انقدوني من نفسي ومن هالافكار ..

[رحلة إنتظار]

[align=center]السلام عليكم ورحمة الله ...

اللهم صل على محمد واله الاطهار ..

سماحة السيد انا فتاه ابلغ من العمر 27 سنه وطبعا محد تقدم لخطبتي ولو اني حاولت اوهم نفسي انه هناك الكثير ممن يريدون الارتباط بي ولكن لظرف ما لا ياتون ومادري ان كان حقيقه او وهم المهم مو هذي كل المشكله لان ما اعانيه اكبر من مجرد رغبة بالزواج ..

انا اعاني من افكار مو قادره اسيطر عليه افكار قتلتني مو مخلتني اعيش طبيعي سيدنا انا خايفه حتى النوم الله وكيلك صرت اخاف منه لما احط راسي على المخده ليش انام وكيف انام لدرجه اني اصير في المجالس الحسينيه مرهقه لدرجه ماسمع ويش ينقال مو بس كده يجيني تفكيرات ليش انا اتصرف كده ليش قلبي مايدق لازم يدق ليش ايدي ماترجف لازم ترجف والله تعبانه لدرجه الياس من الحياه ... ابغى اعيش طبيعي مانكر يجيني اوقات انسى واصلا انسى هالافكار واضحك واسولف طبيعي لكن فجاه كان احد مصحيني اشوف ناسيه عمرش ماتخافين ...

ويوم اتقرب لله بالعباده وربي احس مرات بخشوع وانه الله معاي وتالي تجيني هالافكار من قال ربش بيستجيب لش واحيان افكار غير لدرجة الكفر .. سيدنا انا ماني كافره بس تعبانه واحس الموت اريح الي خايفه من بكره ومن الي بيصير وخايفه الناس تلاحظ وهم كده ماحد تقدم لي بعدين لو درو بمرضي ماحد بيفكر خير شر ...

خايفه بعد من الوحده اختي الا اصغر مني تزوجت ويمكن قريب اختي الا اصغر منها تنخطب وتالي انا بعيش بروحي وبضل طول عمري ببيت اهلي ..

ادري هالكلام مو وقته خاصه انه احنا بمصيبة الحسين عليه السلام بس الا خلاني اكتب انه صاير راسي يدور ونا بين الناس وصايره اخاف امد ايدي حتى على كوب شاي لاايدي ترجف وتفشل وانا ابغى اسمع مابغى افوت المجالس الحسينيه .. وفي نفس الوقت انا عرضت مشكلتي على بعض المنتديات الروحانيه فيه شيخ عطاني علاج اشرب ماي ومخلوط بماي ورد ومقري عليه رقيه شرعيه لكن من اشربه ارجع وصار بطني يالمني بقوه وهذا شيخ ثاني طلب مني مبلغ من المال يسويلي بخور ويقرا علي وخفت بصراحه مادري وين اروح انا تايهه ووتعبانه واحس لازمني معجزه الاهيه حق ابرا من هالمرض ...

ياترا فيه امل او لا سيدنا وقف وياي ترا مالي حدا بهالدنيا ...

اعذروني ..[/align]





[align=center]
لديكم طلب علاج في أكثر من روضة ... إذا رغبتم بالانتقال الى معالج آخر يمكنكم ذكر ذلك ليتم اغلاق الموضوع الاول
كا نرجو طرح جميع ما تعانين منه في موضوع واحد
يغلق الموضوع [/align]

[نبع الزهراء]

[align=center][font=Traditional Arabic]اللهم على فاطمة وأبيها وبعلها وبنيها والسر المستودع فيها عدد ماأحاط به علمك
السلام على الحسين وعلى علي أبن الحسين وعلى أولاد الحسين وعلى أصحاب الحسين


السلام عليكم ورحمة الله تعالى وبركاته
أختي الكريمة
هل تشكون من كوابيس الالم متفرقة
صداع الم الظهر وزغ البطن ثقل الاكتاف
وفقكم الله تعالى بحق الحسين المظلوم عليه السلام[/font][/align]

[رحلة إنتظار]

[align=center]وعليكم السلام والرحمه ..

مشكوره خيه على اجابتش بصراحه بالنسبه للكوابيس انا مانام واجد

عشان يمدي احلم بس يصادف يمر احيان انام نوم هادي واحيان اصحى مفزوعه..

خاصه من هالافكار واحيان احس كاني طايحه او دايسه على شي هذا لما قريب انام ..

اما الالام فانا حاليا اعاني من صداع في راسي بس احس انه من قل النوم

وزي ماقلت احس بدوار في الراس احيانا نتيجه هالافكار..

وبعد دايم احس بضيق في صدري هذا كل شي ..

والله يسهل دربكم ويعطيكم مرادكم...


انا اسفه اني ارد اكتب بس والله اعذروني انا تعبانه بقوه حاولت انام ماقدرت كان شي ثقيل بصدري انا مو عارفه وين اروح ولا ويش اسوي فكرت انتحر بس قلت شفايده اروح النار ..

ياجماعه الخير دلوني ويش اسوي انا ابغى بس احط راسي على المخده ونام

مو قادره ياجماعه شوفو لي حل تعبانه ولا اقدر اقرا قران لاني مو طاهره احس حالي بنفجر ....


تم دمج الردود [/align]

[رحلة إنتظار]

السلام عليكم .. انا اسفه اني ارد اكتب بس والله اعذروني انا تعبانه بقوه حاولت انام ماقدرت كان شي ثقيل بصدري انا مو عارفه وين اروح ولا ويش اسوي فكرت انتحر بس قلت شفايده اروح النار ..

ياجماعه الخير دلوني ويش اسوي انا ابغى بس احط راسي على المخده ونام

مو قادره ياجماعه شوفو لي حل تعبانه ولا اقدر اقرا قران لاني مو طاهره احس حالي بنفجر ....

[الـسـيـد الـفـاطـمـي]

[align=center]
اللهم صل على محمد وآل محمد الأبرار الأخيار
السلام عليكم ورحمة الله وبركاته
إبنتي الكريمة
انصح الآن العمل بموضوع الفاطمي وملح البحر0ثبت الموضوع في كشكول الفاطمي
بعد الإنتهاء من الأعمال اخبرونا ماجرى عليكم اثناء العلاج للتواصل معكم بمشيئة الله تعالى رب العالمين
انصح بدفع صدقة قبل القيام بالأعمال بنية الشفاء قربة لله تعالى
حفظكم الله تعالى من شر الجن والانس مع شيعة محمد وآل محمد
وصل الله على محمد وآل محمد الطيبين الطاهرين
السلام عليكم ورحمة الله وبركاته
خادم الإمام المنتظر المهدي عليه السلام عج
السيد الفاطمي الموسوي[/align]

[رحلة إنتظار]

وعليكم السلام والرحمه ...

مشكور سيدنا ماقصرت ... بس انا حاليا على غير طهاره

هل ااستطيع القيام به او استنى الى ان اطهر مع انه حالتي ماتستنى الصبر اكثر

وذا ماقدر هل فيه عمل ممكن اسويه الان لايستوجب الطهاره ..؟؟

[الـسـيـد الـفـاطـمـي]

[align=center]يستوجب الطهارة في جميع الاعمال والله اعلم[/align]