السلام عليكم ورحمة الله وبركاته
يبه شلوونك ,,, بموت من الوسوسه لو اي احد يقول اه يار رسي قلت اني اه يا قلبي مو قاادرة اعيش قااتلني الوسوس
اي احد يمرض ويبين عليه تعب اموت الف مره قبله الوسوس الخناس بصدري ينغل جوفي وكل بشي شين بموت فلان دي نهايته وياه مرض الخبيث لا سمح الله زي فلان عمج عند مرض الخبيث بالكبد افلان يودع افلان لازم يتلاحقونه والله ماني قاادره اسيطر على حالي بستجن مابيني وبين لجون شي
افاول على امي على ابوي على اخواني على اختي لو الموت يجيني اريح ليي بس جالسه اترقب مصيبه او موت احد يحل على راسي وهم عيشين مستريحين واني راكب قلبي الهم وعندي عاطفة الحب الاهلي بقووه هذي جهة
جهة ثانيه الظلم الي يلحق بي وابداء ارد الاساءة بالاساءة شسوي يبه سااعدني
وشو فيني فيني اني يبه .. وليش يصير معي جديه ..؟؟وش اسوي علشان اطلع من الي اني فيه
ساعدني رحم الله والديك
السلام عليكم ورحمة الله وبركاته
ابنتي العزيزة
من يعتني بالوسوسة يحصد نتائجها ..ولا تتدخلي بامور الاخرين .. ولا تتكلمي الا اذا تم توجيه الكلام لك
واجعلي لسانك بطاعة الخالق ولاتجرحي احد وان كان في الحق
انصح التوجه لروضة الاستشارات النفسية والاسرية
ربي يبارك بكم
العلاج مع السيد الفاطمي صعب جدا يحتاج الى جد واجتهاد وصبر وايمان
السلام عليكم ورحمة الله
يبه ماكنت مدركه ان وبس اعتني بالوسوسه بتزيد وتعضم وبصير جديه وجهت الي نصيحة لا تعتني بالوسوسه وما فهمت
مقصدك الامن ردك هذا
من فتره طلبت افضفض عندكم ورحبت وهربت ولم اتكلم بشئ , من كم لليله حدتني نفسي اكتب شكوى على وضحي ونهيت نفسي ونمت بعد اتفجار قلبي بالبكاء وكانك تقراء افكاري وتعلم ما اريد ايصاله لك ..
الان بفضفض الك اسطر قليله اني مو الانسانه المثاليه رغم طموحي الى هذا الشي عندي ايجابيات وسلبيات وكل انسان على النحو ما فيه احد كامل غير وجهه الكريم وما ابراء نفسي ان النفس لامارة بسؤ الا ما رحم ربي .. لا اتدخل بامور من حولي ولا ارفع طرف عيني ارى ما الذي يحملونه ولا احشر نفسي بحياتهم يشهد الله الا ابي وامي اتدخل في اكلهم وشربهم خوفا على صحتهم اموت خوف عليهم اذا شفتهم ياكلون شي يضرهم اصحاب سكر وضغط امي عادي اما ابي لا يققبل ويريد ياكل الي يبي مما يسبب لي المشاكل احيانا وهم ما ينظرون لتصرفني الا من الناحية السلبيه , لي اخ رشحت له فتاه وتم العقد عليها حظر كم مره بكلام ضدها وانا واهلي وقفنا معاها بغيت الاصلاح وتهدئت النفوس
وغيره لا اتدخل بينهم وان تدخلت يبه ياتي لبيت نصيحه كوني اكبر منه ... لي اخ اخر ياتي المنزل هاربا من منزله لعده ايام يتشكى ويستشير .. وصديقه تحب تفضفض عندي وتحب نصيحتي اما الكلام مع الاسره ان تكلمت ليس بمقبول مني انا بدات الكل يتكلم عادي لكن انا مككروه وينقلب الامر على راسي كلامي ثقيل على لقلوب والافضل اعمل بنصيحتك .. اما جرحي للاخرين ولو في حق اتصرف به احيانا من الضغط النفسي لا احد يحسسني بالعطف او يدافع عني البته طوال حياتي ولا يريدوني ادافع عن نفسي يسكتون ... تفرقه عنصريه في المنزل بيني وبين اختي
ماريد منهم شي والله اني احبهم واعطف عاطفتي كلها مفرغتنها في حب اهلي عليهم بس اريد كلمة طيبه
يبه حتى اخصائيه توجهت لها بالواقع والمجتمع الي انا فيه ما عندهم حل الكل يقول شقول لك ...
الله يجزيك خير ورحم الله والديك
