بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم كيف حالك اختي تقوى انشالله بخير
قبل مااكتب المشكله انا اسفة على ذات المرة ماادري ليش صرت كذا حسيت روحي مثل المجنونه
ماهمني غير اني ابي اتزوج لان ذيك اللحظه بسرعة البنات انخطبو اختي اللي اصغر مني وبنت اختي
وبنات عمامي وبنت خالتي وحتى الصبيان ماسمعي هذا خطب وهذا خطب ههههه وانا اسمع اتوتر وانفجر
مافي في وجهي الا المنتدى ومين اختى تقوى واطلعة عليك هههه حبيبتي اختي سامحني لان ادري انتي مابتعرفني ولا بتكلمين حتى ادري انت زهقتي مني صح؟؟؟
حتى يوم قلتي غفلو الصفحة اشوى زعلت لانه بسرعة سكرتو الصفحة ماامداني اتكلم بس بعدين يوم جالسة لحالي عرفت
السبه مني قمت اقول ليش سويت وليش قلت حتى قلت اللى بيدخل صفحتي وقرأ بيقول عنى شي مثلا مفجوعة على المعرس،مجنونه،عقلها صغير اي شي بيقولون يلا بعد شسوى الشي صارصج اختي سامحني ولا تاخذين عني فكرة حتى لو كنت ماتعرفني قصدي حتى لو في المنتدي طولت عليك ..
الحين بكتب مشكله اخوي
عمره:14
الحاله:يدرس
المشكله:
من اهو صغير ضعيف الشخصيه كلمه تجيبه وكلمه توديه ماعنده وكل ماكلمته لا تصير كذا تحسين فيه انه اهو مو وده يصير يقول لك انزين بتغير
ولا تشوفين اي شي وكله مفهي وخواف ازيد شي من ذات اليوم ابوي طبعة يقوم يسال سواء بالسيترة او بالبيت قام يساله طيب احنا نقوله بس علشان
مايصوت عليه ويفشله لان ولد خالي كان عندنا بعدين قام يساله كم عدد حروف الابجديه؟احنا نقول له على خفيف بس اهو مايسمعنا ويسكت واخر سؤال
قاله عددهم لي قلنا له قلهم اهو حافضهم يروح يقول له ماادري موحافضهم تعرفين رد الكبار حيل قهرنا الصراحة وتعرفين انتشر الخبر اخو يامولاتي ياام البنين موحافظ الحروف شلون تنجح عاد قبلها باسبوع ابوي شاري ربيان وجالسين اهلي بكيسونه بسال امي الحين هالربيان ابوي صايده او شارينه؟عاد سمعي
وخلي انت وانت وانت ولا يعتمد على روحة وشو تنصحني فيه اختي تقوى علشان يغير من روحة بما انه الحين صغير احسن من يكبر
ماادري اختى تفهمين علي لان كتبت بالعاميه
بسم الله الرحمن الرحيم
السلام عليكم اختي عذرا عن التاخير على الرد
انشالله بفعل مثل ماقلتي لي بالعكس انا بشوشه كله اضحك صحيح احيانا تمر على مزاجي يتعكر بس هذا شي طبيعي على كل انسان
واحب الجمعات واسوالف بس قليل مااتكلم اكون مستعة اكثر من اسولف ودي اسولف واعطي مثلهم بس ماادري استحي هذا شي والشي الثاني في طبع مو حلو اذا صار مجموعة من البنات مااحب اسولف بس وحدة او ثنتين والشي الثالث اذا كنت اسولف تأتـأ في الكلام والشي الرابع عندي حروف ماانطقها عدل وفي بعضهم اذا قلت كلمه موعدله يقومون مثل يعدون الكلمه او كل واحد يطالع الثاني ويبتسم مو كلهم البعض وهذا الشي اللى مااحبه اقول اضل مستعة افضل لي انا ماودي بالشي بس شسوي وادري انه الزواج نصيب الله يكتب اللي فيه الخير
بس حبه منك تعطيتي اللي تغيرني من احسن الى الاحسن انا تلميذتك وبطبق اللى تقولين لي
بالحرف الواحد
وبالنسبه لاخوي ماشفت اذا ماعليك امر تفديني بخبرتك او تعطيني اماء كتب اكون شاكرة لك
بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم كيف حالك خيتوو
حبيت اقول لك انه اسبوع اللي كان جمعة بنات امهم رحت
وكنت متانسه مثل ماقلت لك اني احب الجمعات وحاطه في بالي بسالف وكذا
المهم رحت ماادري شصار لي تقول مثل لساني مربوط موعارفة اتكلم واذا تكلمت كلمه ورد غطاها
الجمعة كانت حلوة وناسه بس اللي ضايقتني اني مااتكلم واجد من ناحيه اني اقرأ كتب انا اقرأ بين فترة وفترة
وهو مو على ماعندي سوالف اتكلم فيه يكون عندي بس مااقدر اتكلم مثل اللى احد يربط لساني ماادري شلون
وشو تنصحيني خيتوو
وحبيت اسألك خيتو اشوي محرجة
اذا جات لي مثل الشهوة اكون مثل العطشانه ريقي مثل الناشف وكله اشرب ماااي ليش يجي لي كذا.. او فيني شي لان خايفة
او اهو شي طيبعي...
من جهة اخوي الصراحة انا قمت اسالك كم وحدة بس تعرفين خيتو لازم يسألون وساكنين بالدمام
وانا بين فترة وفترة<لاني اكون اكثر شي مشغوله وقت اللي افضي اجلس معاه> اجلس معاه واسولف اقوله شودك احد مضايقك يعني مثل نسالف
قام يقول ودي بأيباد وجوال جالكسي او ايفون وسوني3 على اساس العام ابوي بتشتري لي قاله اذا جبت ممتاز اشتري لك امهم
اهو جاب جيد جدا مرتفع قال مابتشري لك قلت له اشتري له اهو علامه حلوة واهو اول سنه اول متوسط زين جاب هالعلامات قالي لاتدخلين
المهم انا سكت اخوي الكبير كان موجود قال انا اشتري لك وشرا له سوني3 قلت له هالفصل اذ جبت ممتاز بشتري لك انا قلت له هالكلام
لاني هديته لحاله يذاكر يعتمد على روحة ابي اشجعة وقلت له واذا شريت لك ايباد قول حق ابوي يشتري لك جوال بس اهو يخاف من ابوي مابكلم معاه
مااقول لك ابوي عصبي ونفس الوقت حنون وطيب وبسرعة يرضي مومقصر معانا بس ماادري ليش بينا وبينه مثل الحجزات....
معليش اذيك ابي اقول لك عن مشكله اختي
عمرها27 وهي فكريه
كله عصبيه وتصارخ وعنيدة حيييل لو نحط صبعنا امبت على الارض تقولين ذابحينها
احيانا نتركها واحيانا نصربها او بس نصارخ عليها واذا ضربنها او صارحنا تزيد ماتهدأما تخف هى تتعالج عند السيد الفاطمي والمدرسه الفاطميه
وكله تتكم وتردد الكلام نقول لها سكتي تعبين قلبك تقوم تصارخ احنا تعبنا معاها واذا صارخت ترتجف هي قبل كم سنه يمكن 3 او 4 سنوات جات لها
الغدة ودقات قلبها سريعة والحمدلله تعالجت وخفت منها والحين اقطعو منها العلاج بس احين نخاف ترجع لها شلون نتعامل معاها؟؟
اسفة خيتو على الاطاله الله لايحرمنا منك
يعطيك ألف عافيه
احب اعطيك اخر الاخبار الحمدلله الحين في تطور قمت اتكلم صحيح مو واجد بس احسن من اول
اذا صار وجة بوجة اما بالواتساب غير اتكلم واخذ واعطي اكثر
وهذا الي الحين احاول
بس خيتو ماجاوبتي على السؤال اللي سألتك في الاعلي
اختي كيف نطلع الطاقة السلبيه اللي في جسمنا وناخذ الطاقة الاجابيه
ابي تمرين على هناك ابي اغير من حياتي ابي اللي اول انساه ماافكر فيه
بالنسبه لاخوي صحيح كلامك بس اذا شاف لعيال عندهم يبغي مثلهم
عشان مايجي في تفكير انه احنا مانحبه او الناس احسن منه من هذا هالكلام
الكبير اذا شاف عند الغير يبغي مثله لبالك الصغير....
فمان الله
وعليكم السلام والرحمة
عظم الله اجوركم بمصاب أبي عبد الله الحسين عليه وآله السلام
بالنسبة لأخوكِ ، عليه أن يتعلم أن ليس كل شيء نراه عند الآخرين هو مفيد ويجب ان نحصل عليه
هناك اولويات ، فالدراسة أولى من اللعب وبالأمكان اهداءه جهاز واحد وليس ثلاثة على ان يهتم بدراسته
ليكون مكافئة له ، ولا يحبذ شراء كل شيء يريده الطفل دون ان يبذل جهد في شيء ما كالدرسة
لأنه لن يشعر بقيمة الشيء ولن يحافظ عليه ..
بالنسبة للتخلص من المشاعر السلبية :
اجلسي في مكان هادئ لو حدك ، وطبقي تمارين الاسترخاء
وتخيلي ان الهواء الذي يدخل لجسمك هو طاقة ايجابية والهواء الذي تزفرينه هو طاقة سلبية
خذي نفس عميق واحبسيه 5 ثواني ثم اخرجيه ببطئ من الفم ، كرري التمرين كل يوم
وكلما تعرضتي لغضب أو زعل وماشابه ..
ابحثي كذلك عن موضوع ( كلنا نحتاج للتفريغ النفسي ) وطبقي التمارين
بسم الله الرحمن الرحيم
اللهم صل على محمد وال محمد الابرار الاخيار
السلام عليكم ورحمة الله وبركاته
كيف حالك اختي..اتنمى تكوني بخير
اختي انا عصبيه حيييل ابي اتخلص منه الصفة كل ماحولت اتخلص ارجع من جديد
التمرين اللي عطتني اياه ارتحت فيه واجد بعدين انقطعت من التمرين الحين مااقولك ارتاح بس ارجع اعصب
احيانا اتمالك نفسي واحيانا مااقدر انفعل بسرعة او اني اجمع اجمع مثل البالون اذا وصلت حد معين انفجر
عندي طبع مو حلو اذا زعلت من احد ازعل علي الكل*يعني مثلا اذا زعلت من اختي او اخوي ازعل ازعل على البيت كله اللى له دخل واللى ماله دخل*
نادر ماازعل على البيت كله بس على الشخص
هم اختي الشخص اذا زعلت منه مااتحمل خير وشرة *يعني الشخص اللى ازعل منه مابي اسمع عنه شي،ماابي اشوفة حتى لو يمر من يمي،ماابي
المكان اللى اجلس منه يجلس مثل كذا*
ساعدني اختي اتخلص من الصفات اخاف من العصبيه يجي لي القلب او ارتخاء اعصاب*اسم الله علي*،مااقولك انا حبوبه اضحك واسالف اشوي غير قبل اهم يبغي لي تشجع اذا منت رايقة
اما اذا كان مزاجي متعكر خلاص مافي كلام
ملاحظه:منو بس في البيت حتي لو كان برا البيت،اسفة اختي يمكن تشوفين الكلام مو مرتب لان ابي اشياء واجد في بالي اتطور واتخلص بس حاليا خلني اتخلص من الصفات اشوي اشوي مو كله على بعض
اللهم صل على محمد وال محمد الابرار الاخيار
بسم الله الرحمن الرحيم