التعديل
....
اليوم الأول//
البخورالفاطمي والحرمل\دخان خفيف..تفرقع كثير ..يتفرقع قوه وشوي يتفرقع خفيف وتطافرعلى قدمي الايسر حار وبعدين على وجهي حار.. وتطافر مره على عيني اليسرى بارد وتجشؤ تقريبا 15 مره ...وحكه خفيفه في الجسم متفرقه اليد والوجه مرتين و الاذن اليسرى واليمنى على مره والظهر وقشعريره خفيفه بالوجه.
• القراءة ..فتور عبادي وراحه نفسيه وملل و كان النفس ينقطع. الرقبه لتحت احس فيها زي الخموول وتعب..وصداع في راسي يروح ويجي .
• الاحلام // لازم انسى اجزاء منها\حلمت ان نزلت القروض للبنك او من هالقبيل وابوي راح سجل وناس كثير راحوا سجلوا واشوف محادثة بنت عمتي لاخوها تكتب له بخطب لك فلانه ..نسيت منو..
• هذا 2الحلم تبع الحلم اللي فوقه او اللي تحته مب ذاكره\كان زوجة اخوي جالسه بعيالها التوائم وانا لبست ملابسها الدخليه تحت وشفت محلها دم الدوره
• 3\حلمت اني رايحه الحسينيه لمولد الزهراء وحماس ودخلوا رجال يلوحون باقة ورد وكلن يلقط هالورد وانا اشتهيه ولاحوا لقطته ولوحوا حلاوه وولقطت وصارت عندي كيستين كلها بركة الزهراء من بطاطس وحلاو والكثير وبعدين وزعوا سفره للبركه طبعا الحين كلهم حريم واختي الصغيره حسرت وانا اوديها الحمام تكرموون فصخت سروالي الاسود ولابسه ملابس داخليه نص الفخذ سوتها بملابسها وانا ورجعناولبست سروال جلد النمر وكل هذا يم الحريم وبعدين جلست على سفرتناوهي الوحيده الموجود فيها جح واكل بس مدري اذا فيه رز نسيت شالموجود والباقي ماعندهم شئ بس سفره خاليه ومذكر اذا كلنا او لا ..
• العمره\حلمت اننا اختي قالت يلا بنروح العمره وودت ولدها وزوجها(ومدري قبل او بعد مانروح الحرم قبل مانروح الحرم نغتسل بس ماشفت شئ)
ودخلنا الحرم كله اجواء روحانيه وفي النهار وشفنا الكعبه وطفنا عليها ويوم خلصت الطواف شفت الكعبه صغيره وشلتها وقلبتها بيدي.
ملاحظة // نسيت الحرز ومالبسته والحروز في مخدتي(وعندي حرز ثاني ماعرف اسمه)
____________________________
• اليوم الثاني
• البخور الفاطمي والحرمل\تفرقع كثير ودخان كثيف وبعدين تفرقع خفيف وحكه دائما في جميع انحاء يدي وراسي ورقبتي وظهري والابطين والورك الايمن مره وجات على يدي 3 او 4 تقريبا وفي فرقه قوويه مره ارتعت منها وتجشؤ مرتين وتثاوب مره ودلدغه في باطن الرجل الايمن واختلاج خفيف في العضد الايسر ووخز بسيط في الخنصر الايمن لليد.
• القراءه\ فتورعبادي و ملل وسرعة وكأن بينقطع نفسي.
• الاحلام\1\مب مفهوم فيه بنت عمتي وفيه مطار للطيران وفيه قران
• 2\مب ذاكره\بنت عمتي ثانيه مسويه صباحيه لولدها ومسويه عشا ...كلهم تعطيهم لحم مصبر حرام واهلها في صينية ومعاهم خالتي تعطيهم لحم حلال.
اليوم الثالث
البخور الفاطمي والحرمل//تفرقع قوي بدخان خفيف ..ومره تزيد الفرقعه ومره تخف ..وتطافر على سروالي ومره على ابهامي وسبابتي اليسرى وحرقني ومره على الذراع الايمن والوجه والعين اليسرى بارد.وتجشؤ 3 او 4 مرات وحرقان يروح ويجي 3 مرات تقريبا.
القراءه\ فتورعبادي و طفشانه وملل
الاحلام\كان عيد ميلاد اخوي وصورته وحطيتهم في برنامج الانستغرام وطلعت صورتي وهو يكلمني وفيه بعضهم قال لي امسحي الصوره لانش طالعه...
اليوم الرابع
البخور الفاطمي والحرمل//فرقعه قوويه ودخان ووسط ..تخف الفرقعة وشوي تزيد ...ويتطافر لاباس فيه وتطافر وتفرقع قوي على وجهي ويدي حار...وتطافر ظاهر قدمي الايسر مرتين حرقني...لااعت كبدي احس اني برجع..وخز بالخنصر الايمن
القراءه\ فتورعبادي ونفسيتي مرتاحة قليل وملل ..
الاحلام/
* اختي تبيع الاغراض وانا اوزع لها
* ابوي عنده ماي في طاسه صغيره مقري عليه من السيد الفاطمي او فاطمه بنت الامام الحسن او فاطمه بنت الامام الحسن ام الامام الباقر ماني ذاكره بالضبط وعطاني منه وماشفت سوينا فيه شئ.
ملاحظة //نسيت لبس الحروز وذكرتهم يوم وصلت لسورة يس سلام قولا من رب رحيم\ما البسهم احطهم تحت مخدتي
______________
اليوم الخامس:
البخورالفاطمي والحرمل// تفرقع كثير ودخان كثيف..وتطافر على يدي بارد وارتعت وحكه في الابطين وباطن الرجل والظهر والراس والمنطقه الحساسه السفلى مرتين...تجشأ18 او 19 مره تقريبا ..
القراءه/ فتورعبادي و نفسيتي مرتاحة ...بس عقلي مشتت حييل كثرة التفكير ونعاس شديد
الاحلام1\حلمت ان بيت عمي راحو ايران اسبوعين واحنا جينا وسلمنا عليهم احنا وبيت عمتي وشروا اكل من برا ورق عنب وحلى بارد ..لذيذين طعمهم بالحلم.. وسمبووسه وحلويات اشياء وووايد ويوم كلنا وخلصنا جلست انظف وبعدين قعدنا مع بنت عمي الاخيره وبنت عمتي الاخيره وقالت وهي متفشله يلا كل وحده تدفع شئ من الاكل اللي كلتوه وتقول امي دفعت الحلا وجابت لي قائمه وانا استغربت وقلت اجامل مو عارفه شختار قالت بنت عمتي انتي اختاري تفاح وبرتقال واخترهم ...وبعدين عطونا هدية السفر زباله تكرمون على شكل شجره.
وبعدين اخذت اثار بيت عمتي وبيت عمي واخذت بول عمتي تكرموون واحطه في جيك ماي مع الخرجه اللي مسحت بها ارضية بيت عمي وكاني تروشت به.
2\مدري اذا هذا الحلم تبع الحلم اللي فوق او لحاله
اني رحت تحنيت حنه حلووو.
وبعدين رحنا بيتنا شفت اختي لابسه عباة راس مو مسكره وكلها متبلله سعابيل ولدها الصغير ومن تحت هي صابه ماي على العباه وكاتبه عباره عن امير المؤمنين سلام الله عليه ..بس ناسيه الجمله..وقلت لها لو انش كتبتيها باللون الابيض كان طلعت احلى وبينت..
3\ان اهلي حاجزين لي على دكتوره نفسيه و انا في المدرسه ودخلت وشفت البنات يحلون الواجب وانا استاذنت من الاستاذه بروح لدكتورة نفسيه عليها الطلب كثييير وهي في نفس المدرسه ورحت لها مع اختي الصغيره وشفت زحمه حيل واقول ان شاء الله ادخل ورحت الحمام تكرمون وبعدها دخلت بسرعه وسكروا الباب وظلت تكلمني الدكتوره مده طوويله وكانها عرفانيه وفيه روحانيات وتشوف الجن ..وطولت وهي تعلمني لدرجه مليت من القعده وشفت مكتوب موعد مع رجل مجنون بالسحر كان وهو عنده الدرجه السابعه ويبي يتعلم الدرجه الثامنه من الدكتوره ...وجاوو بنات من صفي بس عشان يبون يشوفون امي .وعطتني الدكتوره حلق كبير لونه وردي لاذن واحده فقط بعد ماخيرتيني باللون والشكل.وبعدها لحمام خربان تكرمون وتبولت ورحت طلعت بروح مغسله ثانيه طلعت من قسمنا وكان صاير احنا فوق وشفت اهل امي يتعشون عيش حريم ورجال ورحت تغسلت في المغسله بماي وصابون ورجعت..
ملاحظة //
** واول مادخلت غرفتي بسوي الاعمال دخلني الخووف..تنمل خفيف بالرجل اليسرى..الرقبه تعبت ماتالمت بس تعبت
* لبست الحرز ومانسيته ..انا حاطته على المخده عشان اذا جيت ادخل الحمام تكرموون مايطيح علي لاني انسى الحرز من النوم مافتش عليها اذا موجوده علي او لا ..لان كذا مره طاحت علي وماحسيت بس ان شاء الله البسها دائما وماانساها
___________نسألكم الدعاء__________
طفشت من وضعي وابي اسافر <<توه اخوي قال لي يمكن الاسبوع الجاي يروح ايران وقال يبيني معاه عشان اساعده بعياله ...ماانكر اني فرحانه ووودي حيل بس تكدرت بنفس الوقت بسبب حالتي اللي شرحتها لك طفشت حدددددي.. وتوني رايحه قي تاريخ 14 جمادى اول وماتهنيت قاعده على اعصابي ومب حاسه بطعم الل1ذه عند الامام بسبب التوتر
