اختي العزيزه

[شهيدة في حب الحسين]

بسم الله الرحمن الرحيم
اللهم صل على محمد وال محمد
السلام عليكم و رحمة الله و بركاته

اختي العزيزه تسبيحه الزهراء
نرجو من جنابكم الجليل ابلاغ سلامنا لسماحه السيد متمنين له ان يمن الله تعالى عليه بالشفاء و يرجع لخدمه المؤمنين بالقريب العاجل

معذره على تكليفنا لجنايكم عزيزتي ،،،،، ربي يبارك بجهودكم و يضاعف اجركم بحق مولانا رسول الله

[تسبيحة الزهراء]

وعليكم من الله تعالى السلام والرحمة والاكرام
بمشيئة الله تعالى يوصل سلامكم لسماحته ربي يحفظكم ويرعاكم

[شهيدة في حب الحسين]

سلام عليكم
هله اختي العزيزه تسبيحه الزهراء عليها السلام
كيف حالك

اشلون سيدنه الجليل ان شاء الله صار احسن ؟؟؟؟ بالنه ظل يمه يوميه افوت المنتدى اكول هلبت السيد اجه ليوم
اذا متصير زحمه خجلانه منج عزيزتي كلش ممكن سلمي عليه اهواي و الله شتاقينه لوجوده المبارك و كليله هاي هديه بسيطه مني نخوه بجده موسى الكاظم عليه السلام
اريد كون الله ابخت جده يشافي و يرده النه سالم كلشي مابي
شتاقينه لوجوده كلش و انتي بعد خيتج ما قصرتي و الله علراسي انتي و السيد

يابو طلبه اجيتك لاتفشلني
شليل هموم عندي وليك متعني
اسولف لك عليهن وحدة الوحدة
واشكي لك مصايب حيل اذني
ياباب الحوائج كلهم يسموك
حاجتي يمك وانت التفرحني
احلفك بالعزيزة و #علي داحي الباب
طلّاب بحضرتك ارجو متردني
ترضاهه ارد مكسور خاطر گول
وانت ابو الكلفات لا تمل مني
ترضاها اطيح وجهي ابيض شيب
اريد بياض وجهي لاتخجلني
وحقك يابو طلبه صايم اتعناك
مافك ريجي ابد إلا تبشرني
ما احجي بوضوح الوادم ينقدون
وأضم سري بگلبي وإنت تفهمني
عليك الضلع والسطره وزراك العين
والصاحت يافضة طاح مني إبني
وعليك الطبره والدم السال بالمحراب
والصاح إنهدم ركن الله المبني
ذبنّي النوايب طحت حد الگاع
مد إيدك إليَّ وبيها انقذني


سامحيني عزيزتي تسبيحه الزهراء عله الازعاج كلش خجلانه منج خاف سويت عليج زحمه

[تسبيحة الزهراء]

وعليكم السلام والرحمة والاكرام
حياكم الله تعالى عزيزتي ربي يحفظكم ويرعاكم ويبعد عنكم كل محروه بجاه محمد وال محمد
سماحته بخير وصحة وعافيه وان شاءالله سيكون بيننا قريبا
بمشيئته تعالى توصل هديتكم لسماحته
ويوصل سلامكم لسماحته ربي يحفظكم ويرعاكم