ممكن مساعدة في بعض نقاط حياتي !؟

[همسات الزهراء]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته
..

الجنس : أنثى
العمر : 20
الحالة الأجتماعية : عزباء
المستوى التعليمي : جامعية
الوضع العملي : ادرس

...
أختي تقوى ابيش تساعديني في بعض النقاط في حياتي
انا احاول انظم وقتي من بداية يومي الى نهايته بس موعارفة شلون انظم !
كتبت لي جداول ابي امشي عليها بس مادري شلون احسهم مب مناسبين

اذا تقدري اختي تحطي لي جدول يرتب يومي ؟
انا ادرس من يوم الاحد الى يوم الاربعاء , دوامي يوم الأحد من الساعة 8 الى الساعة 12 الظهر
يوم الاثنين من 8 الى 1 الظهر
يوم الثلاثاء من 8 الى 9 عندي محاضرة , من 9 الى 10 ماعندي شي , من 10 الى 1 عندي محاضرات
يوم الاربعاء من 8 الى 11 عندي محاضرات , من 11 الى 12 ماعندي شي , من 12 الى 1 عندي محاضرة

× انا في وقت الفراغ في الكلية ماعرف شسوي اتململ
× يوم الاربعاء من الساعة 4 العصر الى صلاة المغرب والعشاء < هذا وقت اتواصل فيه مع صديقتي بشكل اسبوعي

الخميس والجمعة والسبت هذي ايام خالية عندي , ماعرف شلون اتصرف وياهم !
خيه انا اعاني من وقت فراغ >__< ابي اتغلب على هالمشكلة و اغطي فراغي بحياتي
اختي انا قلت لش عن جدولي الدراسي و عن الاوقات اللي اكون فيها فاضية عشان اذا تقدري تحطي لي جدول من بداية اليوم الى نهايته .


...
عندي نقطة بعد ~ انا مو حيل واثقة من شكلي بالنظارة وبكثرة اسأل اللي وياي اذا انا حلوة بالنظارة والا لأ
معن صار لي سنتين وانا ألبس النظارة
مرة شكيت لبنت وياي , وقلت لها عن مشكلتي بس قالت لي : الحلو حلو حتى لو كان قاعد من النوم والشين شين حتى لو راح البحرين ^^"
> كلامها وضع فيني شوي من الثقة .

...
النقطة الثالثة
في بنات بالكلية كل يطالعون فيني ويتكلمون مع بعضهم )": مادري ليش
انا احسهم يتطنزون ~ بس يتطنزون على شنو مادري ! .. معن انا بالشكل حلوة الحمدلله و لوكـي جميل ومرتب !!!
اذا كنت جالسة بمكان و هم تواجدو فيه , انا ماخذ راحتي صراحة و ابي اطلع من المكان >0<"

...
أختي اتمنى تساعديني في موضوعي (:
شكرا مقدما والسلام عليكم ورحمة الله وبركاته .

[همسات الزهراء]

اختي تقوى بسألش : شرايش بالخجل من جميع النواحي ؟
انا فيني خجل و حياء بزيادة , مرات افكر اتغير و بعدها أقول بالعكس هالصفات حلوة في البنت !
بس مادري اخليهم والا اتغلب عليهم !!!؟؟؟

× اختي اذا بتحطي لي جدول , حددي لي وقت لصلاة الليل ^ـ^
اذان الفجر اهني ع الساعة 4 يأذن ..

[.:تقوى:.]

وعليكم السلام والرحمة
اهلا بك اختي الكريمة ، شكرا لطرح مشكلتك ولثقتك بنا
كيف حالك ؟ اتمنى تكوني بخير وعافية يارب

الحلو حلو حتى لو كان قاعد من النوم والشين شين حتى لو راح البحرين ^^"

ضحكتني العبارة ! يعني الا يروح البحرين يصير حلو ،والبحرينين كلهم حلوين ؟؟

اشكرك عزيزتي لأني بحرينية

بس انا سمعت المثل " الحلو حلو لو قعد من النوم ، والشين شين لو غسل وجهه زين "


وأنا اقول الحلو بأخلاقة وروحة الطيبة مو بجمال شكله ..

لما تحبي الناس وتعامليهم بطيبتك واخلاقك وتتواضعي لهم يحبونك ويشوفونك جميلة الجميلات

مهما يكون شكلك ، أما لما تكوني جميلة ومعاملتك سيئة مع الناس راح يشونك بشعة ..


ثقي بنفسك ، بذاتك ، بشخصيتك ، بشكلك ..

أما الجدول فأنا اشوف انتي اقدر على وضعه ،

اعملي تخطيط جدول للمهام اليومية ، والمهام الاسبوعية

حددي اهتماماتك وهوياتك وطموحاتك واحلامك واملئي الفراغات في الجدول بها

افعلي ماتحبين في وقت فراغك

نمي موهبة محببة لك في وقت فراغك

اسعي للتخطيط والعمل لتحقيح طموحاتك خلال وقت فراغك

اعطي نفسك فسحة يوم في الاسبوع تختارين مكان تزورينه أو تدللين وتعنين بنفسك


أما بلنسبة للخجل ، لن تتغلبين عليه كلما كررتي أنا اخجل

الأمر الذي تخجلين منه اجبري نفسك عليه ومع الوقت ستتغلبين


اما الفتيات الاتي يتحدثون عنك ،

المشكلة ليست بهم ، بل بكِ انتي !

أين ثقتك بنفسك ؟!

هذا دليل واضح ان ليس لديك ثقة بنفسك

كوني واثقة بنفسك وثقي ان من يتحدث عنك ويراقبك فهو يهتم لأمرك

وانك انسانة مميزة الى درجة تلفت انتباه الغير لها ويراقونها ويتحدثون عنها

انظري لنفسك كأميرة ..



طبقي مانصحتك فيه واخبريني بما يستجد معك
كوني بخير
حفظك الله[/align]

[همسات الزهراء]

بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته

ضحكتني العبارة ! يعني الا يروح البحرين يصير حلو ،والبحرينين كلهم حلوين ؟؟

اشكرك عزيزتي لأني بحرينية

ممممـ > انا أول مرة اسمع منها ان المثل فيه [ البحريـن ] =$ !!
سألتها اشدخل البحرين ف الموضوع !!؟؟ > قالت يعني اللي يروح يسوي له عمليات تجميل ههههه ~ معن البحرين مو معروفة بهالشي بس هي رقعتها لي ^^"!

انا شريت لي نظارة ثانية و أجمل من اللي قبل , و يقولوا انها حلوة وانا حلوة بها بع ـد ^ــ^
ف ألحين صرت ألبسها عادي و كلي ثقة ~ حتى صرت افضل هالنظارة على العدسات ..,, قبل كنت ألبس العدسات اكثر < الحمدلله على هالتغير ^ـــ^"


انا ألحين سويت لي جدول بسيط حيل :: حطيت فيه أوقات الصلوات و وقت النوم و وقت القعدة
و حطيت بعد وقت حق اقضي فيه صلواتي و وقت حق اعمال العلاج مع السيد الله يحفظ
بس وقت صلاة الليل مو مناسبني أحسه لأنه من حطيت هالجدول ليلحين مَ صليتها ~ انا حاطة وقت النوم الساعة 10 المساء و صلاة الليل الساعة 1 الفجر << كذيه مايمديني اشبع نوم عشان اقوم و كلي نشاط !! ~__~
غيرت وقت صلاة الليل الى الساعة 4:45 الفجر وان شاء الله خير يارب و الله يوفقني لقيام الليل يارب
و بوقت فراغي صار اكثر شي اذاكر أو نايمة -__- << انا ابي اتغلب على مشكلة النوم هذي @__@ !!! < الصباح بعد الصلاة انام اذا ماعندي دوام , انا ابي استغل هالوقت ف المذاكرة .. بس النعس يذبحني


على سالفة الخجل , انا تلقائي من نفسي اخجل ,, اذا كنت جالسة مع بنات بقد عمري أو اعمارهم مقاربة لي و انا متعودة وياهم ~ اسولف عادي و آخذ و اعطي وياهم ونضحك و و و ... وبس اذا جت قعدت بينا مخلوقة أكبر منا ... >> فجأة اسكت و ابيها يا اهي تقوم يا انا اقوم ×ـــ× >> بالنهاية انا اقوم !
بالنهاية الخجل والحياء صفتين حلوين انهم يتواجدوا في البنت ~ انا اجوف اللي حواليني اغلبهم عادي مع الناس و عادي مع اللي اكبر منهم و الخجل والحيا عندهم بنسبة 1% على عكسي انا < ف انا اجوف حالي مميزة بهالصفتين و مابي اخسرهم =$


وعلى هذيلا اللي بالجامعة اللي كنه واجب عليهم يطالعوني >__< يصطفلون وانا ألحين ما اهتم لهم بس هم مازلت مابي اروح للمكان اللي هم فيه عسى لو كان هالمكان كلاسي >__>
و أصلا نفس ماقلتي : لو ماهم مهتمين لأمري كان ماقعدو يطالعوني كل يوم ×__×


شكرا أخت تقوى على قلبش الطيوب اللي يسمع لكل مشاكلنا ^ــ^
صج الواحد يرتاح لج أنتي ^ . ^ وشكرا من قلبي <3

السلام عليكم و رحمة الله ..[/align]

[.:تقوى:.]

بخدمتك اخيتي ، اتمنى أن تكون بأحسن حال ..

استمري واستثمري وقتك بما هو مفيد وستنجحين

موفقة