محتارره ولدي بعض الاستفسارات ...ممكن تساعدني سيدنا

[ليليان]

[align=center]بسم الله الرحمن الرحيم

السلام عليكم سيدنا الكررريم

ان شالله تكون بصحه و سلامه يارب

سيدنا اكو بعض الامور تدور في بالي وشغلات امر بيهه حبيت اعرضها على سماحتكم

وان شالله استفاد من نصائحكم المفيده

سيدنا اني بطبعي انسانه افكر هوايه واخطط الكلشي بحياتي ومرات تفكيري يوصل لدرجه مرضيه

ومن افكر واخطط من فتره لاحظت انو اكون مصره جدااا على تحقيق هدفي وحتى من ادعي من الله جنت

اكولهه بصراحه سيدنا مجنت اتقبل فكرة عدم استجابة دعائي ورب العالمين سبحان الله مجان يستجيبلي دعائي

ومن تعب التعب اروح وحالتي تصير اسوء واسوء وحتى يمكن من سنه اتوسل بالله سبحانه وتعالى واهل البيت

انو اشوف اهل البيت بالحلم ولو حلم واحد ويبشرني انو اخذ مرادي ومجان يصير هلشي , لحد ما يوم من الايام تعبت جدا جدااا

ونفسيتي صارت في اسوء احوالها ساعتها من كل قلبي دعيت من اهل البيت يغيرون احوالي لان كلش جنت مكسوره

والله يعني بين يوم وليله بشكل غريب حالي تحول الى احسن حال وصرت قويه جدا

الان اللي يهمني كله هو رضا الله عني واني عن نفسي قلبا وقالبا راضيه بقضاء الله وقدره

اذا انطاني مرادي اكيد طبعا افرح واذا لا هم الف حمد وشكر لله

يعني كل امري سلمته قلبا وقالبا لله وفعلا حسيت بسعاده

ومن يومها سبحان الله يعني كمت احس بوجود اهل البيت ويايه بالعلم واني ونايمه صرت اشوفهم باحلامي

سيدنا سبب كتابتي للموضوع هي حيره اني واكعه بيهه وبما اني طول عمري اكتب السماحتكم كلشي بصراحه هلمره هم حكون صريحه

سيدنا بمكان عملي مديري العام بالشغل من فتره معينه عرفت منه هو انو رايد يرتبط بيه

ومن زمان كان ناوي هلشي لكن صار ياجل السالفه لان يكول ماكو تجاوب مني لحد ما كللي هلشي من فتره

طبعا مديري بالعمل انسان رائع بصفاته واخلاقه ويعني تقريبا ماكو بنيه بالعمل واى وحده تعرفه متتمنى


وهو طلع من زمن طويل بسببي متجاهل الكل واني اصلا هو مو على بالي

اللي صار انو كللي يريدني وكلش يحبني ويريد يتقدملي

بعدهه كامت تصير عنده عقد معينه يعني مره يكول اني من زمان رايدج وانتي موبحالي ويبعد بسبب هلشي

ويرد يرجع يتعدل شويه ونفس الموال او يجي ويلوم ويحاسب بيه يعني اشوفه يتعذب

وفوكاهه يسالني عن شغلات وتفاصيل اصلا فايته ومالهه لزمه ومرات كثر ما يلومني اصير احس نفسي مو خوش انسانه

او كلامه يكون قاسي وماكدر اتحمله ويكسر خاطري

فكلتله خلاص اني حترك الشغل كله ممجبوره اتحمل هلشي فهو يجي يتوسل بيه انو ابقى

وهو انسان شخصيته قويه جدااا بس مع ذلك يترجاني ماروح

وبنفس الوكت هو هاي موقفه مني

دعيت من الله لفتره انو يكون من نصيبي

لحد ما وصلت للقناعه اللي خبرتكم بيها باول الموضووع


وقويت قلبي وكلت هاهيه لااخاف من كلامه ولا ملامته ولا اي شي وكلت ياربي
اذا بصالحي هلشي وعندي نصيب ويا

ياربي شوفني علامه لو اي شي تدل على ذلك واذا لا خليني اليوم ابعد عنه يعني يصير اي شي وابعد


المهم مصار اي شي يخليني ابعد

لكن اللي صار هو انو

طبعا بعد تسليم كل امري لله عز وجل وبكل قناعه وفرح وهاي صار قبل حوالي 3 ايام

كلت يارربي اذا عندي نصيب ويا شوفني اي حلم او اي شي بالحقيقه علامة استمراري ويا

واذا ماكو نصيب شوفني اي شي يخليني ابطل من الشغل واتركه
اني

نويت الاستمرار بالعمل بنية انو ارتبط بي لحد ما يثبت العكس او رب العالمين يساعدني و اذا ماكو نصيب يخليني ابعد

لانو هو الشاهد على حيرتي

فنمت وكلت ياربي لو لي نصيب ويا شوفني هلشي بالحلم لولا ماكو شوفني هلشي علمود اترك الشغل الهم


نويت هلشي

سويت الدعوه الابجديه لهلاك الظالم اللي ذكرهه السيد احمد بدر


دعيت على شخص فعلا ماذيني بلا سبب وقريت دعاء اليماني اللي هو ايضا للامام علي عليه السلام

ودعيت من ابوفاضل واباعبدالله


وودعيت من الله ,,, نمت ولاول مره بعد زمن طووووووووووويل

حلمت حلم رهيب ,, حلمت

انو هلشخص اتعدل ويايه جدااا وكال الي انو ميريد يفارقني ويبقه ويايه بحيث بالحلم اني جدا استغربت وكلت يالله

هذا شلون اتغير وكلش جنت فرحانه لان رادني يعني مجنت مصدكه نفسي على تغييره المفاجئ بس شفت بابا يكول على هل شخص انو ميحبه وجان متنرفز منه

ساعتها بقلبي كلت ان شالله بابا يقتنع واخذت ورقه يممكن بس مو متاكده مكتوبه بيها حاجتي بس مو متاكده ولله

وشفت ورقه لخ بيهه بلاغ عن شخص اني ماعرفه منه بس اللي اعرفه انو هلشخص مكان خوش انسان وجان ناوي نيه موزينه والدليل

على نيته السوء موجود بورقه والورقه بيدي ,, هلشخص ماعرفه اني منو يعني غريب


اخذت الورقه

وطلعت من البيت جان ليل وركض قصدت بيت الامام علي عليه السلام ,, جنت اركض عليه لان جنت ادري

انو الامام رح يستشهد الليله وكلش حزينه جنت وكلت لازم اوصله هل اوراق قبل ما يستشهد

اني واركض بالطريق شفت حيه خضره مسالمه بشوشة الوجه سلمت عليه وحجت ويايه وهي ايضا كانت

مسرعه نحو بيت الامام علي لنفس غرضي والحيه كانت ملك او رئيس الجان متشكل على هيئة حيه

المهم رحنا ركض وكنا في اواخر الليل ونعرف من يصير الفجر الامام يستشهد

دخلنا لبيت الامام علي شفته فارش بطانيه بيجيه ومتغطي ببطانيه بيجيه ونايم باتجاه القبله ويمه قران و سبحه وتربه

يعني المكان اللي نايم بي جان مصلي بي ونايم

الحيه راحت ومسحت نفسها بالامام وباسته وكان ماعدها قرار من حزنهه على قرب استشهاده واني هم

شفت الامام شويه متوتر ,, كلت اشعجب هلشكل الامام بعدين كلت بالاخير هو بشر وبعدله ساعات يتوفي هم حقه

اخذ من عدنا الورقه وحل المشكله هوو بعدهه كام يصيحني بنتي يعني هو صار ابويه بالحلم


شفت امي جتي عليه كالتلي شبيج حزينه ابوج الامام علي اكو عليه شي كتلهه لا ماكو لان مردت اخليها بقلق
وراها ماما راحت

اني لبست ملابس سوده و نثرت شعري لان اتخيلت السيده زينب بعاشورا يكولون من حزنها لطمت ونثرت شعرها

حتى شعري اني لونه اشقر بالحقيقه جان اسود بالحلم

جنت كاعده يم الامام علي وعود هو ابويه جان احضنه وابوسه لحد ما استشهد

واختفه من ذاك المكان ساعتها لبست فوطه سوده وغطيت شعري وكفت بمكانه اللي مصللي بي و صليت

شفت امي جتي كالت شبيج صرخت وكلت ابويه الامام علي استشهد

وراهه شفت نفسي في مرقد الامام علي شفت الضريح مفتوح و قبره مفتوح علمود يندفن الامام بي وكوومه معزين جايين يعزوني

الي والامي علمود استشهاد والدي الامام علي

شفت علماء دين ميتين جايين يعزوون وشفت الشخص اللي رايدني هسه بس كانو مجان يربطه بيه شي و شفت الشخص اللي دعيت عليه قبل النوم

شفته بشكل بارز بالحلم

بعدهه جابو نعش الامام يعني التابوت جان اخضر فاتح اني فتحته وشفت جثمان الامام بالكفن وكعت عليه وبجيت هوااايه هواايه

والكل يكولون الله يساعدها والدها الامام متوفي


هاي كان اول حلم


كمت مفزووعه

ومعرفت هل هاي علامة استمراري ويا الشخص وبشاره لو علامة انو اكطع ويا لوهاي شي اخر ماله علاقه بنيتي


ثاني ليله سويت نفس الاعمال

نمت حلمت بلاد ناسها اموات اللي مذبوح واللي مقتول واللي من مرض ميت والبلاد خربانه

يفوتون عليها و يذكرون اسم الامام الحسين الاموات ترجع للحياة ويكولون منحتاج طبيب الامام الحسين احيانه

ولمحت الامام من بعيد انو يفوت على بلاد خربانه تتعمر ويفوت على مقابر كل امواتها يحتييون


ببركة الامام الحسين


ثالث ليله اللي هي البارحه سويت نفس الاعمال

حلمت اني دازور لسيده زينب سلام الله عليها ودخلت للضريح وشفت شاعر من شعراء اهل البيت موجود في قسم النساء ويقرا نعي

واجه سلم عليه وعلى امي وكانو بشرني بشي فرح قلبي واني صليت بصحن السيده زينب ومن بعد

رجعت للبيت اذن اذان الظهر اتوضيت واتحجبت وردت اصللي لكن من جنت البس حجابي علمود اتحضر للصلاة

جنت اغني وبعدين رحت صليت



هاي احلامي واحوالي وفعلا مسلمه امري لله

بس اريد اعرف هل هاي علامات انو اكو نصيب ويا واستمر لان ناويه جنت هلشي ومن بعدها جتي هل احلام او

هاي غيرر شي

اني كلش محتارره خاصتا انو صار سنه ادعي اشوف اهل البيت او اي بشاره بس ماشوف شي على الرغم من عباداتي

لان قلبي خلل جان بي هسه من كلش الحمدلله صار زين

كمت احلم هل احلام


هاي حالتي اتمنى تكدر تفسرها الي سيدنا لان فعلا محتاره

وعندي كم سؤال


سيدنا شنو هي افضل طريقه اشكر اهل البيت بيهه على انو اشوفهم بالحلم صرت و انو واكفين ويايه

وشلون افضل شكل اشكر الله


وسؤال الثاني

اني مسلمه امري لله بس بصراحه احب يكون لي نصيب ويا هل شخص اذا دعيت من الله ان يجعله من نصيبي

هل هاي غلط لولا

لان اول وتالي اكول ياربي افعل بي ما انت اهله , فهل امنيتي هاي منافيه لتسليم امري لله



واسفه جداااااااااا علاطاله


لكن سيدنا محد يفهمني غيرررك

علمود هاي اطلت الكلام


انتظر ردك والدي الغااااالي


الله يحفضك ياررررررررب



أختي الكريمة لديكم موضوع نرجو المتابعة من خلاله وطرح أموركم وبخدمتكم [/align]