تفسير لحاله غرريبه وطلب علاج للنصره

[ليليان]

بسم الله الرحمن الرحيم

والصلاة والسلام على خاتم المرسلين


ابي القاسم محمد وال بيته الطيبين الطاهرين


ابي الغالي السيد الفاطمي تحيه طيبه وبعد


سيدي الكريم مريت بحاله غريبه لم اجد لها اي تفسير نهائيا


فحبيت اسالك عنها لان لافهمها ولااعرف ما سببها او ما هدفها

واتمنى تكدر اتساعدني سيدنا


من اشهر طوويله جدا و بسبب ضروف صعبه في حياتي

سماحتك تعرف جزء منهه

تقريبا كل ليله ابكي بكاء شديد وادعي من الله واهل البيت انو يساعدوني

وكل امري موكلته بيد الله سبحانه وتعالى

بس من اشهر طويله ولليوم على الرغم من كل دعائي وكلشي ابد لا شايفه حلم

عن اهل البيت او شي من طرف الله سبحانه وتعالى ولا اى علامات فرج اكو و نفس الوكت

كثير جدا نصحوني ان استمر بالطريق اللي اني ماشيه بي هسه

المهم سيدنا
على الرغم من بكائي وطاعاتي و عباداتي وكلشي

اى شي ماشوف من طرف اهل البيت مع العلم طول عمري اشوفهم باحلامي و احلامي تتحقق


لحد ليلة اول امس حلمت اني بعد عبور طريق طويل وصعب وصلت لمدينة مزينه بالورود

اسمهه مدينة فاطمة الزهراء سلام الله عليها


والبارحه صار شي غريب جدا جدا ويايه


البارحه صليت صلاة الليل ومثل دائما كنت حزينه و ابكي واناجي الله سبحانه وتعالى

حسيت انو شي حضر معايا في الغرفه

يعني صار عندي خوف ورهبه بالبدايه لكن فكرت اذا بالفعل اكو شي فهو صالح ان شالله

من اوكف علصلاة فعلا كنت احسه موجود وهاي اوول مره منذ زمن بعيد جدااا منذ حوالي سنه

تصير هلحاله عندي

من بعدهه تغلب عليه النعاس

كملت الادعيه ورحت نمت حوالي ساعه 2 ونص ومن رحت نمت لززمت بيدي سبحة تربة كربلاء المقدسه

ونمت

على قريب الساعه 4 الفجر

فتحت عيني شفت امراءة شابه

جميله جدا جداااا


سمراء البشرره عيونهه خضر كبارر وجهه جميل و مبتسم وعمرهه لو اوائل العشرين لو قريب العشرين

تنظر لي وولله مااعرف سيدنا اصوات سمعت تنادي اسم فاطمة الزهراء سلام الله عليها

من كثر ارتباكي معرفت يكولون هلمراءة من طرف فاطمة الزهراء

او ينادون مولاتي الزهراء باشعار جميله

ولله مومتاكده

اني ضليت صافنه عليهه وهي تبتسم ابتسامات جميله وتتقرب مني

بصراحه متحملت الموقف ورهبته

طلعت من الغرفه ومرجعت انام بيهه

واليوم اتندمت انو ليش مبقيت


لكن على الرغم من اللي شفته سيدنا اني محتاره

مااعرف اللي شفته هو خيال و هلوسه من المخ


لو فعلا حقيقه

بس متاكده انو صارت اصوات تنادي فاطمة الزهراء من شفت هلفتاة

مااعرف شنو معناتهه هل هي علامات فرج

هي هي وسوسه و اوهام في بالي ام ماذاا

وماذا عليه ان افعل بعد الان

اني محتاررره فعلا

واي تفسير ماعندي لهل حاله ومع اني شفتهه ومتاكده بس هم اشك واكول اخاف هاي وساوس

سيدنا اني متاذيه و ادعي من الله البيت انو ينصروني

واني احس روحي مظلومه وكل ليله اطلب نصرتهم و همي خالته على الله وعليهم

فااتمنى سماحتكم تكولولي تفسير هل حاله

وهمينه اكوو

جماعه فعلا ديظلموني بحكمهم عليه

يعني ينسبولي صفات واشياء مموجوده بيه

اريد علاج

اكفر بي عن كل ذنوبي السابقه وايضا علاج لستر عيوبي واخطائي وان كانت بسيطه

وهمينه العلاج يخليني انتصربين الناس ومحد يكوم يشووف اخطائي اللي اني اصلا تايبه منهه منذ زمن بعيد ولله

ولااحد يجيب سيرتهه يعني كل ذنوبي اللي تايبه عنهه اريد شي يكطع اثارها وتبعاتها وكانها لم تكن ابدا

ومحد يتذكرهه

هي قد تكون بسيطه لكن دااتاذه بسببهه


واهم شي سيدنا خبررني شنو اللي شفته البارحه هل شي بي معنى ام مجرد هلوسه

واشكرك دزيل الشكرر

[الـسـيـد الـفـاطـمـي]

عليكم السلام ورحمة الله وبركاته ابنتي الكريمة دوما اعود معك لدرجة الصفر .. كلمة هلوسة عندما يكون الامر حقيقة امر غير جميل
درجة من درجات المكاشفة تم الحصول عليها وهي بيان على استجابة الدعاء .. انت بحاجة لتغيير مجرى حياتك واصحابك دمتم برعاية الله تعالى

[ليليان]

السلام عليكم سيدنا الغالي

طبعا دائما اتعبك ويايه وكلش اعتذر ولله

سيدي الكريم

اني كل امووري قلبا وقالبا مسلمتهه بيد الله ودائما ادعي منه انو اللي بي صالح الي يسويليا

وادعي انو يساعدني

سيدنا من يوم اللي صارت المكاشفه لليوم دامر بتعب نفسي رهيب

ولله ذنووبي كلهه اللي اتذكرهه من وكت اللي انولدت لليوم مو بس استغفرت الله عليهن

بل ندمت ندم شديد عليهه وهي قد تكون مو جبيره بس كلش اتاذه من اي ذنب مسويته ومااستصغر شي

من ذنووبي وطووول الوكت احاسب نفسي على كلشي

بس دااتعب نفسيا

خاصتا من يوم المكاشفه الى يومنا هذا

اموري ظاهرهه كله نحو الاسوء ونفسيتي سيئه جدا جدا جدااااا

مااعرف ليش هل حاله دتصيرلي

ادعي واحس محد يسمع دعائي واني ادري الله شاهد وعالم بس

دعواتي احس غير مهمه ومو واصله

حياتي غيرتهه

تفكيري غيرته

ندم شديد ندمت ولله على كل غلط ممكن اكون مسويته وان كان بسيط

بس على الرغم من هاي كلش مخنووكه ويوم بعد يوم كل حياتي تتعسر امورهه

وشكد اصبر وماكو شي ولاتغيير


اختنكت ولله

دائما اسال اذا اني بيه خلل

يعني سيدنا من واحد يكفر ويندم على كلشي بحياته على الرغم من صغر هلامور

من يحاول ابد ميغلط ويخاف من الله

ومتوكل عليه بكلشي واي شي يسوي هو حبا بالله مو علمود قضاء اي حاجه من حوائجه

شيسوي بعد علمود تمشي اموره

يعني احس روحي تايهه تايهه بهل دنيا

مداافتهم شنو المشكله وسيدنا شكد سالت من ناس واتصلت

لو ناس مكدرت اتساعدني لو سدت بابهه بوجهي وحتى نصيحه منصحوني واقصد بعض اهل الدين المعروفين

سيدنا اريد الله واهل البيت ياخذون بيدي واحوالي تتحسن

بس مهما اسووي بس اتعب اكثر واكثر

شنو الحل

الله يخليك ساعدني

[الـسـيـد الـفـاطـمـي]

عليكم السلام ورحمة الله وبركاته ابنتي استخارتك القديمة كانت واضحة جدا فهي منهج لترتيب امورك بمشيئة الله تعالى .. ياترى اين انت من كل كلامنا السابق .. انت بحاجة على اعادة ترتيب الامور والصبر .. المشكلة انت تطلبين ان تترتب الاحوال بشكل سريع نعم ممكن ان يكون لكن احيانا يكون العبد مبتلى .. صبرا جميل دون السعي في الحوائج اسعي فقط لذكر الله تعالى