احتاج مساعدتكم بعد الله تعالى .. بعد الالفة والمحبة التي كانت من زوجي
انقلب رأسآ على عقب ويقول فجأة حس انه مو طايقني ولا حتى يشتاق لي ودايمآ يقول لي ان انا مااستاهله وماشاف مني الا كل خير.. حتى امه وخواته دايمآ يقوولو له ليكون انت مسحور تغييرك مو طبيعي حرام عليك اللي تسويه ببنت الناس ..يقول والله مادري بس فجأة ماني قادر اتقبلها .. وان
هالشي غصب عنه ..مع العلم انه انسان مؤمن وقارئ قرآن ومصلي وصايم وماعنده خرابيط ..امه تقول لي تحمليه فترة وتعدي ان شالله ..
طبعآ انا زوجه ثانية ودايماً احلم بكوابيس وحتى حماتي تحلم بزوجته الاولى احلام تخوف والكل يشك ان لها يد بالموضوع لانها كانت تهدد انها بتقاتل عشان يطلقني الى اخر نفس فيها ..
اعيش في قلق نفسي كبييييير ولا استطيع التحمل وبعض الاحيان اثور وانفجر
ودي اهدأ نفسيآ وهو يهدأ نفسيآ ايضآ ودي ارتاح في هالاشهر عشان اقبل على ربي بخشوع اكثر ..
ياليت لو عندك اعمال اسويها عشان الصفاء الروحي .. واعمال تجذب زوجي وترجعه مثل ماكان لاني اشعر بالموت مليون مرة بعذ هذا الانقلاب .. خايفة ينهدم بيتي في اي لحظة
انا احببه ومااتخيل حياتي بدونه احس اني قاربت عالجنون فعليآ .. كلامي مو مرتب والله من التعب لا ليلي ليل ولا نهاري نهاري
اتمنى القى ضالتي عنكم ..
أختي الكريمة عليكم البدء بالسلام أولاً ،،، إذا زوجكِ موافق ويرغب بأداء العلاج بنفسه أفتحي له موضوع جديد خاص به مع ذكر مشكلته ومايعاني منه .. كذلك أنتِ إذا ترغبين بالعلاج أفتحي لك موضوع خاص بك مع ذكر مشكلتك وماتعانين منه مع البدء بالسلام .. وفقكم الله تعالى .. فاطمة حجة الله