عـــلاج ـ للنصر على الظالم واخذ حقي

[ليليان]

بسم الله الرحمن الرحيم


والدي الغالي السلام عليكم و رحمة الله



ارجو من الله عز و عجل ان تكوون بالف خيرر



سيدنا اني عندي اهتمام كبير بالروحانيات

ومن فتره لاخرى تخطر على بالي اساله احب ان اعرف اجاباتهه مس سماحتكم


لاني اثق برئيكم جدااا


عندي كم سؤال بسيط و ان شالله القي الاجابات عندكم


والدي الغالي


احنه دائما في ادعيتنا نقول لله عز و جل

افعل بي ما انت اهله

اني من اردد هلشي فعلا قلبا و قالبا اقصده لكن من بعده ادعو من الله بقضاء حوائجي

و احيان كثيره مثل اي شخص الح بالدعاء

هل اللالحاح بالدعاء و التوسل بالله سبحانه وتعالى والطلب منه وليس من غيره

هل هلشي ممكن يكون بي ضرر على نفسيه الانسان واموره الروحانيه لوولا

لان اخاف لا هذه الملحه تناقي طلبي من الله ان يفعل بي ماهوو اهله؟

هذه النقطه تسبب لي قلق كبير جدا ... اني ادعو من الله كثيرا و الح بالدعاء ممكن هاي يكون غلط



ثاني شي

سيدنا بين ليله و ضحاها والف الف الحمدالله

صا ر ويايه شي غريب وهي انو احلامي صارت تتحقق كلهه

بعض الاحلام تتحقق خلال ساعات بعد رؤيتها والبعض الاخر بعد كم يوم و صرت احلم

باهل البيت والحمدالله طبعا .. بس اني مستغربه على هل حااله


واخيرر شي


سيدنا صاير عندي احساس قووي انو كل ازماتي على وشك الانفراج بفضل الله واهل البيت

ومن احس هلشي افررح و اصلا هي نفسي صايره هاديه و مطمئنه جداا و خاصتا احلامي صارت تتحقق

وهوايه امور حلوه تصير بحياتي على الرغم من ووجود بعض المشاكل اللي اتمنى تنحل

لكن سرعان ما شي بداخلي يكولي انو داقشمر على نفسي ومراح ينحل شي وبس عمري يضيع واضل

متامله وكلشي ميتغير بحياتي


واضل محتاره


هل هذه الانفراجات اللي تصير بحياة الشخص بعد شده و معاناة تكوون بشائر لانفراجات اكبر

وتحقيق مراده و اقباله على كل خيرر

وهاي مثل بشاره من الله

لو هاي مجرد احاسيس بس الشخص يفرح نفسه بيهه

دائما اعاني من هل حاله


اتمنى تفيدوووني



واسفه على اسالتي اللي متخلص


تحياتي

[الـسـيـد الـفـاطـمـي]

[align=center]عليكم السلام ورحمة الله وبركاته
ابنتي الكريمة
التوسل بالله تعالى امر جميل لابد منه .. لكن علينا ان ندعوا ماهو خير لنا في حوائجنا ممكن الله تعالى يعطينا حاجتنا بعد عسر شديد لعلمه بعاقبة الامور وقضاء الحاجة من قبله بعد الحاح شديد منا وبعدها لانرى خيرا


تحقق الاحلام نعمة من الله تعالى وباب من ابواب علم المكاشفات والله اعلم

ربي يبارك بكم دمتم برعاية الله تعالى مسددين[/align]

[ليليان]

[align=center]السلام عليكم والدي العزيز


اشكرك جزيل الشكرر على سرعة الاجابه و دائما استفيد من ارشادات سماحتكم في حياتي


سيدنا اني حاليا امر بمشكله كنت قبل ذلك كتبت موضوع عند السيد الفاضل احمد بدر لاني اعرف الزخم الكبير اللي على سماحتكم



لكن اليوم و سبب امور غريبه حصلت معي لذلك طلبت من مشرفين روضة السيد احمد غلق موضوعي

لكي استطيع عرض موضوعي على سماحتكم



سيدنا امر من فتره حوالي اسبوعين بضرف صعب نوعا ما

ومااعرف شلون ممكن الله ينطيني حاجتي و ينصرني ويردلي حقي

قبل كم يوم صادفت سيده اعرفهه لانها جارتنا , قالت الي انو انتي عندج مشكله وراح يساعدج في حلها سيد

سيد عنده علاقه قويه باهل البيت وحتى قالت لي بالتعبير العامي انو

سيد يحجي ويا الائمه وكلش خوش انسان كله نور وخير وبركه

كالت الي انو هو اللي يساعدج

اني اندهشت على كلامها لان هي متدري انو اني اعرف سماحتكم

المهم جتي عليه مره ثانيه وثالثه ورابعه وكررت نفس الكلام ومن بعدهه شفت سماحتكم بالمنام في حلم قبل فتره حلمت بشي يشبهه

حلمت سماحتكم انطيتوني ورقه وكتبتو عليها بقلم حبره احمر وكتبتولي في المراحل اللي مقبله عليها في حياتي

و ايضا بالحلم خلصتوني من شخص كان ناوي قتلي

كمت من النوم وقررت انو اطلب مساعدة سماحتكم وطبعا خجلانه جدا لان اثقل عليكم بطلب المساعده


والدي العزيز قبل اسبوعين انظلمت ظلم شديد

بحيث فتحت القران وصرت ابكي واقول لله اني مظلومه

من ليلتهه صرت احلم باهل البيت واحلم احلام تتحقق و الله سبحانه وتعالى صار كل يو يوهبني شغلات جديده

احمد الله على كل الطافه عليه لكن سيدنا قلبي مجروح

سيدنا شخص اكتشفت من سنتين بكل مكر وحيله يحاول ايذائي بشكل عجيب جدااا و صار سنين اعاني من مشاكل

وطلع هو السبب بيهن وحتى شخص قريب جدا عليه للاسف صدك هل اكاذيب وهوايه اتاذيت

ماريد ادخل بالتفاصيل حتى ليطوول الموضوع

سيدنا اني انسانه متسامحه جداااااا مع الجميع على الرغم من اني قويه لكن الاسلام هو دين السماح

لكن اللي اريده هو انو الله ياخذلي حقي من هلشخص اللي اتكلم في سمعتي و عفتي بكل دم بارد ولا همه ولا خاف من الله

و ثاني شي اريد اللي صدق كلامه يعرف نفسه غلطان و يعتذر مني

سيدنا خل اكلمك عن اللي بقلبي

من كثر ما انظلمت واتاثررت مرات افز من النوم بلليل واكوول ياررب اني مظلوومه

تركت العالم وكلشي وابتعدت عن الكل مع العلم الكل يحبووني ويحترمووني بشكل محد يتخيله والحمدالله


لكن حقي من هلانسان للي ميخاف الله اريده

سيدنا دعيت بهل ايام المحرم الله ينزل عليه بلاء يخللي يصير اطرش و اخرس و اعمي والله سيدنا عمري هيجي مداعيه

ولاافكر ادعي بس هذا حرك قلبي وكسر خاطرري

وتعرف سيدنا من قلت لقريبنا انو هذا الشخص كاذب واني اعلى وانزه من كلامه وظلمني بكلامه وافعاله والله رح

يطلع حوبتي بي وكلت اله حتشوف هلشي
ضحك عليه وكال الي كلامج كلام اطفال تتصورين اي شي تدعي الله يستجابه الج وفلان كال حقيقتج اصلا ماافترى عليج

متدري سيدنا شكد انكسر خاطري

لان الانسان الزين ميتحمل هل كلام ينقال عليه

اللي اتمنى وطالبته من الله بحق ايام محرم حوبتي بشكل قووي تطلع من هلشخص

وقريبنا اللي ظلمني وصدق هلكلام وكل من صدق عليه شي باطل يعرفون الله اخذ حقي و انو هذاك كذاب ويعتذرولي


شنو ممكن اسوي اضافتا الى صلاة الحاجه وقرائة القران حتى الله بشكل عااجل ينطيني مرادي

اني سلمت امري لله صح بس هلكد متاذيه سيدنا اريد الله بسرعه ياخذلي حقي وكل مظلوم هاي شعووره

ممكن تساعدني سيدنا وتكول لي شنو الاعمال اللي اسويهه حتى الله بسررعه يطلع حووبتي ويظهر انو اني صالحه وانسانه زينه

وكل من اذاني يعتذر مني
ويندم على كل مره اذاني بيهه

سيدنا بعد الله اعتمادي عليكم ومتفائله جدا جدا و احساسي ان شالله ميخيبني

دمتم بود والدي الكريم[/align]

[الـسـيـد الـفـاطـمـي]

[align=center]

اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
اي رؤيا بنا ممكن كتابتها في موضوع منفصل ليتم تثبيتها في المنتدى بمشيئة الله تعالى
هذهِ أعمال عظيمة لقضاء الحوائج ودفع البلاء وتيسير الأمور وبها أسرار لا تعد ولا تحصى
أنصح بقراءة هذه الاعمال المباركة لمدة عشرة أيام متتالية وأنتم على طهارة ووضوء بإتجاه القبلة
سورة الفاتحة بعدد 7 مرات
سورة الإنسان بعدد مرة واحدة
حديث الكساء اليماني مع طلب الحاجة
من ثم يقرأ هذا الدعاء بعدد 21 مرة متتالية
اللهم صل على محمد وآل محمد*بسم الله الرحمن الرحيم
اللهي بحق الحسين وأخيه وجده وأبيه وأمه خلصني من الغم الذي أنا فيه يا قاضي الحاجات يا سميع الدعوات يا منزل البركات يا دافع البليات برحمتك يا أرحم الراحمين
وصلى الله على محمد وآل محمد الطيبين الطاهرين ... مع طلب الحاجة
ورد الشهيد بعدد 330 مرة وهذا الورد عظيم جدا وسيكشف كثير من الامور فصبرا جميل
زيارة عاشوراء عليهم السلام مع صلاة الزيارة وطلب الحاجة
انصح العمل بموضوع الفاطمي والبخور قبل اذان المغرب
أنصح بإخراج صدقة بنية الشفاء والعافية ودفع البلاء قبل القيام بالأعمال قربة لله تعالى
رزقكم الله تعالى الشفاء والعافية وقضاء حوائجكم مع شيعة محمد وآل محمد
وصل اللهم على محمد وآل محمد الطيبين الطاهرين
السلام عليكم ورحمة الله وبركاته
خادم الإمام المنتظر المهدي عليه السلام عج
السيد الفاطمي الموسوي
ترشيح المنتدى يساهم في إغاثة الملهوفين والمحتاجين [/align]

[ليليان]

السلام عليكم سيدنا الغالي

اني صارلي 4 ايام ماشيه علعلاج وباقيلي 6 ايام

بس الان كتبت لان حالتي تعبانه جدااااا


سيدنا كل مااتذكر الكلام اللي صار عليه اتجنن ولله ومثل المجنونه كل يوم انتظر اسمع الله اخذ حقي

وميصير شي

واتعب واتعب احس حمل شاايله

وحتى جنت قبل فتره احلم احلام زينه راحت مني وحالتي تعيسه

ماعرف شسوي مولانه

ليش هيجي يصير بيه هم ماادري
ولله صعبانه عليه نفسي

وحده مثلي هلشكل بالظلم ينحجي عليه واللي يحجون مرتاحين واني مولانه احترك مثل الشمعه ايام وليالي

وماكو اي تغيير

ماعرف اسال نفسي يجوز الله ميحبني ؟ اللي ميستجيب دعائي

ادعي من اهل البيت

ودعائي ما يستجاب

افكر اني يمكن انسانه سيئه والله ميستجابلي

لو مسويه ذنب والله يعاقبني عليه

بس ممسويه شي اني بحياتي ولله ولو عندي شي مستغفره الله من كل قلبي والناس تحبني


ليش هيجي يصير بيه

رح اتجنن سيدنا


شنوو اسوي

وين الخلل


صار اكثر من سنه دامووت ولله

وهسه محرم , الكل ياخذون حوائجهم

بس شنو اني مثل مااني

شسووي ؟ شسووي ؟ شسوي؟


من الله ميستجيب دعائي


اكول يمكن الناس صح واني موزينه


سيدنا هل شخص اللي اذاني بكلامه وتصرفاته كلش ااذاني وحق الله

ااني ادعي عليه بالموت او انو ينخرس وينعمي وينطرش بنفس الوكت

هل هاي من حقي وهل هاي عقاب يستحقه

من بقصد اذيه و تشوويه سمعتي هيجي يتعمد ياذيني و يظلمني

وهو حياته عاديه ماشيه

كلش مشووشه ولله


اسفه سيدنا اني ازعجتك بس ولله حاسه نفسي حموووت مداتحمل

دمت بوود

[align=center]ليس الله تعالى بغافل عن الظالم بل يمهل ولايهمل كوني صبورة وتحلي بالصبر .. اكملي الاعمال[/align]

[ليليان]

[align=center]السلام عليكم سيدنا

عظم الله اجرك بمصاب ابالاحرار عليه افضل الصلاة والسلام

سيدنا الكريم


اني مشيت على العلاج مدة 10 ايام و خلال العلاج هاي كانت حالتي


طبعا طول الوكت حزينه كنت

في ايام حزني كان فضيع وماعندي صبر واتذكر اللي اذاني وامور كثيره مريت بيهه كنت اتجنن

حتى بلليل ماعرف انام وكتب السماحتكم هذا الشي ونصحتوني بلصبر


المهم خلال ايام العلاج

طول الوكت من اقرا الاعمال الاجواء عاديه جدا حتى مااحلم شي محدد لان قليل انام

في يوم العلاج الخامس حلمت اني امشي في شارع مؤدي الى بيتنا و صادفت 3 خيول

واحد كان ابيض وواقف في النص و على طرفه اليمنه واليسره اكو خيول 2 لونهم بني و كان اكوحصان شويه بعيد

وكان يا كل بالمزرعه

اللي يميز الخيول هي انو راسها ورقبتهه كانو كبار جدا ... المهم خفت لا ياذوني مع العلم احب الخيل اني فركضت و رحت للبيت

سمعت واحدهم منهم يركض ورايه خفت

فهو ناداني و صار يحكي ويايه .. التفتت شفته الحصان الابيض اللون .. كانو صار صديقي و صار يمشي ويايه و يكلمني ودخل للبيت ويايه

بعدها اني ركبت بالباص مع عمي كانو دنروح نسافر ونزور العتبات المقدسه وعمي جان يقرا زيارة عاشورا

وانتهي الحلم



وحلمت ناس توصلي كلام من الامام الحسين انو يوصيني على اختي

او اشوف الامام جالس في المكان اللي اني بي لكن ماشوفه بس احسه موجود



استمريت بالاعمال وامس كان اخر يوم

يوم امس كنت حزينه جدا بعد الانتهاء صرت انادي اهل البيت وخاصتا الامام الحسين والعباس و اكلمهم واتوسل بيهم

واناجي الله سبحانه وتعالى و صارت عندي حالة بكاء فضيعه

بكيت وبكيت وبكيت و اخير شي كلت يا ابوفاضل ساعدني عندي 4 حاجات

هنه مرتبطين في بعض وهم كذا وكذا وكذا وكذا

انطيني مرادي واتوسل بيك بسرعه اتحققهن الي وصرت ادعي هلشي و ادعو انو ينطيني علامه على تحقق مرادي

وابكي واكرر الاربع حاجات و انو بسرعه احصل عنهن و اتوسل بابوفاضل

واكول اريد علامه على تحقق مراد ي واذا مامقسومتلي انو يتحقق فهم اشوف منام مزعج او اي شي يدل على

عدم تحقق الحاجه


غفت عيني شويه وصارت الساعه حوالي 4 الفجر كنت صاحيه واتقلب في الفراش

فجاءة اقسم بالله

شفت في الغرفه احد حضر يمي واني اشوفه بس بعدني مشايفه ملامحه

راسا كلت ابوالفضل العباس حضر بالغرفه بعدها صرت اشاهد كتابات في اجواء الغرفه

كتبلي السلام عليكم ورحمة الله والكتابات كانت بلون الاحمر الغامق من بعد شفت قبه لمرقد امام ايضا لونها احمر غامق

وكلت هذا ابا فاضل و صارت تظهر امام عيني ملامح العباس عليه السلام واني داشوفه اكول العباس انطاني مرادي

العباس انطاني الحاجات الاربعه اللي دعيتهن و صرت اشوف ملامحه بالحقيقه واني صاحيه ومندهشه وانفاسي محتبسه ولله

نسيت نفسي والعالم و اشوف جمال وجهه لكن كان كلشي لونه احمر غامق حتى ملامحهه شفتها بهذا اللون

لكن اني وداشوفه يقين صار عندي انو حاجاتي الاربعه خلاص انقضت و فرحت
كانو

حمل وانزاح من اكتافي

من بعدها شويه اتختفت ملامحه

سيدنا من رهبة الموقف ولله ما كدرت ابقه بالغرفه

كانو سلطان عظيم و عنده هيبه ويايه بالغرفه

طلعت من الغرفه افتر بالبيت وماعرف شنو اسوي فرحانه كلش وسبحان الله سيدنا

في البيت مع اني ماحدثت احد باللي صار

بس بذيج الساعه كل البيت صحو من النوم كل واحد صحى لسبب معين

بعدها كل ما ادخل راسي للغرفه

رهبة المكان تمنعني انو ادخل بيهه ولله العظيم حسيته لساته موجود

الغريب هو انو عندي اخت صغيره , دخلت للغرفه مالتي كالت تنام بيها بدالي


بعد ربع ساعه اجتي من غرفتي كلت الها شكو كالت اتذكرت حلمج بالامام الحسين وحسيته جالس في جواري و

اتذكرت الامام علي وحسيتهم موجودين

صارت بيه رهبه وطلعت

من الغرفه

واني سيدنا طول الوكت صاحيه وفرحانه واتذكر كلشي وماعرف شسوي ولله



سيدنا اني حسب اللي شفته هو انو معناته الله يقضيلي حوائجي بشفاعة اهل البيت و لكرمه وعظمته ايضا

وحوائجي كانت اخذ حقي من هلشخص للي اذاني ودعيت عليه دعاء معين وكلش اكدت عليه واني وابكي

ودعيت 3 شغلات بعد وشفت هلشي

مادري بعد شنو رئي سماحتكم

بهل حاله و قضاء حوائجي و شنو المرحله القادمه بالعلاج


و سيدنا عندي مساله تاذيني وهي انو على طول عندي احساس بالذنب مع العلم

اني دائما بكلشي اخلي الله كدام عيني وماسوي شي بس ماعرف ليش هلاحساس يجيني


سيدنا شنو شايف حالتي الان

على فكره سيدنا يشهد الله البارحه اني واشاهد ابوفاضل اكول ويا نفسي را ح اخبر السيد واكوله على اللي شفته

وكنت متلهفه اكتب السماحتكم هذا الشي

وانتظر رئيكم بكل اللي اني مريت بي وبحالتي

اني اكول راح اخذ مرادي خاصتا حقي من هذا اللي اذاني

لان دعيت اسمع اللي دعيت عليه صاير خلال هلايام


وانتظر رئيكم


اشكرررك والدي الكريم


عظم الله اجرك سيدنا[/align]

[الـسـيـد الـفـاطـمـي]

[align=center]
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
اموركم بفضل الله تعالى جيدة ولكن اطمح اكثر
انصح بهذه الاعمال المباركة قبل النوم لمدة خمسة ايام وانتم على طهارة ووضوء
انصح بقراءة الرقية الشرعية المثبتة . في روضة الكشكول الفاطمي .على ماء عذب بقدر عشرة اقداح . وانتم على طهارة ووضوء
بعد الانتهاء من القراءة ارجو النفخ على الماء بذكر البسملة الصلوات
من ثم تمسح به نفسك من اعلى الرأس الى اخمص القدمين بذكر قراءة سورة الفاتحة
مع بواطن الكفين والقدمين والابطين ..
انصح بشرب ربع قدح ماء من هذا الماء المبارك بعد الانتهاء من مسح الجسد
لايجوز مطلقا مسح الاعضاء التناسلية بهذا الماء المبارك
انصح بقراءة سورة يس بعدد مرة واحدة
انصح بقراءة حديث الكساء اليماني مع طلب الحاجة
انصح بزيارة عاشوراء مع صلاة الزيارة وطلب الحاجة
بعد الانتهاء من الاعمال اخبرونا للتواصل معكم بمشيئة الله تعالى رب العالمين
حفظكم الله تعالى من سطوات وكيد الجن والانس مع شيعة محمد وال محمد ونصركم نصرا عظيما
انصح بدفع صدقة قبل القيام بالاعمال بنية الشفاء ودفع البلاء قربة لله تعالى
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
لاتنسوا ترشيح المنتدى يرحمكم الله تعالى[/align]

[ليليان]

[align=center]السلام عليكم والدي الغالي

بعد فترة انقطاع بسبب ضروف مريت بيها و عدم وجود اتصال الانترنت

عدت لغرض استكمال العلاج عند سماحتكم ان شالله

احوالي لا باس بيها

ولا استطيع القول انها سيئه ولا انها جيده

لا يوجد اي تغيير في ضروفي

احيانا احلم احلام تدل علفرج لكني اقول انها هلوسات او ناتجه عن تفكيري لانها احلام قصيره وبسيطه

اتمنى ان ترشدوني على مراحل العلاج القادمه حتى اعمل بيها ان شالله


و سيدنا دائما اسمع اخبار عن الشخص اللي اذاني ويحاول مرات ياذيني اكثر وولا هامه

من هيجي يصيرر

همومي تزيد اكثر

انتظر مساعدتكم والدي الغالي


دمتم بود[/align]

[الـسـيـد الـفـاطـمـي]

[align=center]
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
تاخير لامبرر له كيف تحصلين على نتيجة طيبة مع علاج متقطع
انصح بقراءة هذه الاعمال لمدة 7 أيام متتالية على طهارة ووضوء باتجاه القبلة
اللهم صل على محمد وال محمد بعدد 7 مرات
سورة الفاتحة بعدد 7 مرات
سورة الانسان بعدد مرة واحدة
سورة يس بعدد مرة واحدة
انصح بقراءة هذا الدعاء المبارك بعدد مرة واحدة
اللهم صل على محمد وال محمد
بسم الله الرحمن الرحيم
بسم الله الرحمن الرحيم، أشهد أن لا إله إلا الله، وحده لا شريك له وأشهد أن محمدا عبده ورسوله آمنت بالله وبجميع رسله، وبجميع ما أنزل به على جميع الرسل، وأن وعد الله حق ولقاءه حق وصدق الله وبلغ المرسلون، والحمد لله رب العالمين، وسبحان الله كلما سبح الله شيء، وكما يحب الله أن يسبح، والحمد لله كلما حمد الله شيء، وكما يحب الله أن يحمد، ولا إله إلا الله، كلما هلل الله شيء، وكما يحب الله أن يهلل، والله اكبر كلما كبر الله شيء، وكما يحب الله أن يكبر، اللهم إني أسألك مفاتيح الخير وخواتيمه، وسوابغه، وفوائده، وبركاته، وما بلغ علمه علمي، وما قصر عن إحصائه حفظي، اللهم أنهج لي أسباب معرفته، وافتح لي أبوابه، وغشني بركات رحمتك، ومن علي بعصمة عن الإزالة عن دينك، وطهر قلبي من الشك ولا تشغل قلبي بدنياي، وعاجل معاشي عن آجل ثواب آخرتي واشغل قلبي بحفظ ما لا تقبل مني جهله، وذلل لكل خير لساني، وطهر قلبي من الرياء ولا تجره في مفاصلي واجعل عملي خالصا لك، اللهم إني اعوذ بك من الشر، وانواع الفواحش كلها، ظاهرها وباطنها وغفلاتها، وجميع ما يريدني به الشيطان الرجيم، وما يريدني به السلطان العنيد، مما احطت بعلمه، وانت القادر على صرفه عني، اللهم اني اعوذ بك من طوارق الجن والإنس، وزوابعهم وبوائقهم، ومكائدهم، ومشاهد الفسقة من الجن والإنس، وأن أستزل عن ديني فتفسد علي آخرتي وأن يكون ذلك منهم ضررا علي في معاشي أو يعرض بلاء يصيبني منهم، لا قوة لي به، ولا صبر لي على احتماله، فلا تبتليني لا إلهي بمقاساته، فيمنعني ذلك عن ذكرك، ويشغلني عن عبادتك، أنت العاصم المانع الدافع، الواقي من ذلك كله، أسألك اللهم الرفاهية في معيشتي ما أبقيتني معيشة أقوى بها على طاعتك، وأبلغ بها رضوانك، وأصير بها إلى دار الحيوان غذا ولا ترزقني رزقا يطغيني، ولا تبتليني بفقر أشقى به، مضيقا علي، أعطني حظا وافرا في آخرتي ومعاشا واسعا هنيئا مريئا في دنياي، ولا تجعل الدنيا علي سجنا، ولا تجعل فراقها علي حزنا، أجرني من فتنتها واجعل عملي فيها مقبولا، وسعيي فيها مشكورا، اللهم ومن أرادني بسوء، فأرده بمثله، ومن كادني فيها فكده، واصرف عني هم من أدخل علي همه، وامكر بمن مكر بي، فإنك خير الماكرين، وافقا عني عيون الكفرة الظلمة، والطغاة الحسدة، اللهم وأنزل علي منك السكينة والبسني درعك الحصينة، واحفظني بسترك الواقي، وجللني عافيتك النافعة وصدق قولي وفعالي وبارك لي في ولدي وأهلي ومالي، اللهم ما قدمت وما أخرت وما أغفلت وما تعمدت وما توانيت، وما أعلنت وما أسررت فاغفر لي يا أرحم الراحمين
وصل الله على محمد وال محمد الطيبين الطاهرين ... مع طلب الحاجة
زيارة الامام علي عليه السلام مع صلاة الزيارة من ركعتين وطلب الحاجة
اللهم صل على محمد وال محمد بعدد 7 مرات
انصح بدفع صدقة بنية دفع البلاء والشفاء وقضاء الحوائج قربة لله تعالى
انصح العمل بموضوع الفاطمي والبخور قبل اذان المغرب
رزقكم الله تعالى الشفاء والعافية وقضاء حوائجكم مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي[/align]

[ليليان]

[align=center]والدي الغالي السلام عليكم ورحمة الله وبركاته


عظم الله اجرك بمناسبة اربعينية الامام الحسين عليه افضل الصلاة والسلام


ابي العزيز مشيت على العلاج خلال اسبوع

اني من بديت العلاج كنت اتمنى قضاء 3 حوائج مهمه جدا الي

الاسبوع الفات اثناء العلاج

وحده من هذه الحوائج المستعصيه جدااا جدااا وهي مسالة دراستي وجامعتي انحلت بشكل سحري

سيدنا اول العلاج سمعت خبر سيئ جدا بخصوص دراستي بحيث صار عندي احباط

يعني اول الاسبوع اللي فات اقصد

لكن ضليت ادعي والحمدالله المشكله انحلت بشكل سحر ي جدا ولله العظيم كانو الله سبحانه وتعالى سخرلي الناس كلهه

و حتى سيدنا دتصير ويايه صدف غريبه حتى اهلي مستغربين عليه يكولون كانو كلشي ديتسخر الج

وفعلا شي عجيب ولله الحمد

لكن اسال نفسي مادام الله سبحانه وتعالى سامع دعائي وبشكل سحري يحل اموري

ليش دعائي بخصوص الانسان اللي اذاني ميتحقق خاصتا انو اذيته تركت نتائج بشعه مااكدر اتخلص منها الا في حالة هلاكه


وهل مساله اتعب نفسيتي فعلا و تصيبني بحززن كبير جدا جدا جدا

لان مابيهه اي تغيير


احوالي من ناحية الاحلام هي كالاتي

حلمت مرتين انو اني اصلي وحتى من صحيت من النوم كنت كانو اكمل اخر ركعه من الصلاة

مره حلمت انو اتحدث مع الشخص اللي اذاني واكوله شنو الذكر اللي اردده حتى عدوي يهلك

هو قال لي كرري اسم الله المهلك واني صرت اقرا ذكر المهلك لهلاك هل شخص بالحلم

و اخير ليله حلمت حلم غريب فعلا

حلمت انو كنت اتصل باحد اقاربي هاتفيا

لكن اتفاجئت انو سماحتكم اتحدثو ويايه بالهاتف

وحتى كانت الدنيا فجر

فااني كلت السيد مغير رقمه هاي شلون تليفوني حصله وصار يحجي ويا

سماحتكم صرتو تكررون اسمي الحقيقي وتكول الي انو عندك لي اخبار و امور من السيده زينب سلام الله عليها

يعني هي مكلفه سماحتكم انو توصلون هذه الاخبار الي وكنتو تنادون اسمي انو اجي واتكلم حتى اعرف شنو هاي الامور اللي السيده زينب

تريد تبلغني بيها عن طريق سماحتكم

وحضرتك كلت الي فلانه السيده زينب محملتني امانه لازم اخبرج بيها

فااني كلت لا هاي اني متوهمه يمكن لان السيد مغير رقمه

بعدها اتاكدت انو هذا هو سماحتكم لكن كل ما تذكرون اسم السيده زينب رهبه تصير بقلبي وابكي و مااتكلم واكول شي

حتى سماحتكم كانو رسلتولي شخص يخبرني انو تريدون تبلغونيي امور عن لسان السيده زينب

بس اني قلبي كانو كان يرتجف و ما اتكلمت بالتليفوون

الحلم هذا كان ويا اذان الفجر




هاي كل احوالي بالوكت اللي فات


سعيده جدااا لقضاء وحده من حوائجي الثلاثه

وان شالله الله سبحانه وتعالى

يقضيلي الحاجتين الاخرى


اشكرك والدي العزيز على كل تعبك وطولة بالك ويانا

الله يوفقك ويخليك ويعلي مراتبك

اليوم جنت بالحسينيه دعيت من كل قلبي السماحتكم ولكل اهل المنتدى


الله يحفضك ياررب


دمت بخيرر[/align]

[الـسـيـد الـفـاطـمـي]

[align=center]عليكم السلام ورحمة الله وبركاته ابنتي الكريمة ليس هناك طريقة سحرية لحل مشاكلك او هناك صدفة لتسخير الامور انما انت مع الله تعالى وهو مسدد لكم بمشيئته ورحمته الان عليكم بدرس 21 لمدة عشرة ايام واعملي بهذا الدرس بجد واجتهاد فهذا الدرس توجيه لكم هل ادركتم المعنى ربي يبارك بكم ويسدد خطاكم المباركة[/align]

[ليليان]

[align=center]السلام عليكم ورحمة الله و بركاته

والدي العزيز تحيه طيبه و بعد

ابي الغالي اول شي اعجز عن تقديم الشكر والامتنان لشخصك الكريم

على الدرس الرائع

اللي نصحتني بعمله

مثل ما ذكرت بردي السابق

ليله قبل اداء هذه الاعمال حدث معي الحدث التالي

طبعا راح اكتب وحده من هلامور اللي ادهشتني فعلا ومالها اي تفسير عندي

من سماحتكم نصحتوني بعمل الدرس ال21 في نفس الليله كان عدنا ضيوف راحو في ساعه متاخره

فماقدرت اسوي الدرس وابدي بي لذلك انا وفي السرير سلمت على السيده زينب واهل البيت واتوسلت بيهم وهاي هو

وراهه كانت الساعه 2 واني جنت صاحيه منايمه

سمعت صوت ناصي ضنيت انو اهلي على خلاف عادتهم رافعين صوت التلفزيون

استغربت

انتظرت شويه ورا دقايق معدوده الصوت صار عالي واعلى بحيث الغرفه صارت مليئه بالصوت

صوت مراءة تصرخ صراخ غريب كانو احد ديقتلها او كانو دتموت وكان صوت خافت لرجل معاها ايضا

ولله ضنيت انو تلفزيون

طلعت حتى اشوف شنو السالفه شفت كل اللي بالبيت نايمين والاصوات ماليه البيت

والبيت مو مسكون لان بناء حديث و عماره كبيره ومعروفه جدا انو مابيها شي

حسيت هلصوت اني المقصوده بي و كانو كانت مره وماتت وراحت

بس بقوووه وبعد مقاوومه راحت لان صراخها كان رهيب و بعد حوالي 5 دقايق من بعد ما طلعت اتمشى بالبيت سمعت انو صوتها

راح

وكانو رجل كان صوته خافت ابعدها وماتت او راحت

مااعرف هاي شنو مولانا ولله العظيم وعلى فكره نسيت اكول شي

بعد ما الصوت راح ورجعت الغرفتي ولله بشكل مفاااااجئ

الم رهيب رهيب رهيب صار في رقبتي و ايدي اليمنه كلها والقسم الايمن من ظهري

وحتى في يومها بشكل مفاجئ المغرب حسيت بالم في يدي اليسرى

لكن كلش زين اتذكر من رجعت للغرفه بعد انتهاء الصوت الم رهيب لزمني ومن شدة الالم مكدرت انام للصبح

بس صليت الصبح

يلا الم صار اقل بهوايه ونمت ساعتها حلمت حلم جميل



اول ليله في اداء هذه الاعمال

سبحان الله حالة خشوع غريبه اتسيطر علانسان

جنت مندمجه بالمناجاة واداءها

وحدث معي الاتي


اتفاجئت في كذا موقع من الدرس بشي غريب

اني دائما من اقوم بالعبادات اعملها بلليل و اطفي الانوار واشعل شمعتين كبيره و اسوي عباداتي

ومن فتره اشعل نفس الشموع وحده خضراء اللون والثانيه بيضه ومالاحظ اي شي

البارحه بعد ما عملت 100 صلوات و صليت صلاة الزياره قرات سورة الرحمن

اعتقد عند اية

كل من عليها فان كُلُّ مَنْ عَلَيْهَا فانٍ . وَيَبْقَى وَجْهُ رَبِّكَ ذُو الْجَلالِ وَالإكْرَامِ

الشمعه البيضه اللي كانت على يميني جدحت , جدحات بسيطه صوتها فاجئني
ضنيت انها صدفه ونسيت الامر وصرت اقرا الزيارات

استمريت ووصلت لهذا المقطع

اَيْنَ الْمُنْتَظَرُ لاِقامَةِ الاْمْتِ وَ اْلعِوَجِ، اَيْنَ الْمُرْتَجى لاِزالَةِ الْجَوْرِ وَ الْعُدْوانِ،

وكنت مركزه في معاني مااقراه فقط لكن يشهد الله سمعت صوت الشمعه وهي تكسر السكوت في غرفتي

اتفاجئت

واستمريت

صارت الشمعه تجدح من حين لاخر علخفيف


لكن من وصلت لهذا المقطع لحد نهاية الاعمال تقريبا

هذا حُسَيْنٌ تُسْفِي عَلَيْهِ رِيحُ الصَّبا مَجْذُوذُ الرَّأْسِ مِنَ الْقَفى قَتِيلُ أَوْلادِ الْبَغايا وا حُزْناهُ عَلَيْكَ يا أَبَا عَبْدِ اللهِ اَلسَّلامُ

من وصلت لهنا الشمعه صارت مو بس تجدح لا طلع منها صوووت ما سكت لحد ما انهيت العبادات

استغربت يعني حتى للحظات التهيت عن عبادتي داشوف شنو السالفه

غيرت مكانها وجبت الشمعه الخضره عليمين والبيضه عليسار نفس الحاله كانت مستمره

اني مخفت لكن ماعرف شنو هاي

بعدين كلت ملازم شي يشغلني عن اكمال العبادات حتى وان كان غريب

وكملتها والشمعه ما سكتت ابد ابد ابد

وحتى اني حسيت لاول مره من فتره طويله قدسيه رهيبه اكو بالمكان

وابكي و اتاثر و عندي حاجات لكن

اكو فرح يصير بقلبي و كانو رح تفرج اموري

لكن كانت دموعي تنهمر



واستمريت بالاعمال و سبحان الله حالة خشوع تسيطر علانسان

واني و داسوي الاعمال

سبحان الله صار عندي شعور قوي و يقين انو الله راح يستجاب دعواتي

و صارت فرحه بقلبي

بس مع ذلك مجنت احلم ولا شي

ويوم بعد يوم نومي اقل يصير بلليل او شبه معدوم

في كل ليله و عند كل فجر اناجي الائمه و اسالهم النظر في حالي واللطف فيه

و الفرج القريب

اللي صار انو فرحة نصر و قضاء حوائج قريب ملئت قلبي مع العلم اي شي متغير في ارض الواقع

حدث لي امر بخصوص الشغلات اللي اتعالج بخصوصها

وشخص حكم عليه بالغلط و صدق اللي قيل عليه

حسيته ديريد يعتذر و عمل كذا مبادره لكن من كثر جروحي مكنت كادره اتجاوب

هو مكلمني بشكل مباشر لكن عن طريق مسجات وهكذا امور وما كنت ناويه انو اتكلم ويا بهل خصوص

الا اذا حقي ظهر امام الجميع

لكن كرر المبادره و نصحوني انو

اني هم اكلمه بس مجنت اريد والله

المهم بعد 4 مبادرات منه لكن غير مباشره اني اتصلت بعالم ديني معروف جدا جدا

دائما مجربه استخاراته و دائما صحيحه

نويت انو اني هم اتجاوب ويا لحد ما يعني باب اعتذار ينفتح

الاستخاره طلعت جيده جدا جدا ولكن نفسيتي متسمحلي كانت انو اكول شي ولله


لذلك تركت الامر هذا كم يوم

والي اليوم بالتحديد


ليلة امس كملت الاعمال و مجاني نوم

ضليت صاحيه

واناجي اهل البيت اكول شوكت تفرجوها عليه

وحقي يرجعلي و اللي اذاني هلكد حوبتي تطلع بي و تتعدل حياتي

ليش ماكو اي علامه اي اشاره انتو تسمعوني ليش حتى حلم مااحلم بيكم
وهاي دائما اكول هلشي

صليت صلاة الليل و صارت صلاة الصبح بعدها مباشرتا صليت ونمت



وطبعا قبل ماانام

دعيت الدعوات اللي بقلبي واقسمت علائمه اذا اكو الي فرج وفرحه

ينطوني علامه

بالمنام

وكلت بس لا مثل كل يوم ادعي منكم هلشي وميصير

كان قلبي حزين جدا ولله

سبحان الله بهل وكت

اثناء صلاة الصبح حلمت حلمين غريبين جدا






اول شي حلمت انو اني خاطري مكسور وحزينه جدا جدا بسبب انو همومي ومشاكلي متنحل

و وين مااروح الابواب مغلقه في وجهي فرجعت للبيت حزينه وجلست عند المساء في غرفتي

سمعت صوت امي تنادي وتكول تعالو شوفو القمر شكد حلو منور بالسما

فااهلي راحو شافو القمر من الشباك

اخير شي اني رحت

شفت القمر منور السما و بعدها اتفاجئت بمنظر رهيب

شفت كوكب كبير جدا جدا من المجموعه الشمسيه ظهر خلف القمر لكن كان قريب من عدنا جدااا

بحيث كل الوانه و تفاصيله تنشاف يعني كبير كبير كانو هو كوكب ثاني فوق الارض وتفصله عن الارض

امتار قليله فقط وكان لونه جميل جدا

كانو والله اعلم كان كوكب المشتري يعني من صحيت من النوم و شفت الكواكب

هذا الكوكب كان يشبه المشتري

رائع فعلا

ناديت اهلي اندهشو على المنظر

و فجاءتا ظهر بجوار المشتري كوكب اخر كبيرر جدا

ظهرو من خلف العماره اللي امام عمارتنا

و ماكانت الا ثواني و كوكب راائع

قمة الجمال الوانه بنفسجيه و خضرا بالحلم كلت يمكن هذا كوكب الزهره الجميل

كان اقرب للارض من باقي الكواكب

وظهر امام عمارتنا و انوار كان يشع على كل مكان و كان جميل فعلا

في وقتها صرت اردد 3 ايات في قلبي

بسم الله الرحمن الرحيم

إِنَّا زَيَّنَّا السَّمَاء الدُّنْيَا بِزِينَةٍ الْكَوَاكِبِ . وَحِفْظاً مِّن كُلِّ شَيْطَانٍ مَّارِدٍ

واية

فإذا أنشقت السماء فكانت وردة كالدهان


صدق الله العلي العظيم


صرت اردد هلايتين

بالحلم

بعدها نزلت من البيت واخذت كامرتي حتى اصور الكواكب

قبل ماانزل كلت الامي احتمال حيصير حدث عظيم . معقوله الامام الحجه يظهر

المهم اخذت الكامرا ونزلت

اني وعلسلالم الجو كان بارد جدا و امور عاقت طريقي

ردت ابجي

كلت ياربي فوك همومي و قهري هلاشياء تعيق طريقي

المهم كانت اكو حدايد في طريقي وخرتها بالكوه و كان الجو بارد ونزلت جوا

داريد اصور

شفت مجموعة شباب

كانو خليجيين ضنو اني احتاج مساعده رادو يساعدوني وكانت ملابسهم نظاميه

كتلهم جايه اصور الكواكب

و كنت وحدي بالشارع و همه 3 لو 4 فقط موجودين

وماكو ناس او يجوز اكو شخص لو 2

باوعت بالسما بس شفت القمر كامل منور ماكو اي كوكب يمه

انزعجت فعلا انو راحت الكواكب ومصورتهن

ولفتت نظري سحابه سووده سووده فاتت من نص القمر انزعجت من هل سحابه لكن سرعان ما

الهوى دفعها وراحت و بعدها

كوكبين على يمين و يسار القمر ظهرو

فرحت بيهم جدا

كانو كبارررر بحيث القمر ضاع يمهم الكوكب اللي كان على يمين القمر كان يشبه القمر لكن

اكبر بكثير جدا

صارت ترتسم بي صورة وجه شخص

كلت معقوله هاي وجه صاحب الزمان وراح يظهر

وراها شويه الملامح صارت اغمق

كلت لا هاي وجه ابوفاضل هاي وجه العباس و اخذت صوره منه

و فعلا صورة الامام صارت واضحه ونزلت صورته الحقيقيه من السما وصارت بنص الكوكب هذا


شفت امي يمي بهل لحظه

اني وياها و بعض الناس

صرنا نشاهد وجه الامام وندعي منه

اني نزلت راسي و بخاطر مكسور كتله ابو فاضل راح تفرجها عني و تستجيبلي و كمت ادعي وادعي

اني وادعي

كانو المكان اللي واكفه عليه صار يتحرك و يفوت بين احياء و شوارع

كلها ناس شيعه

مشغلين قصيدة الحاج باسم

هذا المقطع

يامن جهلت العدل والصدق اين قم واتجه بالقلب نحو الحسين لحد اخر المقطع

كلت الامي هاي القصيده الناس كلها تعرفها

و كانو االناس يطلعون موااكب كبيره وبيدهم الرايات الحمرا و السوده و ينادون حيدر حيدر باعلى صوتهم

ومن بعد صرت اشوف كل مساجد وحسينيات الشيعه اللي اتهدمت

جنت اشوفها قبل الهدم وتتهدم وتصير على الوضع اللي التكفيرين وصلوها اله

و شفت مراقد الائمه كلهم في شارع واحد

امام امام ومرقد مرقد

وصلنا للعسكريين و شفت المرقد كان صاغ سليم و اتهدم على غفله وكانو احد الائمه يااما الامام العكسري

يااما الامام الكاظم حسيناهم داخل المرقد

ومن اتهدم نكسنا الرؤوس و لطمنا عليها من الحزن على اللي صار بالمرقد

وامي قالت هلشي مؤلم جدا و حقه الامام لمن لطم على راسه و شال عمامته

واستمر الطريق و دعائي كان مستمر و فتحت عيني على غفله

مجنت مصدكه انو هذا منام كانو حقيقه فعلا



وراهه بشويه نمت حلمت حلم اخر

انو اني جالسه بحسينيه واسمع لمحاضرة السيد جاسم الطويرجاوي
والمكان كان جميل وعرفاني جدا

بعدها

السيد اجه ويايه البيتنا

كان بيده كتاب كال اريد اخبرج قصص عن كرامات ابوفاضل واكولج سر بخصوصه

جلست في جوار السيد وحتى جزء من عبايته كانت في يدي و مغطيه جزء من كتفي

السيد فتح الكتاب

شفت صورة 3 ائمه

كال الي


اول امام صورة الامام علي و بالنص ابوالفضل العباس وعليمين الامام الحسين

كتله سيدنا ابوفاضل صورته الحقيقيه تختلف شويه عن اللي بالكتاب

كال وانتي شمعرفج

كتله مو اني اعرفه وشايفته وحتى عندي صورته
كال روحي جيبيها

رحت دورت في اغراضي ولكيت صور للكثير من الائمه وعلماء الدين

اني سابقا في بيتنا القديم لان البيت كان مسكون كنت معلقه صورهم علحايط

والان خالتها في وسط القران

المهم جبتله الصور وصار يشوفهن و يكولي بارك الله بيج

ومدح بيه لاني محجبه مع العلم اني بالغرب عايشه و شجعني على حجابي و اخذني ويا ورحنا

لمكان جميل و صحيت من النوم



و حلمت لثواني اني في باص مع امي وابويه نريد نسافر وبيدنا باقة من الكرفس الاخضر

و
نزلنا بالمحطه شفت اكو دجاج مشوي مااعرف اكلت منه لولا

وصحيت من النوم


الدجاج في حلمي من اشوفه بيومها احزن حزن كبير جدا


وللاسف هيجي صار

اليوم المغرب من الشخص اللي كلت السماحتكم اخذت استخاره بخصوصه كلمته كلمتين

جاملته ردا على كلامه

رد عليه باسلوب ادخل الحزن الشديد جدا على قلبي

والله العظيم اتصورت رح يتعذر

وتبدي حياتي تتعدل

لكن صار غير واتندمت اني كلت كلمه مع العلم والله استخاريت الله

واللي حجه عليه ودمرني هم بعده

واني حياتي تحزن يوم بعديوم

سيدنا بالايام اللي فاتت كان عندي شعور استجابه و شفت هلاحلام اليوم شكرت الله وحمدته

بس انصدمت


اريد اخذ رئيك بشي

اتمنى متزعل مني

مولانه تتصور الله يستجيب دعواتي والهدف اللي اريده اوصل اله

يعني اكو بوادر امل

لواصلا انسى السالفه واترك حقي واشوف شلون اكمل حياتي

كلش متاذيه وحق الزهراء والمشتكى لله

اسال الله واهل البيت

اكول انتو اوليائي واني منكم وبيكم

اني عندي اولياء تنصرني مو وحدي اني

بس ليش دااتاذه هلكد

يعني معقوله معيشه نفسي بفرحه كاذبه واوهام وحياتي ووضعي مراح يتغير

لوهل فرحه هبه من الله وكسرة خاطري هاي نهايتها

والله ماادري

بشنو تنصحني ابي الغالي


اسفه اطلت عليك

لكن من بعد الله واهل البيت اني بس اتكلم الك عن احوالي


دمت بالف خير[/align]

[الـسـيـد الـفـاطـمـي]

[align=center]
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
ماشاء الله تعالى رب العالمين احوالكم واموركم تبشر بخير بفضل الله تعالى وشفاعة الرسول وعترته الاطهار عليهم السلام
انصح بكتابة سورة الفاتحة 7 مرات بماء ورد وزعفران في ورقة واحدة وانتم على طهارة ووضوء .. لغرض الاغتسال بها ..وتوضع في وعاء كبير يحتوي على نصفه ماء عذب وتترك ليلة واحدة. من ثم يغتسل بها قبل صلاة المغرب بنصف ساعة.بعد اضافة ماء حار اودافىء للوعاء حسب رغبتكم والاسراع في الاغتسال والخروج قبل اذان المغرب
يكرر هذا العمل لمدة خمسة ايام متتالية
يجمع ماء الاغتسال ويرش في مكان طاهر وتدفن الاوراق او ترمى في ماء جاري بعد الانتهاء منها
كما انصح بكتابة هذه الايات الشريفة بعدد سبعة مرات من ثم توضع في غرشة ماء وتترك ليلة كاملة من ثم تستخرج الورقة من الغرشة في اليوم الثاني ويتم شرب الماء على الريق وبعد كل اغتسال لذا انصح ان تكون كمية الماء 10 اقداح وتوضع بقدر حبة حمص من تربة الامام الحسين عليه السلام في الماء المبارك بشرط ان تكون التربة جديدة ولم يسجد عليها . وهي هذه الاية
وما محمد الا رسول قد خلت من قبله الرسل افان مات او قتل انقلبتم على اعقابكم ومن ينقلب على عقبيه فلن يضر الله شيئا وسيجزي الله الشاكرين
كما انصح بقرأة هذه الاعمال المباركة كل يوم عصرا او بعد صلاة العشاء او قبل النوم
سورة الجن بعدد مرة واحدة
سورة يس بعدد مرة واحدة
زيارة قمر بني هاشم عليه السلام مع صلاة الزيارة وطلب الحاجة
العمل بموضوع الفاطمي والحرمل أو الفاطمي والبخور قبل أذان المغرب .. وعند عدم الاستطاعة في هذا الوقت يعمل به في الوقت المناسب لكم وان كنا نفضل ساعة الغروب والله اعلم
كما انصح بدفع صدقة بنية الشفاء والعافية والنجاة من القوم الظالمين قربة لله تعالى
كما انصح العمل بموضوع الفاطمي والبخور كل يوم
حفظكم الله تعالى من كيد الجن والانس ونصركم نصرا عزيزا مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي[/align]

[ليليان]

اللهم صلي على محمد وال محمد وعجل فرجهم

والدي الغالي السلام عليكم ورحمة الله وبركاته


اليوم انتهيت من الاعمال التي نصحتوني بها

والاعمال صادفت فترة العذر الشرعي ايضا


واحوالي هي كالاتي


في ايام العذر الشرعي جربت ان اقوم بالاعمال التي سماحتكم كاتبيها في المنتدى

في اول يوم حلمت اني ساعدت عدد كبير من الناس وكاني نقذتهم من مشكله كبيره وخطر كان يهددهم وكان فيهم رجل مسن مقعد

اني ساعدت كل الناس اللي بالمدينه وابتعدو عن الخطر وشلت الرجل المعقد حتى يبتعد عن الخطر ايضا , المهم وصلتهم الى مسجد

اول ما دخلت في المسجد كانت في نساء كبيرات بالعمر لابسين عبايه

شغلو اضواء المسجد لي انا وكانت هناك ثريا كبيرره جدااا اضائوها لاجلي و شكروني جدا و خلوني اجلس في وسطهم

في وسط المسجد وكانو في اطرافي يحتفلون بيه


ثاني يوم من القيام باعمال ايام العذر الشرعي
قراءت دعاء للامام الصادق ايضا و ذكر امن يجيب المضطر اذا دعاه و يكشف السوء وكنت حزينه جدا

لان ضروفي لا تشهد اي تغيير
وبكيت و كنت اقرا الدعاء واتاثر بكل كلمه منه ,, ساعتها اتفاجئت شعلة الشمووع صارت كبيره جدا جدا جداااا

وقويه جدااااا حتى اتفاجئت , وكل ماادعي وابكي كانت تصير اكثر والله العظيم

بس من كثر ما كنت مركزه بالادعيه وكنت متالمه سبحان الله الشي اللي صار مشغل بالي ابد

لكن السنة نار الشمعه كانت في تصاعد وتزايد اكثر واكثر و اني صرت ادعي كل اللي في قلبي من الله سبحانه وتعالى

ودعيت من رب العالمين انو خلال فتره معينه يدزلي بشارات و لاحظت الشموع نورت اكثر واكثر و في هذا اللحظه

سبحان الله ضوء القمر فجاءا انار كل الغرفه وحالتي من حاله بائسه تحولت لحاله جيده

و صار هدوء طمئنينه في قلبي انو الله استجاب دعائي

فمااعرف سيدنا شنو رئيكم بهل شي اللي صار

هل هو معناته استجابة دعائي

في ليلتها من نمت حلمت اني مشاركه في تعزية الامام الحسين ودخلت انا واهلي الى حسينيه كانو فيها اكثر مراجعنا العظام

ووجوهم كانت تلمع مثل القمر و شفت الشيخ علي الكوراني وجهه منور منور

انا وادخل الى الحسينيه مع كل الناس شفت رجال طويل اذكر ملامحه للان ,, واقف في مدخل الحسينيه ووجهه مقابل الحسينيه

كان لابس قمصله خصره و بنطلون اخضر و قبعه خضرا ولا يتحرك ولا يتكلم وكاان طويل جدا
سالت نفسي ليش هل الانسان ميدخل في الحسينيه وليش واقف هنا

من طلعنا شفته واكف لكن ظهره علحسينيه ووجهه علشارع كانو يودع الناس وايضا بدون حركه

سالت والدي انو من هذا الرجل وليش ميتحرك

بابا قال انو هذا الرجل فيه روح سيدنا الخضر و حضر الى هنا بأمر من الامام السجاد حتى يقضي حوائج الزوار

فااني رحت على هل رجل و لزمت ايده وطلبت منه كل حوائجي و ذكرتهن وحده وحده


المهم بعد العذر الشرعي حين القيام بالاعمال

اول يوم حلمت انو في شخص يريد يتزوجني و الشخص اعرفه و كان يريد يبنيلي بيت على الماء في مكان كله خضار

فسالته انو شلون يبني بيت علماي مو البيت يغرق هو قال لا تخافين

و بنالي البيت و عزمنا في بعض الاهل والاقارب و هناك اقمنا مجلس حسيني و صرنا نقرا قرايات علامام الحسين عليه السلام ونلطم

في بقية الايام احلامي لا تذكر لاني بلليل اصلا كلش قليل انام نومي شبه معدوم

لكن ليلة امس حلمت اني انا وامي جالسين في قارب و القارب كان في نهر جميل ومنطقه خضرا

امي كانت اول شي تجدف الماي بس مجانت تكدر اتسيطر عليه

من بعدها اني التي قمت بهذه المهمه وقارب صار يمشي بهدوء وجمال في الماي لحد ما وصلنا للبر و في جماعه استقبلونا استقبال حافل



هاي كانت احلامي

اما نفسيتي اول ايام كانت متعبه جدا

لكن بعدها كانو من لله اجالي شعور انو الله خلاص راح يقضيلي حوائجي و ينصرني

مع العلم ماكو اي تغيير في ضروفي

وفعلا اتعذب مرات اشوف نفسيتي مستقره وكانيي مترقبه حدوث اي شي جميل الي

وفي نفس الوقت ضروفي كما هي

فمحتاره ولله

ماادري داابني حياتي على اوهام او هو فرحة الفرج و يقين رب العالمين وهبها لي وهي مسالة وقت واموري تتعدل

محتاره

حبيت اعرف رئيك والدي العزيز بهل خصوص

وبخصوص حالتي حتى نفسي تتطمن

وانتظر بقية خطوات العلاج


اشكرك جزيل الشكر على سعة صدرك وطولة بالك

دمت بخير

[الـسـيـد الـفـاطـمـي]

[align=center]
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
انصح بهذه الاعمال لمدة سبع ليال متتالية وانتم على طهارة ووضوء باتجاه القبلة بعد صلاة العشاء.يستحب اشعال عود بخور
اللهم صل على محمد وال محمد واغثنا بحقك وبحقهم ياقدوس بعدد 7 مرات
سورة يس مرة واحدة
سورة الحشر بعدد مرة واحدة
ورد فَإِنَّ مَعَ الْعُسْرِ يُسْرًا .إِنَّ مَعَ الْعُسْرِ يُسْرًا بعدد 14 مرة
ورد ياغياث المستغيثين اغثني ياارحم الراحمين ادركني بعدد 14مرة
زيارة الامام علي عليه السلام.امين الله . مع صلاة الزيارة من ركعتين مع طلب الحاجة
ثم تنادي ياابا الغيث اغثني ياعلي ادركني بعدد 110 مرات
اللهم صل على محمد وال محمد وانصرنا بحقك وبحقهم يانور يانور يانور بعدد 7مرات
انصح العمل بموضوع الفاطمي والبخور او الفاطمي والحرمل.ثبت في كشكول الفاطمي
انصح بدفع صدقة بنية دفع البلاء والشفاء والعافية والحفظ وقضاء الحوائج قربة لله تعالى
بعد الانتهاء من هذه الاعمال المباركة اخبرونا للتواصل معكم بمشيئة الله تعالى رب العالمين
حفظكم الله تعالى من سطوات الانس والجن مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي[/align]