بسم الله الرحمن الرحيم
السلام عليكم ورحمة الله وبركاته ...
من مدة اتمنى اني افتح عنك موضوع بس اتراجع لانه ما كان عندي ارادة
للمتابعه بس هسه اضايقة من نفسي كثير ولازم يكون عندي ارادة
وفي نفس الوقت ماعرف اعبر عن مشكلتي واكتبها بصعوبه كتبت
ومادري اذا اقدر اكتب اكثر.. وتشجعة من قرية كلامك في بعض المواضيع ..
معا انه اغلب المواضيع لا احلل ماقدرة اقرا اكثر واستفيد .. ):
الاستماره
الجنس ( أنثى )
العمر :21
الحالة الأجتماعية ( أعزباء )
المستوى التعليمي ( جامعية )
الوضع العملي ( ادرس )
المشكله في الشخصيه ابي اغيرها ..
سلبيه ,, مزاجيه ,, حساسه جداً ,, عدم الثقة بالنفس ,, عصبيه ومتسرعه ...
الماضي ياثر علي ما انسى اذكر حتى لو مشكله بسيطة حصلت من عمري 6 سنوات وابكي
الا اني في اقلب الاحيان اتجاهل هاشي عشان اقدر انسى والحمد لله احسن واتمنى اكثر
انسى وماياثر علي ...
حاولت التغير لكن اتغير لفترة وارجع .. مثال لبعض الامور الي تزعجني في نفسي
مزاجيه جداً لابعد حد نفسيتي تاثر على كل شغلي ودراستي قل مستواي بسبب مشاكلي اثرة على دراستي وماحب هاشي
اعرف ارسم اعرف احني واعرف اشتغل بالفوتو .. هوايات كثير ... لكن من اضايق من شغله ماقدر ارسم
ولا اسوي شي .. لو الامر يرجع على فقط هوايات تهون .. لكن صار ياثر على دراستي
ماقدر اذاكر اذا في شغله مضايقتني او موترتني ..!! .. في مشكلة استمرت معاي سنتين .. اثرت على دراستي
فخسرت كثير في مجال الدراسه ..للان في منها قليل لكن حاولت اغير واحسن ... كنت اتعب على نفسي في المجال الروحي ..
حصل تراجع من المشكله نفسها .. حاولت ارجع اعدل لكن ماقدرة او اقدر لمدة بسيطه
وارجع لنفس الحاله .. مابي اشياء السيئه تاثر علي من هالحاله ماقدر اتقدم
واكره نفسي .. احاول انمي نفسي في الحنه لكن ماقدر ادخل دورة لتعليم
لكن ما استفيد لاني ماامارس الشغله امل بسبب نفسيتي ومزاجيتي الي احسه خراب
معا المزاجيه ايضا حساسه كثير كلمة او نظرة من شخص تخليني مضايقه ممكن ابكي من مجرد نظرة من شخص
احاول مرات اعطي نفسي دافع داخلي بس ماقدراستمر كم لحظه و اضعف ..
ماعندي ارادة قويه مثاال / امنع نفسي من الاكل الي يضرني ..
لكن من اضايق ماهتم اكل اي شي يضرني اذا اشوفه حتى لو اتعب ..
ابي اسوي شغلات زينه كثير لكن افتقد لقوة الارادة .. والتشجيع ..
باختصار ابي اغير الشغلات السيئه في شخصيتي ..
عشان اقدراتقدم اكثرفي كل مجال عندي قدره فيه من موهبه وطموح مابي اخسرواتمنى اكون احسن ...
اعتذر على الاطاله ويمكن اسلوبي في صعوبة انك تفهمين مشكلتي ..
هم ماعرف اعبر عن مشاعري ):
تمنياتي لك بالتوفيق والسداد بحق محمد وآل محمد عليهم السلام
في حفظ الباري
وعليكم السلام والرحمة
اهلا بك اختي الكريمة ، شكرا لطرح مشكلتك ولثقتك بنا
كيف حالك ؟ اتمنى تكوني بخير وعافية
الحمد لله على كل حال
كنت انتظر ردك وكل يوم ادخل المنتدى
وقبل وضعك لرد كنت داخل القسم واشوفك متواجده واننتظر
ودقائق الا رديتي (: واخيراا
وانتظرت بعدها فتح الروضة
احتاج لبعض التفاصيل لأتمكن من مساعدتك على أكمل وجه بإذن الله تعالى ..
- كم عدد افراد اسرتك وماترتيبك بينهم ؟
13
8 اولاد
5 بنات
انا اصغر بنت اخر العنقود
وقبلي كلهم اولاد والبنت الي قبلي فرق بينا حوالي 13 سنه تقريباً
- كيف هي علاقتك بجميع افراد استرك ومن الأقرب الى نفسك ؟
ماكو احد قريب بمعنى اني اشكي له همومي او مشاكلي ..
علاقة شبه سطحية .. حتى مرات اعاني من مرض محرج اكتمة
وابحث عن اجوبة اسالتي في الانترنت اكتب في قوقل واسال هنا وهناك
الي ان يشتد الامر ومالقيت حل اخر شي افكر اسال احد من اهلي
- هل لديك صديقات تتواصلين معهم دائما ؟
أي بنتين اثق فيهم واشكي لهم اما البقيه زملاء وثالثة اعتبرتها صديقة واشكي لها لكن اكتشفت هي العكس تماما .!
راح اذكر لك موقفها معاي في الاخير لانه ابيك تنصحيني في تعامل معاها .!
اما البنتين مو التواصل الدائم بشكل قوي وحده في الجامعه يوميا اشوفها من الطبيعي يكون تواصل كثير اذا مافي جامعه يقل الكلام كثير
والثانيه اكلمها بالواتس واظل كم يوم ماكلمها ومرات شهر ماكلمها بس لكلمتها بعد هالوقت عادي ولا كانه افضفض لها وهي نفس الشي .. الاهم والاحلى في هالشخصيتين انه يسمعون اخطائي دون نقد شديد او احتمال انه تتغير نظرتهم لي .. ارتاح لانه يفهموني ويعرفوني ..! فحتى لو سوية شي غلط مايسؤون الظن فيني يتفهمون ....
- كيف تقضين وقتك من الصباح للمساء ؟
الصباح جامعه وبقية الوقت اغلبه على الانترنت ..!اما بالاب او الجوال .!
عندي شغلات كثير احب اشتغل عليها لكن بسبب مزاجيتي ونفسيتي ماسوي شي نفسيتي تاثر على هوياتي
احب الفوتوشوب كنت ادخل دروس عشان اشغل نفسي اعرف (نقش الحنه ) فكنت ادخل اليوتوب عشان اشوف الحنا واحب احط مكياج وتسريحات وغيره وكنت ادخل ابي اتعلم بس مرات اطفش وامل بسرعه لدرجة افتح الجهاز اطالع في الاب من غير ماحرك شي بس ماسكة الاب يضيع الوقت بدون فائدة مرات يكون عندي شغل كثيييير للجامعه من بحوث وواجبات ماسويها الا على اخر لحظة .. ااجل كثير مو منظمة وقتي ..!!
اضايق من نفسي اعرف انه اضيع وقتي واغلط بس مو عارفه كيف اصحح نفسي ..!
- ماهي احلامك وطموحاتك ؟
هالسؤال حسيت بصعوبه في الرد ومو قادره اكتب شي ..!! في البدايه
شنو يعني حلم وشنو يعني طموح .!.!يمكن لاني ماحس احلامي او طموحاتي ممكن تكون حقيقه ..
مثلا 1-اطمح اني اكون من انصار الامام وو انظر لنفسي وذنوبي وو ..!! وماتخيل
2- اتمنى اني اكووون ام صالحه بمعنى الكلمة تربي اولاد يكونون روعه في المجتمع ( لكن انا لسه بنت )
والاهم اني مرات انظر لنفسي واشوف احتاج لتعليم فكيف اربي والتربيه شي كبيير مخيفه بالنسبة لي
لانه فيها مسؤليه وانا اخاف من المسؤليات .!
3- بالنسبه لدراستي اطمح اني اخلص الجامعه واكمل ماجستير لكن مستواي اقل بكثير من المطلوب .!
4-احب انمي مواهبي واطمح انه حتى لو تسكر كل الابواب في المستقبل من العمل يبقى شغله بايدي
وهي تنمية مواهبي في الحنه وغيره واكون موع اطله وبدون شغل .!لكن ! اهدم الحلم بمزاجيتي وعدم ثقتي بنفسي
وما انمي مواهبي ..!!
في احلام كثيرة وامنيات يمكن الان مو في بالي ..!!
- اذكري جميع الصفات السلبية التي تريدين أن تتغلبي عليها ، كنقاط
المزاجيه
عدم الثقه بالنفس
العصبيه
الحساسية الزايدة
ثقتي الزايده
عدم كتمان اموري الخاصه ( معا اني اكتم امور الاخرين )
الكسل والاهمال لنفسي وجسمي
عدم تحملي للمسؤلية حتى لو كانت امور بسيطة اتعب واتنرفز .!
ضعف شخصيتي
ماعندي ارادة قوية امنع نفسي من الي يضرني .!
بالنسبة لصديقتي /...
بذكر اخر موقف معاها ...
كان في خلاف بيني وبينها بسبب انه ماتكتم وتتفشي اسراري لغيري هذا اساس الخلاف
غلطت علي وانا كنت ابيها بس تبتعد كنت معصبه حيييل لدرجة ماقدر اتنفس كنت في عدة مشاكل مضايقتني وماعرف افكر وهي مصره تتكلم وانا اذا كنت معصبه ماقدر اتناقش ...المهم راحة عني بعد هالخلاف واننا بعد كم يوم اعتذرة منها وغلطت علي وانا جايه اعتذر
خلاص لاني مليت من كثر ماقولها شي وتروح تنقله لناس قلت احسن افتك منها لانه هاشي اذااني كثير نقلت امور مايصلح احد يعرفها نهائيا بعد 4 شهور تقريبا يوم جات وسلمت وعادي انا من عادتي لو اضايق من احد بعد مدة يكلمني عادي اتعامل معاه ولا كانه صاير شي كلمتها وسالتني عن امور على طوول فتحة قلبي لها قلت لها أي انا اتعالج عند فلان وساعدني ( اقصد العلاج الروحي ) في هذي الحظات انا اتكلم معاها على الواتس بالجوالي والله اختي انا لاهيه بالكلام معاها ماخلصت كلامي وهي تمزح وتضحك ولاكانها مسويه شي وتنصحني وفتحة الفيس في نفس الساعه الا اشوف رساله من المعالج انتي قلتي لفلانه اني تتعالجين عندي ,..؟؟ انصدمة بقوة انا للحين اكلمها تتخيلين اختي للحين يعني نقلة الكلام بسرعه مادري شو القصد من سرعة النقل قلت له أي اكلمها ..!! المهم هو قال انا ماراح اعالجج ..!! وعاتبني على تصرفي كثير عاتبني ...
انتي يمكن بتقولين لي المفروض تروحين تواجهينها وتقولين لها ليش تنقلين الكلام .. اتبعت معاها هاشي مو اول مره تروح تقول له شي واقولها ترا قالي وتروح تقوله ليش تقولها اني قلت لك وهو يرجع يقولي ليش تقولين لها اني قلت لج الي قالته عنج ...!!! واصير في حووووسه مو طبيعيه وزعل منهم كاني غلطت عليهم وهم الغلطانين .... وقال وقلتي ومادري وشو كانت دائماً هذي تصرفاتها هسه هذا الشخص قالي وش قالت مادري لمين تتكلم بعد وتنقل اموري الخاصه ..!!
(( ملاحظة / اول مره انصدمة انها تنقل امور الخاصه ظليت ابيكي ايااام 3 ايام اذا مو اكثر انجرحة بقوة لكن بس اتكلم معاها انسى نفسي وهالصفه سيئة فيني احيانا اذا احد غلط علي اسامحة وارجع معاه ويمكن يستغلني مره ثانيه اذا كان انسان سئ لاني بسرعه اسامح واثق ))
ولما اواجها تتهرب وتغلط علي بالكلام ..! واطلع كاني انا الغلطانه وهي البريئة ماسوت شي .!
بصراحه مو عارف شلون اتصرف معاها بعدة عنها شهور وماتغيرة
وفي هالموقف ابي اصحح شغلات ... نفسي لاني اعتقد انه انا الي اخلي غيري يغلط علي لاني انا سمحة لها
وانا الي عطيتها اسراري فالغلط مني اصلا .!
ماعرف اتعامل معا هالبنت معا انها طيوبه وزينه بس فيها هالصفه لساااانها ماتمسكه وتنقل الكلام ..!
انا مرات احتاط ماقول لها بس احتاج افرغ حييل اكون مضايقه مهمومه وابي احد يسمع
وماشوف نفسي الا اقول لها اموري بسهوله ... الغلط مني واضح ..!!
اختي اظن هم لاحظتي صفه من كلامي اني ماعرف اعبر عن مشاعري وراسي مخلبط حتى تتعبين وانتي تقرين كلامي اريد اغير من هاشي مرات يكون شغلاات كثثيير في راسي بس ماعرف اطلعها بطريقة صح و ينقلب الموقف ضدي والحق معاي
في امور اكون اانا فاهمتها زين بس ماعرف اوصلها للاخرين بطريقة صح ومايسمعوني .!
اعتذر على اطالة الكلام
وانتظر نصحك وارشاداتك بكل شوووق
تمنياتي لك بالتوفيق والسداد بحق محمد وآل محمد عليهم السلام
في حفظ الباري
السلام عليكم ورحمة الله وبركاته
كيف حالك اختي ؟
الحمد لله على حال ...
عزيزتي هل تقرأين كتب وتحاولين ان تطوري من ذاتك وشخصيتك ؟
انا احب اقرا الكتب الروحيه ! وقليل قرائتي بشكل عام
ماكان عندي علم بكتب لتطوير الذات
هل تحاولين ان تخوضي تجارب جديد مثل العمل او دخول دورات وماشابه ؟
اي الاجازة الي راحت دخلت دورة تجميل شامل
وعلى الانترنت مثل ماقلت لج اتعلم الفوتوشوب
ودخلت دورة تصميم ستايل منتدى
وناوية ابدا دورة مونتاج !
وهالايام احاول انمي ايدي في نقش الحنه
الا اني افقد ثقتي في نفسي ... احني ايدي احني الاقارب
يقولون حلو بس انا ماشوفه حلو ماعندي ثقه بنفسي !
كله احس اني ماراح اقدر اتحسن معا اني عقليا واعيه انه ممكن
اتطور واصير شي في الحنه بس اتوتر حييل !
هم المكياج والشعر طلبتني وحدة اكون معاها انا شعر وهي مكياج
وبنت خالتي تشجعني اكون معاها بس احس داخليا ماكو دافع
ولا ثقه كل شي اسوية احس مو حلوو
من خلال كلامك شعرت ان هناك امور كثيرة انتي بحاجة لها وهي التثقيف !
بلي اختي انا عشان كذا لجات لك لاني احس اعرف كثير
بس ماعرف اطلع الي داخلي بسبب عدم ثقه او توتر او او او
ابحثي في محرك البحث جوجل عن كتب لتطوير الذات ، ستجدين الكثير
بحاااول واتمنى تدليني على اسم كتاب معين اقراه افضل
او أمر اريد منكِ تطبيق تمارين التفريغ النفسي ستجدين الموضوع مثبت بالروضة
( كلنا بحاجة للتفريغ النفسي ) طبقي ما يناسبك واخبريني قبل وبعد التطبيق كيف تشعرين ..
قرية الموضوع من كم يوم بس ماطبقت
اذا كنت مضايقة وابي افرغ من عادتي اكون بغرفة لحالي واصيح !
لأعطيك الخطوة التالية ..
شكراً على نصايحك واهتمامك
اختي متى اكتب لك الي صار في هالفترة ؟؟؟
تمنياتي لك بالتوفيق والسداد بحق محمد وال محمد عليهم السلااام
كنت انتظر ردك بنصائح الكتب وفي هالوقت اخذة اسماء الكتب
الي انتي كاتبتها في مشاكل الاعضااء ..
امراءة من طراز خاص .. وحملة الكتااب بعد عناء ومشكله في الاب ..حلوو حييل الكتااب ..
قرية من العادة الاولى
وهي المبادرة ... لقيت نفسي مراة انفعاليه
بس في نفس الوقت عندي كم صفه من المراة المبادره
مثل ( تؤمن انه ماوصلت اليه اليوم انه من اختيار الامس ,,
,, تعتذر بلا تكبر إذا اخطات وتتحمل مسؤلية ما قامت به ))
اما بقية الامورفهي للاسف انفعاليه وتنطبق علي .. اغلبها .!
ملاحظة على ما قراة في العادة الاولى ( المبادره ) ..!
خلت فيني دافع انه مهما كانت احلامي بسيطه وقليلة ما اهدمها
لانها ممكن يوم من الايام تصبح عظيمة اذا انا تعبت في انجازها
اماهدمتها وماهتميت فيها فراح تموت ...!
اهم المباردة شي جميل جدا خصوصا قصة المراة روز ..!
بمبادرتها البسيطه جداً ماتعبت في انجازها لا انها مباردة
قيمة في محتواها .. خلت عندي حافز كبيير ...
انه حتى لو كانت المبادرات بسيطة اذا هي صح ما نخاف من تنفيذها وان شاااء الله
يكون لها واقع كبييير
العادة الثانيه ...
كان في اسئله لثقة بالنفس .. وجاوبة 5 اجابات ب(لا) ..!
مكتوب اذا جاوبة على اكثر من 8 فانا دون المعدل انا بين وبين يعني ,,...؟؟
بعدها اسئله ( هل تشكين من احساسك بالنقص )
كانت اجاباتي 4 بنعم و8 ب لا
ومكتوب (اذا كانت اجاباتك هي نعم عن ثمانية فاكثري من الاسئلة
السالفة فدلالة ذلك انك مواجهة الحياة مواجهه غير قائمة على الواقع .
معا اني الاحظ على نفسي اني مصابة بهاشي
مو كل النقط لكن البعض مثل اني سرعان ما ترفع الراية البيضاء
قبل ماقرا الكتاب ومثال على هاشي كنت معا بنت خالتي مقررين على تزين مرت اخوي
وبنت اخوي شعر ومكياج عطتني الشعر لاني اعرفه اكثر من المكياج ..
او بمعنى اصح هم طالبينها بالمكياج لانه هي ارتب ...!!! وانا مو ذاك المستوى !
المهم بدية اسوي شعر مرت اخوي وكنت قبل ماسوي اقول في نفسي
انا اقدر راح اسوي صح انا اعرف ليش اتوتر خلاص ماراخ افكر بتوتر
راح انفذ الي اعرفه وبيكون صح .. بدات اسوي .. فجاه وقفت خفت ..!
اني ماسويه صح والمناسبه مهمه عرس اختها ...!! قلت لها خلاص ماقدر
سوية انتي .. ويام بدة فيه تسوية واطالع فيها عشان اكتسب خبرة
قلت لها هذا نفس الي سويته ...!! وفعلا نفسه بالضبط ..!!
لكن انا استسلمت بسرعه !! للاسف ...
وفي الاخير النقاط الي اعجبتني
الثقه في النفس كثير والاصح انه كلها وراح احاول ازرعها في نفسي
وانا اقرا الكلام احس بالراحه اني راح اغير وهالتغير كثيير مهم لي
والشي الي اطمح له عشان مستقبلا اكون ام بمعنى الكلمة تعرف تربي
مو مثل ماشوف الاغلب يجبون اطفال والدنيا تربيهم ....!!
كل ماقيل في الثقه بالنفس عجبني .. راح احاول التطبيق ..
اختي .. انا من الكلام فهمت ووعيت كل حرف كتب .. لكن في داخلي تساؤل
مثل كيف راح تكون محاولتي لتطبيق ..!!
يعني اترك نفسي للحياه واشوف افعالي واشوف اذا هي تنطبق على
اني اكون واثقه من نفسي اولا ..
قبل هاليوم كان في شغله مضايقتني وهي اني من احس احط
يطنشني او يهمش وجودي يعني اكلمه ارد لكن هو مايرد ..
احس بنوع من التهميش المقصود ..!! اضايق ...
وما كان لي مزاج اني اقرا واهملت نفسي وكل ترتيباني
والامور الي واجب اسويها وهربة لنوم وانا مضايقه ...!!
لما جلست الصبح تعرضة لنفس الموقف ..تطنيش مقصووود !!!
لكن حاولت اني اشغل نفسي خلصت مذاكرة وبعدها قرية الكتااب
وسويت التفريغ تذكرة انج طلبتي مني اسويه ..
الي اقدر اسويه هو اني اخذة ورقة من الدفتر .. كتبت عليها
الي يضايقني ومنهم هاشي .. وقطعة الورقه ...
حسيت بجد براااحه كنت احس براحه ومستغربه ليش انا مرتاحه ..ّ!
هي مجرد ورقة تتقطع معقوله تعطيني هالاحساس ..
بنفس الوقت هربة من هالافكار التعجبيه .. الي ممكن تكون سلبيه وقمت احط افكار افضل ..
واردد جمل في راسي افضل .. مثل هذي المشااكل تمزقة في ورقه
انا يعني اقدر اني اتخلص منها امزقه بسهوله حاولت اعطي نفسي
دافع داخلي اني راح اقدر اتخلص من هالاشياء مثل ما مزقة الورقة
راح ينتهي كل شي يضايقني ...
وقبل ان انسى في امر اخر انا كان لي دافع في تطوير نفسي ..
يوم السبت كان عندنا نشااط في الجامعه عن التغذية ..
حنى بنات كثار .. كان المطلوب منا ترتيب طاولة بقماش وتزينه
وهم عمل منشورة وو ... المهم انا رتبت المنشورة لانه التنسيق بالورد
عندي شي سهل واحبه وبعدها في تنسيق الطاوله ..
كانت بنت ترتب الطاول فكنت برتب شغله نسيت ياربي اسمه
المهم يكون خلص الطاوله مثل الجدار نحط قمااش ... ونزين ..
فجاه البنت كانت منشغله بترتيب الطاوله تركة الطاولة ماكملتها قالت انا برتب ذي انا ضايقني
الموقف اشووي هي ترتب هنا وترتب هنا وتترك وتوضح للكل انا اعرف
يعني حنى مانعرف مثلا ..!! بعدها قلت اترك الموضوع مو مهم
مابي هاشي اترك لمسة بسيطة على الطاولة وبس اشتغلت ومشية ...
البنت تعجبني بثقتها بنفسها وهي احد الاسباب الي خلتني اغير من نفسي واخذ هالخطوة ...
بس ماحب اكون واثقه من نفسي بدرجة الثقه العميااء واحطم الي حواليني وافرض رايه
عليهم ... وهي سوت هاشي بعدين تعالي دكتورة انا سويت وسويت وسويت ..
وكانه البقية جماد كانوا لا اقصد والله غيبة البنت وكما اسلفة تعجبني ثقتها
بنفسها وبعض من اسلوبها لكن انا ابي اطور من نفسي وذات واكوون واثقه
وبنفس الوقت مابي اكون شي سئ فهمتيني اختي ..؟!
يوم السبت وهو الاهم انه نوقف ونتكلم راح يمرون بناات
او دكتورة او اي احد المفروض بنات يوزعون منشورات وبنت تتكلم
عن موضوعنا يعني تصير المتحدث وتعرف بنشاطنا
عن الاطعمة العضوية وفوائدها مقارنه بين التقليديه
فكانوا البنتين ماعندهم جراه فصارت بنت هي المنغذ وتتكلم فقط
وهي انا جيت متاخر اشوي في نفس الوقت عندي دافع داخلي
ابي اتكلم اكون في مكانها .. بس عندي خوف عدم جراه ..!!
وهي ماعطتني مجال ..!! صار انه هي قالت بروح امر على بقية الطاولات
الانشطة وتركة الطاولة حقت نشاطنا .. والبنتين بعد طاروا ..!!
انا مثل الي توهقة في الموقف .. الكلام مو جاهز في راسي بس
طوال وقت وقوفي حفظته من تكرار البنت ...
فجاو بنات جنب طاولتنا واجب علي اعرفهم بنشاطنا .. مايصير يمرون واسكت
توترة حييل تكلمة وقلت كل الكلااام صح لكن بنوع من التوتر والسرعه
في الكلام .. كانت بداية مفاجاه ... في نفس الوقت ارتحت سويت خطوة مهم
وهذا شي مهم لازم اتعلمة لاني لازم راح اتعلم كيف اتكلم
تخصصي يجبرني على هاشي لاني ادرس تغذية وهذي مرحلة تخصص والسنه الجايه بطبق واخصائي
التغذيه من واجبه وعمله انه يكون متكلم كثير وينصح وعنده اسلوب في الكلام ومعرفه لازم
طولت هي اشوي جاو بناات ثانين كانت التجربه الثانيه والكلام الي قلته افضل من الاولى بشووي ...!
لكن يام جات وقفت جنبي تركتني اتكلم عادي لانهم قبل يظنون اني ماقدر
او ماعندي معرفة كافيه لاني للاسف وهذا اظنة من صنع نفسي
دائما اوضح لهم انا البنت المهمله الي ماتذاكر .. وهي كانت
شاطرة وتجيب اعلى الدرجات فما كان عندهم ذيك الثقة فيني وانا لعدم
ثقتهم وعدم ثقتي بنفسي مابدية الخطوة المهم .. حتى مرات في واجب اقولهم الحل كذا
انا فاهمته مايهتمون كانه كلامي غلط تروح تتاكد من فلاتنه وفلانه واعصب
شنو يعني انا ما افهم ..!! هاشي يضايقني من احد يهمش كلامي وهو الصح
حتى اخر الفترات صرت ماتكلم حتى لو اعرف الجواب اخليهم واذا .. حتى لو اقول الجواب صح
مايصدقوني مايهتمون .. وانا جذا يزعجني هالاسلوب .. بس اسكت لاني انا
عارفه انه هذا الانطباع انا الي رسمتهم في ذهنهم عني اني ماعرف ..!!
(( ساعديني كيف اتعامل في هالموقف ))
المهم تكلمة مره ثانيه لكن تسرعة في الكلام مشكلتي لاني متوترة اسرع
فالي قلت لها الكلام كانه مافهمت شي شرحة لها الفرق بيت
اطعمة عضوية والتقليدية ..!! لكن فجاه كان سؤالهاللبنت الي جنبي شنو الفرق .!
حسيت نفسي ما انجزت شي .. انقذة الموقف البنت وشرحة لها ..ّ
لاحظة من شرحها الكلام بهدوء اكثر مني وهذا الي خلى كلامها مسموع بشكل افضل
ومفهوم افضل لاني تسرعه ...
هذا بعض ماعشته في هذا الاسبوع ... والله اعلم ان شااء الله اكون
افضل بمسااعدتك وانا معجبه كثير بشخصيتك ..
العادة الثالثة كانت وضع خطه واهداف ..
قبل ما اقراه سبحان الله كنت افكر انا رتبت لنفسي جدول يوم الثلاثاء عشان انظم وقتي
لاني اعاني من عدم التنظيم وواجهتني مشااكل كثير في تنفيذة واهملت اشيااء
هممه واساسية كان واجب عدم اهكالها وتنفيذه واهتمام وعدم تكاسل ..
وكنت بكتب لك هاشي بعدها قلت لا اقرااول بقية الكتااب ..
وتفاجات انه شفة التقسيمات والتنظيم كان شي جيد بقووة .. واخذة ورقة وكتبت
قلت راح ارجع انظم الجدول واشوف شيصير معاي ومن تواجهني مشكله اكتبها لتقوى (:
مسكت الدفتر راجعة جدولي شفته صح .. شفت نفسي جيدة حددة وقت لكل شي ..
وراح اكتب لك الجدول واكتب الشي الي يحسسني بوجود غلط وماعرف كيف
اصحح نفسي بحيث ماعيد الغلط
بديتة( بالساعه 12 الظهر )
الصلاة وبعدها راحة اشوي ولعب
(الساعه 1 )
قراءة ( كتب تثقيف الذات ) ّ>> كنت محددة هاشي فقط
وكنت افكر احتاج وقت لقراءة القران وو .. بس استفدة من الكتاب
يقول خلي القراءة متنوعه 50 % تخصصك و50% كتب اخرى .. وهالالتفاته عجبتني
لاني بس كنت مركزة على كتبا التثقيف ..!! وكان تفكيري يقول انتي بحاجة لقراءة
كتب دينيه وقراءة القران وو ...!!
الساعه 2 مذاكرة
الساعه 3 ممارسة الاشياء الي احبها مثل الحنة والمكياج
الساعه 4 شغل البيت من طبخ او ترتيب مساعدة بسيطة .,,!
الساعه 5 نص ساعه رياضة >> وهذا هم تشجعة في تنفيذها من الكتاب
كنت سابقا تفكيري يتمنى هذي الساعه من الوقت لانه صراحة جسمي زين
ووزني مناااسب ومثالي بالنسبه لطولي لكن اعاني من زيادة ببعض المناطق
في الجسم لكن اهمل او اتكاسل عن هالخطوة دائماً ...
نص ساعه الاخرى بخليها ترتيب حق الشغلات السريعه الي يمكن تطرا فجاه من ترتيب
او اكل او راحة ...!
6 الصلاة
7 اعمال عبادية
7
7
7
( هنا جعلت الصلاة خلف الاعمال العبادية يعني ممكن اصلي واسوي الاعمال وراها على طول
الصلاة ما تاخذ ساعه بس عشان يظل وقت بعدين ربع او ثلث .. لشغلات السريعه ))
الساعه 8 الذهاب الي حسنيه
الساعه 9 الانترنت
الساعه 10 الاهتمام بالجسم (( هاي الساعه مهمه جذا لاني اعاني بعض المشاكل
الجسدية بسبب الاهمال وحابه اغير واهتم بنفسي ))
11 النوم
في الاخيرة ملاحظه ..
(( اذا جلست الصبح لازم اسوي اشيااء مهمه اذا مافيه دوام جامعه طبعاً مثل /
1- اذاكر اذا في اختبار
2- اذا عندي شغل مثل غسيل الملابس او غيرة اخلصة ..
3-اجهز الشغلات الي محتاجه اسويها بعدين مثلاً الكتاب الي بقرة الساعه 1
اجهزة او اي شي عشان ماتضيع الساعه 1 مثلا وانا ادور شنو اقرا ..!! وامل ..))
4- الفوتوشوب
(( خليت الساعه 3 والساعه 4 اشياء خفيفه ممكن تنلقي عشان
اذا صارت المذاكرة تحتاج اكثر من ساعه الغي شغل الساعه 3 و4 ,,))
معا اني احس الجدول جميل ومرتب وفي شغلات كثير ابيها واحتاجها الا انافي اغلاط ..!
مثال ابي وقت لقراءة جزا من القران ..؟! وين ..!؟
وحابة اقضي الصلوات بس مو عارفه وين اخلي اي وقت ..؟
والمشكلة الي صارت هالايام من سويت الجدول يوم الثلاثاء ..
هو انه فجاه طلبت مني مرت اخوي احني بناتها ..
فالتغى الروح للحسنية التغى الاعمال العبادية التغى الاهتمام بالنفس الساعه 10
وضايقني هاشي ..!! شنو الحل اذا صار اشياء فجاه تلغي اشياء مهمه في الجدول
صار لي احباط بسيط .. من ترتيبي للجدول وحسيت في شي غلط ..!
وفي خطا ارتكبته وهذا من التصرفات الي قلت لك ابي اتخلص منهم
في الكتااب ينصح بالكتمان .. لكن انا قبل مابدا قرات الكتااب قلت لبنت خالتي
لانها تعرفني اتوتر اني بقرا كتاب يقرا من نفسي واكون افضل ...!!
معا اني قبل مااقرا انه المؤلف يطلب منه الكتمان في هالامر .. تضايقة من نفسي
لاني اعرف بنت خالتي تعلق علي كثير ): من الناس الي تعلق وتتمسخر ..!
وهم قلت لصديقتي المقربة .. اما اختي فكنت انصحها بفتح صفحة عندك ..
وهي تنشغل كثير فقلت لها حملي الكتاب او تشتري وقلت لها ..
ولقيت نفسي من البداية فشلت في امر الكتمااااااان ....!!!!
حملت كتاب الشخصية الساحرة ايضا ..!
عندي اقتراح بسسسيط ..
انه يكون في القسم مكتبة
وتحطين الكتب الالكترونية الي تطلبين من البعض يقراها
مجرد اقتراح ولك الراي الاخير
واذا تبين اسااعدك في البحث انا بخدمتك (:
في الاخير اختي اعتذر على الاطاله .. خجلانه منك كثير طولت عليج ..!
وياريت تسااعدني في بعض النقاط الي ذكرتها ..
مثل شنو اسوي عشان اكون مبادرة اكثر وواثقه بنفسي اكثر ..
وشنو اسوي عشاان اغير من توتري وعدم ثقتي بنفسي ...
بالموقفين الي ذكرتهم ...
تمنياتي لك بالتوفيق والسداد بحق محمد وآل محمد عليهم السلام
ممتاز عزيزتي
اعتذر لتأخري بالرد لعدم توافر النت
استمري بقراءة الكتب وطبقي مافيها من تمرينات فهي ستفيدك كثيرا
الكتاب الذي تقرأينه اﻵن رائع جدا وانا اعتمد عليه ببعض التمرينات فاعتمدي عليه
اختلطي باﻵخرين وكوني اجتماعية فهذا سيفيدك كثيرا
ويعزز ثقتك بنفسك
