بسم الله الرحمن الرحيم
اللهم صل على محمد وآل محمد الطيبين الطاهرين
اللهم عظم اجورنا واجوركم يا والدي بذكرى وفاة نبينا الكريم محمد صلى الله عليه وال وسلم
والدي الطيب اني طلبت منك علاج قبل اسبوع للرزق وللامور المتعسرة ولكن ولله الحمدلله مشت اموري بمجرد طلب العلاج لديكم لذالك لم ابتدأ بالاعمال المباركة
بس اني قبل كم يوم حلمت حلم قوي ومهم وكتبت موضوعي بتفسير الاحلام بس طلبت اكتبه لسماحتكم على الخاص لاني ما اكدر اذكر الاسم الي انذكر بالحلم بس الاخت المشرفة كالت ميجوز على الخاص فقررت اكتبلك ياه يا والدي هنا واريد علاج لكي يتحقق حلمي
الحلم هو.. اني جنت بمكان فارغ مابيه اي احد ونزلت علية اصوات ترهب والمكان جان تقريبا اظلم بس ضوة الفجر باين خفيف فــ نزلت علية اصوات وهي اصوات الملائكة كالولي راح يصير عندج نور من اهل البيت سلام الله عليهم حتى راح تعرفين شوكت وقت ظهور الامام الحجة عجل الله تعالى فرجه الشريف بس اني بالحلم صار صوتي يعلى واكول لا لالا ما اريد لان اخاف أتأذى من الجن والشياطين اذا صار عندي نور واثناء صراخي طلع نور فجأ قوي كلش اللهم صلى على محمد وال محمد وفزيت من الحلم لاني عطشت كلش بسبب الرهبة من الاصوات الجميلة والنور فكمت شربت مي ورجعت نمت ولمن نمت حلمت دا احجي الحلم لاختي الجبيرة وكتلهة نزلت اصوات بأذني دكلي راح يصير عندج نور من اهل البيت سلام الله عليهم حتى راح تعرفين شوكت ظهور الامام الحجة عجل الله تعالى فرجه الشريف واختي فرحت وكالت اللهم صلى على محمد وال محمد هنيئاَ الج حبيبتي هذه الكرامة وبيتهة لاختي جان عبالك بيت بالجنة هي وزوجهة واطفالهة ما شاء الله وبعدها فزيت وخلص الحلم وكمت صليت الفجر ورجعت نمت بس الحلم ديكمل كلما افز وحلمت كانو كاعدة اتفرج اخبار العراق على التلفزيون اني واختي وزوج اختي وفجأة اجى خبر استشهاد احد علماء الدين وحزنا كلش وفجأة صرنة بمكان الدفن لهذا العالم الكبير وهو عبارة عن مقبرة صغيرة مثل الغرفة ودافنين بيهة من اهله وديدفنوه واني واختي جنة نحط ورد على قبره بعد ما انتهو من طم القبر وزوج اختي كال هذا الي استشهد هو الرادود حمزة الصغير فاني كتله لا يا اخي حمزة الصغير مات من زمن بعيد وفجأة نزل صوت بأذني من احد الملائكة الطاهرة قال لي انه السيد فلان الفلاني مع رؤوية صورة السيد امامي بس محد يشوفهة غيري وكالي هذا السيد سوف يقتلوه ويموت شهيدا عن قريب وهو عالم دين كبير سوف تهتز الارض حين استشهاده وعندما يستشهد سوف يعلن ظهور الامام الحجة سلام الله عليه سيدي ومولاي وصار صوتي يعلى بالمقبرة وامام الجميع صرت اكول الظهور الظهور قريب الظهور الظهور قريب يا ايها الفاطميين والفاطميات الظهور الظهور قريب هكذا صرت اردد بالفاطميين والفاطميات بالحلم....
هل لي علاج يا والدي لهذا الحلم لكي يكون لي نور من ال بيت رسول الله صلوات الله وسلام عليهم اجمعين
من بعد الحلم صرت ارى احلام وبدأت تتحقق نوعاً ما
انا اعرف اسم السيد الذي ذكر بأنه سوف يستشهد ولكن اخاف ان اقول اسمه لا اعرف يمكن ما يحقلي اذكر اسمه؟؟؟
وهو معروف جدا وكبير ايضاً
والسلام عليكم ورحمة الله تعالى وبركاته
ابنتكم البتول الحبيبة
اللهمّ عرّفني نفسك، فإنّك إنْ لم تعرّفني نفسَك لمْ أعرف نبيّك، اللهمّ عرّفني رسولك، فإنّك إنْ لم تعرّفني رسولك لم أعرفْ حجّتك، اللهمّ عرّفني حجّتك، فإنّك إنْ لم تعرّفني حجّتك ضلَلتُ عن ديني
رؤيا لوالدي الفاطمي الطيب مع طلب علاج
المشرفون: الـسـيـد الـفـاطـمـي،تسبيحة الزهراء
-
أم حسن1
- فـاطـمـيـة
- مشاركات: 74
- اشترك في: الأربعاء مايو 20, 2009 10:27 pm
-
الـسـيـد الـفـاطـمـي
- الأب الـروحـي
- مشاركات: 126277
- اشترك في: السبت فبراير 23, 2008 7:36 pm
Re: رؤيا لوالدي الفاطمي الطيب مع طلب علاج
[align=center]عليكم السلام ورحمة الله وبركاته ابنتي الكريمة انصح الانضمام الى المدرسة الفاطمية سدد الله تعالى خطاكم المباركة[/align]
إِنَّ اللَّهَ مَعَ الصَّابِرِينَ