بسم الله الرحمن الرحيم
اللهم صل على محمد وآل محمد الطيبين الطاهرين
السلام عليكم ورحمة الله وبركاته..رمضان كريم عليكم ابتي العزيز وعلى العائلة الكريمة يعود عليكم باليمن والبركة والمسرات ان شاء الله ...
اود بعلاج روحي وجسدي لعدة اشياء اولها التقرب لله سبحانه وتعالى وتثبيتي على الصلاة لان مرات يصير عندي فتور عبادي قوي ومالتزم اقطع يوم يومين ومرات 3 ايام وارجع اصلي وغفران الذنوب... وكذلك قبل فترة اخذت كشف عند الاخ علي البحراني اخبرني بانني بحاجة لعلاج روحاني لتيسير الامور.وحاليا انا ادرس مرحلة الثانوية واود باعمال ايضا لتيسير الدراسة والفهم والاستيعاب احس نفسي مالي واهس بعض الاحيان اريد ان اجتهد واتفوق بدراستي واصل لمرحلة اتمناها..
وكنت سابقا اتعالج لديكم بعضوية اخرى وتركت العلاج بسبب السفر وها انا اليوم اتيت من جديد لانني احس بحاجة للعلاج الروحي لانني متعبه نفسيا اريد علاج روحي من القرأن وال البيت عليهم السلام كما كنت افعل كالسابق لديكم هذا هو الدواء لي.. كنت اعاني من تابعه رافقتني 6 سنين بحسب قول احدى المؤمنات بسبب صدمة نفسية عشتها عندما استشهد خالي ب 2006 وكثر حبي وتعلقي به لم استوعب هذه الصدمة ومنها تدهورت احوالي جدا واصبحت لا اطيق حتى نفسي بسبب حزني الشديد عليه وفراقه وبعد مداومتي على زيارة عاشوراء وصلاة ركعتين لامام الحسين عليه السلام ودفع صدقه وببركة سيدتي فاطمة الزهراء عليها السلام تخلصت من التابعه خلال 18 يوم ومنها بدأت اموري تتيسر احسن من قبل بكثير ونفسيتي تحسنت وارتحت لما حصل لي.لكنني احس ببعض العراقيل او اثار التابعه او يجوز حسد حسب قول البعض ..
من ناحية النصيب الي يجوني قليلين بسبب المكان الي اعيش بي صغير جدا ومابي من ابناء بلدي ماعندي اختيارات غير بس على كم شخص ومجرد اهلي يفتحون موضوع الزواج وياي اتنرفز وعصب واظل بس افكر وافكر واتعب نفسيا لان يجيني اكثرهم كبار بالعمر واني ماحب يكون فرق كثير بيناتنه كل انسان اله تفكيره ويرتاح لشنو فتقريبا ويه كل متقدم من الخطابة تصير ضيجة خلك بالبيت ويه امي واختي الجبيرة لان تفكيرنه يختلف عن بعض تماما ويبدي الكلام الصاعد نازل بعد شوكت تزوجين وعمرج كبر راح اصيرين 27 سنة وبعد حتى مالج حيل يصير للولادة وكأنه العلة فيه انا,, لوما هنه يعرفن الوضعيه الي عايشيها ومن هذا الكلام الي مجتمعنه ابد ميكدر يتخلص منه يتعب نفسيا حيل ,,,واوافق وبعد ما يتم التعرف ع المتقدم شرعيا يطلع عكس الكلام الي وصلنه عنه تماما والي يجيني بعمر مناسب وبي مواصفات جيده يتفركش الموضوع كله ويروح واكيد كولشي بي صالح ..
وصار فترة من الزمن اكو مشكلة مرافقتني ومتعبتني اكو شخص رايدني ومن كل قلبه بي سلبيات وايجابيات وامي تعرفه وكذلك بيت جدي بس ميعروفون انه رايدني وصارت مشاعر عنده اتجاهي من اول يوم الشافني بي وكان يتصل بيه بالبداية كأخوة ويسلم علينا وحتى كان يناديني بأختي وخطب بفترة من الفترات لكن فصخ بعدها لكن الظاهر انه مشاعره كانت متجهه صوبي من بداية رؤيته لي ولم يخبرني بها الا بعد فترة من الزمن ..خالتي الصغيرة تعرف واختي الصغيرة ايضا بحب هذا الشاب لي فخبرته انه منكدر نكون لبعض لاني غير متأكدة منه انه مناسب الي واهلي ايضا مراح يوافقون عليه ماكدر اكون اله لعدة اسباب ومنها سبب سياسي وانتمائه لاحد المجاميع الي احنه كعائلة ضدهم الي خلتنه فرق ومجاميع مختلفة ..كان يتكلم ويبينلي كد هو يحبني ورايدني وحتى كان رايدني للزواج منتظر بس كلمة مني وكلي كلشي اغير بنفسي واشتغل وادرس بس ماكدر اثق بأحد بهل زمن ماريد بس كلام ياما شباب كالت وحجت بس ماكو فعل اخاف اتقدم خطوة وانطي فرصة مثل باقي الي تقدمولي ويطلع هم مو مناسب بنفس الوقت الانسان مو كامل الكمال لله وحده وانا ايضا بيه عيوب وسلبيات مرات افكر انه ممكن يستعدل على ايدي واجربه لفترة من الزمن وادرسه ان كان بصالحي او لا وارجع اتردد واخاف وخاصة افكر باهلي وعدم موافقتهم وراح افتح باب حرب اليه ..بعض المرات اشك انه يحبني وبعض المرات احسه يكذب عليه ابعض الامور لكسبي اله لان هو يفتقد الحنان ابيتهم ومن اهله وبعض المرات اشوفه صادق جدا ومرات احس نفسي متعلقه بيه وتعودت على وجوده بحياتي يمكن لان اكو فراغ بحياتي ومرات يتكلم وياي (بالكوه) كد ماتعبان ومتعذب بسببي عقلي جدا مشوش اخاف اتخذ اي خطوة اذا كان من ناحية اعطي فرصة او لا وليحد هذا اليوم هو يريدني ودائما يقولي ماعندي احد بهل الدنيا بالرغم انه قلتلته منكدر نكون لبعض وخبرته في ناس تكلموا فيه بس مستوعب الموضوع وخبرته انه كان احد بحياتي حتى يتركني وضرب راسه بالحائط ودخل المستشفى لا اعرف كيف اتصرف معه وماهو الحل ومع هذا يقولي لو تحبين 10 اظل اريدج واهواج ..
اريد شي يساعدني اشوف الصح من الغلط واحسم هاي الشغلة واخلص اريد اعرف ان كان صادق معي او لا وهل يستعدل ام لا الحلو بيه انه ماعنده سوالف مكسرة ابد وملتزم وقلبه طيب وشهم جدا جدا بحيث خالاتي يفضلنه على ابناء خواتهن بسبب شهامته .مصيبتي دائما عندي هشاشة بشخصيتي و خوف وتردد باختيار الشخص لان احسب حساب لاهلي قبل نفسي كولششش يعني ابتي تخيل لدرجه عندي اهلي يرتاحون للمتقدملي اكثر مما اني ارتاح واقتنع وهذا يعيشني بظغط نفسي قوي واظل بس احرك بروحي ايام واسابيع وخوفي وترددي خلاني ابقى على نفس وضعيتي ..اعاني من الالم بالكتف الايسر والايمن وخلفية الرأس عندي التهابات قوية ومزمنه بالاكتاف وايضا اعاني من زيادة مادة الحمضيات في المعده بسبب الحالة النفسية مما يؤدي الى الامساك وانتفاخ العظمة الي مرافقتني دائما تحت الصدر الايسر ..
حياتي اليومية شبه ميته لان معزولين انا وعائلتي تماما عن العالم نعيش في الغربة وفي ابعد مكان عن تجمع ابناء الجالية حتى ماعندي صديقه ولا اي اختلاط اجتماعي تماما ماعرف شنو اعراس افراح مناسبات سواء مناسبات محرم وال البيت ع او مفرحه مرايحه ابد لا اني ولا اختي واني واختي من يكولونه عن مكان اروحله نرفض كثر ما معزولين عن الناس والاختلاط وبس بالبيت كمنه نرفض ومنرتاح حتى الكلام بعد ماتكلم ويه احد عن الي اعيشه من عزلة اجتماعيه لان محد يساعد او يفهم فكله نكبت ونكبت اني واختي ومنتكلم ومرات نبجي ونام...
اسفة جدا ابتي العزيز على الاطالة بالكلام لكن انتم المتنفس الوحيد من بعد الله والنبي وال البيت عليهم السلام وعلاجي لديكم وان شاء الله ماكون ازعجتكم بسرد معاناتي واموري الخاصة..
احمل حرز ابي دجانه الانصاري مع سورة الدخان .. احلامي جيدة وبعض الاحيان تجيني كوابيس وخاصة بيوم الي قررت ان ابدا العلاج في ليلتها حلمت احلام جدا متعب كله ركض وضرب الليل كله احلام متعبه لا اتذكرها جيدا الا القليل واتذكر ايضا بانني قلت في نفسي الحمدلله انني احمل حرز ابو دجانه حتى محد يتقربلي وميقدرون يوصلولي لكن حلمت ايضا بأمرأة مؤمنه اعرفها كانت فرحة عندما علمت سابدا بالعلاج ..واحلم احلام قوية جدا وكثيرة بالامام المهدي عج الشريف والظهور المبارك والاوضاع التي نعيشها حاليا...
اللهم صل على محمد وآل محمد الطيبين الطاهرين
السلام عليكم ورحمة الله وبركاته..رمضان كريم عليكم ابتي العزيز وعلى العائلة الكريمة يعود عليكم باليمن والبركة والمسرات ان شاء الله ...
اود بعلاج روحي وجسدي لعدة اشياء اولها التقرب لله سبحانه وتعالى وتثبيتي على الصلاة لان مرات يصير عندي فتور عبادي قوي ومالتزم اقطع يوم يومين ومرات 3 ايام وارجع اصلي وغفران الذنوب... وكذلك قبل فترة اخذت كشف عند الاخ علي البحراني اخبرني بانني بحاجة لعلاج روحاني لتيسير الامور.وحاليا انا ادرس مرحلة الثانوية واود باعمال ايضا لتيسير الدراسة والفهم والاستيعاب احس نفسي مالي واهس بعض الاحيان اريد ان اجتهد واتفوق بدراستي واصل لمرحلة اتمناها..
وكنت سابقا اتعالج لديكم بعضوية اخرى وتركت العلاج بسبب السفر وها انا اليوم اتيت من جديد لانني احس بحاجة للعلاج الروحي لانني متعبه نفسيا اريد علاج روحي من القرأن وال البيت عليهم السلام كما كنت افعل كالسابق لديكم هذا هو الدواء لي.. كنت اعاني من تابعه رافقتني 6 سنين بحسب قول احدى المؤمنات بسبب صدمة نفسية عشتها عندما استشهد خالي ب 2006 وكثر حبي وتعلقي به لم استوعب هذه الصدمة ومنها تدهورت احوالي جدا واصبحت لا اطيق حتى نفسي بسبب حزني الشديد عليه وفراقه وبعد مداومتي على زيارة عاشوراء وصلاة ركعتين لامام الحسين عليه السلام ودفع صدقه وببركة سيدتي فاطمة الزهراء عليها السلام تخلصت من التابعه خلال 18 يوم ومنها بدأت اموري تتيسر احسن من قبل بكثير ونفسيتي تحسنت وارتحت لما حصل لي.لكنني احس ببعض العراقيل او اثار التابعه او يجوز حسد حسب قول البعض ..
من ناحية النصيب الي يجوني قليلين بسبب المكان الي اعيش بي صغير جدا ومابي من ابناء بلدي ماعندي اختيارات غير بس على كم شخص ومجرد اهلي يفتحون موضوع الزواج وياي اتنرفز وعصب واظل بس افكر وافكر واتعب نفسيا لان يجيني اكثرهم كبار بالعمر واني ماحب يكون فرق كثير بيناتنه كل انسان اله تفكيره ويرتاح لشنو فتقريبا ويه كل متقدم من الخطابة تصير ضيجة خلك بالبيت ويه امي واختي الجبيرة لان تفكيرنه يختلف عن بعض تماما ويبدي الكلام الصاعد نازل بعد شوكت تزوجين وعمرج كبر راح اصيرين 27 سنة وبعد حتى مالج حيل يصير للولادة وكأنه العلة فيه انا,, لوما هنه يعرفن الوضعيه الي عايشيها ومن هذا الكلام الي مجتمعنه ابد ميكدر يتخلص منه يتعب نفسيا حيل ,,,واوافق وبعد ما يتم التعرف ع المتقدم شرعيا يطلع عكس الكلام الي وصلنه عنه تماما والي يجيني بعمر مناسب وبي مواصفات جيده يتفركش الموضوع كله ويروح واكيد كولشي بي صالح ..
وصار فترة من الزمن اكو مشكلة مرافقتني ومتعبتني اكو شخص رايدني ومن كل قلبه بي سلبيات وايجابيات وامي تعرفه وكذلك بيت جدي بس ميعروفون انه رايدني وصارت مشاعر عنده اتجاهي من اول يوم الشافني بي وكان يتصل بيه بالبداية كأخوة ويسلم علينا وحتى كان يناديني بأختي وخطب بفترة من الفترات لكن فصخ بعدها لكن الظاهر انه مشاعره كانت متجهه صوبي من بداية رؤيته لي ولم يخبرني بها الا بعد فترة من الزمن ..خالتي الصغيرة تعرف واختي الصغيرة ايضا بحب هذا الشاب لي فخبرته انه منكدر نكون لبعض لاني غير متأكدة منه انه مناسب الي واهلي ايضا مراح يوافقون عليه ماكدر اكون اله لعدة اسباب ومنها سبب سياسي وانتمائه لاحد المجاميع الي احنه كعائلة ضدهم الي خلتنه فرق ومجاميع مختلفة ..كان يتكلم ويبينلي كد هو يحبني ورايدني وحتى كان رايدني للزواج منتظر بس كلمة مني وكلي كلشي اغير بنفسي واشتغل وادرس بس ماكدر اثق بأحد بهل زمن ماريد بس كلام ياما شباب كالت وحجت بس ماكو فعل اخاف اتقدم خطوة وانطي فرصة مثل باقي الي تقدمولي ويطلع هم مو مناسب بنفس الوقت الانسان مو كامل الكمال لله وحده وانا ايضا بيه عيوب وسلبيات مرات افكر انه ممكن يستعدل على ايدي واجربه لفترة من الزمن وادرسه ان كان بصالحي او لا وارجع اتردد واخاف وخاصة افكر باهلي وعدم موافقتهم وراح افتح باب حرب اليه ..بعض المرات اشك انه يحبني وبعض المرات احسه يكذب عليه ابعض الامور لكسبي اله لان هو يفتقد الحنان ابيتهم ومن اهله وبعض المرات اشوفه صادق جدا ومرات احس نفسي متعلقه بيه وتعودت على وجوده بحياتي يمكن لان اكو فراغ بحياتي ومرات يتكلم وياي (بالكوه) كد ماتعبان ومتعذب بسببي عقلي جدا مشوش اخاف اتخذ اي خطوة اذا كان من ناحية اعطي فرصة او لا وليحد هذا اليوم هو يريدني ودائما يقولي ماعندي احد بهل الدنيا بالرغم انه قلتلته منكدر نكون لبعض وخبرته في ناس تكلموا فيه بس مستوعب الموضوع وخبرته انه كان احد بحياتي حتى يتركني وضرب راسه بالحائط ودخل المستشفى لا اعرف كيف اتصرف معه وماهو الحل ومع هذا يقولي لو تحبين 10 اظل اريدج واهواج ..
اريد شي يساعدني اشوف الصح من الغلط واحسم هاي الشغلة واخلص اريد اعرف ان كان صادق معي او لا وهل يستعدل ام لا الحلو بيه انه ماعنده سوالف مكسرة ابد وملتزم وقلبه طيب وشهم جدا جدا بحيث خالاتي يفضلنه على ابناء خواتهن بسبب شهامته .مصيبتي دائما عندي هشاشة بشخصيتي و خوف وتردد باختيار الشخص لان احسب حساب لاهلي قبل نفسي كولششش يعني ابتي تخيل لدرجه عندي اهلي يرتاحون للمتقدملي اكثر مما اني ارتاح واقتنع وهذا يعيشني بظغط نفسي قوي واظل بس احرك بروحي ايام واسابيع وخوفي وترددي خلاني ابقى على نفس وضعيتي ..اعاني من الالم بالكتف الايسر والايمن وخلفية الرأس عندي التهابات قوية ومزمنه بالاكتاف وايضا اعاني من زيادة مادة الحمضيات في المعده بسبب الحالة النفسية مما يؤدي الى الامساك وانتفاخ العظمة الي مرافقتني دائما تحت الصدر الايسر ..
حياتي اليومية شبه ميته لان معزولين انا وعائلتي تماما عن العالم نعيش في الغربة وفي ابعد مكان عن تجمع ابناء الجالية حتى ماعندي صديقه ولا اي اختلاط اجتماعي تماما ماعرف شنو اعراس افراح مناسبات سواء مناسبات محرم وال البيت ع او مفرحه مرايحه ابد لا اني ولا اختي واني واختي من يكولونه عن مكان اروحله نرفض كثر ما معزولين عن الناس والاختلاط وبس بالبيت كمنه نرفض ومنرتاح حتى الكلام بعد ماتكلم ويه احد عن الي اعيشه من عزلة اجتماعيه لان محد يساعد او يفهم فكله نكبت ونكبت اني واختي ومنتكلم ومرات نبجي ونام...
اسفة جدا ابتي العزيز على الاطالة بالكلام لكن انتم المتنفس الوحيد من بعد الله والنبي وال البيت عليهم السلام وعلاجي لديكم وان شاء الله ماكون ازعجتكم بسرد معاناتي واموري الخاصة..
احمل حرز ابي دجانه الانصاري مع سورة الدخان .. احلامي جيدة وبعض الاحيان تجيني كوابيس وخاصة بيوم الي قررت ان ابدا العلاج في ليلتها حلمت احلام جدا متعب كله ركض وضرب الليل كله احلام متعبه لا اتذكرها جيدا الا القليل واتذكر ايضا بانني قلت في نفسي الحمدلله انني احمل حرز ابو دجانه حتى محد يتقربلي وميقدرون يوصلولي لكن حلمت ايضا بأمرأة مؤمنه اعرفها كانت فرحة عندما علمت سابدا بالعلاج ..واحلم احلام قوية جدا وكثيرة بالامام المهدي عج الشريف والظهور المبارك والاوضاع التي نعيشها حاليا...
