السلام عليكم ورحمة الله وبركاته
اللهم صل على محمد وآل محمد
1/ خشوع , راحة
الاحلام: ان اختي بتدخل الغرفة وكان عند الباب من داخل صرصور كبير فخافت .
اني بسافر المدينة او راجعة منها وكنت فالباص مع امي بس مو جالسة جنبها جلست قبل الأخير وهي قدامي بكذا كرسي وشفت نقي واقفه يمها وبيدي عصير فيمتوا بلاستك وكأني باستعد للنزول لما يوصل ووقف الباص فجأة وطار العصير من يدي على القزاز قدام الباص فقالت امي الحين بيعصب شلون يشوف وكان في نقط مو ذاك الاثر فقلت لها عادي يشغل حقين الماي ويوخرهم ورجت جلست وكانوا في بنات على الجهة الثانية يضحكون علي ويمصخروني وانا ساكتة وجا كادر من الباص مسوي نفسه مضيف طيران يقول شتبون ويجيب فقلت له بالانجليزي ان يودي شاي لأمي وتعجبوا البنات وسكتوا وكلمة ( شاي ) قلتها بالعربي ( جاي ) وبعدين قلت (تي) فقصر صوته عشان مايحرجني وقال الشاي بالانجليزي تي فقلت له قلت تي في النهاية قال ماقلتي واصريت ومشى وجاب لي كاس شاي فقمت بوديه لأمي شفته واقف عندها سألته حطيت فيه سكر وكان في سكر مغلف عنده فصار شكلي كأني ادور حجج عشان اكلمه فقال كان شفتيه هو عندك قلت شدراني اذا في او لا وعطيته امي ورجعت مكاني وانا مستغربة بعدين شفته جالس يم امي ويقول لها ليش ماتزوجت للحين قالت له شوف وقامت بتفتح شعرها وقف قال ادري ادري خلاص صار ابيض وهي تحاول تفتح شعرها وتقول له لا صابغته . بعدين الباص وقف في شارع بيتنا القديم ونزل واحد لابس بدله وفوق اكتافه قطعة قماش فيها فتحة للراس بس ونازل الباقي الى كوعه بطريقة تفشل على انه موضة فانقرفت منه ومن طريقة مشيه فسمعت امي تقول هذاهم هالايام يبي يصير شاطر في الدراسة بس مو مؤدب وتعيدها اكثر من مرة وانتهوا الناس ان في عيالهم الصغار نزلوا وكان من بينهم بنت جميلة فرجعوهم بسرعة خايفين عليهم احد يصدمهم مع انهم على الرصيف فقال الكادر يعقب على كلام امي أي هذا الطريق قدامه وذكر شي فيه انه يقدر الشخص يصدمه وفي الجهة الثانية طفل صغير والظاهر يحبي لكنه ترك ذاك وداس على الطفل بطريقة بشعة وجا على بالي انه يقصد ذاك الشخص اللي لابس بدله
2/ خشوع ,حماس عبادي ,راحة, حرارة خفيفة بالعينين , ألم بكامل الرجل اليمنى, تجشؤ
الاحلام: -اذكر سورة يس
- اذكر ان في حفل بالحوزة وفي حفل وانا مترددة اقول لهم لايصفقون لأن مايليق بالمكان واحاول ارتب الكلام شلون اقول لهم بدون ماسبب احراج وبديت مع المديرة وانا اتكلم واتردد
- اذكر مسلسل هندي وقبل ليلة العرس بوقت كنسلت العروس العرس فزعل المعرس ليش وقالت بتأجله لليوم الثاني , بعدين ركب حصان ومشى في أرض كبيرة مزروعه بأخضر ويتخيلها ويكلم خيالها وهي نفس الشي انها بتتزوجه وتكلم خياله وصارت صورتينهم كبار وألوانهم مموجه ومتدرجه وصار الغروب ورجع بحصانه وكانت هي بعد على حصان تفاجأ منها وراه وسابقته الممر ودخلت قبله
3/ خشوع , حكة بالجانب الايسر من الراس والجبهة , ةخز بالساق اليمنى, تجشؤ, ثقل بالراس
الاحلام: اذكر منه ان في اليوتيوب شخص يصور يومياته وكانت ملامحه مقرفه جداً كأنه بنت في النعومة وما بغيت اشوف المقطع بعدين رجعت شغلته طلع من بيتهم وهو يتكلم بس ماذكر ايش يقول وراح بيت جنبهم وكان في صندوق بيد خشبي على عامود وذكر رقم ستة ودق الجرس ومشى بسرعة ورى البيت عشان ماتشوفه صاحبة البيت والمكان كان محاط بالعشب الاخضر
4/ توجه خفيف , برودة الساق اليمنى , ضيق بالصدر , ألم بالصدر , ألم بالبطن والظهر , ألم أسفل العين اليمنى , ألم بأعلى الرجل اليسرى , تجشؤ , رغبة في الانتهاء بسرعة , تعب , ارهاق , رغبة في النوم.
الاحلام: اذكر منه ان خوالي وخالاتي مجتمعين في بيت جدتي اللي توفت قريب وكانوا مختلفين بشكل كبير ووحدة من خالاتي كانت شريرة وخادعتهم ماذكر شنوا شفت جزء من هيئتها بعباتها والظاهر بتطلع من البيت وفي نفسي اقول عيالها من زوجها الثاني غير عن الاوليين متقوسة اكتافهم بالطول جهة اليمين على اليسار وكنت بقول لاختي تنتبه على بنتها لان ضلعها اللي انكسر من قبل سبب تقوس خفيف .
5/ فتور عبادي , تشتت خفيف, تجشؤ, ألم بجانب الراس الايمن زال سريعا , ثقل بالظهر
الاحلام : لا أذكر
6/ خشوع , بكاء شديد , صداع وثقل بالراس , وخز بالبطن والعورة
الأحلام : جاثوم قوي واذكر من حلم اني احرس مكان كبير نوعا ما كمدرسة مثلا ومافي أحد معاي يساعد ويا رايحة للباب الخارجي وياراجعة للباب اللي داخل في مساحة بينهم كبيرة مثل الباحة الخارجية وكان في بنتين تأخروا عند الباب واسمع وصوت طق طرب عالباب ورحت لقيت الباب نفسه قالعته وتطق عليه كان كبير ورمادي قديم وعصبت عليهم ودخلتهم وهم يتحلطمون
7/ خشوع , رغبة في البكاء الم وثقل بجانب الراس الايسر , سيلان ماء داخل الاذن اليمنى , الم اسفل ابهام الرقدم اليرى , ألم خفيف بالساقين الى الركب ,خفقان قلب , تجشؤ
الاحلام :
اذكر ان اختي المتزوجه جالسه على سرير وحدة من خواتي وتحني يدها وانا جالسة جنبها وكم اخت حواليها وجات وحدة ماعرفها تسأل عن أختي وسلمت بيدها على اختي واللي جنبها او اللي تحنيها وكنت باستعد اسلم عليها فتجاهلتني تماماً ولا كأنها تشوفني وحز في خاطري وانحرجت ليش كذا شالمعاملة وقامت تتكلم مع اختي شوي وفهمت انها من أهل زوجها وكان وجهها ابيض ضعيف ومشت ولاحظت ان الحلق في أذاني طاحوا وقمت اجمعهم من على تنورتي وكانوا في الحلم اربع شي لقيت اللي قدام وشي لقيت الي ورا
واذكر ان وحده من خواتي تتجهز لعرس وعجلة وانا كنت معها مزحومة بس ماكنت اجهز استعداد لعرس وكنت الف حجاب اخضر بس يطلع شعرات من شعري على وجهي واحاول ادخلهم مو جاي يتعدل فقررت البس طاقية وكان لونها وردي عشان اضمن تغطية الشعر وباخذ الحجاب على الكرسي واختي حاطة شنتطها عليه وسحبته وكان مليان شك على شكل مربعات وفي طرفه خرز متدلي طويل كان شكل الحجاب حلو لكن شبه متبهدل فقالت اختي يشبه حجابها فدققت قلت هذا حقك حجابي مو هذا واخذت حقي كان بدون شك وحاولت الفه وانسقه وكنت لابسه عباتي وجات اختي المتزوجه تكلمني وانا واقفه عند باب الغرفة الظاهر اني لابسه عباتي وكانت تستعجلنا عشان نروح عرس اختي الثانية المتزوجة في الواقع وتقول خذي اي شي اللي بتلبسينه فستان ولا أي شي بسرعة فما استوعبت قالت لي ماتدرين ان اليوم عرسها فانصدمت بقوة كيف عرسها الليلة وانا ماحد قال لي فحلفتني اني مادري وحلفت وحلفتني بالاخلاق وشي ثاني اني صادقة وحلفت فاستغربت وقالت يمديك خذي معاك اللي بتلسين أي شي حطي فكيس ولبسي هناك وانقهرت ليش كذا تعاملني ودايماً خايفة احسدها ( حتى في الواقع احس بهالشي) وماعرفت احط مكياج ولا اجهز لبسه وجا في بالي البس فستان عندي أخضر وابيض , وكانت الغرفة زحمة وبعض خواتي متسدحين في الارض ومو متجهزين ومو فرحانين وفيهم حزن ان ليش مادروا قبل وطلعت للمطبخ وانا لابسه عباتي وما بعد الف الحجاب مثل ما ابي وقال ابوي ماخصلوا فاستعجلونا وقالت اختي يمديك تعدلين روحك هناك وانا ماسكة شعري واعصره من الماي ومحتارة شسوي مايمديني استشوره وطالعت الساعة في الصالة توها وحدة ويمكن ونص فقلت شفيهم عاجلينه يمدي نترتب لو يخلونا .
واذكر ان ابوي جايب فواكه وكان ضمنهم ( غوج ) في فلين وكان لونه بنفسجي غامق جميييل ووحده من الحبات فيها لمعة حمره وجميله جدا ماقدرت اقاوم ما آخذها إلا ووحدة من خواتي جايه ولمحتها فما بغيت انحرج معها فعطيتها اياها وقلت لها صدقيني لذيذه جداً وفرحت وأخذت لي حبه ثانية وغسلتها وكان طعمها لذيذ .
* تم العمل بالنصائح اليومية
* تم كتابة سورة الجاثية
* تم تشغيل سورة البقرة أثناء النوم
جزاكم الله خير الجزاء
