عــلاج ـ مشاكل مع الزوج إلى الطلاق ـ صداع واختناق

[سر عشقي لعلي]

[align=center]بسم الله الرحمن الرحيم
السلام عليكم و رحمة الله

مشكلتي هي ان تقدم لي شاب ووقت السؤال عنه الكل كان يمدح و يقول انه مؤمن و خوش صبي و اهو عمره 21 و انا 20

في بداية الامر الوالد و الوالده كانوا رافضين لانه صغير بس بعد ما قعد معاه الوالد انصدم بشخصيته لانه فاهم و يعرف وايد امور و يتكلم بطريقه عدله

و اهو يدرس علم نفس يعني في وايد امور يعرفها بطريقة طرحه للكلام و طريقة جذب الطرف المقابل

و صار النصيب بس ابوي مره وحده رفض لانه والدة زوجي وايد كانت تتدخل بامور لا تعنيها ابوي عص قال بنتي ما تتزوج

و الصبي ضاق خلقه و قعد كلم ابوي انا شاري بنتكم و ابيها و ما في مثلها من هالكلام و ابوي عور قلبه قال خلاص ميخالف ورجعت الموافقه مره اخرى

و عقدنا القران و كان وايد يضايقني ايام الملجه و ثاني يوم دخلني بيت ابوي و انا ابجي و مشيت الامور و كنت دايما اسكت لين مرت علينه شهرين ملجه

قررنا نتزوج و كنا بايام الملجه انزهب مسكنا الي ابيت ابوه و كنت انا اختار شي ثاني يوم اهله من وراي يروحون يغيرون و يختارون على ذوقهم و كنت اسكت اقول ميخالف مابي مشاكل

لين تزوجت و سكنت بعش الزوجيه و قعدت معاه فتره 3 شهور و نص تقريبا تزوجت و كنت له الزوجه و الام و الاخت و الصديق و كل شي بس اهو ما كان متقبلني كلش معني كنت قايمه فيه

يعني الحقوق مسويتها على اكمل وجه و مرت الايام و الاسابيع وانا معاه و كان يغلط علي يمد ايده السانه وصخ و كله تفكيره طفولي مو صوب الدين نهائيا لدرجة صلاة الصبح كنت اقوله اقعدك يقولي لا النومه اطير من عيني

و ظليت ساكته و ساكته لييه سافرنا بعيد الاضحى زرنا غريب الغرباء رحنا مشهد انا معاه و اختي و زوجها ركبنا الطياره فشلني جدام الناس و ووصلنه مشهد هم احرجني و فشلني و غلط علي جدام اختي و الكل كنت ابتسم بويه

اتحمل لييين ثاني يوم من سفرتنا تناجر معاي و جدام الكل وصرخ علي وانا جان ابجي اهني و تعبت حيييل

كنت دايما اقول افوض امري الي الله انه اله بصير بالعباد و كنت دايم اقول يا زهراء و سلام على صبر زينب ابي ربع منه كان يتطنز علي و يعيب علي انتي اتعرفين اهل البيت انتي ما عندج غيره ما عندج ولاء كنت اضحك و ما اقوله شي

و مرت الايام و رجعنا من مشهد جان ابوي ياخذني من المطار الى بيت الوالد و قعدت انا عندهم و كان يدزلي مسجات و يدق كنت اقول استحاله ارجع له مابي لانه ايده طويله و السانه وصخ و كان انسان بخيل بشكل مو طبيعي


وكانت تصير محاولات واايد للاصلاح بس ما كنت ابي ابي اعيش مرتاحه تعبت من الذل و الاهانات

و حاليا بينه المحاكم

و انا قبل لا اتزوجه بفتره كانت تحوشني حالات اختناق بالتنفس و كنت اقعد من النوم و من تزوجت زاد علي هالشي و كان يحوشني صداع و كنت وايد ابجي يعني صرت حساسه بشكل ما اتحمل شي من احد
والدورة الشهرية أوقات تكون منتظمة وأوقات ماتنتظم

و في نقطه اخيره و حتى بالعلاقه الخاصه كان يطقني

وفي موعد بالمحكمة بعد خمس أيام للطلاق

السموحه اذا اطلت عليكم

ابي اعرف و اوصل لحل بس اخاف ارجعله[/align]

[الـسـيـد الـفـاطـمـي]

[align=center]اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
زوجك هذه احواله وهذه اموره واخلاقه واضحة جدا .. فيجب ان تجلسي وتقرري هل تستطيعين الرجوع اليه او الانفصال عنه يجب ان يكون قرارك نابع عن حكمة
عليكم بالاستغاثة الصغرى او الوسطى حسب مقدرتكم وحاجتكم لقضاء الحاجة يتم اختيار العدد المناسب
انصح العمل بموضوع دعوة الاستغاثة الفاطمية. لمدة عشرة ايام .ثبت في روضة الفاطمي والعرفان
عليكم بطلب حوائجكم بعد الانتهاء من كل ورد بخضوع وخشوع
بعد الانتهاء من الاعمال اخبرونا عن احوالكم اثناء العلاج للتواصل معكم بمشيئة الله تعالى رب العالمين وبخدمتكم
انصح بدفع صدقة قبل القيام بالاعمال بنية الشفاء ودفع البلاء قربة لله تعالى
حفظكم الله تعالى من كيد وسطوات الجن والانس مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي[/align]

[سر عشقي لعلي]

السلام عليكم مولانه

انا اعتذر اني ما قدرت اسوي العلاج بالفتره الي طافت لظروف منعتني اني اقوم فيها من باجر انشالله اقدر اسويها
و انشالله اي شي يصير معاي بخبركم سيدنا

شاكره لكم ,,,


تم الاطلاع وان كان تاخير في المباشرة بالعلاج