اخيــــــــــراا ...

[خاطرة]

السلام عليكم ورحمة الله وبركاته
اللهم صل على محمد وآل محمد الطيبين الطاهرين

في البداية ابارك على افتتاح هذا القسم الانساني وانا كنت انتظره من زمـــــــــان .. انا اتعالج عند السيد آل يس لكن حبيت اكتب مشكلتي لاني ابغى ارتاح نفسيا .. مشكلتي كبيره وطويله وهي تبدأ ان ابوي متوفى وكل شي متروك على اخواني واخواني تزوجوا وسكنوا برى والحين ماباقي الا انا واختي وامي .. ويكون بيتنا هو بيت العائله والاهل يجتمعون فيه وانا خلااص تعبت من التجمعات لاني ابغى اعيش بهدوء وبعيد عن الروتين الملل يعني اوك حلو اجتماع الاهل لكن بحدود واذا قلت لامي تقول وين يروحون اذا ماجاو لاهلهم اقول لها عادي بس بالاجازات يكون شبه يومي التجمع وغير اللي يصادف في ايام الاسبوع ايام الدراسه يجون بس القليل وزياده انه اذا تجمعنا قليل اللي يشاركونا في التنظيف والطبخ يعني الاغلب جالس واحيانا اتعب كثيرر واخواني جابوا شغاله مره بس والحين مافيه وزوجاتهم مايتحركون ولا يكلمونهم يعني من باب الذوق انهم يشاركونا صح .. احيانا اسهر انا وانختي ننظف ونكمل واخواني يفكرونا ماننظف وان حنا مدلعين وانا وقت تنظيفي يكونون مو موجودين ولا بالعكس كررف وماتوقع ان يرضيهم هذا والمشكله انه مؤثر على دراستي .. مابي يضيع مستقبلي على اشياء تروح وتجي مثل التنظيف وامي اذا قلت لها تقول انتوا مو اول ناس تدرسون جامعه .. يعني بشكل عام احس ان اخواني وزوجاتهم بنفس الوقت يغيرون منا حنا البنات حتى قالت لي وحده تخصصها علم نفس .. يعني علاقتهم اخوانا معانا سطحيه مايكلمونا كثير احسهم يتفشلون او ينحرجون من زوجاتهم كذا .. يعني على كثر التجمع لكن بدون فايده ومن غير نفووس صافيه ..
المشكله الاخرى .. اني انا تخطيطي لحياتي كان مو كذا على تجمعات وسوالف لااااااااا كنت ناويه الحين بعد ما أنهي الجامعه بإذنه تعالى اكمل دورات وبعثه كذا يعني مابي اجلس انتظر الايام تمر بدون فايده لاااااا .. عشان كذا كل يوم اجلس اتأمل لمتى يتحقق حلمي باقي سنه بس واخلص جامعه وودي من الحين اتحرك دورات وكذا ..
المشاكل كلها متداخله صراحه يعني بنات عايلتنا كلهم تزوجوا وحتى الاصغر مني واختي الاصغر مني باقي انا واختي الصغيره عمرها 20 وانا 25 وانخطب لكن اخواني وامي بالاخص ترفض لاسباب تتعلق بالعائله اما الشاب يكون مافيه شي عشان كذا انا متأثره من هاذي الناحيه كلهم من قدي وتزوجوا والنظرات كلها متجهه لي مع العلم اني اجملهم وكثيرر مستغربين من الشي هذا وقال لي السيد ان معي تابعه والحين اتعالج لكني منقهره من اخواني انهم يرفضون وكل مره يسوونها سالفه ويطولون نقاشاتهم لمتى طيب .. عشان كذا انا مليت من البيت اذا تجمعوا كل شي علي انا اذا بغوا حاجه كل يسألوني انا واكثر الاشياء علي انا يكن بنفس الوقت محبوبه بينهم يعني حتى الاطفال يحبوني مرره لكن لمتى اجلس تحتهم كذا انا ابي اشووف حياتي يعني صح ابي اعيش عيشه احلى حتى اني اقول لهم انا غير اذا تزوجت مابسوي مثلكم على قدهذا الا ان موضوع الدراسه يهمني اكثرررررر ومابي اتحطم لاني حولت من قسم لقسم لين وصلت للي ابيه ...
اتمنى الرد ومساعدتي بأسرع وقت وبكون لك شـــــــااااااااااااااكره من كل اعماق قلبي .......
تحية لكم

[حُسن مآب]

بسم الله الرحمن الرحيم
والصلاة والسلام على محمد خير الانام محمد وآله الأطهار الكرام أفضل صلاة وأتم سلام

العزيزة " خاطرة "
عليكم السلام والرحمة والإكرام
وجودكِ هو المبارك غاليتي
بداية ...رحم الله والدكم و ادخله فسيح جناته ان شاء الله وأعانكم الله على صعوبة الحياة

لنبدأ بالمشكلة الأولى عزيزتي :
مشكلة التجمعات في منزلكم أدامه الله عامرا لكم ..
نعم أنا معك أن كثرة التجمع تسبب روتين ممل خصوصاً إن كنتم تعانون من ضغوطات كثيرة ، لكنه في ذات الوقت نعمة ..لن تعرفيها إلا حين فقدها ... تخيلي فقط كيف سيكون الجو موحش إذا ما خلى البيت من الأصوات ...ربما ترتاحين في البداية لكن ستشعرين بالوحشة و الوحدة فيما بعد وكأن المنزل مهجور ..
لحل المشكلة لم لا تجربين الآتي :
1_ اقترحي أن يتم التنويع في الاجتماع ..مرة يكون في بيتكم ومرة في منزل احد إخوتك بالتناوب بحجة تغيير الجو وإبعاد الملل .
2_ اتفقي مع أختك أن تتحدثوا إلى والدتكم حفظها الله بأسلوب لطيف + القليل من السياسة للإقناع ،حتى تطلب من إخوانكم مساعدتكم بإحضار خادمة .. وإن كان لكم أخ مقرب أو زوجة أخ مقربة صارحوهم بالطلب ( طبعاً مع مراعاة لطافة الأسلوب والتوقيت المناسب ودفع الصدقة <<<<< مهمة هذه اللفتة حتى تتيسر أموركم بإذن الله ) ..
3_ كل الأمور بالتفاهم تحل ... حاولي أن تكسبي أمك في البداية بمساعدتها مع الكثير من اللطافة والابتسامات والصبر والتسامح ، ثم ابدأي معها بكسب أخوتك وستكون هي المساندة لك ولأختك ، اثبتي لأخوتك عكس ما يظنون بأفعال لا الأقوال حتى لا تكون لهم عليكم حجة ..
غاليتي أنتم عائلة واحدة ولابد أن تحدث خلافات وسوء فهم بينكم لكن الأهم أن تبقى النيةالصادقة والقلب المُحب حتى إن كان من طرف واحد .. وتذكري أمرين :
1) الإحساس والكلمة النابعة من القلب تدخل القلب مباشرة !
2) إنما الأعمال بالنيات ولكل امرئ ما نوى

أعانكم الله وسدد خطاكم

المشكلة الثانية :

التخطيط للمستقبل :

اهنئك على طموحك المستمر وفقك الله لكل خير ان شاء الله
عزيزتي لا تجعلي التجمع عائقاً لكِ ، بل اجعليه كوسيلة توفيق ...تعلمين الفضل الكبير لصلة الرحم و حُسن الخلق فاسألي الله بحقهما ( + العمل بهما والصبر ) أن يوفقك في مسعاك ... جميل أن تربطي بين حياتك العملية بالروحية وبذلك تكسبي العصافير كلها ( التي في يدك و التي فوق الشجرة )

غاليتي خاطرة ..اسمحي لي أن أتوقف عن الثرثرة هنا وبعيداً عن المشاكل ... تعالي معي لنستريح لحظة :

خذي نفس عميق جدا وازفريه بهدوووء ..كرري الأمر حتى تهدأي ثم ابتسمي وصلي على النبي وآله وامسحي على وجهك وقلبك و تذكري أن الله يرعاك

ستهون عليك المشاكل إن تذكرتِ إنك في عين الله وأن رزقك محفوظ و خطة حياتك قد كتبها الله لكِ لما فيه مصلحتك فلا تحزني لما فاتك ..ولا تخافي على رزقكِ فلو كان شيء من نصيبك لن يأخذه غيرك!
لا تهتمي وتغتمي عزيزتي فليس الظلم من صفات الله ويستحيل أن ينساكِ فااطمئني وقري عيناً ..
همسة :
ألذ الأمور حلاوة ..هي الإحساس بوجود الله في القلب و وجودنا في حضرة الرب ... ابحثي عن ذاك الإحساس وسيشغلك عن الدنيا وما فيها
و ابتسمي فأنتِ بعين الله

اسأل الله لكِ التوفيق ونيل رضاه و السعادة في دنياكِ وآخرتكِ بحق هذا اليوم والصلاة على محمد وآل محمد

اعذري تأخيري وثقل حديثي وتقصيري

استودعك الله تعالى
وأهلاً بعودتكِ في أي وقت

أختكِ المحبة

[خاطرة]

السلام عليكم ورحمة الله وبركاته
مرحبا أختي ... انا شاركت من قبل هنا واتمنى تكملين معااي ..
طبعا المشكله هي نفسها مـــازالت .. والاخت اقترحت علي بأن التجمعات تكون في بيوت مختلفه لكن ماقدرت الكل مسكر بيته بحجة انهم شقق مايكفي او اللي زوجها ينام .. طيب هم مايقدرون بس اذا جاو بيتنا ياخذون راحتهم وربي ازعاج واحيانا عيالهم ينامون عندنا بعد . واتفقنا انا واختي ان مانجلس معهم كثيرر اذا جاوو لين يحسوون بس هم لاحظوا ان حنا نتهرب واصلا صعبه لانهم خواتي مهما كان مانقدر نتعامل معهم بالاسلوب هذا .
وانا مليت احيانا مااضحك من كثر الهم هذا والكل يلاحظ اني تغيرت من بعد ماكنت بشوشه معهم . انا في نظري انهم يجوون يوم او يومين بس مو كذا وطبعا العدد يزيد اللي حامل واللي مدري شنو ربي يحفظ الجميع .

مشكلتي الثانيه هي تتعلق بالنصيب .. وسبق ذكرتها وانا مليت من الموضوع هذا لدرجة اني اقول احيانا مابي اتزوج واتردد اذا انخطبت يعني انا انخطب حمدلله واتعالج عند السيد ال يس لكن مايصير نصيب بسبب ياتكون سمعه اهله موزينه او يكون قصير وانا الكل حاسدني على هالطول واذا انخطبت في الغالب يجون قصار والحين خاطبيني اثنين واحد شافونا طولنا بالرد واتصلوا قالوا خلاص انتهى الموضوع وحنا جالسين نسأل عنه هو زين ولا لا . والثاني للحين انا محتاره فيه سمعت نه بخيل وانه عمره 31وبالغصب رضى يتزوج ونفس الشي طوله انا اطول منه . يعني مادري كل افكر اقول اذا طلعت اخلاقه زينه تطلع لي عيوب ثانيه والحين انا محتاره لاني ماعرف كل شي عنه وشلون طبيعة بخله ويمكن يتغير بعد الزواج ويمكن لا .. وفوق هذا صار يطلع لي شيب ومحرجني كثيررر واتحسر على شعري لانه حلوو .
اتمنى اختي تفيدني بالرد السريع لاني دايم افكرررررررررر ..

[.:تقوى:.]

وعليكم السلام والرحمة
اهلا بك اختي مجددا ، كيف حالك ؟
اتمنى تكوني بأحسن حال ..

انا بخير اذا كنتي بخير،

عزيزتي اتفهم الضيق الذي تمرين به والرغبة بالانعزال والهدوء ..

لكن كما قالت والدتك حول تجمع الاهل يوم الاجازة (أين يذهبون؟) حيث ان هذا اليوم بمثابة المتنفس

من اعباء البيت والاسرة ومتطلباته ، فهم يمارسون الاسترخاء(الراحة) والتواصل(الحديث) مع بعضهم بهذا اليوم

حيث يتم تبادل الخبرات والمعلومات بتواصلهم مع بعضهم البعض ..

ستتزوجين في القريب العاجل إن شاء الله تعالى وتشعرين بحاجتك لهكذا يوم اجازة تمارسين فيه الاسترخاء والتواصل

مع اخواتك لفضفضة ..


ولكن " خاطرة " تشعر بالضيق والتعب لكثرة الاعباء والازعاج ! فكيف تستغل هذا اليوم بطرقة ممتعه ؟

استغلي تواجهم واستفيدي من مناقاشتهم وطريقة معالجهم للمشاكل الزوجية وتعرفي على ماهو صحيح وماهو خاطئ

فهذا سيفيدكِ مستقبلا ..واطلبي منهم مساعدتك في التنظيف بامور بسيطه ولا تثقلي عليهم ..

ساضع لكِ طرق عدة لتساعدك بأستغلال تواجد اخواتك بطريقة ممتعه لاتزعجهم وبنفس الوقت انتي تستمتعين معهم ..

* المساومة : اطلبي مساعدتهم بأسلوب مرح ولطيف (من يساعد يحصل على مكافئة )

المكافئات كالتالي : ( تدليك ، منكير وبدي كير ، تنظيف بشرة ، صبغ شعر ، حف ، مكياج ، تصفيف شعر .. امر محبب لهم )

تعلمي هذه الأمور وجربيها على اخواتك فهي ستفيدك مستقبلا عندما تتزوجين + ستقربك من اخواتك وتستمتعين من تواجدهم

وهذا سيجلعم لايرفضون لكِ طلب ..


* النزهة : اقترحي النزهة الجماعية معهم بهذا اليوم (كالتسوق ، الذهاب للحديقة او بستان او بركة ، او ممارسة رياضة المشي ، زيارة مسجد ليوم كامل ..)

* المشاركة : اطلبي من اخواتك طبخ اكله معينه يجيدونها مع اقتراح المساعدة كالتالي:

( خيو خاطرنا تسوين لنا هالطبخة انتي تسوينها عجيبة ، واحنا بنساعدك بالتحضير ..)

أو ان تقومي انتي بتحضير طبخه بشرط يتم مساعدتك بالتحضير او غسل الاواني ..



الاطفال وازعاجهم ، كيف تتصرف " خاطرة معهم ؟

* استغلي تواجد الاطفال وخاصة البنوتات الصغيرات بتعليمهم التنظيف والترتيب + مكافئتهم بحلويات او شي محبب لهم

* اعملي مسابقة للأطفال من ينظف اكثر او اسرع أو من يساعد ، يحصل على المكافئة الكبرى ( حددي لهم شي محبب لهم )

* عندما يحدثون فوضى قصي عليهم قصص عن الاخلاق والاحترام والمساعدة لتحفيزهم على الخلق الحسن ..

* استغلي تواجد الاطفال والعبي معهم فهذا يروح عن النفس ويقربك منهم ، فيحرصون على اطاعتك لتشاركيهم

* اطلبي من الاطفال مساعدتك في عمل طبخة وقدميها على انها من صنعهم بأشرافك لتشجيعهم ولتكوني أقرب لهم

:

اما تاخر النصيب ياعزيزتي لا تحزني بل توكلي على الله سبحانه وتعالى وثقي انه سيرزقك الزوج المناسب لكِ

وبالنسبة للخاطب يحتاج ان تميزي بين ان يكون بخيل او اقتصادي لا يحب الاسراف

وتستطيعين معرفة ذلك من افراد اسرته هل كلهم بنفس الطباع او لا والى أي درجة ..


اهتمي بنفسك عزيزتي
واخبريني بما يستجد
استودعك الله

[خاطرة]

السلام عليكم ورحمة الله وبركاته

اختي تقوى شاكره لكي مساعدتك واسلوبك الرائع مع الجميع في ميزان حسناتك يارب ...

استمارة دراسة الحاله .. انا عزباء ..عمري 25 .. طالبة جامعية
طبعا استفدت من الحلول اللي اعطيتيني اياها لكن بعضها ماقدرت مايفيد معاهم راح اكتب لك المشاكل اللي للحين تطاردني ..

الاولى ... من ناحية التجمعات الظاهر مافي فايده لانه بيتنا بيت الاهل ومشكلته صغيرر يعني لازم تنظيف مستمر حنا عددنا قليل لكن الاستقبال المفتوح هو اللي متعبني اخواني يجون بأي وقت هذا غير الويكند وربي نابي ينتهي الاسبوع بسببهم حتى قريباتي البنات اللي من عمري اذا تجمعنا مايساعدوني حنا اللي نقوم تقريبا ثلاث بس هم اللي يحسون اما الباقي سوالف بس واذا مشوا انا واختي نكمل فكره الشغاله امي تقول غاليه الحين صارت ب16000 لكن اخوي بيجيب له واختي يعني بتفيد في ايام الويكند .فوق هذا صرت ماحب اتكلم مدري شفيني ومتضايقه ماروح اصلا لاحد الا نادر عشقت الوحده . كل جالسه مع امي وخالتي طول اليوم وعند التلفزيون واشتغل بالمطبخ ووقت محدد للعلاج الفاطمي .

الثانيه ... وحده من خواتي تجي احيانا تنام عندنا ليلتين بحكم شغل زوجها وعندها ثلاث اولاد واحد بالروضه هي قبل تحب الاطفال لكن الحين كل تعصب عليه وهو جد عنيد بزياده بس ماعندها الا العصبيه والضرب وانا وامي مانتحمل نشوفها تضرب بس ماينفع معها وشوي الا ترجع معه عادي تكلمه وتضحك وهو يحبني وكل يجيني واحسها تغير وتنقهر دايم انصحها بس تقول ماتقدر اذا عصبت اخر موقف يوم مارضى يروح الروضه لانه نام متأخر وضربته بالصباح وسحبته وانا توني نايمه الا قمت وشفته كسر خاطري واخذته وحاولت معه مارضى لين نام بدون ماتاخذه ولا شي عنيده وربي وين الحنان من يومها ماجات بيتنا وشكلها زعلت وانا من هالموقف حسيت بتغير وصرت مااتكلم كثيررمثل ماذكرت لك وقمت ابكي علاقتي معها حلوة بس ماتاخذ بكلام احد .

الثالثه ... من المشاكل اللي تجمعت صار يطلع لي شعر ابيض قدام وصرت اصبغه بأسود وانا مابي ارتبط اصبغ وكذا الشي هذا متعبني ومسبب لي غلق ....حبيت اقولك اني بتخرج هالشهر وملكتي الشهر الجاي ربي فرج علي وان شاء الله ربي يتمم على خيرر وخطيبي من عايله مشهورة ومحترمه ووظيفه مرموقه جدا ربي يكتب السعاده للجميع لكن من الجوو اللي عايشته ماحس اني فرحانه كثيررر..

ساعديني اختي تقوى شي يجر شي .....وربي منحرجه من كثر المشاكل ..

[.:تقوى:.]

وعليكم السلام والرحمة
اهلا بك عزيزتي مجدداً..

سبق ووضحت لكِ أن تطلبي من اخواتك أن يساعدونك بأعمال البيت بشكل لطيف

لا تنتظري أن يساعدونك من نفسهم واكرر أنتي اطلبي ذلك ..

أما أختك التي تبيت عندكم ..

هي تفهم عندما توجهين لها النصاائح أنها لاتفهم من وجهة نظرك !

عندما تريدين نصيحتها استخدمي اسلوب ( الاقتراح) والسؤال مثل :

- ما رأيك ان تتركي الطفل الآن وحده ليهدأ وانتي تهدأين كذلك ثم تكلمينه بهدوء

- لماذا لاتشرحين للطفل الخطأ ليفهم اسباب غضبك ؟

وهكذا ..

تجاهلي تغيرها عليكِ وتعاملي معها عادي .. إذا كانت تتحسس فهذه مشكلتها هي ..

بالنسبة للشعر الابيض لا حل له غير الصبغ ..
اتبعي موضات الصبغ الحديثة مثل الهاي لايت لأضفاء تغير بمظهرك بدل اللون القاتم الساده
هكذا يفهم الآخرين أنك تهتمين لمظهرك واناقتك
أما اذا اتخذتي لون واحد قاتم كالاسود دائما ،لا يشعر الآخرون بأي تغير في مظهرك و يفهمون ان الصبغ لأخفاء الشعر الابيض فقط
وهذا ما يفهمه الزوج كذلك فأحرصي أن تظهري دائما بمظهر انيق ومتجدد أمام زوجك ..

اسعدني خبر خطبتك عزيزتي وربي يوفقك ويسعدك
ولاتنسينا من دعائك
حفظك الله

[خاطرة]

السلام عليكم ورحمة الله وبركاته

اختي تقوى ....
اشكرك على تفاعلك معي ... لكن ااااااه لو تعلمين ماذا حصل لي من مواقف وربي مو قادره اتحمل لكن مالي الاالصبرررر
انا قلت لك اني انخطبت لكن جاا شهر ربيع وماتصلوا علينا لتحديد الملكه المهم بعد فتره عرفنا انه هو متحسس من اسلوب اخوي معه يقول طولتوا بالرد شكلكم مترددين صح اخوي كل يطول بس قلنا له بالنهايه ان موافقين وهو اخوانه كل يطلقون وشكله مايبي يجرب مثلهم حس ان حنا مترددين .. وبصراحه الغلط منه مشكلته بعدها الكل يسألني متى خطبتك وانحرجت قدام الاهل واخواني وقالت لي وحده ان انا كل مره يطلع لي سبب مايتمم الخطبه .. وصرت ابكي حتى امي مستغربه كل خواتي تزوجوا بسهوله وبنات اخوي اصغر مني الحين باقي انا واختي بس ...
خلال هالفتره تقدم لي واحد من قريه ثانيه وولد بنت خالتي بالدمام تقدموا بعد وصرت محتاره وفكرت بولد خالتي لانه اقرب لي وارتحت له وصارت امه كل تتصل وتقول لاتعطون الغريب وهي معصبه لانها تبيني لولدها المهم رفضنا الغريب ووافقت على ولد خالتي الا تفاجأت ان السكن معاهم في البيت في شقه بس مالها باب خارجي على الشارع ... وقال لهم اخوي خلاص وافقنا بس نبي شقه برى قالوا لا مو راضي يطلع هو وسكتوا اسبوع الا انزلت اخته يوم وقالت ان الشقه كبيره وابوي غلط ماسوى شقق خاصه لاخواني بس هذا موراضي يطلع بس عادي مافي الا غرف البنات تقريبا جنب شقتها والدرج بنركب عليه حاجز اما باب الشارع معنا بتكون جلست افكرر انا انا ابيه الولد بس هم عنيدين ومتكبرين ماتخيل بعيش معاهم وبنتهم تزوجت وشرطت شروط وانا بس قلت شقه مارضوا .. وامهم هالفتره ماتتصل على امي بس خالتي اللي معنا تدري عن كل شي وساكته لان ولد بنتها تبي موافقه وبس .. قال لهم اخوي مايبي يطلع خلاص يسوي لها فتحه بروحها ودرج مع انه مقتدر وللحين ماردوا الا اخته بس كلمت اختي وقالت ان مو راضي يفتح يقول عادي معزول الدرج اللي فيه لو تشوفونه تقتنعون وشكلهم انهوا الموضوع .
قالت لهم اختي سالفه القيل والقال غلط عندكم شي قولوا من البدايه مو كل واحد يقول شي وتفهمون غلط .


الحين انا افكر اكلمها هاذي اخته بالواتس اب بس عشان اوضح لها براءتنا مو عشان يرجعون لي لاني احس تعبانه من جد من هالموضوع اربع شهوررررررر هذره ع الفاضي وبصراحه انا ابيه وهو يصيح بس قاهرني ماسوى شي من اللي قلته تنازل عني بس عشان مايسوي هالفتحه واخوي وخواتي يقولون مومن مصلحتك ترجعين عن كلامك باب لحالك خارجي احسن ..
بس بقول لها الشقه اذا كانت معزوله احسن عن المشاكل بسسسسسس /// تنصحيني اقول لها ابرر موقفي على الاقل يمكن ارتاح
ساعديني اختيييييييييييييييي وربي غثيتك معي

[.:تقوى:.]

وعليكم السلام والرحمة
مساء الخير اخيتي ، كيف حالك ؟

اشكرك على تفاعلك معي ... لكن ااااااه لو تعلمين ماذا حصل لي من مواقف وربي مو قادره اتحمل لكن مالي الاالصبرررر

آه ، لو تعلمي الخير فيما اختاره الله ...

عزيزتي فكري قليل ، هل ترين ان هذا سبب مقنع لتباطوء الخاطب الأول ؟؟!

ماذا لو ارتبطي به تخيلي حياتك معه ؟

الانسان كثير التردد لدية مشكلة في شخصيته منها :

- بسبب عدم ثقته بنفسه

- بسبب عدم قدرته على اتخاذ القرار الصائب لنفسه

- اعتماده على أهله في اتخاذ القرار مما يجعله يتشتت ( الاخت لها رأي، والأخ له رأي ، والأم لها رأي و....)

هذا يعني ان قراراته ليست بيده ، فتخيلي ان تكون حياتك بيد الغير !!

ثقي أن الله سبحانه وتعالى سيرزقكِ بالأفضل

الحين انا افكر اكلمها هاذي اخته بالواتس اب بس عشان اوضح لها براءتنا مو عشان يرجعون لي لاني احس تعبانه من جد من هالموضوع اربع شهوررررررر هذره ع الفاضي وبصراحه انا ابيه وهو يصيح بس قاهرني ماسوى شي من اللي قلته تنازل عني بس عشان مايسوي هالفتحه واخوي وخواتي يقولون مومن مصلحتك ترجعين عن كلامك باب لحالك خارجي احسن ..

تبررين أي موقف عزيزتي ؟؟

الشرط مو صعب ولا مستحيل يتحقق !!

متابعة الموضوع لازم تجي منهم ( أهل الخاطب ) ، حتى لو كان ما يقدر يسوي حاليا يوضح انه بسوي في أقرب فرصة

أما انه يرفض تماما !! اعتقد هذا سبب مومقنع للتأجيل كل هذا الوقت (4شهور) وهي كافية لأتخاذ القرار أما يوضح انه

متمسك فيكِ أو ينهي الأمر ..

إذ اوصل الأمر لك وتم سؤالك وضحي لهم انك مو مستعدة تنتظرين أكثر وأي شاب يتقدم لك يكون كفوء راح تقبلين فيه

مو خالتك ماتبغي تآخذين واحد غريب .. حاولي بطريقة غير مباشرة ان يوصلها هذا الخبر انك ما راح ترفضي اي شاب

يتقدم لك بهذي الفترة إذا كان كفوء وبيوفر لك كل اللي تتمنينه ..


والله يسهل لك عزيزتي

حفظك الله [/align]

[خاطرة]

بسم الله الرحمن الرحيم

اختي انا راح اقولك وش صار معي طول هالفتره انا من بعد مارفضت ولد خالتي خلاص شفتهم هونوا فاشلتهم من بالي وبعدها بخمس شهور انخطبت لواحد من برى ديرتنا عن طريق زوج بنت اخوي
وسألنا عنه لمدة شهر وكذا ووافقنا لكن امي كانت متردده ماتبي من برى الديره ومع الوقت وافقت لكن بيوم الملكه كل معصبه حييل خصوصا لانه ماكمل دراسه طلع يشتغل يبي يعتمد على نفسه لانه ابوه متوفي وف البدايه كل تنحز لي امي ومروا شهرين على الملكه وبديت ادقق فيه وانتبه لاشياء ماكنت اركز عليها وهو فرحان فيني حييل لكن من بعد هالشهرين صرت كل ابكي وجنبه بعد ووقت النوم ابكي .. وامي كل تنحز ولا احب اكلمه واستغرب هوو واللي ضايقني انه قالي عمره غير طلع 34وانصدمت وماعرفت اقوله شي وهو ماخذها بضحك يفكر مايهمني العمر وقمت ابكي بعدين واقول في نفسي شسوي لو عرفت امي لان امي ماتبي يزيد عن 30 .. وقلت هو طيب ومافيه شي حرام عشان عمره يعني وهو سبب تأخره بالزواج انشغل بالعمل يقول وكان طيب وضاعت فلوسه على الناس وكان يبي من القرى وتوه محصلني .. المهم كلموني اخواني كذا مره لاني كل ابكي واتذكر ولد خالتي اللي رفضني بسبب السكن واذا كنت جنبه كل ابكي ويقولي قولي وشفيك واوقات اكون حزينه وكلمت اختي قالت لي بالعكس هذا طيب واحسن لك ولد خالتك مناسب بس صعبه تعيشين مع اهله وحنا نعرف اطباعهم وهو مو راضي يتزوج الا يبيني .. وابد كل افكرررررررررررر حييل حياتي صارت مو ايام خطوبه هاذي ابد جحيم وهو خطيبي حمدلله متحملني والمشكله كل اذكر اهله واحسهم مو من مستوانا وابكي بعد ومارضى يسكني بديرتي الا يبيني اروح معه بالهفوف .. والحين من التفكيرر احس زاد الشعر الابيض لكن متداخل وكل افكر وشلون اقوله وبالزواج بصبغه لكن بتروح الصبغه ابد مو حلو يشوفني فيني شعر ابيض مو عارفه اقوله .. خصوصا لانه هو فرحان ان للحين ماطلع له شعر ابيض وانا ابد خجلانه منه واخجل حتى قدام الاهل لاني عارفه انه من الهم والمسؤليات اللي مرييت فيها صار كذا
وحالتي حاله وماحب اروح السوق اجهز الا قليل حتى اهلي مستغربين لان تفكيري بولد خالتي حطمنييييييي ..

اختي المشاكل هي :
1/ كل ابكي وزواجي بعد شهر واقول شلون وش هالبكي يعني لين ليلة الزواج ادري ببكي ؟
2/ سالفة العمر للحين ماقلت لامي وعارفه انها راح تتفاجأ ف مدري اقول لها الحين ولا بعد الزواج مع انها هالايام صارت تتقبله ؟
3/ دايم اذكر اهله مع انه سكني بشقه خارجيه لكن بلتقي فيهم طبعا ؟
4/ خطيبي يركز علي وشلون استقبله كل يبي ترحيب وكلام يعطيك العافيه ومشكور ويسلم راسك كل كذا يبي ويقولي انتي كل ساكته لازم تتعودين ؟ طفشت
5/ سالفة الشعر ؟ وش الحل

ساعديني زواجي مابقى عليه شي ....

يعطيك العافيه اختي

[.:تقوى:.]

مساء الخير ..

كيف حالك اختي ؟ اتمنى تكوني بخير وعافية يارب

لم افهم كلمة ( تنحز) ؟؟

هل تقصدين ان والدتك ليست موافقة على خطيبك ؟


أما بالنسبة للأمر العمر لا اعتقد انه كبير جدا ، 4 سنوات زيادة شنو فيها ؟ عقله ناقص مثلا !

عزيزتي ركزي على صفاته الايجابية ولا تعتقدي انك ستجدين زوج كامل الأوصاف

لأنك انتي لستي كاملة الأوصاف ..

ولا داعي لأن تخبري والدتك بكل صغيرة وكبيرة ، فلا تخبريها عن عمره وانتهى


بما انه رجل يتحمل المسؤلية ويحبك وطيب معك شنو تبغين أكثر ؟

أما بالنسبة للعيش في منطقته اعتقد كان من المفروض ان تتفقوا قبل عقد القران وليس الآن !!


اعتبري انك ستزورين منطقة جديد وجميلة ، وناس جدد ومناظر مختلفة

على الأقل لاتحمل لكِ ذكرى أليمه ،


- لم افهم ان أهل زوجك ليسو من مستوالكم ؟!!
كيف يعني ؟

هل لديكم الناس مستويات ؟


بالنسبة للأستقبال !

طبيعي الرجل يحب ان ترحب به زوجته وتقدره ، إذا من اولها طفشتي ليش متزوجه اصلا ؟؟

كان قعدتي مكان وتركتيه يتزوج بنت تقدره وتعزه وادلعه وتحبه !

تعلمي من السوريات واللبنانيات كيف يرحبون ويدللون ازواجهم


بالنسبة للشعر مو صعبة ، صبغية في الصالون صبغ يستمر سنة كاملة

وسوي هايلايت خلي زوجك يستمتع يشوف جمالك عزيزتي

اهتمي بنفسك وددللي نفسك عشان نفسك ومن بعدها زوجك


لا تصيرين نكديه من أولها ترى الرجال يطفش ويبحث عن وحده ثانية تونسه

كوني مرحه واضحكي وقابلي اهله بالترحيب الحار وبالحب من قلبك

شوفي شلون يعزك


أما اذا بقيتي على حالك هذا لا بالله طفش الرجال

اضحكي اضحكي يابنت الناس ، ليش شايلة هم الدنيا كله على راسك



اهتمي بنفسك وكوني بخير
حفظك الله

[خاطرة]

بسم الله الرحمن الرحيم
اللهم صل على محمد وآل محمد الطيبين الطاهرين

هلا اختي كيف الحال ......

حابه اكمل معك مشكلتي انا حمدلله تزوجت وحملت على طول والان عندي بنوته ربي يحفظها

لكن مشكلة البكاء للحين معاي وكل اتذكر ايام الجامعه ودي انها تعود والحين كل زهقانه ماحب جلسة البيت ومقدمة على وظيفه لكن كل احاتي ببنتي
وزاد خناقنا مع بعض كل ابكي على اقل كلمه يقولها لي مع انه ظيب ومرح لكن لسانه شوي ويقولي لاتاخذين على كل كلمه اقولها اقوله معقوله كذا عاد

ويبيني اروح بيت اهله مابين يوم ويوم كذا ,,, وكل اقول لو ماخذه ولد خالتي يمكن احسن كل ابكي وزهقانه وزياده اذا جيت بيت اهلي امي مره حلوة معاي ومره لا كل تنتقد زوجي او ترمي علي كلمه لانها ماكانت قابله بالبدايه واخواني هم اللي وافقوا اكثر منها

مدري هو من الشقه يمكن مو عاجبتني نغيرها او شنو .. مشكلته لسانه يعني اي كلمه اقولها يقولي انتي هاديه ماتوقعتك كذا يظلع منك كلام اقوله انا يعني تبيني ساكته على طول ماادافع عن نفسي يعني كل يحط اللوم علي واني اكبر الموضوع

مع انه يحبني بس كل اصيح ويقولي اقدر اتزوج اقوله انا عادي تزوج لو وحده ثانيه مارضت تقول لها هالكلام وحنا تونا سنه من زواجنا ماكملنا ومنقهر مني لاني هاديه حيل

ساعديني اختي لاني مابي ادخل اهلي بالموضوع

[.:تقوى:.]

اللهم صل على محمد وآل محمد الطيبين الطاهرين

عزيزتي المشكلة فيكِ انتي !!

لا من زوجك ، ولا من والدتك ، ولا من الشقة ، ولا من الجدارن ولا من البطيخ !!!!!


وحتى لو تزوجتي ابن خالتك راح تكون نفسيتك مثل ماهي ! ادورين العزا وتلطمي !!


من قنع برزقه عاش سعيد


طول ما انتي تتحسري على الاشياء اللي ما موجوده عندك ربك راح يزيدك هم فوق همك

لأنك ما تحمدي ربك على النعمة اللي عندك


حفظك الله