العين - النفس وتأخر النصيب والجاثوم

[حـــور..]

السلاام عليكم ورحمة الله وبركاته ..

احب اطرح مشكلتي اعذروني اهيا طويلة بس اتمنى القى لها حل ..

آنا عمري 25 سنه .. موظفة و طالبة غير متزوجه .. مشكلتي بدت بعد تخرجي من الثانوية العامة وتوظفت مع وحده من اقاربنا بشركة كبيرة بدولتنا .. دائما اعاني صداع والام بالظهر واستمرار الشد العضلي بأرجلي أثنينهم حتى وآنا نايمه ..
اعتزلت مجتمعنا وعايلتنا وما احضر ولا اي مناسبه ودايما قاعده بالبيت و ما اختلط مع احد .. ابتعدت عن صديقاتي بشكل مفاجيء ومادري ليش .. اعاني من نسياااااااان بشكل كبيييير جدا وملحوووظ ويسببلي هالشي مشكلاات وايد سواء بالشغل او الدراسه ..
تأخر نصيبي ونصيب خواتي بشكل ملحوظ احنا 4 بنات اي احد يخطبنا او يسال عنا يتكنسل الموضوع لأن الخطاب يطنشون .. خطبوني 5 وكلهم موافقين علي ويبوني وياخذون رقم امي يكلمونها ويحددون موعد بعدين يتجاهلون بدون سبب .. خالتي اخطبت اختي حق ولدها فجأة تصكر الموضوع ولا يابت سيرته وهالشي ملاحظينه.. كذا سيد وكذا شخص يقول بسبب النفس ( وحده من خالاتي خطبتني انا وخواتي حق ولدها – كانت تبي اي وحده منا حق ولدها – ورفضنا من يومها بنتها تقولنا امي تشوفكم وتتحسر وللحين نفسها فيكم ) ومو عارفين شنو نسوي
كنت ملتزمة بالعبادات وصلاة الليل ما تطوفني .. وارتباط قوي مع أهل البيت .. وصلت مرحلة افرش السجاده للصلااه الواجبه وما اصليها .. احس بهم وقسوة بالقلب تجاه العبادات واتمنى ارد مثل قبل ودائما عصبية وما اتحمل اسمع اي كلمة او نقاش بخصوص صلااتي وعبادتي .. اي شي انوي اسويه ما يصير الا بعد مشكلاات وتعطيلات وااايد تواجهني وعلى آخر لحظة يكتمل الموضوع .. (مثال : تقديم اجازات بالدوام للسفر للزيارة او العمره او اي سبب يتم رفض قاطع من قبل مسؤولين وباخر لحظة يوافقون – كنت بشتري سياره وتعطلت المعاملة شهرين بدون سبب – وهالسنه خريجة وتعطل تخرجي بسبب مشكله ما كان لها اي وجود ) ..
أعاني من كوابيس ودايم احلم بثعابين – عقارب - قطط وحدوث فيضانات وغرق واكثر احلاام اتحلمها تكسر اسناني والام فظيعة بالاسنان..
الدوام مو طايقته نهااائيا .. عندي شغل وايد بس كل ما ادخل مكتبي احس بضيقة صدر و بس ابي اشتغل احس اني مكتفه وما اقدر اسوي شي وما اشتغل شي ولا انجز اي شي من واجباتي بالدوام وهالشيي يسبب مشاكل مع المسؤلين..

عانييت سمنة مفاجئة وضعف نظر .. سويت عملية ليزك للنظر بس للحين اعاني من هالضعف .. الام ظهري مو طبيعية وبفترة من الفترات ما اتحرك السرير بسبب هالالم ..


ادري طولت عليك سيدنا .. اتمنى تساعدني و في ميزان اعمالكم ان شاء الله ..

[الـسـيـد الـفـاطـمـي]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
أنصح بقراءة الرقية الشرعية ( الصغرى ) ثبت الموضوع في روضة الفاطمي والعرفان
وأنتم على طهارة ووضوء قبل اذان المغرب بساعتين أو في الوقت المناسب لكم
الاعمال لمدة 5 أيام فقط
بعد الانتهاء من الاعمال أخبرونا عن احوالكم اثناء القراءة والبخور لكل يوم
للتواصل معكم بمشيئة الله تعالى رب العالمين
أنصح العمل بموضوع الفاطمي والبخور أو الفاطمي والحرمل قبل اذان المغرب أو في الوقت المناسب لكم... وفي حال الصيام يكون البخور بعد الافطار. ثبت في روضة كشكول الفاطمي
أنصح بدفع صدقة بنية الشفاء قبل القيام بالاعمال قربة لله تعالى رب العالمين
ملاحظات مهمة قبل كتابة احوالكم للقراءة وبخور الحرمل. اذا لم تكتب يغلق العلاج
ذكر احوالكم للقراءة يكون حسب درجة الخشوع والفتور العبادي وماتشعرون به من صداع ونحول او راحة وروحانية كبيرة .. او سرحان او وسوسة او تقلب بين الخشوع والفتور العبادي او ضيق الصدر او حكة في الجسد او الراس او اوجاع البطن والظهر والقدمين واليدين او الشعور بالملل والكثير من الاعراض
اعراض بخور الحرمل .. خمول أو صداع أو أوجاع متفرقة أو راحة أو شعور بالضيق والتعب وعدم الراحة أو تسارع في دقات القلب او ضيق في التنفس او شعور بالخوف او الاطمئنان أو فرقعات شديدة مصاحبة لبعض الاوجاع المتفرقة اختلاجات محددة او متفرقة او رائحة كريهة او رائحة طيبة تصدر من البخور او تثاؤب او حكة محددة في منطقة من الجسم او متفرقة او نغزات متفرقة او ضيق في التنقس مع العديد من الاعراض والله اعلماي سؤال يوضع في روضة الاستفسارات الخاصة بالعلاج
حفظكم الله تعالى من شر الجن والانس مع شيعة محمد وال محمد
وصل اللهم على محمد وال محمد الابرار الاخيار
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي