الى سيدي الفاطمي فقط فقط

[سر البتول]

السلام عليكم
السلام على من اتبع الهدى وأطاع الملك الأعلى
السلام عليك يبه منبع الحنان والطيبه وانا اكتب اتذكر ابوي الي مات وصرت من بعده يتيمه انت ابوي الحنون
اكتب لك وكلّلي الم واشعر بالخنقه من ثقل الهموم والحزن الي بقلبي مامره أحب نصايحك لي آخر مره نصحتني وطبقت النصيحه وارتحت كان لرفة العين
سيدي أنا تعبانه نفسيا جدًا جدًا جدًا تعلم احوالي كثير مااكتب لك أنا زوجي فوق انه تزوّج علي يفضل زوجته الثانيه حب كبير بشكل واضح وموجع لقلبي أنا صايره طراره أشحذ منه الحُب والإهتمام مايسوي لي الا بالطلب لكن زوجته الثانيه لها معامله خاصه وعلى مرأى من عيني ولايحترمني يعامل زوجته الثانيه انها محور الكون وانا ولاشيء قدامها وانا الي اكدح واطبخ وادلعه واهي ماتسوي له عشر معشار الي انا اسوي له
لكنه زاهد فيني ماحس بطعم الحياه معاه لانه مايسوي لي شي الا بالطلب
الأمور العاطفيه حلاتها تنبع من الذات وانا لازم اشحذ منه انا والديني متوفين
واهي عندها ام واب وزوجي أخذته احس بغربه وبوحده في هذي الحياه انا اشتركت بدورات واخذت استشاره لتعديل الحياه الزوجيه لكنه ماتتغير حياتي معاه انا مالي قدر عنده أنا ام عياله وأحبه واهو مايحبني جمال الحياه أخذ وعطاء من الزوجين أنا زوجي ياخذ ومايعطي انا لوماالعيال الي بيننا تركته وعشت حياه جديده
لكن عيالي مساكين مابغاهم ينحرمون مني زوجي ترك حياته مع اصدقاءه والخدمات الاجتماعيه ترك كل شيء عشان يتفرغ لزوجته الثانيه انا الي كنت ماأفارغ بيتي صرت اروح بيت أهلي بين فتره وأخرى ارتاح نفسيا
كرهت شي اسمه زواج تمنيت اني ماوافقت عليه اعيش صراع داخلي كبير
أطلب منك يبه انصحني أنا ماابغى بيتي ينهدم وفي نفس الوقت ماابغى تجيني الامراض بسبب الحزن
والهموم أرجو النصيحه

[الـسـيـد الـفـاطـمـي]

السلام عليكم ورحمة الله وبركاته
ابنتي الكريمة
حياكم الله تعالى
حال زوجك لا يتغير منذ سنين . انصحكم التفكير بصحتكم واولادكم فقط واهمال أفعال الزوج الخارجة عن حدود الله عز وجل وعدم الدخول في نقاش او جدل او طلب الانصاف منه . يجب التفكير في اولادك والانشغال معهم بسلام خير من القال والقيل مع زوجك تجاهليه تماما من باب الابتعاد عن المشاكل والخوض في نزاعات غير مثمرة ومجدية
والله اعلم واستغفره من الزيادة والنقص والخطأ
ربي يبارك بكم