مشكلة اختي الصغيرة

[ألم السنين]

[align=center]بسم الله الرحمن الرحيم
اللهم صلي على محمد على محمد وأل محمد واللعنة الدائمة على أعدائهم ومن رضي بفعلهم ليوم الدين

اسمح لي سيدي بالتحدث بالعامية لصياغة الموضوع افضل بالنسبة لي

ولأني اثق فيكم وفي علاجكم التجأت اليكم طالبه العون من الله ومنكم..

خليني اشرح لك المشكلة من وين بدأت وكيف تطورت مع الأيام حتى صارت شبه مستحيلة في نظري..
××××××××××××××××××××
عندي أخت صغيرة عمرها 10 سنوات عندها مشكلة منفره الكل من حواليها ومسببه ليها الاهانة والمذلة وهي:

التبول ليلاً في الفراش"اكرمكم الله"

لما كانت صغيرة ماذكر بالضبط اي عمر.. يمكن 7 او 6 سنوات شافت اولاد خالتي يلعبو لعبه قتال فيها ناس مشوهين..
فخافت منهم لأن أشكالهم بشعه .. ومن أول ليلة قامت تبول في منامها لكن بشكل متقطع..
لكن بعد كم شهر خفت وراحت المشكلة..

بعد كم سنة ولما طلع فليم "رب ارجعون"
كانت مصرة انها تشاهد الفليم .. احنا كنا مصرين مانخليها تشاهده لان كنا عارفين مدى خوفها من هالاشياء..
بس ابوي الله يهديه اجبرنا وخلانا نسمح ليها تشوفه .. ومن داك اليوم وصارت تبول في منامها يومياً

صارت ليها الحين 4 سنوات وهي على هالحالة..

طبعا رحنا فيها للدكتور.. ومافاد

وماخلينا اسلوب وياها ماجربناه.. تعزيز, ترهيب, تشجيع, تهديد....

حرمناها الخروج من البيت مو لانها تبول في الليل..

لانها طول اليوم تبول في ثيابها..

وهي طول الوقت ريحتها بول والله ماكذب..

والحين صلاتها مادري وش اقول عنها.. صحيحة ولا باطلة والله ماندري..

واحسها صارت عصبية مرة لان خواتها اللي اكبر منها متأذيين منها في الليل خصوصا ريحة البول.. وصارو يعاملوها بجفاء ولا يحبو يختلطو وياها..


ملاحظة:
احنا سوينا الملح الفاطمي والتبخير بالحرمل وللبان ورشينا البيت .. بس ماقدرنا نرش على فراشها لانها مثل ماقلت.. منامها نجس من البول"اكرمكم الله"..
واختي خلتها تغتسل بالماي والملح ثلاث ايام بس مافاد فيها..

ياريت يا سيدي اذا تكرمت توضح لي وش عندها بالضبط والحل؟!

وصلى اللهم على محمد وآلـه... ..[/align]

[الـسـيـد الـفـاطـمـي]

[align=center]
اللهم صل على محمد وآل محمد الأبرار الأخيار
السلام عليكم ورحمة الله وبركاته
إبنتي الكريمة
انصح العمل بموضوع الفاطمي وحرق التوابع للأطفال0ثبت الموضوع في كشكول الفاطمي
بعد الإنتهاء من الأعمال اخبرونا للتواصل معكم بمشيئة الله تعالى رب العالمين
حفظكم الله تعالى من سطوات وكيد الجن والإنس مع شيعة محمد وآل محمد
انصح بدفع صدقة قبل القيام بالأعمال بنية الشفاء ودفع البلاء قربة لله تعالى
وصل الله على محمد وآل محمد الطيبين الطاهرين
السلام عليكم ورحمة الله وبركاته
خادم الإمام المنتظر المهدي عليه السلام عج[/align]

[ألم السنين]

[align=center]بسم الله الرحمن الرحيم

اللهم صلي على محمد وآل محمد..

شكرا لك سيدي .. لكن بغيت استفسر عن ورقة الشرب

لما نخليها في القنينة ليلة كاملة تذوب؟؟

ولا بس نحطها في القنينة لين ياخذ الماءاللون ونشيلها؟؟

ووفقكم الله لمايحب ويرضاه..[/align]

[بدور الزهراء]

[align=center]اللهم صل على محمد وآل محمد

أختي الورقة السميكة لاتذوب... اتركي الورقة ليلة كاملة أفضل حتى يمحو ما في الورقة كله في الماء

بالتوفيــــق يارب [/align]

[ألم السنين]

[align=center]السلام عليكم ورحمة الله وبركاته

بغيت استفسر وماعليه ثقلت عليكم بأسئلتي..

هل يلزم الطهارة بالنسبة حق اللي يغسل المريض ويدفن الورق..؟؟

ورحم الله والديكم..[/align]

[الـسـيـد الـفـاطـمـي]

[align=center]نعم يجب ان يكون على طهارة تامة والله اعلم[/align]

[ألم السنين]

[align=center]السلام عليكم ورحمة والله وبركاتة..

اول الايام لما غسلناها.. ما كنا ندري اذا كنا طاهرين اولا لا.. بس كملنا العمل وانتهينا منه..

والحين صار لها شهرين تتبول بشكل متقطع جدا.. يعني في الاسبوع مرة او مرتين.. واحيانا يمر اسبوع ما تتبول..

حتى رائحتها تحسنت والحمد لله..

ماذا تنصحني يا سيدي بالعمل... ام هل نعيده من جديد؟؟

ووفقكم الله.. وسدد خطاكم
_______
حبيت اقول..

الشي الغريب اني انا كنت اعاني من الوسواس كنت كثيرة الاغتسال ..

الحين شفيت منه .. لما كتبت الايات مع مساعدة خواتي..

وصلى الله على محمد آل محمد ..[/align]

[الـسـيـد الـفـاطـمـي]

[align=center]عليكم السلام ورحمة الله وبركاته انصح باعادة وان يكتب لها الحرز لحمله دمتم برعاية الله تعالى مسددين[/align]