السلام عليكم ورحمة الله وبركاته
1/ألم في جانب الرأس الأيسر ,حماس عبادي , شعور بالسعادة , راحة
الأحلام: أذكر منه أن هناك أشخاص يعملون قوالب لحضرة السيدة زينب عليها السلام وكان شكل القالب مربع وأخذ شخص زينة بلون وردي غامق ووضعها في المنتصف كي تنطبع النقشة وكان في منتصفها على ما أذكر آية الكرسي بشكل دائري وزواياه مزخرفة ثم رفع الزينة وأرادوا جمع المربع وتسويته عبر ضغطه من جوانبه وكان زائدا بمقدار بسيط فأخذ أحدهم بيده غرفة من منتصفه فاستوى ورُص المربع .
كذلك أذكر أن هنالك نسوة مجتمعات حول مائدة مربعة الشكل أرضية ويجلسن على كراسي أرضية ( دون قوائم) اثنتين في كل جانب, وكن يتحدثن عن امرأة لا اعرفها تدعى (ام صاحب ) بدت لي في الحلم وكأنها امرأة مشهورة وتوفيت للتو وكانت حقيبتها خطر لي كأنها حقيبة سفر صغيرة تحت الطاولة بلون زيتي , ويتناقشن حول فتحها وقلن أنها أوصت أن لاتفتح الحقيبة بعد موتها وأخرى تقول لكنها ماتت لابد من فتحها وهكذا فقلت في نفسي لو قربتهما من بعضهما لأمكن تسوية الشكل المربع,وابتعدت عنهن.
2/ راحة , حزن , الم في البطن والظهر
الاحلام : لايوجد
3/ راحة
الاحلام : حلمت اني بصلي المغرب ومو مخلين لي فرصة كلما وقفت استعد طلب مني أحد طلب وماقدر ارده بسبب الحاحه واسلوبه اساعده وزحمة حريم في المجلس ناس بتصلي وناس بتبدا ولدرجة مافي سجادات حطيت التربة على الارض بكبر جات وحدة من فاسخ خالي خطوبته منها من سنين طويلة وتترجاني اجيب شرباتاها ( جواريب) من الحمام تحت الطاولة نستهم وتحاول معي وانها فسختهم وهي في السيارة مدري شجا عليهم قلت فخاطري شالفايدة وقالت عندها احتياط وهذهم طاحوا المهم رحت بجيبهم ورفعت التربة وانا متحسفة ابي اصلي بتفوتني ورجعت ثانية بوقف وحدة حطت تربتها مكاني وزحت شوي عنها بعدين غيرت رايي بروح اجيببهم غيرت رايي بصلي في مكان ثاني
*لأيام : (( فتور ونفورشديد جدا وآلام شديدة بالجسم وتعب ورغبة كبيرة في التوقف وتأجيل الالتحاق بالمدرسة وعدم القدرة على الاتيان بالاعمال ))
4/ حماس خفيف لتأدية الاعمال , راحة , رؤية نقطة مضيئة اثناء صلاة الليل كأنه مكتوب كلمة لا .
الاحلام:
*حلمت بأن بنت اخو زميلتي بتتزوج وعاملين لها ليلة الحنة والمكان مزين بالأخضر وجميل وكانت زميلتي توريني الصور فخمنت اخوها الشيخ , وفرحت لها .
*حلمت اني امشي مع بنات متدينات طريق ونبي نوصل مكان وكان ليل وكان فيه ماي بالارض فالبعض مشى طريق ابعد شوي او من ورى لكن امظف فلحقتها وانا رافعة عباتي شوي عن الماي ووصلنا بعدهم بشوي وكانت وحدة مانعرفها واقفة يمهم وفاتحه وجهها بكم انه صده وماتنشاف وتب يماي تغسل يدها عالأقل اليمنى عشان تاكل ولما مافي عندهم طلعت علبة ماي ورد بقى في نهايتها قليل ألا بوصولي وعطيتهم اللي عندي ثالت هذهي انا قايلة في وحدة منكم عندها ماي فاستغربت شلون عرفت وهو في شنطتي وغسلت يديها و اللي معاي غسلوا يديهم بعدها ووحدة منهم قالت لي اصب في كيسة في يدها مان فيها كتب , قلت لها يختربون واصرت علي وصبيت وقامت تخضهم ووحدة غسلت يدهاوبتاخذ علاج وبعدها بتاكل ساندويتش ومو متقبله نفسها وبدت تتضايق , وما طالعتها ان نبي نمشي , بعدين كأن في مكان حريم كثير ومن ضمنهم امي وتقول لهم ان جدتي الله يرحهما شبه ام السيدة اللي اعرفها وكانت جالسة معنا قالت أي حيل حتى فمها لما تصيح على مصاب الحسين يصير نفس الشكل وقلدته وقامت تصيح بطريقتها فقلت أي شبهها حيل تشبه الحجية وقمت اصيح ,بعدين الحلم صار كأن واحد في الباص الأجنبي الأحمر لحاله فيه وانا اصوره وهو ماشي واتابعه لين وصل المحطة ونزل وصورت حذاءه وانتوا بكرامة كان نعله شبه زبيري والثانية جوتي بني بيج وصورته من زاوية يبين برج فرنسا من وراه وهو عند الباص وخلع الحذائين ومشى في جهة نوافذ , وكأن أمي هي ذا الرجال فقلت وين راحت الحين وشلون مانتظرتني وشفت مدخل تفتيش حضرة السيدة زينب عليها السلام , قلت بدخل وماعلي منها هي اللي راحت عني وتراجعت خفت تعصب علي شلونا روح الحالي فبالحقها معرفت وين الطريق اللي جنب المدخل كان مغرق ماي ماينعبر ولونه وسخ فما عرفت من وين راحت شكله طريق أبعد فقلت بدخل الحضرة وخفت قلت خلني أتصل عليها وارفع الحجة عن نفسي وكلمتها قالت هي راحت مع أهل ذيك البنت اللي بالحلم الأول هم طالبين تروح معهم تودي بنتهم المشغل وكان ليل عندها فقلت لها شلون تروحين وتخليني , عصبت وقالت لي لا تسوين لي سوالف هنا ليش مالحقتني مو المفروض انتي وراي قلت لها شدراني عنك وين رحتي اختقيتي بسرعة تدرين انا وين انا في محطة الباص قالت لي وصف الطريق روحي يمين ووو وتوصلين الفندق , فسكرت منها وبروح قلت الا فرصتي دامها كذا بتتأخر يمديني أدخل الحضرة أزور , ودخلت التفتيش وكان خييييف وما زحمة فاستغربت ان يوم أجازة كيف مافي زحمة وكان في أطفال يلعبون والمفتشات تعاملهم جميل والتفت لقيت أختي وراي وفي النقطة الثانية مسكت وحدة شنتطتي وشكت ان فيها جوال بس مو متأكدة قلت لها مو جوال قالت ايباد قلت يشبهه تاب وعطتني الشنطة ودخلنا شفت اختي الثانية ((ماتكلمني حيل))ورانا . فوقفت عند كشك عصير وتذكرت عصير الرمان دايم اشتريه بالعراق قلت حمدلله شنطتي فيها فلوس وقلت لهم لأنهم ماكانو موجودات بالعراق وماجربوه تبون عصير رمان ماردوا واختي الثانية مشت عند كشك ثاني ماتبي انا اقول لهم وكان مسكر وراحت تناظر هناك فقلت للي واقفة يمي تبين رمان ولا شمام وماردت قلت بشتري واحد وقسمه بينهم يمكن يعجبهم وجلست من النوم .
5/ حماس لتأدية الأعمال , آلام بالظهر وخلف الاكتاف خصوصا الايسر , ضيق بالصدر , اختناق , بكاء , راحة
الأحلام : لا يوجد
6/ حزن , رغبة في البكاء , ألم في القلب .
الأحلام : أذكر منه ان مديرة حوزة رموشها طوييلة بشكل كبير وكثيفة ولونها أسود تعجبت منها معقولة حاطة ماسكار
7/ ألم شديد جدا في العينين وحرقة وحرارة , ثقل في البطن وانتفاخ, راحة , تسارع دقات القلب
الأحلام :
أذكر منه اني لابسه حلق ذهب مو متدلي وكانت أذني اليسرى تألمني حييل منه وضاغط من ورى بقوة حاولت اخفف من الضغط بس مو قادرة وشلتهم وحاولت انظف فتحة الحلق لاذني اليسرى لانها احمرت وما ذكر اذا طلع شي منها او لا بس ماودي شلتهم وجلست من النوم متضايقة واحس بألمها فأذني
8/ استعجال , ضيق
الاحلام :* اذكر منه ان امي معصبة علي .
* أني مع بنات من أيام الكلية من الجماعة ووحدة أمنت جوالها عند بنت خالتها على الكراسي وراحت البنت مع اختها وبعدين المكان صار كانها لعبة الاكواب الملاهي على قطار ماشي في الليل ووحدة بتكلم من الجوال ورمته ماعرفت وخذته ثانية تحاول تكلم ورمته ثانية على الكرسي قلت هذا جوال ذيك البنت واتصلت على بنت خالتهم عشان اوصف لها المكان تجي تاخذ جوالها وكان قديم (بو لمبة ) وهي مستغربة كيف صار عندي قلت يمكن طاح من الكرسي وهم يرموه في شنطتي .
9/ توجه , بحه في الحلق , راحة .
الاحلام : اذكر كنا نمشي مع ناس في طريق ووصلنا لمكان نطوف ثلاث مرات بس ماكان مكان مقدس اعرفه كأنه درج وفي حته مجال يحطون الناس اشياء فأغلب الناس حاطين احذيتهم وكانها اختي حطت حذائها وكنت لابسه وانتوا بكرامه حذاء كعب رفيع اسود فلما وصلت اللفة الثالثة خفت اتعب وترددت احطه معهم او لا وروح تحت الدرج وارجع آخر شي قلت خل افصخه مادري بعدين اتعب وتوهق مع اني ماكنت تعبانه منه وكملت الدورة الثالثة ومشينا نكمل طريقنا افتقدت اختي الصغيرة واقول لامي ضاعت نرجع في نفس الطريق عشان نلقاها وهي مو راضية تقول نكمل ونلف ونوصل للمكان ونشوفها واختلفنا بشده وكملت معها وانا موراضية وماذكر التكملة ,و حلمت ثانية ان اختي ضايعة وندور عليها وما اذكر التفاصيل .
*ليلة الجمعة لم اقم بالاعمال لصداع شديد جدا
10/ توجه , راحه ,بكاء , انتفاخ مزعج بالبطن
الأحلام: اذكر منه ان سائق الباص أرسل لي رسالة فيديو واستغربت واختي المتزوجه كانت يمي فحاولت ما تشوفها لاني مصدومه مادري عن ايش وخايفة تكون تلميح لشي موزين .
11/ عدم توجه , سرعة دقات القلب
الاحلام: اني انتهيت من اعمال ام داوود وسمعت صوت بكاء خفيف التفت مالقيت احد , وانا بقوم شيل سجادتي شفت اختي الاصغر مني بسنين واقفة عند كمدينتي وتصلي جهة شمال مو للقبلة وساجدة وترفس برجولها وماسكة صيحتها بس يطلع منها صوت عرفت انها تصيح وتصفع براسها بقوة على الارض اذا جات تسجد كأنها تقول هذا انا اعبد وكانت خايفة ان تنقبل اعمالي واتزوج قبلها .
12/ عدم توجه , رغبة في الانتهاء بسرعة , غازات بالطن وانتفاخ
الاحلام: اني بمكان غريب وليل ومثل مسابقة ننتهي لمكان وكنا نمشي بسرعة وفيها مراحل وكنت انا وامي وكذا وحذة من خواتي واحد المراحل لبس اقنعة وشفت نفسي بغرفة واحنا مجمعين اغراضنا ونبي نطلع منه بسرعة مع اننا نجري انها مسابقة الا ان اشكال الاقنعة مخيفة واذكر كنت شايله عباتي في يدي واشياء بطريقة فوضوية وامي معجلتني طلع لان وصلوا ومابي اركز على اشكال الناس وهو لابسين اقنعة وطلعنا بسرعة ووصلنا مكان نلبس فيه طماطم واخذت ثلاث طماطات وكنت بثبتهم بعود خشبي حق شوي في راسي وساعدتني وحده من المشرفات على المسابقة وطالعتت في المراية لقيتها حطت لي طماط كثير على راسي فقلت لا بس ابي ثلاث وشلتهم وحاولت اثبت وحدة ومو عارفة عدل تميل وباخذ الثانية وهم يوزعون وكان شكلها مثل لافلفل الاحمر الكبير وماخذتها قالت هذي حق الرجال الرجال فلفل يعلقونه على صدرهم في سلسال والحريم طمام على راسهم فغيرت رايي وقلت بخليها وحده في النص مثل التاج ورجعت ثانية بخليهم ثلاث وكان المكان مليان طماط ومشيت في اللي بعدها كان في الارض شبكة حديد ومشيت فوقه شفت الناس تمشي خطواتها في وسط فراغات الشبكه كانت مربعة الشبكة او مستطيلات مصفوفه عشوائي و حاولت ادخل رجولي بينهم مثلهم و شفت مديرة لتعليم القرآن جالسة على سور للمكان كنت في البداية بتعداه وقالوا لي خطأ الطريق داخل وسألتني عن رايي بالمسابقة قلت لها حيييل حلوة وكان في الأرض شجر طماط .
13/ آلام بالركبة , عدم توجه , تشتت وتوقفات , ثقل تنفس ,تسارع نبضات القلب
الأحلام : إني مع امي في بركة كبيرة ابوي بناها لونها سماوي وكان مسوي في الوسط شكل بيضاوي مرتفع كذا وحدة وكأن اللي يمشي فوقهم مايجيه الماي فقلنا شلون كذا مسويهم امي تبي تعمل مثل الجهة للاطفال تكون مو عميقة مو كذا وهي واقفة على وحدة منهم وما اذكر إذا كنت واقفة على وحدة او لا .
*لم أتمكن من أداء الاعمال لعدة ايام لتعب شديد جدا وآلام شديدة بالجسم وصداع وحرارة .
14/ بكاء, انتفاخ بالبطن , ارهاق شديد ,تعب , صعوبة تنفس , خفقان بالقلب , ثقل بالكتف الايسر .
الاحلام :
*إني بمكان مع ناس نمشي وصرنا بمكان مربع كونكريت وانا واقفة عليه وفي ناس حولي ما اذكرهم من بينهم زوج اختي وكنا مستعجلين نبي نبتعد عن هذا المكان كأنه خطر وبنخلص المكان او نبعد الناس عنه وفصخ زوج اختي شرابه وكان فيها صرصور وانتفض وخاف ورماها بسرة وصار في جهة قريبة مني وخفت وصرت كأني بالأرض ماقدر اتحرك ومو عارفة كيف اقوم ورجليني رافعتهم عن الارض خايف من حشرات لاتكون تحتها ومادة يدي ابي اختي المتزوجه الثانية ترفعني عن الارض وكنت بانقلب على جنب صرخت فيني انتبهي في بريعصي كبير لايجي على وجهك وكان مقرف طوييل ومتفرع خمس براعصي منه وبقيت مكاني ماتحرك عشان مايجيني بس ابي اقوم ومادة يدي .
*انه مكان كله حشرات مقرفة مثل الخنافس الكبيرة في مكان كأنه مخيم وحنا مارين وناس ساكنه فيه سمر وعريضة وتخوف والحواجز بالأقمشة بينهم ومرتفع شي بسيط من الارض بالاسمنت وعليه هذي الحشرات المقرفة وانا احاول ابتعد عن المكان بسرعة وكان في واحد من الانترنت يشبه الناس ويكلم مرة وهي تتكلم بسرعة ومعصبة بلغة ماعرفها بس متوحشة في اسلوبها .
*اني فتحت باب بيتنا ودخلوا خواتي ثنتين من ابوي من سنين ما دخلوا البيت وبقوة انهم مو مهتمين باحد والكبيرة كان عندها بنات فشفت ثنتين منهم لابسين غبايات ومتغطين فاستغربت مرت السنين وصاروا وكبروا ويتغطون وحيل انقهرت من دخول الاخت الثانية لاني تعذبت منها واجد وجلست من النوم ونفسيتي تعبانه .
15/توجه, آلام بالجسم وتعب , ضيق بالصدر , ثقل بالنفس, رغبة في البكاء
الاحلام : لايوجد
للأسف لم أوفق لانهاء ختمة , بعض الأيام تفوتني صلاة الليل , وبعض الآخر لم أتمكن من قراءة الاخلاص 300 مرة .. أشعر بالخجل من نفسي لنتيجة شهر لم ألتزم فيه كما ينبغي
السلام عليكم ورحمة الله وبركاته
طالبتنا العزيزة ،نرجوا منكم بالمرات القادمة في كل يوم في بداية شرح الأحوال أن توضحي حالتك الروحية أثناء القيام بالدرس من ناحية الخضوع والخشوع أو فتورعبادي,,ومن ثم تذكرون بقية الأعراض التي طرأت عليكم
، ليتم توجيهكم بالشكل الصحيح بمشيئة الله تعالى ....ربي يبارك بكم
خادمتكم / نسيـم الرحمة
بسم الله الرحمن الرحيم
(وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ )
الطالبة الجليلة : *~فاطمة~*
السلام عليكم ورحمة الله وبركاته
مبارك عليكم قدوم شهر شعبان وميلاد أبطال كربلاء عليهم السلام
مرحبا بإشراقتكم في رحاب هذه المحطة المباركة في مشواركم القدسي ,, الحمد لله الذي وفقكم للنهل من معين الرحمة الإلهية تقبل الله منكم هذا القليل بأحسن القبول،ورزقكم من لدنه نورا وعلما وفهما إلى قيام الدين...
تمت متابعة أحوالكم بفضل الله تعالى..
نهنئكم عزيزتي على نعمة الإنتساب للمدرسة الفاطمية المباركة،ونسأل الله بمنه وواسع فضله أن يجعل ذلك فاتحة خير عليكم ويهديكم سبيل الرشاد...
ولاشك ان انطلاقتكم في هذا المسير المبارك مع شهر رجب لهو توفيق إلهي عظيم .
وماشاء الله تعالى احوالكم تدل على انكم بفضل الله وتوفيقه قطعتم شوطا طيبا على صعيد تربية النفس وحملها على تقوى الله تعالى فهنيئاً لكم ،، وأما بخصوص شعوركم ببعض الأعراض والآلام خلال تأدية الدرس المبارك لكونكم تعانون من بعض العوارض وهي إلى زوال بإذن الله تعالى باستمرايتكم بتغذية الروح بهذا المعين الطاهر الذي يملأ القلب نوراً فلاتستطيع تلك العوارض مقاومة ذلك النور فتحترق وتذوب ...
- ننصحكم يوميا بتبخير انفسكم ومكان عبادتكم بالبخور الفاطمي او لبان الذكر قبل البدء بالدرس .
- وعند الشعور بالتعب والإرهاق والآلام انصحكم دوما بـ ---> ((( قراءة سورة الفاتحة 7 مرات على قدح من الماء من ثم تنفخون عليه بالبسملة والصلوات من ثم تشربون منه وتمسحون الوجه و الرأس والأكتاف ومنطقة الألم ان وُجد ))) وتستخدمونه كلما احتجتم لذلك
- كما انصحكم باستغلال الوقت المخصص لصلاة الليل بقضاء بعض الصلوات الفائتة ، فالواجب يقدم على المستحب ..
اسأل الله العظيم أن يجعل في قلبكم نورا وفي سمعكم نورا وفي بصركم نورا وفي روحكم نورا وفي حياتكم نورا من نورعظمته وهيبته ..
أما الآن فلنكمل مشوارنا القدسي ، توجهوا على بركة الله تعالى إلى
توجيه خاص بالطلبة لشهر شعبان(اسقي أشجارك في رياض الجنة)
مع العمل بالإرشادات اليومية المرفقة بالبرنامج حسب قدرتكم ومستطاعكم.
*********
الله الله في دروس المدرسة الفاطمية فهي تنيرلك الدرب إلى الله..
الله الله بصلاة الليل فهي تنيرالوجه وتطيب الريح وتوسع الأرزاق...
**********
حفظكم الله ورعاكم وأنار بحبه قلوبكم
خادمتكم :
الراية الخضراء 
