اعتقد انه من تحتاج للعلاج هي اختي الكبيرة ..ما زالت تحلم بالجن ويحاولون أذيتها حتي ونحن وفي شهر رمضان مشكلتها الاساسية انها مع الاسف لا تصلي بشكل دائم ..هل هناك علاج لها ؟ خصوصا انها ايضا تأخر زواجها مع انها جميلة ومرغوبة لكن ما توصل لحد الزواج ..

فيا ريت لو تساعدوننا وتعطوننا علاج لاختي لعلي وعسي الله يهديها علي ايديكم الكريمة

[نبع الزهراء]

[align=center]اللهم صل على الصديقة الكبرى فاطمة الزهراء
السلام عليكم ورحمة الله وبركاته
أختي الكريمة من يرغب بالعلاج بخدمته نرجو طرح موضوع جديد وبيان هل يشكو من يرغب بالعلاج من كوابيس آلام متفرقة صداع الرأس آلام الظهر والبطن

اللهم صل على محمد وآل محمد[/align]