بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته
الجنس : انثى
العمر : ٢٢
الحالة الاجتماعية : عزباء
المستوى التعليمي : جامعي ادرس بكالوريس الآن و متخرجة عندي دبلوم قبل ابدي في هالجامعة
الوضع العملي : ادرس بالجامعة
المشكلة بالتفصيل : أختي العزيزة تقوى مشكلتي هي عدم التركيز وكثرة المشتتات مما يأثر على دراستي , انا مغتربة وادرس طب والآن بالسنة الثانية , اريد ان اكون طالبة متفوقة فأنا انجح في الاختبار الثاني او الثالث احيانا يعني في الاعادة , وحتى اذا ارتفع مستواي قليلا فأنه يرجع ينزل مرة اخرى , انا مطمئنة اني ذكية واستطيع ان انجح من اول اختبار وان اكون متفوقة ايضا ولكن لااعرف لماذا اهمل في دراستي احيانا رغم اني متغربة لاجلها , حتى اني تركت الخروج والتمشيات في بلد الغربة وعادة جالسة في غرفتي احاول اجبر نفسي على الدراسة لكن مافي فايدة , حيث اني بعض الاحيان لا اشعر بمزاج للمذاكرة وبالتالي اجلس مكتئبة لااخرج ولااتفسح ولا اذاكر ولاافعل شيء , جربت مرات اخرج يمكن يتغير الامر لكن خروجي غالبا ما يزيد الامر سوءا لأن اجلس اقول لنفسي طالعة تتفسحي ومذاكرتك تاركتها , وتمر علي حالة من النفور التااام من الدراسة بين فترة ووالاخرى , مثلا اخر مرة ظليت ٨ ايام تقريبا بدون مذاكرة ! , هل يمكنك ان تساعديني على تحفيز نفسي للجد والاجتهاد والمثابرة , فانا لدي رغبة قوية للتعلم ليس اريد فقط ان انجح بل اريد ان انجح بجدارة وبعلم ومعرفة لكن عندما ابدأ بمسك الكتاب والمذاكرة سرعان مايتسرب لي الملل واترك الكتاب , كيف استطيع اجبار نفسي على الجلوس قرب الكتاب ساعات طويلة ؟ بدون ملل ؟ , لااريد ان اصبح طبيبة عادية او دون المستوى واكون مثل اللي يرتكبو اخطاء طبية او ماشابه , وحدة من صديقاتي باخر سنة تقول ليي اذا كنت تواجهي صعوبة في مجرد اختبار على ورق , كيف راح تسوي اذا صار عندك ٢٥ مريض في يوم واحد كلهم معتمدين عليك وينتظرون مساعدتك ؟
بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته
عزيزتي تقوى شكرا لك على استجابتك لي … جعله الله في ميزان اعمالك
نأتي لاجابة الاسئلة ..
* نعم عادة استطيع تحديد ما افكر به وفي الغالب يكون استرجاع موقف او حادثة حصلت من قبل احيانا تكون حادئة سعيدة او تعيسة بعض الاوقات تكون افكاري فيها احلام يقضة احيانا افكر في مشكلة حصلت سابقا واي حل كان الافضل ان اتخذه …
* بصراحة أختي العزيزة تفاجأت من سؤالك بما يتعلق بالطفولة مادري ليش يمكن لأن كنت افكر ان ماله علاقة او يمكن لأن هالموضوع طووويل وانا طفولتي كانت غير شكل … ولكن انا لدي رغبة قوية في اني اتغير وان شاء الله يكون ذلك بمساعدتك
اختي سألتيني عن مواقف حصلت لكن كبداية سأعطيك نبذة عن كل من والداي لأن ذلك سيختصر شرح طفولتي … انا أمي مصابة بمرض الذهان العصبي او… psychosis منذ كانت في ١٦ من عمرها تقريبا وحتى الآن يعني أمي تأتيها نوبات من المرض ونوبات مرضها تختلف كل مرة تكون النوبة على شي ثاني يعني أمي زي ماتقولي لها شخصيات مختلفة مرة تجيها النوبة على انها تكون مفرطة في الاهتمام والنظافة لدرجة تعصب وتصرخ علشان كل شي يكون نظيف مرة تجي نوبة المرض بحيث انها تهمل كل شيء لدرجة الدود يطلع في المطبخ من القذارة وتهملنا وماتهتم فينا مرة تكون النوبة على انها تبكي وتصرخ وتكون خايفة مادري من شيء غير حقيقي وتتخيل اشياء مو واقعية … وإلى اخره .. طبعا هذا كافي لك ان تعرفي ان طفولتي لم تكن عادية او طبيعية ... ومرض امي تسبب لي بكثير من الألم والبكاء وسأذكر لك بعض المواقف الللتي اذكرها
والدي تزوج أمي على كبر يعني قولي في الستين او اواخر الخمسين وكان متزوج قبل وعنده اولاد , بالنسبة للوالد احتراما له كونه والدي وايضا حتى لا اظلمه ماراح اقول انه قاسي او بخيل كما يقول معظم من يعرفه , بدلا من ذلك راح اقول ان الوالد احتمال يعاني من امراض نفسية … صحيح هو ما ياخذ ادوية زي ماما ولايروح لطبيب نفسي بس تصرفاته تحوي بالهشيء …
ابويي عنده من امي بنتين وصبي , بالاضافة الى اولاده من الاولى , ويوجد بيتين منفصلين لكل زوجة واولادها
نجي للمواقف :
عندما كنت في الروضة والمراحل الاولى من الابتدائي … مرة كنت صغيرة وكنت ابغي شي يعني ماذكر كان غالي اولا بس اذكر كنت افكر اقول اي بقول لأبوي اذا تحبني جيب لي هالشي … وكنت رايحة وكلي ثقة افتكرت اذا قلته اذا تحبني اكيد بيجيبه ليي قلت له ابوي اذا تحبني جيب لي كدا .. وكررتها عليه .. سكت شوي وقال ليي ما احبش .. واذكر انصدمت مرة
* اذكر لما كنت صغيرة كنت من النوع اللي دايم ملتصق بأمه وكنت من النوع المؤدب ماسوي مشاكسة بس اني كل اروح ورا أمي , ومرة أمي قالت لأحدهم امامي بتأفف وتضايق ( هاذي ذنبة ) تقصد أني كأني صايرة زي ذيلها … ممكن اني حساسة شوي بس اذكر تأثرت من هالكلمة
* كنت ايضا كثيرة الضحك لما كنت صغيرة وامي نفس الشي صارخت قدامي مرة بعصبية تقول ( هاذي دايم تضحك) …. واذكر اني انصدمت من كلامها .. و ايضا مرة قالت الى جدتي بعصبية ايضا ( هاذي دايم تسأل ) تعنيني تتضايق من كثرة اسئلتي واذكر اني كنت حساسة واتأثر من هالكلمات
* لما كنت في أول ابتدائي صار لي حادث سيارة وتنومت في المستشفى وتنومت أمي وياي مادري وش اللي صار لي فيني لكن في الليل وانا نايمة تبولت في السرير ( الله يكرمك ) حق المستشفى , وأمي قالت ليي فشلتينا بلتي في السرير وانا تأثرت , بعدين بعد بكم يوم أمي تعبت نفسيتها وجتها نوبة حادة من المرض وقامت تكسر في المستشفى وتصارخ واذكر اني كنت على السرير , وأمي خلاص فقدت السيطرة على اعصابها أمامي وتصرفت بشكل هستيري مع المرأة اللي كانت متنومة مع ولدها بجانبنا واذكر اني كنت اشوف ناس يأتون وكأنهم قامو بامساك أمي بعدين اخذو أمي ونوموها في المستشفى , وصارت المرأة اللي بجانبنا تهتم بولدها اللي متنومة معاه وتهتم فيني ايضا ….
على حسب كلام أمي انا مااذكر بس أمي تقول اني لما رجعت البيت من المستشفى واسترديت عافيتي والحمد لله .. تقول أمي كانت نفسيتي متعبة وكنت عصبية وازعل من كل شي وكنت صعبة الارضاء على حسب ماتقول الوالدة
* مرة أمي جاتها نوبة مرض واحنا كنا صغاااار وكانت تصرخ علينا وتقول بسلخكم بالسكين , ومرة لما جاتها دي الحالة قامت وطردتني اني وأختي اللي اكبر مني بسنتين من البيت اخذتنا وهي تصارخ علينا علشان نطلع .. ووصلتنا لباب البيت الخارجي وطلعتنا برا الشارع وقفلت الباب وانا من العجلة والخوف كنت مجرد طفللة صغيرة طلعت حافية ماعليي حذاء وكان الوقت ظهر وفي بلدنا الارض حارة ناااار وكنا نبغي نروح الى بيت ابويي الثاني فكنت امشي واني متحرقة من الارض ساخنة …
* كانت أمي لما تجلس الصبح لنا علشان المدارس واحنا صغار في ابتدائي كانت احيانا تجلس وهي تصرخ علينا من صباح الله خير … وتقول الى متى بظل اجلس لكم من الصبح ماتعرفو تسوو شي بنفسكم .. مرة كانت امي مريضة بعد و مدري وش سوت لي ماذكر بالضبط بس اذكر اني كنت خارجة من البيت في الصباح الباكر ومتوجهة للمدرسة وانا ابكي وزعلانة وبعدين امي لحقتني بعدين للمدرسة وراحت سألت عني الادراة وجابوني عند الادراة وأمي كانت جالسة والادراية تسألني وش صاير ليش طلعتي من البيت وانتي معصبة واذكر انا ماكنت عارفة ارد بس كنت ابكي
*منذ الطفولة المبكرة اذكر أمي كانت تدلل اخوي الصبي اللي اصغر مني بحوالي سنتين كثيييير وتلاعبه كثير ومااذكر انها كانت تسوي لينا هالشي .. بس مدري علشان لا اظلم امي يمكن انا اذكر تدليلها لأخي لأن هو اصغر مني وكنت في سن اكبر بحيث اذكر ويمكن لما كنت في عمره دللتني بس كنت صغيرة علشان كدا مااذكر الله اعلم .. بس اللي انا متأكدة منه مية بالمية ومن كلام امي بنفسها انها قالت انها لما جابت اختي الاولى اللي اكبر مني بسنتين كانت زعلانة لأن تبغي صبي واتوقع نفس الشي لما جابتني ….
* امي لما تمرض تشتم ابويي وتسبه بكلمات قوية مااستطيع اذكرها لك هنا , وكانت تشتم بصوت عالي وهي تصرخ قدامنا انا واخوي واختي واحنا صغار , واذكر واني صغيرة مرة كنت رايحة المدرسة واني تتردد على اسماعي الشتائم اللي امي تقولها لأبويي وماكنت اعرف معناها وشو …
*اذكر واحنا صغار مرة امي وابويي تشاجرو بصوت عالي وكل واحد يسب في الثاني وانا واختي كنا واقفين جنبهم ونبكي نبكي بقوة انا واختي وهم مستمرين في الشجار قدامنا …
*ابويي عند التربية الصح تكون بالشتم والسب والضرب بس لحسن حظنا ان هو جابنا على كبر في العمر فصار ارق والطف كحال بقية الاباء عندما يكبرون ووقف عن الضرب بس الشتم والسب مستمر … فبالنسبة ليي ماكان لي نصيب من الضرب الا مرة بينما على حسب علمي بالنسبة لاخوتي من الزوجة الاولى كان نصيبهم كثير ….. وايضا كان ابويي يجلسنا في حضنه ويلاعبنا ويلاطفنا اذا كان مزاجه زين بينما هالشي ماصار لاخوتي الكبار , حتى هو قال بنفسه ان ما جلس ولااحد من اولاده الكبار على حضنه او لاعبهم زي مايسوي لنا احنا الثلاثة ,
*مرة وانا صغيرة في ابتدائي مدري وش سويت عاد بس كل اللي اذكره اني كنت واقفة في الطابق الارضي وابويي نازل من الدرج وهو يسبني بقوة ويصرخ عليي والسبات تتوالى عليي ورا بعض بعدين انا بعد ماكنت واقفة جلست على الارض وسديت اذاني وانا اقول خلاص خلاص ابويي خلاص … واذكر كأن هالكلام كان في الليل حتى اذكر اذا مو ملخبطة الاحداث بيوم ثاني اذكر اني من الخلعة اخذت اثنين مصاحف قرآنية وحطيتهم جنبي قبل ماانام من الخوف … والحق يقال يوم ثاني ابويي اعتذر مني وقال انا ماكان المفروض اسوي لك مثل هالشي
* وانا صغيرة في ابتدائي كنت نازلة من الدرج وابوي يتكلم مع امي وكان يقول لها بنتك هاذي شريرة ( يقصدني ) وانا سمعته وتأثرت بقوة ورحت الى ابويي بسرعة وقلت له لاتقول عني كدا انا احبك انت ابويي .. وبعدين هو سكت .. مع العلم ان ابويي مادري تفكيره غريب عجيب .. واقصد بذلك انه ممكن ياخذ على كلام طفل صغير ويحدد شخصيته هل هو انسان جيد ام لا هل هو طيب ام لا …. يعني حتى يقول الصبي لما يصير عمره اربع سنين خلاص هذا رجال ويفهم كل شي !!!!
* مرة شبت نار في بيتنا في المطبخ وامي ماعرفت تتصرف والدخان صار يخنق واخويي كان في الطابق العلوي وراحت اختي جابته وطلعنا كلنا من البيت وكنت اني ابكي من الخوف وأمي قالت لي خلاص عاد قالتها بعصبية
* اذكر امي مرة خاصمتني وما تكلمني واني كنت في صف ثالث ابتدائي بس … حتى ابويي كان يودينا الى بيت خواتي علشان يمشطو شعرنا من الليل حق المدرسة
* اذكر من اسوء ذكريات طفولتي كانت لما جا الى امي مرض في الجهاز الهضمي وكانت كل يوم بعد الغداء تتقيأ بصوت عالي وانا اول ما سمع على طول اركب فوق السطح اخر طابق في البيت واسد اذاني علشان مابغي اسمع الصوت لان بالنسبة ليي اسمع صوت امي وهي تتأذى وتتألم وهذا الشي كان يألمني ماكنت ابغي اشوفها بهالشكل
* امي لما تجيها نوبات المرض وتتشاجر مع ابوي في الغالب تطلب منه الطلاق … واذكر تجي ليي واني صغيرة في اوائل سنين ابتدائي تجي تقول ليي اني ابغي اتطلق من ابوك روحي قولي له يطلقني وكنت اروح الى ابويي واقوله طلق امي او أمي تقولك طلقها
*ايضا لما كنت في صف رابع و خامس ابتدائي كانت معلمة العربي دايم مستغربة مني تقول اتين تفكري في وشو ؟ حتى لما صار اجتماع امهات قالت لي اني من دون الفصل كله قالت ليي انا انتي ابغي اشوف امك .. ولما جت امي سألتها انتم مزعلين هالبنت في البيت او مضايقينها ؟! … يعني اللي استنجته بعدين ان ملامح الحزن كانت بادية على وجهي من تلك الفترة علشان كدا كانت المعلمة تسأل انتي في ايش تفكري وسألت امي هالاسئلة دي
*بعدين الاطفال في ابتدائي كانوا مايعاملوني عدل وماذكر عندي صديقات … حتى اذكر في صف سادس ابتدائي ماحد من البنات يبغى يجلس جنبي وتنقلت من مكان لمكان …
*مع العلم اني كنت متعلقة في امي لما كنت صغيرة جدا كما ذكرت سابقا كانت تقول عني ذنبة من كثرة ما امشي وراءها حتى لما كنت صغيرة كنت افكر ان امي كل شي تسويه صح بعدين لما كبرت شوي انصدمت لما عرفت ان امي ممكن تسوي اخطاء حالها زي بقية الناس
*لما صرت في صف اول متوسط ابوي تتزوج وحدة ثالثة على امي وانا شعرت بغصة كبيرة وبكيت بكاااء مرير لما عرفت بذلك … ومن يومها زاد تقصير الوالد علينا من الناحية المادية
*لما بدت تطلع علامات الانوثة عليي كانت امي تعلق على الموضوع وهي تضحك حتى اذكر لما احصل بلوزة البسها وماتبين الصدر كنت افرح مرة وظليت لثانوي تقريبا وانا افرح اذا لبست بلوزة تبين ان مافيي صدر بعدين فهمت ان هذا شي عادي
* في المرحلة الاعداية اتذكر لما كنا نجتمع بالعائلة او نكون في جماعة ناس مع امي كانت الوالد كل تذم فينا اني واختي قدام الناس وقدامنا حتى اذكر مرة مرأة جاءت تسلم عليها وتسولف وياها والظاهر امي كانت تشتكي امور الحياة قالت لها المرأة يلا الله يخلي لك هالبنتين ويحفظهم لش وامي قلبت وجهها وقالت وش اني مستفيدة مهم عاد
*واوقات نوبات المرض امي كانت تقول لنا انتما "تعنيني اني واختي " تقول انتما ابيعكم في السوق بقرش واحد وحتى قرش ماتجيبو , وكانت تسب اختي الكبيرة بالذات قدامي بكلمات وسخة جدا كلمات اللي تنقال في الشوارع وتحط في شرف البنت .. كانت دايم تسب بهالكلمات بصوت عالي
*وعموما للاختصار مرحلة المراهقة ممكن اعتبرها حتى اسوء من الطفولة لأن مالقيت احد يوجهني في هالمرحلة الحرجة وكنت حساسة جدا واي كلمة تأثر عليي ولما كنت اروح الى امي امي تبين انها متفهمة وتقول خلاص ماراح اقولك كدا راح اراعي مشاعرك بس مافي فايدة كلام بس ومافي تطبيق مع العلم ان امي بشكل عام تكون احيانا تكون طيبة لما تكون بصحة جيدة او في مايتعلق بالمال يعني لما ابوي يرفض يعطيني شي ممكن هي تعطيني من فلوسها , ولما كنت اريد اطلب من ابويي شوي فلوس او غرض كنت اخاف واجلس اجهز الكلام لاقناعه بالشي كأني بطلب من ملك او أمير مو ابويي مع العلم ان ابوي حالته المادية قوية جدا وممتازة
*أختي اللي اكبر من بسنتين ما كانت تحبني ابد وتغار مني ولا تبغي تصادقني كل ماحاولت اتقرب لها ماتبغاني حتى اذكر مرة اشتريت لها باقة ورد وهي كانت في متوسط وانا على ماظن ابتدائي او اول متوسط بالكثير ودقيت عليها الباب اعطيها الباقة اخذتها الباقة وسكرت الباب في وجهي وقفلته , وكانت كثير ماتستهزء فيني وتصرخ علي وتشاجرني وضربتي عدة مرات لما كانت اصغر وحتى لما صارت في ثانوي وتخرجت مازالت علاقتها فيني سيئة جدا احسها كانت تكرهني بقووووة وحتى مرة قالت ليي انا اكرهك وطول عمري اكرهك وماعتدلت الا لما تزوجت قبل اربع سنين وانا بصراحة اعتقد ان سبب سوء العلاقة هو اختي نفسها لأنها هي كانت ماتطيقني مادري ليش وحتى هي تعترف بنفسها زي مرة كنت وياها في السيارة مع زوجها الا اختي تقول لزوجها ترى هاذي اختي عانت مني كثير وشافت مني كثير الحين العلاقة مع اختي اقدر اقول بشكل عام جيدة جدا ,,, ومقارنة بأول في تلك السنين اقدر اقول ممتازة جداااا
* لحد جميع مراحل الاعدادية وايضا اول ثانوي تعتبر معاملة الزميلات لي غير جيدة وكان عدد من الزميلات مايحبوني ومايبغو يجلسو جنبي … من ثاني ثانوي صرت احس ان الوضع من الزميلات صار احسن شوي مقارنة بقبل
…….
علاقتي مع من حولي اقدر اختصرها اني احب اختلط بالناس اللي يشابهوني في التفكير او النمط وماحب الناس السطحيين كثير واللي دايم يتكلمو عن الممثلين والمغنيين وماشابه ولكن لما يكون وقت توتر في الدراسة او ضغط فيها ماحب اختلط بأي احد وابغي بس اكون لوحدي ….. لكن راح احاول اشرح لك الاشياء اللي صارت لي على اختلاف المراحل لتوضيح الامر …… اول ماتخرجت من ثانوي درست دبلوم حاسب وكنت احب اختلط بالناس واسولف وياهم بس مو الكل يحب يسولف من اللي حولي , او بالاحرى زميلاتي اللي تعرفت عليهم كانو ثنتين مخطوبين ووحدة متزوجة وطول ماجالسة معاهم طول الوقت يتكلمو عن خطبياتهم والمتزوجة عن زوجها وعن العرس وماشابه ولما تزوجو صار يتكلمو عن الحمل وعن الولادة ووووو … واغلب اللي كانوا معاي في الكلية كانو من نفس الشكل مخطوبين او متزوجين ويتكلمو عن هالامور فصاير وضعي ان مافي شي اتكلم عنه يجذب انتباههم , هم اكثر شي يحبو يتكلمو عن ازواجهم وحياتهم اللي ماعندي زيها شي اشاركهم فيه … وبعدين لما اخذت الدبلوم و طلعت البعثة وطبعا على حساب الدولة زي ماتقولي صار عندي رد فعل اني ما احاول اكون صداقات كثير مع البنات … اتوقع السبب لأن انا طول حياتي مافلحت في هالشي اش معنى الحين بفلح ؟! يعني تخيلي اختي في جميع مراحل المدرسة بالاضافة الى مرحلة الدبلوم كل هالسنين مافلحت اطلع بصديقة وحدة مقربة ليي !!!! .. من كل المراحل صار عندي صديقة وحدة بس من ثانوي عرفتها اتواصل وياها من فترة لفترة وانا اللي خليت يكون في تواصل بعد المدرسة يعني انا اللي بديت اتصل واسأل عنها وبعدين هي صارت تبادلني بالمثل … وعندي صديقة مقربة وحدة عرفتها من نادي صيفي رحته قبل مادخل ثانوي واحبها كثير وهي نفس الشي وايضا انا اللي صرت اتصل لها بعد ماخلصنا النادي واتواصل وياها وعزمتها على بيتنا وصارت بعدين هي تتواصل وياي وصرنا صديقات مقربات , وصار لنا الحين حوالي ٨ سنين صديقات … وطلبعا انا حاولت اسوي هالشي مع ناس ثانيين يعني كان في وحدة معاي في ثانوي لما خلصنا وسلمنا على البنات اخذت رقمها ونفس الشي حاولت اتواصل معاها واتصلت لها بس هي كانت تستغرب من اتصالي ومابادلتني نفس الاهتمام بي وسحبت علي , ولما طلعت البعثة طلعت معاي هالبنت في نفس الدفعة وكان في دورات تحضيرية قبل السفر شفتها هناك ولما سلمت عليها سلمت عليي بحرارة اول مرة وباخلاق بعدين لما شافتني احاول اكلمها مرة ثانية حسيت بقوة انها تتهرب فصرت مالقي لها بال تباعدت عنها … ولما سافرنا كان معاي بنات كثير من بلدي بصراحة اعترف اني هالمرة صرت اني اللي اتباعد عن البنات في الغالب مادري هل هو رد فعل او وشو بالضبط بس مارتاح للكثير منهم … ماعدا وحدة ابوها جابها عندي في شقتي اكثر من مرة على اساس نتعرف علشان هو بس بيوصلها لبلد الغربة وبيتركها وكان مرة يلح اني اصادق بنته علشان لاتصير وحيدة ولما حاولت اتواصل وياها نفس الشي كل تبغى تتباعد عني واحيانا ماتعطيني وجه.. اذا سألتيني ليش الناس معاي كدا بقولك غالبا مادري بس ممكن لأن انا فيني ملامح حزن في وجهي على حسب ماكانت تقول استاذتي في المعهد هي اجنبية وكانت كل تقول ليي ابتسمي على الاقل مع اني ماحس اني لهالدرجة الحزن واضح عليي بس اكثر من شخص يقول ليي ان الحزن جدا بادي على وجهي … ويمكن هذا ماينفر الناس لأنهم مايحبو احد يبين عليه الحزن ويمكن لان اغلب اللي معاي اهتماماتهم او شخصياتهم تخلتف انا مثلا ماحب السينما هم يحبوها احب طلعات التمشية في الهواء الطلق هم يحبو مطاعم او اسواق ,, ماارتاح ابد لأي شخص احس في غرور او تكبر مرة انفر من الناس اللي كدا واللي معاي كثير منهم فيهم هالشي يعني يجلسو يسخرو على الناس ويصرحو انهم يشوفو نفسهم افضل وحتى بعضهم اذا احنا في مطعم مايعاملو النادل كويس او يتكلمو بشكل مو زين عن اهل البلد اللي احنا فيه , .. انا شخصيتي في الحقيقة لو تكلمتي معاي احب امزح وفيني نوع من المرح بعض الاوقات مو دايم ومو في اي مكان .. لما دخلت الجامعة صار توتر الدراسة وصرت اتباعد اكثر واكثر عن البنات الي وياي في الجامعة لان هم مايهتمو بالدراسة وشخصيتهم مرة غير عني وماارتاح لهم , ماعدا وحدة منهم كان فيها كثير من شخصيتي وكنت كثير ارتاح لها وعزمتها على مكاني واحب اتواصل معاها وهي نفس الشي مرتاحة لي بعدين فجأة صار شي غريب وهو ان احنا كنا مرة في الباص انا وهي وبنت ثالثة وكان زحمة وهي نزلت مع البنت الثالثة من الباص ونسيت شنطتها وانا كنت في الباص في جهة ورا غير جهتهم لأن زي ماقلت لك ان كان الباص زحمة وماكان في مجال نوقف جنب بعض .. ولما نسيت شنطتها وفيها اغراض مهمة وانسرقت .. من يوم ثاني قلبت علي مئة وثمانين درجة تفكر ان انا شفت شنطتها او دريت عنها وما اهتميت والاكثر انها قالت انها وصتني عليها وانا اصلن مادري عن الموضوع نهائيا …. ومن يومها فقدت البنت اللي كانت الاقرب لي واللي كنت ارتاح لها واحب اكون معاها … بعد حوالي مرور سنة تغيرت هي معاي وارادت ترجع زي اول بس انا صرت انا اللي ابغي اتباعد عنها لأن احس تصرفها كان طفولي وماله داعي وماحس اني احتاج ناس زي كدا يسببو مشاكل او فهمهم قصير … في السنة هاذي نقلت الى مكان بعيد تماما عن بنات بلدي سكنت في سكن الطلاب الاجانب اللي يسمى بالدورم … وهنا تعرفت على بنتين ماشاء الله عسل وهم كثير ساعدوني في تعديل سكني وترتيب امور النقل وكثير ارتاح لهم بس توتر الجامعة وعدم استقرار وضعي الدراسي يخليني ميالة اني اقفل الباب علي ومالي في احد .. لأن مااخفيك اختي وضعي الدراسي متدني الان والمفروض ابدأ احل المشكلة قبل مااحمل مواد او تروح علي سنة …..
اسمحي لي اخت تقوى ادري طولت عليك في الكلام بس ايضا اعتبرها فضفضة تخفف علي لأخت عزيزة مؤمنة تعطي من وقتها وجهددها لمساعدة الناس لوجه الله سبحانه وتعالى …
وشكرا جزيلاا
