بسم الله الرحمن الرحيم
السلام عليكم ورحمة الله وبركاته ,,~
أول مره بتكلم عن مشاكلي ,, بس ما قمت بهالشيء الا لأني احس بضيقه من نفسي
عندي عدة مشاكل ... أنا اقول انها بسبت ضعف شخصيتي و الامبالاة اللي عندي :$
... هل استطيع ان اكتب عدة مشاكل ؟ او فقط مشكله وحده ...!
<~ بكتب اللي عندي والقرار لك عزيزتي ان يسمح القسم بالرد على جميع المشاكل او لا :$
عمري 21 سنة ... ادرس بالجامعة تخصص علوم رياضيات سنة رابعه
من فترة دخولي للجامعة وحتى هذه اللحظه وانا حياتي متغيره جداً عن الماضي
بالبداية .. كانت فتره صعبه علي لأني كنت تو منفصله عن خطيبي واحس بالنقص واني انسانه منبوذه من المجتمع ( عقدة مطلقات )
كل صديقاتي بثانوي واللي كانوا معي من اول ابتدائي ما صاروا معي بالتخصص هالتخصص منبوذ جداً فصرت وحيده وخايفه في نفس الوقت من الناس اللي حولي وخصوصاً ان اول سنه كنت اطلع من البيت 6 الفجر وارجع 6 المغرب يعني طول يومي بالجامعه .. حاولت اتقرب لبعض البنات وخصوصاً اذا عرفت انهم موالين لأن بمنطقتنا الوهابيه كثيرين ولا يحبذون التعامل مع الموالين ويعتبرونه شيء سيء ... تعرفت ع كم بنت ومن بنت لبنت لمن كونت مجموعة لا بأس بها من الصديقات .. لكن المشكله مو هنا المشكله ان كل اللي تعرفت عليهم تزوجوا وبغيت انا .. انا ما احسدهم ولا اقول ليه تزوجوا.. وانا لا ... المشكله انهم لبغوا يسولفون والا بيتكلمون عن شغله .. يقولون فلانه موجوده غيروا السالفه ..( يعني سوالف متزوجين او حتى سوالف عاديه ) وفي الآونه الاخيره صاروا ينادوني بألقاب .. هي مو مسبه بس ليه انا من بد البنات كلهم احصل القاب كذا ... يعني مثلاً تناديني وحده منهم ( فلانه) <~ اسم , هذا مو أسمي بس لأن احد الدكتورات غلطت في الاسم ونادتني كذا .. هم اتخذوها سخريه وكل ما شافوني ينادوني كذا ويضحكون .. والادهى من كذا قبل كم شهر وحده آخرى منهم صارت تناديني بلقب ثاني من شان يستمتعون ويضحكون هذا الشيء يأثر في نفسي كثير لأن انا حساسه وبسرعه ابكي ع اقل موقف سواء محزن مفرح يبكي او ما يبكي ...وزياده على كذا طيبه حيــــــل وما اقدر ارد عليهم بـ ولا كلمه , ولا اقدر اقول لهم لا تنادوني كذا.
انتهينا من هالمشكله .. المشكله الثانيه
نفس الشيء بالجامعه .. مع احد الصديقات .. قالت بالحرف الواحد انا بس اصادق من شان المصلحه اخذ دفتر, تشرحين لي مسأله .. وعقب انساك ..
انا مو هذي اخلاقي .. عشرة عمر وطول يومي بالجامعه وجهي بوجها درسنا اربع سنين وفصلين صيفي .. واصادقها من شان مصلحه ..
المشكله مو انها مصلحه المشكله اكبر من كذا .... اسولف معها مرات افضفض لها عن مشاكل دراستي .. وانصدم بالاخير انها من وراي تتكلم عني بشيء مو زين عند صديقاتي الباقين .. اني احسدها ليه اهي احسن مني ... بالعلم اني اشطر وحده في مجموعتي بس الحظ مقصر وبالسنوات الاخيره تنتابني ضيقه من الجامعه والاختبارات والرياضيات ونزل مستواي حبتين بس نفس الشيء اضل افضل منهم ... مو تفاخر بس لأني ابغى اوضح اني ولا عمري قلت انها افضل مني والا احسدها .. تزوجت بالاجازه ورجعنا ندرس انقلبت 180 درجه .. اول كانت حتى عن اشيائها الخاصه بينها وبين رجلها تقولها لي الحين حتى سوالف عاديه ما تتكلم ابداً .. بكيفها بس انا احس بالنقيصه كذا لأنها تتكلم مع الباقين وانا تطنشني وهذي نفسها الفتاة التي اظهرت علي اول لقب وسوتها موضه كل من هب ودب طلع علي لقب .
المشكله الثالثه : انا نفسي احس اني تافهه ولا عندي هدف وبسرعه اشعر بالملل.. ودايم وقتي من اجلس من النوم حتى انام كله توافه والاشياء المهمه أأجلها ... *مشكلة التسويف *... مثلاً اذا جلست من النوم اصلي واكل لي شيء ثم اشتغل كورشية او اجلس على النت .. عقب ينتهي اليوم وانا ما ذاكرت ..! ما رتبت اغراضي ...! ما قرأة وردي من القرآن ...! ما سويت .. ما سويت ..
كل الاشياء المهمه عرض الحائط .. قبل لا ادخل الجامعه ما كنت كذا كان ع الاقل حياتي مرتبه بس لأن دوام الجامعه يختلف عن المدرسه .. يعني اول نروح الفجر ورجع الظهر .. بس الحين يوم اروح الفجر يوم اروح الظهر يوم اروح العصر .. وارجع البيت بأوقات مختلفه يعني كل يوم يختلف عن اللي قبله وبكذا ما اعرف انظم وقتي واهتم بالاشياء المفيده بدل التوافه ..
احاول مرات اسوي لي جدول .. بس بسرعه يخترب وارجع لوضعي من قبل .. مرات ابكي ع نفسي اني وصلت لهالحاله , حالي حال الطاوله والا الكرسي مالي أي اهميه ..
وزياده على كذا .. مهمله لنفسي جداً .. يعني البنت تهتم بنفسها , بشعرها , بمظهرها .. انا ولا شيء .. احس ما عندي وقت .. والوقت كله للاشياء السخيفه .. مثلاً .. الشعر الزائد اللي بيديني ورجولي اتمنى اكون نظيفه مثل باقي البنات بس كل شهر أأجل للي بعده واجلس اتحسر على روحي وليه انا كذا من بد البنات
المشكله الرابعه : مشكله بالأكل .. من عمري 5 سنوات وانا ما اكلت أي نوع من انواع اللحوم لا سمك ولا لحم ولا دجاج ولا أي طعام مفيد .. المشكله موصحيه المشكله نفسيه ..
هالمشكله تسبب لي احراج مع اللي حولي وخصوصاً لصارت عزيمه او شيء زي كذا مره من المرات كنا قاعدين على سفرة .. حاطين بركه .. انا اكلت بس رز .. واللي قاعده قبالي حرمه كبيره في السن .. قالت اكلي لحم .. قالت امي ما تحبه .. قالت اهي استغفر الله مخفوسه ><..
انحرجت مررره وقررت اني ارجع اكل .. انا ما اكرهه او ما احبه بس ما عندي الشجاعه اني ارجع واكل ...
آسفه على الاطاله .. بس اعذريني مشاكلي مسبب لي ازمه وارق في النوم .. بالنسبه للغير بسيطه وماله داعي .. بس بالنسبه لي مشاكل كبيره ومالها حل
أستميحك عذراً ... وربي يجزيك ع قد نيتك
كل الود
السلام عليكم ورحمة الله وبركاته ,,~
أول مره بتكلم عن مشاكلي ,, بس ما قمت بهالشيء الا لأني احس بضيقه من نفسي
عندي عدة مشاكل ... أنا اقول انها بسبت ضعف شخصيتي و الامبالاة اللي عندي :$
... هل استطيع ان اكتب عدة مشاكل ؟ او فقط مشكله وحده ...!
<~ بكتب اللي عندي والقرار لك عزيزتي ان يسمح القسم بالرد على جميع المشاكل او لا :$
عمري 21 سنة ... ادرس بالجامعة تخصص علوم رياضيات سنة رابعه
من فترة دخولي للجامعة وحتى هذه اللحظه وانا حياتي متغيره جداً عن الماضي
بالبداية .. كانت فتره صعبه علي لأني كنت تو منفصله عن خطيبي واحس بالنقص واني انسانه منبوذه من المجتمع ( عقدة مطلقات )
كل صديقاتي بثانوي واللي كانوا معي من اول ابتدائي ما صاروا معي بالتخصص هالتخصص منبوذ جداً فصرت وحيده وخايفه في نفس الوقت من الناس اللي حولي وخصوصاً ان اول سنه كنت اطلع من البيت 6 الفجر وارجع 6 المغرب يعني طول يومي بالجامعه .. حاولت اتقرب لبعض البنات وخصوصاً اذا عرفت انهم موالين لأن بمنطقتنا الوهابيه كثيرين ولا يحبذون التعامل مع الموالين ويعتبرونه شيء سيء ... تعرفت ع كم بنت ومن بنت لبنت لمن كونت مجموعة لا بأس بها من الصديقات .. لكن المشكله مو هنا المشكله ان كل اللي تعرفت عليهم تزوجوا وبغيت انا .. انا ما احسدهم ولا اقول ليه تزوجوا.. وانا لا ... المشكله انهم لبغوا يسولفون والا بيتكلمون عن شغله .. يقولون فلانه موجوده غيروا السالفه ..( يعني سوالف متزوجين او حتى سوالف عاديه ) وفي الآونه الاخيره صاروا ينادوني بألقاب .. هي مو مسبه بس ليه انا من بد البنات كلهم احصل القاب كذا ... يعني مثلاً تناديني وحده منهم ( فلانه) <~ اسم , هذا مو أسمي بس لأن احد الدكتورات غلطت في الاسم ونادتني كذا .. هم اتخذوها سخريه وكل ما شافوني ينادوني كذا ويضحكون .. والادهى من كذا قبل كم شهر وحده آخرى منهم صارت تناديني بلقب ثاني من شان يستمتعون ويضحكون هذا الشيء يأثر في نفسي كثير لأن انا حساسه وبسرعه ابكي ع اقل موقف سواء محزن مفرح يبكي او ما يبكي ...وزياده على كذا طيبه حيــــــل وما اقدر ارد عليهم بـ ولا كلمه , ولا اقدر اقول لهم لا تنادوني كذا.
انتهينا من هالمشكله .. المشكله الثانيه
نفس الشيء بالجامعه .. مع احد الصديقات .. قالت بالحرف الواحد انا بس اصادق من شان المصلحه اخذ دفتر, تشرحين لي مسأله .. وعقب انساك ..
انا مو هذي اخلاقي .. عشرة عمر وطول يومي بالجامعه وجهي بوجها درسنا اربع سنين وفصلين صيفي .. واصادقها من شان مصلحه ..
المشكله مو انها مصلحه المشكله اكبر من كذا .... اسولف معها مرات افضفض لها عن مشاكل دراستي .. وانصدم بالاخير انها من وراي تتكلم عني بشيء مو زين عند صديقاتي الباقين .. اني احسدها ليه اهي احسن مني ... بالعلم اني اشطر وحده في مجموعتي بس الحظ مقصر وبالسنوات الاخيره تنتابني ضيقه من الجامعه والاختبارات والرياضيات ونزل مستواي حبتين بس نفس الشيء اضل افضل منهم ... مو تفاخر بس لأني ابغى اوضح اني ولا عمري قلت انها افضل مني والا احسدها .. تزوجت بالاجازه ورجعنا ندرس انقلبت 180 درجه .. اول كانت حتى عن اشيائها الخاصه بينها وبين رجلها تقولها لي الحين حتى سوالف عاديه ما تتكلم ابداً .. بكيفها بس انا احس بالنقيصه كذا لأنها تتكلم مع الباقين وانا تطنشني وهذي نفسها الفتاة التي اظهرت علي اول لقب وسوتها موضه كل من هب ودب طلع علي لقب .
المشكله الثالثه : انا نفسي احس اني تافهه ولا عندي هدف وبسرعه اشعر بالملل.. ودايم وقتي من اجلس من النوم حتى انام كله توافه والاشياء المهمه أأجلها ... *مشكلة التسويف *... مثلاً اذا جلست من النوم اصلي واكل لي شيء ثم اشتغل كورشية او اجلس على النت .. عقب ينتهي اليوم وانا ما ذاكرت ..! ما رتبت اغراضي ...! ما قرأة وردي من القرآن ...! ما سويت .. ما سويت ..
كل الاشياء المهمه عرض الحائط .. قبل لا ادخل الجامعه ما كنت كذا كان ع الاقل حياتي مرتبه بس لأن دوام الجامعه يختلف عن المدرسه .. يعني اول نروح الفجر ورجع الظهر .. بس الحين يوم اروح الفجر يوم اروح الظهر يوم اروح العصر .. وارجع البيت بأوقات مختلفه يعني كل يوم يختلف عن اللي قبله وبكذا ما اعرف انظم وقتي واهتم بالاشياء المفيده بدل التوافه ..
احاول مرات اسوي لي جدول .. بس بسرعه يخترب وارجع لوضعي من قبل .. مرات ابكي ع نفسي اني وصلت لهالحاله , حالي حال الطاوله والا الكرسي مالي أي اهميه ..
وزياده على كذا .. مهمله لنفسي جداً .. يعني البنت تهتم بنفسها , بشعرها , بمظهرها .. انا ولا شيء .. احس ما عندي وقت .. والوقت كله للاشياء السخيفه .. مثلاً .. الشعر الزائد اللي بيديني ورجولي اتمنى اكون نظيفه مثل باقي البنات بس كل شهر أأجل للي بعده واجلس اتحسر على روحي وليه انا كذا من بد البنات
المشكله الرابعه : مشكله بالأكل .. من عمري 5 سنوات وانا ما اكلت أي نوع من انواع اللحوم لا سمك ولا لحم ولا دجاج ولا أي طعام مفيد .. المشكله موصحيه المشكله نفسيه ..
هالمشكله تسبب لي احراج مع اللي حولي وخصوصاً لصارت عزيمه او شيء زي كذا مره من المرات كنا قاعدين على سفرة .. حاطين بركه .. انا اكلت بس رز .. واللي قاعده قبالي حرمه كبيره في السن .. قالت اكلي لحم .. قالت امي ما تحبه .. قالت اهي استغفر الله مخفوسه ><..
انحرجت مررره وقررت اني ارجع اكل .. انا ما اكرهه او ما احبه بس ما عندي الشجاعه اني ارجع واكل ...
آسفه على الاطاله .. بس اعذريني مشاكلي مسبب لي ازمه وارق في النوم .. بالنسبه للغير بسيطه وماله داعي .. بس بالنسبه لي مشاكل كبيره ومالها حل
أستميحك عذراً ... وربي يجزيك ع قد نيتك
كل الود
) أنه لا يعجبك تلقيبهن لك بتلك الألقاب وانك تتضايقين ..فلعلهن يظنن أنه لا بأس لديكِ ..
