مساعدة في فهم الشخصية

[عباس يا عيوني]

بسم الله الرحمن الرحيم
السلام عليكم ورحمة الله وبركاته

استمارة دراسة الحالة
الجنس: أنثى
العمر :٢٧
الحالة الإجتماعية : مخطوبة
المستوى التعليمي: أدرس مرحلة الثانوية تمهيداً لدخول الجامعة
الوضع العملي: يدرس

معلومات عن خطيبي

الشاب الي متقدم لي عمره ٣٠ سنة
المستوى التعليمي: خريج جامعي
الوضع العملي: يشتغل ومعتمد على نفسه من هو وصغير

المشكلة بالتفصيل

انا مخطوبة والان في فترة للتعرف على الخطيب ودراسته من كل النواحي ان كان يناسبني ام لا
وأود ان ترشديني بطرق تجعلني اعرف صدق كلامه
طرق اتعرف عليه أكثر من ناحية شخصيته أطباعه تفكيره وضعيته وكل اموره ...
نحن تكلمنا عن مواضيع كسياسة ودين ومتفقين عليها ولكن أود أن أتعمق بالتعرف عليه من نواحي أخرى...
ماهي المواضيع التي أطرحها وكيفية الاسئلة؟؟؟
بحيث أعرفه جيداً وبنفس الوقت كيف أكسبه لي ...
وأزودكم بمعلومة بأنه هو جداً جداً معجب بي يعني يتمناني اليوم قبل بكرة مثل مانقول بس أنا أريد أطول بالفترة واعرف أكثر حتى ما أندم بعدين لان هذا زواج اريد طريقة بحيث اخلي يتفاعل معي بالمواضيع والنقاشات..
ارجو ان لا اكون قد اثقلت عليكِ واتمنى المساعدة العاجلة حتى أكون بتواصل مستمر معكِ.  

[.:تقوى:.]

وعليكم السلام والرحمة
اهلا بكِ اختي الكريمة شكرا لطرح مشكلتك ولثقتك بنا
كيف حالك ؟ اتمنى تكوني بخير وعافية يارب ..


عزيزتي لا توجد اسئلة معينة تكشف شخصية الفرد !

عليكِ ان تحددي الصفات او المواضيع التي تريدين معرفه افكاره ورأيه فيها ..

وقبل أن اعطيكِ مثال يجب ان تحددي انتي المواصفات التي تريدينها في شريك حياتك المستقبلي بغض النظر عن خطيبك الآن .. وانصحك أن لاتكون الصورة في ذهنك حول شريك الحاياة المستقبلي (مثالية) ولا تضعي صفات
كثيرة كي لاتنصدمي بالواقع ..


سأضع لكِ تمرين :

حددي 5 صفات من كل جانب لايمكنك التنازل عنها في شريك حياتك المستقبلي ، يعني لو صفه واحده غير موجوده لاتستطيعين قبول هذا الخاطب ..


الجانب الديني \ مدى الالتزام الديني

الجانب الاخلاقي\ الصفات الشخصية

الجانب العلمي \ الثقافي

الجانب الصحي\ الشكل

الجانب الاجتماعي \علاقاته الاجتماعية

الجانب الاسري\ علاقته مع اسرته

الجانب الوظيفي\ المالي




ويفضل ان تطلبي منه تطبيق التمرين هو كذلك


حفظك الله

[عباس يا عيوني]

السلام عليكم ورحمة الله وبركاته....
شكرا لكِ اختي تقوى على النصائح القدمتيها لي والحمدلله نحن متفقون على اغلبها لكننا لم نخض بعد بتفاصيل اكثر...

خطيبي من النوع الي يحتاج للحب والاهتمام الغير عادي واقولك لدرجة انه يقولي اذا خرجت خارج البيت وشوية تعطلت ظلي اتصلي عليه الا ان التليفون يحترق مثل منقول ويحب اشاركه بكل شيء حتى وان اراد ان يمشي كرياضة واشاركه في اهتماماته حتى الصغيرة منها...في كل شاردة ووارده
وهو صريح جدا جدا معي الي بقلبه على لسانه. لكنه يعيش بظروف صعبة وقاسية جدا وضغط العمل والامور المنزلية والوضع في بلدي العراق مأثرة عليه لدرجة لا تطاق وبالاضافة الى الروتين القاتل ...
عند دخولي حياته اصبح في تحسن حسب قول اهله وانا احس بذلك ايضا ويسألني ان كنت مرتاحه معه وانا ايضا اساله نفس السؤال فيجيبني نعم الحمدلله مرتاح ولدي ميول قوي اتجاهك ولكل شي فيكي انا اعرف بأنه يحبني جدااااااااااا لكنه لا يعترف لي لانني في البداية صديته بأمور معينه لعدة اسباب قأعتقد بأنني جامدة بمشاعري فليحد الان لا يتجرأ ان ينطق كلمات الحب لي ولكنه في داخله عدة مشاعر طيبة لي وبنفس الوقت انه احس بعض الاحيان يصير ملل في الحديث .....لدي عدة مواضيع لافتحها واناقشها معه لكن اكثر الاحيان يجيني جدا تعبان فاتجنب الامور الجديه

وبعض الاحيان تكون شبكة النت عاطلة او لديهم ضيوف واصبر نفسي في اغلب الاحيان واقول تهون بعدنه في البداية وممكن ظروف صادفته خليني اصبر لانه شغله وامور البيت كثير ماخذه منه والمشكلة انني في بلد اخر وهو في العراق ...فاريد ان تساعدينني بان اكسبه اكثر لي واجعله متمسك بي اكثر واكسر الملل النسبي اريده ان يهتم بي اكثر حتى وان كان تعبان نفسيا لانني اعرف وواثقه بأنه يهواني جداااااااا

فاريد ان افتح له ابواب السعاده والحب معي ..اعطيكِ مثال هو في مكان شغله لا يستطيع ان يتصل بي لانه لا يحق لهم فقط على المسجات يعني من ارسله مسج كمسجات صباحيه او اشتياق او اطمأن عليه لا يجاوبني ابببببببببببببد فا ضطر ان اتصل لاطمأن تعرفين اوضاع العراق مزرية فاخاف عليه جدا اريد انه يبادلني نفس الشي واحس انه مهتم فيه مثل ما انا مهتمه..
فكرت انه افاتحه بهل موضوع واعرف ان ليش ميجاوبني لمن ارسله بطريقة لطيفة ومناسبه شنو رايك اختي تقوى؟؟؟؟؟
لانه متفهم وسلس في الكلام. بالاضافه اريده ان يعترف لي بمشاعره صراحة ويعبر عن ما بداخله...

[.:تقوى:.]

وعليكم السلام والرحمة

في البداية اخبرتني انه متقدم لخطبتك ! ولم توضحي إذا كان قد تم العقد أم لا !!

إن تم العقد لا بأس بالتواصل المباشر والتصريح بالمشاعر ، إياك وصده

أما بعد ان وقع الصد ، عليكِ انتي الآن التصريح بمشاعرك له ووضحي له انك تحبين ان يعبر عن مشاعره لك
واعتذري عن المرة السابقة التي صددته فيها .. هذا إن تم العقد

بالنسبة لشغفه بك هذا طبيعي ، فهو يشعر بالشوق والارتياح والحنين لكِ ، واكرر ان تم العقد لا تخجلي من تصريحاته
ولا تمنعيه عندما يعبر عن مشاعره بل تجاوبي معه بكل اريحيه ..

واضح من خلال كلامك ان خطيبك طيب القلب وسهل التعامل معه ، وواضح انه يهتم لأمرك كثيرا

انصحك بكتاب ( لغات الحب ) لكريم الشاذلي


كوني بخير

[عباس يا عيوني]

السلام عليكم ورحمة الله وبركاته

اسفه جدا لعدم التواصل بسبب انشغالي ببعض الامور والظروف الخاصه .. اما بعد في بداية موضوعي كان مقري الفاتحه لا اكثر ولكن قبل ٣ اسابيع تم عقد قراني والحمدلله .. سافرت لبلدي العراق وعقدت قراني عند السيد وكذلك المحكمة.. الشاب جيد جدا وقلبه طيب ويحبني كثيراااا وانا كذلك ابادله نفس الشعور الشيء الذي اعاني منه هو عدم تواصله معي كثيرا عن طريق النت والتليفون خاصة اني اعيش في بلاد الغربه وهو في العراق .. ولكي اجعلك على بينه وافصل لكي روتينه اليومي.. هو يشتغل بشركة اتصالات يذهب من الساعه ال ٦ صباحا الى الساعه ٥ عصرا يوميا طبعا هو مندوب عن كروب اجنبي ومسؤل عنهم في طباتهم وطلعاتهم التي تخص العمل.. وبعض المرات يشتغل اوفر تايم حته في عطلته ومرات يتعطل لساعه ال ٧ او ال ٨ ومرات اكثر فهذا الشيء متعبه جدا جدا ... بالاضافه انهم ماينطوهم اجايز لان شركة اهليه ...وفوق هذه الاشياء الوضع الامني التعبان جدا خاصة انه من محافظة ساخنه مثل منقول ما مئمن على حياته حتى في الشارع يتعب من الازدحامات والسيطرات وامور كثيرة كل هذه الاشياء متعبته نفسيا جدا جدا بحيث صاير عنده ملل من كل شي.. وبي طبع من عقله ينشغل بشي يظل يفكر ويفكر بحيث يأثر عليه لدرجه لا توصف ويعتكف ع نفسه.. وطبعه صعب مياخذ ع البشر بسهولة يعني اني خطيبته هسه بلش شوية يحجيلي عن خصوصياته .،، عند نزولي للعراق تكلمنه عن هذا الموضوع وهو يعترف انه مقصر في حقي بس يكولي اتعب كولش من ارجع للبيت اريد بس انام حته ارتاح وانا اعذره ودا اواسي بنفس الوقت طلبت منه انه الاهتمام لازم يصير اكثر ونتقرب لبغض اكثر واكثر لان اني صرت مرته وهو يريد انه يتواصل وياي بس احس مرات يفضل يسوي اشياء ثانيه عن ما يكعد وياي وكل منحجي بهذا الموضوع يكولي تعبان نفسيا من الوضع العايشي افهميني وبكولي حقج والله ..، شلون اصرف وياه شنو الطريقه الي تخلي ميكدر اذا ميخابرني ويتعلق بيه اكثر واكثر لان ادري بي كولش يحبني لدرجة ميستوعب يكولوله انه اني خطيبته يصير عصبي ويكولهم هاي مرتي زوجتي ويخاف عليه ويقدرني بس العائق مواصلته وياي مو مثل اي اثنين مخطوبين مرتين حاجيته يكولي قابل اني ماريد احجي وياج قابل ماريد اكعد وياج بس دا تشوفين الشغل شمسوي بيه.. اتمنى تساعديني حتى اتبع خطواتج واطبقها..تكلمت وياه بانه الامور تغيرت صار تعلق اكثر بعد التواصل يصير احسن طبعا بعد محجينه اني وياه بهذا الخصوص دا انتظر واشوف لان صارلي ٤ ايام يلا رجعت من بلدي بس اريد نصائح اكسبه الي اكثر واكثر ويظل ع طول متواصل وياي ويفتحلي كلبه اكثر ةاكثر،.،ماريد علاقتنه يصير بيها برود وروتين وهيه فعلا بيها روتين بسبب عدم تواجده وياي احس هواي امور جامده لان وقته مو الي اتمنى اساعديني حتى اكسبه الي اكثر بحيث يوفرلي وقت استحقه حتى علاقتنه تقوه كولش.

[.:تقوى:.]

اللهم صل على محمد وآل محمد الطيبين الطاهرين

عزيزتي افهمي زوجك وقدري وضعه ..!

لا تلحي عليه وتضغطين عليه ، بما انك تدرين بوضع عمله ووضع البلد ككل

وشكثر الحياة صعبة ومتعبة ، حاولي تساعدينه وتخططين معاه لمشروع تجاري يساعدكم

في تجاوز هذا الوضع ..

إن كان تواصله قليل أسألي عنه وعن أخباره ووضحي انك مشتاقه له وخايفه عليه وودك تطمني عليه

اسمعيه زين ولاتشكين له ، خليه يفضفض فأنتي اللاذ اللي يرتاح له ويفتح قلبه لكِ ..

اسمعيه واغمريه بكلمات الحب فهي كفايه لتنسيه همومه ومشاكله

كلما سمع منك الكلمة الطيبة ، ولقى منك الحنيه ، وشعر بحبك له ، وتقديرك لوضعه

وخوفك عليه ، واهتمامك فيه .. زاد حبه لكِ وتعلقه فيكِ ..


فلا تكوني لحوحه حتى ماينفر منك


اهتمي بنفسك
حفظك الله

[عباس يا عيوني]

السلام عليكم ورحمة الله وبركاته

كل هاي الامور سويتها وياه السؤال والخوف والتليفون حتى مافتح شي وياه اكول حتى ميتعب اكثر واسمعله بكثرة واغمره بالحب والتهدئة بس طلعت غلطانه واسولفلك شصار البارحه ويانه..,

اليوم صارت امور جديدة بيناتنه وخبرني انه اكو روتين قاتل بعلاقتنه يعني انه ماخبره بالتفصيل عن يومياتي وحياتي الشخصيه شسويت شصادفت شحصل من موقف وياي يريد يحس انه موجود وياي بكل التفاصيل ويعرف الصغيرة والكبيرة يكولي اريد علاقتنه تصير بيها لذة بيها فرح شجار خصام زعل مزاح والخ يريد تجديد بالعلاقه اذا اضوج اشكيله واحجيله همومي واخذ رأيه اذا اكو شي يريد يحس انه خطيبي وملك عليه كلتله اني اصلا ماريد علاقه باردة لان متدمرة دمار ومتعب نفسيتي يكولي انتي ماعندج تجارب بالحياة لعدم الاختلاط بالناس وقلة تجارب بالحياة وكلام كثير كلتله كل ما بالموضوع اني لغيت هواي امور وهواي مواضيع بسبيل راحتك من الشغل ماريد اجي وازيد هم فوك همك كلي غصبا ما عليه اجي واسمعج واكعد وياج. يكولي شديني الج افرضي شخصيتج اطرحي مواضيع فاجأيني بشغلات بحيث اجي بس اريد اشوفج مو بس حبيات نكضيهاا كتله اني مطالبه منك حبيات ٢٤ ساعه بكد ملريد توفرلي وقت اكعد وياك ادرسك وافهمك واتعمق بشخصيتك يجاوبني صارلنه ٤ شهور ماعرفتيني ليحد الان كلتله احنه ممشاوفين غير يس على النت وقت قليل كولش بس مشاغله .الحب والشد والرخي والزعل وكولشي هاي الامور كلها اريد اسويها بس خليتها ع جنب بسبب تعبه النفسي من الشغل اكول ماظغط عليه بس الظاهر طيبة القلب الزايدة بهل وكت متراد بكثرة وكلمة خطية وكسران القلب عليه مفادت وياه يريد عين حمرة اله بعض الاحيان. كانت الاوضاع متوترة بيناتنه البارحه شد وتجريح وبجي بس اتصافينه اخر شي ودا ينتظر تغيير مني حتى علاقتنه متظل روتينيه وفتور بيها .. يعني اللحظة من اللحظات حسسني اني كولشي مافتهم بالحياة الزوجيه والعاطفيه ،. فققررت اغير من طريقة تعاملي وياه مو لان هو يريد بس لان اني من ذاتي اريد اغير واحسن علاقتنه.. اتمنى نكون على تواصل وتنصحيني شلون اتعامل وياه حتى اكسبه الي واخلي يتندم ع كل كلمة حجاها وبنفس الوقت اصحح من تصرفاتي واخطائي وياه وهو يتعدل وياي. بشنو تنصحيني اسوي؟؟

[.:تقوى:.]

اللهم صل على محمد وآل محمد الطيبين الطاهرين

انصحك بالكتابين ( لغات الحب و سحابة صيف ) للمؤلف كريم الشاذلي

حفظك الله

[عباس يا عيوني]

السلام عليكم اختي تقوى...

شكرا لكي وتجاوبك معي وبأت اقرأ كتب عديده فيها كثير شغلات حلوة واحد يتعلمها بس المشكلة البعد بعد المسافه الي بيني وبين خطيبي صاير عائق كبير فيما بيننه رغم انه تحسن معي ودا احس بده يفهمني ويتقربلي اكثر بس فجأة تنقلب كل الموازين واني بهاي التقطة فاهمته مثلا اتصلت اليوم في دا اطمان عليه واسمع صوته وبحكم انه مكان شغله بغير محافظة صارله اسبوعين بعيد عن اهله ومتبهذل من كل النواحي عمله متعبه المهم اتصلت في كان زين ونفسيته حلوة وره كم ساعه اتصلت ايضا كان جدا متعب وفي طبع من بتعب نفسيا ميحكي ايدا ويعتزل حتى من اقرب الناس اله قلتله شفيك صاير شي غير الشغل والتعب الي داتعبه كلي مابيه شي تعبان نفسيا كان جدا تعبان بحيث حتى معي ميتقبل فاني ماعرف شكلمه وشحاجي بحيث اخفف عنه واشيل من همومه ظليت ساكته ماعرف شتكلم معاه وقلي راح تظلين ساكته ؟؟؟ لان هاي المرة الف تصير وياه هاي الحاله ويظل يدعي ع روحه عسني لا رجعت ان شاء الله اموت يخليني اموت من القهر ... فجاة جاله تليفون قلوله تعال لمكان العمل فقلتله اوكي بعدين نتخابر قال ماعرف طالعه روحي وتعبان نفسيا ماكدر فكلتله اوكي مع السلامة وراح... تعتقدين اتصرفت صحيح او كان خطأ مني لان لا هو يريدني ايقى وياه ولا اكدر احجي شي حته اواسي لو كنت يمه كان فرقت ع اقلها اعتني بي بطرق ثانيه.... بين فترة وفترة يجيني نفسيته تعبانه واني عاذرته بسبب ظروف العراق التعبانه وظروف العمل الي يشتغله بس ليش ميلجألي .. شلون اجيبه للطريق بحيث يتكلم ويخفف عن نفسيته ساعديني الله يخليج لان تعبت من هذا الشي وياه شسوي من يجيني تعبان نفسيا اتركه يرتاح وبعدين اكلمه لو اظل اواسي وتعقدين صحيح اظل ساكته لان ماعرف شسويله تعبت من الحجي كل مرة ارجع اعيد نفس الكلام وياه اهدأ واهًون بس ماكو فايده،... انصحينيييييي وساعديني الله يخليج،،

[.:تقوى:.]

اللهم صل على محمد وآل محمد الطيبين الطاهرين

انصحك بكتاب ( امرأه من طراز خاص ) للمؤلف كريم الشاذلي

حفظك الله