بسم الله الرحمن الرحيم
اللهم صل على محمد وال محمد الابرار الاخيار
السلام عليكم ورحمة الله وبركاته
سيدي الفاضل عدنه مشكلة من ناحية الرزق علينه ديون وكل منحاول ان نتخلص منها تطلع ديون اكثر واعتقد السبب الرئيسي
بيد الوالد لانه هو من النوع الي يعيش يومه وميفكر بالمستقبل شيصير ودائما انحاول نوجد طريقة ان نطلع من هذي الوضعيه بس نرجع لنفس نقطة البداية هو يشتغل حاليا واني ايضا اشتغل والحمدلله الراتب الي نحصل عليه المفروض يكفي لنا بس بسبب الديون يصفى النه على قدر المعيشة العادية. غير ان والدي عصبي اكثر المرات وخاصتا مع امي واكثر المرات يكونون على غير وئام ومرات يصير عراك مابينهم بسبب عدم اهتمام ابي بمواضيع كثيرة منها الرزق وعدم الصلاة وعدم اهتمامه بها مثل الجلوس على النت لساعات طويلة يعني سيدي الفاضل امي تعاني كثيرا بسبب والدي وتتمنى ان يهتدي للصلاة ويساعدها على صعوبات الحياة اما من ناحية الرزق اخذت كشف قبل فترة معينه عند الاخ علي البحراني وكلي ان علينه حسد قوي فحضرتك شتشوف الي لازم نعمله حتى نكدر نتخطى هاي الصعوبات ؟؟؟
سيدي الفاضل نسيت ان اكتب حالة ابوية وامي من ناحية الاحلام والامراض
والدي يحلم بالحيايه ويحلم كانه رايح بجيش ويحارب وهجوم وقنابل وهو خدم لفترة طويلة بالجيش فدائما يحلم ان يخدم بالجيش ويعاني من داء الصدفية وهذا وراثه عدنه بس يشرب حبوب وجع الراس على طول ...
امي احلامها عادية ومتشكو من كوابيس لكن عدها وجع بالكتف بسبب التهاب بالعظام وحصلت على علاج من بعد معاينتها على عدة اطباء وصار سنة ونص تقريبا وهسة شوية احسن صارت من بدت تاخذ الادوية ..وهذا كل شي .
والسلام عليكم ورحمة الله وبركاته.
وربي يحفظك ويخليك لجميع محبيك ولجميع الناس بجاه الحسين ابا عبد الله..
في وطني يموت ,من لا يستحق الموت ,,على يد من لا يستحق الحيــــــــــاة..
عليكم السلام ورحمة الله وبركاته ابنتي الكريمة والدك يعاني من ضرر الجن فهو مزاجي متقلب سريع الغضب عنيد يفعل مايريد والله اعلم .. ارجو ذكر كل من يطلب العلاج في موضوع منفصل وبخدمتم دمتم برعاية الله تعالى
بسم الله الرحمن الرحيم
السلام عليكم ورحمة الله وبركاته
سيدي وابتي الفاضل كل ماذكرته عن ابي صحيح مئة بالمئة فهو صعب جدا والدتي دا تعاني كلش هواي حتى احياانا يفضل الغريب علينه يعني يساعد الناس الغربة اكثر مما ييساعد عائلته الشغلة الوحيده مكنه نعرف بيها ان يعاني ضرر من الجن اتمنى سيدي الفاضل ان احصل على علاج لابي بس ممكن والدتي تقوم بهذا العلاج بدلا عنه لان هو مراح يقبل يتعالج .. واريد علاج للرزق لانه متعسر عدنه بسببب الديون والحسد الي علينه يعني سيدي شتشوف نبدي بعلاج ابي والرزق سويه ممكن هذا الشي او يتعالج ابي يلا نكدر نخطي بعلاجات اخرى انت اعرف سيدي بهذي الامور ارجو النصيحه منك..
والسلام عليكم ورحمة الله وبركاته..
في وطني يموت ,من لا يستحق الموت ,,على يد من لا يستحق الحيــــــــــاة..
عليكم السلام ورحمة الله وبركاته
ابنتي الكريمة
طالما والدك يرفض العلاج لانستطيع أن نعطي الكثير من الاعمال هذا العلاج يكرر من حين لحين والله أعلم
انصح بقراءة الرقية الشرعية على كمية من الماء العذب وان تسقي جميع من تحبين سواء عن طريق الشراب كـ شرب الماء او القهوة او الشاي او الطعام .. وانصح برش غرفة النوم ببخاخ يوضع فيه من هذا الماء المبارك بالخصوص اركان الغرفة والرش يكون بصورة قليلة .كما يفضل رش السرير بقليل من الماء.. وممكن رش الدار من الداخل والخارج ..وانصح العمل بموضوع الفاطمي والبخور يوميا ثبت الموضوع في روضة الكشكول الفاطمي .. وانصح بتشغيل الرقية الشرعية الصوتية المثبتة في روضة الصوتيات في الدار كل يوم ..دمتم برعاية الله تعالى مسددين
السلام عليكم سيدي وأبتي الفاضل ومسية العافية عليك وعلى جميع الطيبين ..
بدينه قبل فترة بعمل العلاج الي حصلنه عليه من حضرتك الكريمة ووصارت تطورات ايجابية ويانه ومنها شغلات غريبة ابدي بالايجابية ان الوالد بدا يعامل امي بصورة افصل من السابق من ناحية الاهتمام وكعدته وياها اكثر ويسولف ويضحك كعدة الكمبيوتر مو مثل قبل يطول عليه واحسه مرتاح نفسيا اكثر من قبل ومتغير الى الاحسن ...
اما الشغلات الغريبة صارت ويانه هو اول شغلة صارت وياي كنت نايمة وحسيت ان لحافي الي كنت متغطية بي انشال الى حد الرأس وايدي اليسار انلزمت يعني بالظبط من واحد يشابك ويه الايد ..وعلى اكتافي مثل الواحد يداور ايده عليه منطقة الاكتاف والضلعين فاجاني صوت بداخلي مثل صوت امي يكولي كومي كومي لتخليها فاني كمت اصلي على النبي وبديت اقره سورة الفاتحه وبنفس الوقت اريد اجر ايدي بس انظغط عليها والايد الثانية الي كانت تمشي على اكتافي من فوق ظغطت عليه ما بين الضلعين فاني من كمت اصلي على النبي وقريت سورة الفاتحه عسريع انهد جسمي واختفى هذا الشي اتغلبت عليه واحس رجلي كلش ثقلت وكعدت بس ماكنت نايمة نومة عميقه بين النايمة والكاعدة .
واخوية صارت وياه شغلة كان نايم وحده بالغرفة ويكول حسيت واحد يشوخر شخير يمي يكول كعدت شفت ماكو احد رجعت نمت وهم سمعت نفس الشي شخير دا يجي مثل اكو احد بالغرفة ويشوخر بس ماشاف احد..وامي صارت شغلة وياها هم كانت نايمة وانجرت البطانيه من يم اقدامها وتعيط على ابوية بس يريد يكعدها من النوم لان مدا تكدر تكعد بحيث ابوية كال عيطتي كلش هواي وبصوت عالي وبعدين حس ابوية عليها وقلبها على الصفحة الثانية يلا كعدت فهيه حسب تفسيرها بداية حدوث هذي الشغلة ان كان موعد صلاة الفجر فاجا احد يريد يكعدها فاني كتلها ماما الي يجي يكعدج على الصلاة ميجي بهاي الطريقة المرعبه ويخوفج حى تكعدين فنتبهت ان ممكن يكون من مس الجن الي متعرضله الوالد لان هيه دا تقوم بالعلاج ..واحنه بعدنه مستمرين على العلاج مثل ماذكرت النه ان نسوي بين فترة واخرى والي دا يقوم بالعلاج هو امي بمساعدة اختي الصغيرة واني الي طلبته من حضرتك الكريمة ...شتنصحنه نسوي بعد اكثر وهذي الامور الي صارت ويانه هل هيه من مس الجن الي متعرضله والدي .... و صارت النه مو اله ..لان احنه دا نقوم بالعلاج بدلا عنه ...
وربي يحفظك ويخليك ويبعد عنك كل شر..
في وطني يموت ,من لا يستحق الموت ,,على يد من لا يستحق الحيــــــــــاة..
اللهم صل على محمد وآل محمد الأبرار الأخيار
السلام عليكم ورحمة الله وبركاته
إبنتي الكريمة
هذا العلاج لك ولاخوك وامك ولجميع اصحاب الدار يجب الاغتسال وغسل الدار
هذا العلاج نافع جدا بمشيئة الله تعالى لدفع ضرر الجن والانس وأبطال سحر الرش وقطع التابعة ودفع ضرر الحسد والله اعلم
أنصح الآن العمل بموضوع الفاطمي وملح البحر.ثبت الموضوع في كشكول الفاطمي
بعد الإنتهاء من الأعمال اخبرونا ماجرى عليكم اثناء العلاج للتواصل معكم بمشيئة الله تعالى رب العالمين
أنصح بدفع صدقة قبل القيام بالأعمال بنية الشفاء ودفع البلاء قربة لله تعالى
حفظكم الله تعالى من شر الجن والانس مع شيعة محمد وآل محمد
وصل اللهم على محمد وآل محمد الطيبين الطاهرين
السلام عليكم ورحمة الله وبركاته
خادم الإمام المنتظر المهدي عليه السلام عج
السيد الفاطمي الموسوي
بسم الله الرحمن الرحيم
السلام عليكم ورحمة الله وبركاته ..ومسية العافية والخير على الطيبين..
اني كلش اسفة على تأخري بالعلاج صارت ويانه ظروف صعبة منعتنه ان انواصل العلاج بوقته اختي الكبيرة مرت بوعكه صحية وصلت للموت ولولا لطف الله واهل البيت عليهم السلام كان راحت من ايدينا .. وحاليا هيه احسن من قبل ورجعتلها عافيتها والحمدلله رب العالمين وبنفس الوقت اختي الثانية ولدت وشالت والتهينه وياها واني اشتغل فكان صعب كلش عمل العلاج بوقته اني كلش اسفة اعتذر ومنك السموحه ابتي العزيز..
والعلاج قمنه بي واكملناه وهذي التفاصيل والامور الي مرينه بيها...الاغتسال شمل والدتي واختي واني واخواني..
اليوم الاول حلمت امي ان الوالد كان جالس بقاعه وفيها مختلف الناس ناس اجانب شكلهم ياباني وكان والدي وهؤلاء الناس يقودون محاضرة واجتي والدتي ودخلت للقاعه وشافت والدي دا يلقي محاضرة فجلست دا تستمع بعدين تغيرت الاحداث وصار والدي بغير قاعه او غير مكان وكان متواجد مع نفس الناس بس الفرق بهاي القاعه كان والدي مشتري تخم قنفات وجالسين عليها والدي والاجانب الي وياه ...هدا حلم الوالدة باليوم الاول
اما من ناحية الغسل باليوم الاول والثاني حست براحة نفسية واليوم الثالث من الاغتسال حسته يوم خفيف وسهل
بالنسبة لاختي الصغيرة,,,
هيه والدتي قرن على الملح الخشن فثاني يوم الصبح حست اختي بثقل والم شديد في الرأس وبدت العصبية ومزاج متعكر من الظهر الى حد الليل وجع الراس استمر ليحد الساعه ال 8 مساءَ وزال من بعد النوم اما من ناحية الاغتسال حست براحة نفسية وكذلك بالنسبة لليوم الثاني راحة نفسية عالية جدا وانشراح بالصدر وبعد مانتهينا من الغسل صار دور امي حتى تغسل شافت اختي نقطة بيضة ب حائط غرفة الخطار واختفت من بعدها اما اليوم الثالث بالنسبة للاغتسال حسته طبيعي ...
اما الاحلام ....حلمت اختي كانو 2 من الرجال اعمار متوسطة واختي كانت وياهم بالحلم واجا شخص يأما رجل او امرأة متذكر بالظبط قال لهم واحد راح يصير صيدلاني والاخر ممرضة والاخر لاتذكر بس شي كان اقل من الممرضة فأبتسمت اختي وقالت الممرضة هيه انا لان اني البنت الوحيده بينهم والصيدلاني الرجل الاكبر بيهم والرجل الاخر مهنه لا تتذكرها انتسبت له.
بالنسبة لي انا حسيت براحة نفسية عند غسل الدار وعند اغتسالي واليوم الثالث كان سهل وخفيف جدا ...
واحلامي كلها مخربطة باليوم الاول والثاني بس اتذكر زين اني كنت شايله طفل (مكمط
وكنت اناغيله ...بس اليوم الثالث الساعه ال 7 صباحا حلمت ان احنه العائلة كنا في بيت جدي وكنا بأنتظار اختي الكبيرة حتى ترجع من الطبيب على اساس كان ابنها مريض واجتي بعدها والطفل كان مصاب بمرض السكري وكانت اختي مقهورة وتبجي عليه (منها نظرت للطفل كان ولد بس شكله مو مثل اطفالها ابدا اسم الله اسم الله كان شكله غريب اذاناته غريبة كبيرة الحجم ومثل منكول بالعراقي (مشنترة
وشعر راسه كان واقف واكرع من الامام وفروة راسه مثل الواحد مجوي بمي حار على لون احمر بس كان تعبان هذا الطفل كلش وبعدها
الطفل على اساس صار ابن عمي الاوسط ومن عرف ان ابنه مريض اتهستر علينه وصار يركض ورانه بسجين كبيرة الحجم وكانت على اساس بيبيتي ام والدي ويانه وعايشة... وبالحقيقة هيه متوفية فلزمه والدي وكله ديربالك تضرب احد فتندم عمي فاني بيني وبين نفسي كلت هذا عمي لان ميصلي اجاله هيجي ولد بس اختي لان يصلون شلون اجوها ولد حلوين وبالحقيقة اعرفه عمي يصلي فبعدها رحنه لورا البيت على اساس دا ناكل واجتي ويانه مرية لابسة كله اسود سمرة اللون كلش وجوا عيونها سواد ويأما امي او هيه كانت شايله بخور وحدة منهن وتبخر النه فاني اتبخرت وطرت صعدت ليفوك عن الارض وكل ماصعد اعيط واصيح بعلو صوتي يا امامي يا مهدي خلصنه منها وارجع انزل للارض واصعد واعيط ياأمامي يا مهدي بكل حيلي اعيط واكول خلصنه منها لهاي المرية وكم مرة كررت هذا الشي وهيه تباوعلي من اطير ليفوك وتبتسم ابتسامه مسمومه الا ان نزلت اريد ناكل وتريد هيه تجي ويانه تكعد على نفس السفرة بس ماسمحتلها وصرت اضرب وابعدها عنا
واكولها روحي منا بعدي عنا وااعيط على والدي اكوله وخر عنها ابعد عنها لهاي وكعدنه وحدنه واختي الكبيرة كالت شوفو شلون مكان اختار ابوية وهيه وين كعدت مكان الي كعدنه بي على اساس ناكل كانت السفرة على شكل غريب الاطار مالتها خرز سبحة جوزي اللون وبالنص تراب ويمكن كان اسامي الائمة عليهم السلام اذا اتذكر زين وفزيت من الحلم بس كعدت تعبانه كثر ماعيطت وصحت حتى الامام المهدي عج يخلصنه منها وبعدها نمت من جديد وحلمت مادين سفرة طويلة وبيها اكل تمن ومركة فاصوليا وخضار وخبز عراقي وكلنه كاعدين على ميوزة وحتى واحد من خوالي كان ويانه بس والدي كان يشوي كباب وينطينه النه ..وفزيت ...انتهى.
هذا كل الي صار ويانه بالتفصيل شتنصحنه انسوي بالخطوة الجايه سيدي الفاضل ؟؟
عليكم السلام ورحمة الله وبركاته ابنتي الكريمة يوجد عمل اسود على اصحاب الدار وهو قديم والله اعلم لذا انصح كل من يريد العلاج منكم ان يفتح له موضوع خاص به لغرض علاجه بمشيئة الله تعالى وبخدمتكم
