اللهم صل على محمد وآل محمد الطيبين الطاهرين
السلام عليكم ورحمة الله وبركاته
اخباركم سيدنا ان شاء الله بخير
ومتباركين سيدي بقرب مولد فاطمة الزهراء عليها السلام
سيدنا ابي اكلمك عن اخوي هو عمره 15 سنه تقريبا مريض بالاكزيما والطلاب في المدرسه دائما يعيبون عليه لانه مريض
وويقولون له كلام يجرحه وهو يحاول يتجنبهم لكن يجون له ويضربونه واذا حاول يدافع عن نفسه يقولون للاستاد ان هو يضربهم
والاستاد يهاوش اخوي وللاسف ان ابوي قاسي جدا جدا مع اخوي و دائما يهاوش اخوي واحيانا اذا راح المدرسه يسأل عن اخوي
الاستاد يقول عنه انه يضرب الطلاب وهو مسكين ما يضربهم هم اللي يجون له مثل ما قلت لك فوق فأبوي يهاوش اخوي قدام الطلاب
وهم يضحكون عليه الحين اخوي صار ما يحب يشتكي لاحد خاصة ابوي لان دائما يطلع اخوي هو الغلطان وابوي يعامل اخوي بقسوه
في البيت من يشوفه يقول كلام يزعله والله يا سيدنا كأنه عدوه مو ولده بدل ما يعامله بحنيه ويواسيه لانه مريض دائنا يهاوشه بسبب او بدون سبب واحيانا يضربه
الحين اخوي كره المدرسه وكره البيت كره الدنيا بكبرها صار ما يطلع من البيت وكله جالس في غرفته
وكله يقول لامي ليش انا مريض
والله خايفه ان يسوي بروحه شي او الطلاب اللي معاه في المدرسه يأدونه هم مو واحد ولا ثنين يمكن عشر او اكثر وهو ما عنده اصدقاء في المدرسه ما احد يحب يمشي معاه لانه مريض وهالطلاب
دائما يأدونه ويضربونه مره واحد منهم رماه في الشارع وكانت هناك سياره ماره الحمد لله ما صدمته
ما ادري مسكين هو يصبر على المصايب اللي يشوفها في المدرسه من الطلاب او من ابوي في البيت
سيد انا ابي دعاء او ورد يحفظ اخوي من شر هالطلاب ويبعدهم عنه ويغير تعامل ابوي معاه لان احس
اخوي بيموت اذا استمر الوضع كذا
ولا تنسانا مولانا من الدعاء
.
