السلام عليكم ورحمه الله وبركاته..
بطاقه تعريف بنفسي..
الجنس:انثى
العمر:20
الحاله الاجتماعيه:مخطوبه
المستوى التعليمي:جامعيه
الوضع العملي :ادرس
....
بعد ماعرفت بنفسي يجي تعريفي لمشكلتي..
وهي أني أعاني من زياده بالوزن يعني وزني تقريبا ساعات 66 او 68 ع حسب بس اكثر شي 68..وطولي 162 سم
المشكله اني ابي انزل من وزني ..وحاولت انزله بس ماحس عندي الاراده ..
رغم قبل مانخطب كان وزني يتراواح بين 73 -74-75 وكنت اسوي رياضه وأشرب شاي اخضر وطبعا كنت انزل وارجع اعود لوزني ..
ونا من زمااااااااااان كله اقول ابي اصير رشيقه لأن جسمي يضايقني ولأن ساعات ماشوف الشي الحلو الي يناسبني..وكمان احصل لي تعليقات من اهلي اني دبه وكيذا ونا اضايق نفسيا
وخطيبي دايم بالشارع اذا شاف وحده ضعيفه يقعد يعلق يقول ليت تصيري كيذا ونا انقهر..والله انا ابي اضعف بس مانا قادره رغم اني شرى لي شاي وجربته هو صحيح مر وطعمه موحلو بس ينفع لان جربته ونفع معاي..بس المشكله اني مااستمر عليه ..يعني حدي بس يومين وقطعه
وحاولت اعطي تشجيع لنفسي بس مافي فايده..
مادري من ويش المشكله بالظبط فيني.. انا قلت يمكن بسبب المشاكل بابيت اثرت علي..
ونا من النوع اذا عصبت لو زعلت لو افكر اروح اكل اي شي ..
اتمنى احد ينفعني لأن زواجي باقي شهر فقط..فياليت احد ينابع معاي وكون ممنونه لكم لأن من جد ابي ابدي اخسس ونا متفائله والله حزينه ع نفسي ودي اتغير بس مانا عارفه..
يعطيكم العافيه ..
