الى السيد الفاطمي

[ورد الطف]

السلام عليكم ورحمة الله وبركاته
امنة بنت مريم ، متزوجه من عبدالله ابن مريم ، لدي ثلاث بنات ولله الحمد الكبرا اربع سنين: مريم، الوسطى ثلاث سنين: فاطمة، الصغرى سنتين: مارية
بدأت المشاكل بحياتي بعد مامرضوا بناتي الكبرا والوسطئ بوقت المغرب يصارخون وييشدون شعر راسهم ويطقون راسهم وانا مستغربه من امرهم قعدنا نهديهم الوسطى تقول انها تشوف اشياء تخوف وتاشر فوق واهي خايفه ويوميا قبل لا تنام ترجع ابيض غليض ريحته خايسه بس الوسطانيه الي ترجع وكانت تحبها مرت حماي حيل تقول هذي بنتي المهم اليوم الثاني رحنا نسال عنهم قالو البنات داسين سحر متسوا عند عتبة الباب وقعدت المره تكلم بنتي فاطمة تقولها ليش تسون بالياهل جذي وتتكلم بنتي بس شخص ثاني الي يتكلم تقول انا ما اذيتها تقوله المره عيل ليش مسوي بالياهل جذي قال انا مأمور ومنو امرك يقول اهما منو اهما مايرضى يقول تقوله انت شنبي منها يقول ابي ااذي امنه وعبدالله ليش تاذيهم شسوو يقول بس ابي ااذيهم وانا مستغربه من بنتي الي قاعد تتكلم وتقول هالكلام ردت المره تقوله انا بحرقك بالنار اذا ماوخرت عنهم انت مسلم يقول اي تقوله المسلم مايسوي جذي خل الياهل وروح من وين ياي يقول انا ياي من بعيد واذا رديت بيحرقوني قالت انا بحرقك ان ماخليت الياهل انت ماتأذي انت تعرف الله والي يعرف الله مايسوي جذي بعدها سبحت بنتي بماي مقري قعدتها بالطشت وسبحتها وقعدت بنتي ترجع ابيض غليض وايد وانا من دري ان مرت حماي عرفت ان المقصد مو اليهال المقصد انا وابوهم وطلبنا وصف الي سولنا ووصفوا ام مرت حماي ومرت حماي الي اهي بحسبة اختي قبل لا تكون رفيجتي وانا الي زوجتها حماي انا ماصدقت فيها سالنا كذا شخص ومن كذا دوله ونفس الجواب انزين ليش كل هذا انا ما اذيتها بشي اللهم ان انا يبت يهال واهي لليوم مايابت يهال انا سكت عن الموضوع مره كان مولد الامام علي بالحسينيه وكانت ناوية بحضني عمرها تقريبا شهرين يات مرت حماي وقطت علي خيوط لونهم اخضر انا حسبالي يوزعونهم بالحسينيه فطلبت منها زياده على عددنا انا وريلي والبنات قالت بالبيت بقص من الخرجه قلت لها ليش هذول مو الحسينيه يوزعونهم جان تقول لا من عندي ومن قطت الخيوط علي وبنتي تبجي حتى الكل بالحسينيه تيمعوا صوبي شفيها الياهل اختي خذت الخيوط مني وقالت حق بنتها قطيهم بالزباله قلت لها ليش ابيهم المهم طلبت من اختي توديني البيت قالت السياره عند زوجي قولي حق خلود بنت مريم الي هي مرت حماي وراحت اختي وقالت حق خلود تودينا وانا بالطريج وياها واهي كل كلامها عن الحسد والعين والناس وكانت تسولف وترتجف نزلت انا بنتي عند الخدامه ورديت الحسينيه اليوم الثاني قالت اختي امشي وياي قلت وين قالت بنشوف الخيوط بنوديهم قلت لها انتي قطيتيهم قالت خذيتهم لما انتي رحتي البيت رحنا عند مره وورتها اختي الخيوط اول ما امسكتهم قعدت تتثاوب وتحسبن من وين يايبينهم وتحسبن وتحسبن قالت لهالدرجه مايخافون الله هذول قبل تقطونهم بالبحر حطوهم بماي وخل وملح حسب ما اتذكر انا رفضت قلت لها لا بقطهم بويها وبقولها الي بغيتيه صار لي ولعيالي قالت اذا بتسوين جذي مارح اعطيج وافضل انا احطهم بماي وملح وخل وتالي اقطهم البحر اختي قالت انتي قطيهم وياتلي حاله قعدت انافخ وقعدت المره تهدي فيني المهم ردينا البيت مر تقريبا يومين اهي خلود يوميا تي بيت اختي نتيمع عند اختي اهي تي بالضبط نصف ساعه لا اكثر ولا اقل تاخذ اخبارنا وتروح يوم من الايام كان زوج اختي موجود واهي موجوده كانت قاعده بالصاله جان يقولها خلود بنت مريم انتي اذيتي ناس بريئه انا مو متذكره الحوار عدل الي صار بس الي اتذكره ان قالها انتي اذيتي ناس ليش سويتي جذي انتي مو جذي منو الي امرج تسوين جذي واهي تقول ولا احد جان يرد يسالها تقول ماحد قالي اخر شي قالت امي الي قالت اسوي جذي قالها انتي تدرين ان غلط ليش تسوي قالت امي قالت اسوي جذي وقالتلي سامحيني وانا اسفه انا قلت ماعليه وحصل خير دام عرفت بالغلط الي سوته وقلنالها انا واختي حصل خير وما كأن صار شي ومالاداعي اهلج يعرفون بعد يومين اهي سافرت وفتحت الموضوع مع اهلها بس حرفت فيه لان الناس يقولون ان امنة بنت مريم تقول عن مريم بنت فاطمه الي اهي تصير ام مرت حماي خلود بنت مريم وانا والله ماقلت رغم الي سوته فيني سامحته وقلت لها نفتح صفحه يديده ومنها طلعت وايد سوالف وكلام بمنطقتنا وامها معروفه بالمنطقه ان طريقهم هذا يسون سحور حق الناس مايحبون احد احسن منهم والله من يومها من بلشت فينا بهالسحور وانا حياتي من ادمر لي ادمر واذو ريلي قام تيله حاله اذا اشغل رقيه شرعيه يقولي اكرهج كله منج ويقعد يحوس بالبيت وماسك بطنه ويبجي ابو ريلي حسن انسان مومن عارف ربه مصلي مسمي ريال كبير لما شفت انا ريلي بهالحاله رحت انادي ابوه قتله عمي عبدالله جذي جذي جان اي عمي ومرت عمي وقعد ابوه يقرا على عبدالله ابن ليلى لما خلص قال الولد مسحور وهالسحر يديد والي مسويه حقه مو غريب منا وفينا قعدت انا احسبن شيبون فينا قال ريلي مايبونج يبون اطلقج بس يحلمون يسمعون بطلاقج قلت انا شسويت لهم والله ان نيتي بيضا واذا عندي شي اول شي اخبرها اهي عشرن لا تتحسس وتسمع من الغير وتقول انا ماقلت لها ماكنت ادري بنواياها قام ريلي لما ينام يتفزز ابدا ماينام عدل ولا انا اعرف انام من كثر مايتفزز ومنها لا قام يصلي ولا قام يهتم فبيته ولا فبناته كثرة مشاكلنا طلبت الطلاق عدة مرات واهو رافض لان تعبت من المشاكل ...
طالبه منكم ياسيدنا الحل مابي اخسر بناتي وابوهم ابي يرد ابوهم الي عرفته الي يصلي ويعرف ربه وايد مضايقني موضوع صلاته راضيه بكل شي بالمشاكل بس يرد يصلي

[ورد الطف]

عفوا اسم الزوج عبدالله ابن ليلى

[فاطمة هبة الله]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته
أختي الكريمة
لاندفع علاج جماعي __ كما لاحاجة لكتابة هذه التفاصيل التي ذكرتيها .. إذا ترغبين بالعلاج أفتحي لك موضوع جديد مستقل خاص بك مع ذكر مشكلتك فقط وما ترغبين بعلاجه وماتعانين منه .. وكذلك اطفالك إذا ترغبين بعلاجهم أفتحي لهم موضوع جديد خاص بهم مع ذكر مشكلة كل منهم ومايعاني منه وكم يبلغون من العمر ..
وفقكم الله تعالى