اللهم صل على محمد وال محمد وعجل فرجهم يارب
صارلي 4 شهور مخطوبه خطيبي زعلني من يوم الملكه ومن اول يوم ما كنت مرتاحه معاه ثالث يوم سوا لي مشكله لما عراف اني ما اغطي وجهي عن ازواج خواتي وطلب من اغطيه بس انا رفضت وقلت له انهم شافوني من وانا صغيره واهم شي اني متحجبه سكت وانا فكرت اقتنع
بس يوم ثاني اتصل الى امي وطلب منها تقولي اغطي ووجهي وهدا الشي ازمني اقتنعت واصلن انا ماشوفهم الا كل شهرين مره بعدها مشت الامور من اول اسبوع سوا اللي مشاكل وهاوشني . وقال لي النفقه علي لا تاخدي من ابوك ولا ريال وحرام عليك ادا تاخدي قلت له اوكي لكن ما شفت منه ولا ريال وما يصرف علي وانا استحي اقوله وكرامتي ما تسمح لي وانا بنت عز وكل خواتي والبنات اللي اعرفهم يعطونهم ازوجهم بدون ما يقولون لهم وصرت اصرف من ابوي واروح واجي ومجمعات واشتري اغراض وهو يدري وعارف كل الي اشتريه مافكر من وين اصرف!! وهو مقتدرررررر مره كان في بيتنا قبل مايروح العمل قال لي جيبي شنطتك سألته ليش قال جيبها ولا تسألي جبتها فتحها واخد محفضتي وفتح المحفضه وشاف فيها فلوس وسكرها بعدها سألني تبغي مصروف؟ وانا كنت منحرجه جدا من الموقف قلت له لا ماابي ونصدمة جدا ويومها تضايقت كثيروعرفت انه بخيل وفكرت حتى اتركه
بس هونت على نفسي وماقلت الى اهلي لا ياخدون فكره عنه
على كل شي يسوي لي مشكله فستان الحفله. تلبيس الشبكه . التصوير. الحفله ومكان الحفله. كل شي
وما يبيني اطلع من البيت ولا اروح النادي اسوي رياضه ولا ادرس انقلشكيكة الحفله مارضي ياخد طبقات وهو مقتدر قلت له خلاص انا بشتريها قال شتريها
وهدا قبل الحفله بس بليله يوم الحفله كنت مزحومه وشفت نفسي ماقدر اروح محل االكيك وكان العصر والحفله الليل
كلمته وطلبت منه يروح يشتري الكيكه بس رفض
هو شخص مزاجي واناني وما يفكر غير بنفسه
اخر مشكله اللي صارت لي والحين وصلت الى الطلاق
من سبوع طلب مني اروح ازور اهله وانا كنت لابسه عباتي اللي فيها الوان وانا طالعه معه بالعبايه اكثر من مره وما عترض علىيها ورحت معاه السوق بالعبايه والسوق كله ارجال ما قال شي ومره قلت له مابي انزل بالعبايه لأنها ملفته انا مادري انو راح ننزل سوق ! قال لا عادي انزلي
ركبت السياره بالعبايه اول ما ركبت هاوشني وبعدها سبني
وصف العبايه بكلمه وسخها جدا وانو ما يلبسوها الا ناس ماعندهم شرف وقتها انا رديت على كلامه وها وشته ونزلت من السياره
وقلت الى اهلي السالفه وطلع له ابوي وكلمه على انه غلط علي ونزل بيتنا عشان نتفاهم وجلسنا 4 ساعات نتفاهم
وبالنهايه عمل نفسه مقتنع وتركونا اهلي نجلس مع بعض بعد ما تركونا اهلي جلس شوي وراح بيتهم
على انواتصالحنا يوم ثاني اتصلت اكلمه صارخ علي وقال لي لا تتصلي وسبوع كامل ما تصل فيني ولا سأل عني بعدها اهلي كلمو اهله نبغا نعرف شسالفه وجو البيت معاه وجلسنا نتفاهم وصالحونا بعدها وتركونا نجلس لحالنا او لما تركونا حول يستفزني ويبي يسوي لي مشكله ويبيني ازعل
لكن انا سكت بعدها جلس شوي وراح بيتهم
اليوم الثاني جدب علي عند اهله وقال لهم اني سخرت من لبسه وان خلاص ما يبيني بس اهله صارو معي وضغطو عليه وقالو له انت الغلطان
وانا على نياتي مادري اتصلت فيه قالي ماراح اجي ماعندي وقت
بعد ما قنعوه اهله اتصل فيني وقالي بمر اشوفك 5 دقايق قبل ماروح العمل وهو عمله في منطقه بعيده
وجا لي البيت وجاب معه هدية ونبسطت وقلت له حلوه وشميت العطر وقلت له حلوه ووهو ساكت وكل ما قول كلمه ساكت لين قال يلا بمشي ودعته
وكنت مبسوطه وامي نبسطت عشاني ودقيت عليه مارد علي
كان المغرب الساعه 6 قلت الى امي بنام ونمت الساعه 7 اتصلت اخته البيت ردت امي قالت لها
اخوي يقول ما يقدر يكمل مع بنتك ويقول واليوم سخرت على الهديه وقالت قددددديمه
اصلن هو كان ما يبي يجي يقول لأنها سخرت على لبسه امس بس احنا ضغطنه عليه حسبي الله ونعم الوكيل
قالت لها امي بنتي مو لعبه عندكم وصغيره تبون تطلقوها وصحتني اكلمها وكلمتها وكنت مصدومه جدا من وقلت لها اني ما قلت وانه ظالمني
حسسبي الله وونعم الوكيل بعدا اخته سكرت التلفون
واحنا منصدمين وقررنا انا وامي وابوي انه ما يستاهلني وانه يتركني زي ما قالو انه ما يبيني
وانه ما يستاهلني وراح اعيش معه عيشه سوده ومره ما بشوف السعاده معه
كنا حزيني ونبكي انا وامي طول اليوم عشان اني بصير مطلقه
اليوم الثاني اتصل بيتنا كلم امي ولا كنه سوا شي قالت له امي وش تبي بعد الي سويته امس... رد عليها انا الحين مشغول بعدين بتصل
واتصل بعد على جوالي واجد بس انا مارديت...
اسفه اني طولت
الحين هو شكله تراجع عن كلامه وندمان وعشان ما يبي يخسر نص المهر والشبكه
وانا كرهته وعفته خلاص لأن ظلمني ربي ياخد حقي منه وابي اتركه خلاص كرهته بقوه بعد ماصبرت عليه هادي جزاتي
اه ياعلي يا امير المؤمنين
بس اهلي الحين يقولو لي سامحيه لا تصيرين مطلقه وخايفين ما يجي يخطبني واتاخر بالزواج ويوقولو انا الزواج الحين بصعوبه وما راح احصل واحد مثل وظيفته
بس انا كرهته خلاص وما يهمني احس اني مابقدر اعيش وياه وادا رجعت له اخاف يطلقني بالزواج وغير كدا انه ادا تزوجنا بروح معه منطقه بعيده مكان عمله
وهو اهني واهان كرامتي ويبغا يطفشني لين انا اقول ما بيه ويرجع له المهر
انا عمري عشرين سنه وعلى قدر من الجمال خطبوني قبل بس كنت ارفض
ياربي وش اسوي هدا رزقي
ارجوكم بحق امير المؤمنين وفاطمة الزهراء عليهم السلام عطوني الحل
