بسم الله الرحمن الرحيم
اللهم صل على محمد وال محمد وعجل فرجهم وتقبل شفاعتهم واهلك عدوهم من الجن والانس
السلام عليكم ورحمة الله وبركاته
كيف حالك ياسيدنا وعساك عالقوه
أنا الله يسلمك اريد ان ارجع للعلاج من جديد وكلي عزيمه واصرار حتى لو كان الكتابه بالماي والزعفران راح أكمل
وان كان ماستفدت شئ اكون على الاقل اسوي اعمال طيبه بدال هالفراغ القاتل
وأريد علاجي من
*التابعه (والتي لااعلم مالذي تسببه لي هل هي تعسر امر اوعدة أمور أوكل الامور ) كل الذي اعرفه هو اني اريد ان اتخلص منها وهو اني حلمت بواحده امراه او على هيئي لااعلم اتتني وهي غاضبه وكانها تهددني وتقول لي ( لاتسوين حرق التابعه )
* والسحر (وللعلم السحر موجه لامي وابوي وكلنا متاثرين فلا اعلم هل يصح ام لا ؟)
&&&&&&اريد ابعاد السحر والحسد عن بيتنا (اريد اعمال للبيت لان اهلي مايرضون يتعالجون و لن يتعالجوا للأبد ) فأنا تعبت من هالحاله &&&&&&&&
أعاني من حرقان شديد والام متفرقه في الجسم وتجشأ والكوابيس أحيانا وكلي خمول وكسل وعندي أمراض ... ولاأعرف مالمطلوب بعد ... الصداع من بديت في المدرسه الفاطمي هيجيني احيانا وعلى خفيف ....
وألبس حرز أبودجانه الانصاري (_و العهود السليمانيه السبعه الاصليه غير اللي عندكم ومطبوعه) لان بنت عمي تحلم دائما بقطط ولبست هالحرز وماعادت تشوف قطط
و انا ناويه اكتب حرز العهود السليمانيه اللي عندكم // وقبل تعالجت مع السيد وحاليا لاأتعالج عند أحد وأنا دخلت في المدرسه الفاطميه
%%%%%
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
أنصح بقراءة الرقية الشرعية ( الصغرى ) الموضوع في روضة الفاطمي والعرفان
وأنتم على طهارة ووضوء لمدة خمسة أيام قبل اذان المغرب بساعتين أو في الوقت المناسب لكم.
بعد الانتهاء من الاعمال أخبرونا عن احوالكم اثناء القراءة والبخور لكل يوم
للتواصل معكم بمشيئة الله تعالى رب العالمين
أنصح العمل بموضوع الفاطمي والبخور أو الفاطمي والحرمل بعد الانتهاء من الرقية الشرعية
أنصح بدفع صدقة بنية الشفاء قبل القيام بالاعمال قربة لله تعالى رب العالمين
حفظكم الله تعالى من شر الجن والانس مع شيعة محمد وال محمد
وصل اللهم على محمد وال محمد الابرار الاخيار
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي
بسم الله الرحمن الرحيم
اللهم صل على محمد وال محمد وعجل فرجهم وتقبل شفاعتهم وأهلك عدوهم من الجن والانس
ان شاء الله تسرك اعمالي
اليوم الاول الاثنين \
الاعمال \ الم خفيف حيل باليد اليمنى – ملل- ومب قادره اركز مع قارئ الرقيه الشرعيه
البخور \دخان كثيف وتفرقع لاباس به وجات وحده على كفي الايسر والثانيه على عيني اليمنى
الاحلام \1\ لااذكر
2\ لااذكر ولكن كانها عن السيد الفاطمي وانا متحسره ابي اذكره لاني جلست من النوم واقول حلم حلو
3\اني في حسينية داخله في قسم الرجال وبدون عباه ولابسه بجامتي الحمراء وماسكه كتاب لونه احمر عن الامام علي وبوسطه منديل وكلهم يتسمعون ومندمجين مع الخطيب (وهو السيد عبدالعزيز الحكيم رحمه الله ) ومحد حولي كل الرجال مندمجين وانا لاهيه بالكتاب اللي عندي ماسكته زين وهو متحمس ويخطب وهو يمشي ووقف بالوسط وهو يخطب الاان جاء عندي وانا واقفه ومرتبكه واخذ من عندي الكتاب بدون كلام وجلس يفرفر فيه وجلست جنبه وراح على القسم الاول وقلت له انا قريت هالقسم حلو عجبني وفر على الصفحه اللي فيها المنديل وقلت له عاد هالقسم مافهمت عليه صعب علي
وبعدين طلعت من الحسينيه وبعبايه ومرتاحه وبسمتي على شفاهي ووعلى جنبي البحر وجو نهاري لطيف وشفت رجل شبه مجنون يمشي معووج ويهرول ويبتسم بغباء (يعني يمشي يمين ويسار ) ووجهه ملطخ بكريم او شئ من هذا القبيل لونه ابيض وانا (كاني اضحك عليه واقول وش هالخبل ) المهم وانا ماسكه دفتر وقلم وانا احاول اتذكر الحلم الحلو (ابي اتذكر الحلم 2) الا جاني هذا الرجل شبه المجنون ويقول ركبي معي في السياره وركبت معه وماادري شلي سوى طلع مسوي لي مقلب انا ضحكت وبنفس الوقت استانست وبعدين كاني وقفت جنب مبنى كبير وفيه (كأن السيد الفاطمي معانا ساكت يراقب لااعلم <<<< احساسي يقول السيد الفاطمي مراقبني وحاطني في باله ومركز علي .... لااعلم هل احساسي بمكانه ام لا فالله اعلم ) وجنبي 3 اولاد وكان جاء لي ذباب ثلاث او اكثر لااعلم فقلت الله يلعنهم ياحظ أيران مرتاحين ماعندهم ذباب وبعدين انا قلت سووا مقلب بعيال (لااذكر مااسم العائله ) المهم واحد من الثلاث طلع بنت وراحت تسوي بالمقلب من اللي معاها (من الثلاث الاصدقاء) تتحرش به وهو خائف وانا اضحك عليهم وبعدين قلت لهم سووا مقلب لهبة الله شرف الدين المهم وسووا له وماشفت شئ وانا اضحك عليه واقو ل يبي لي اتصل عليه واشوف وش سوى مع المقلب ووش كان.
______________
اليوم الثاني الثلاثاء
الاعمال\ مرتاحه بس بنفس الوقت مب قادره اركز زين على القارئ احس بنفسي التهي واتشتت - نعاس
البخور\دخان كثيف – وتفرقع كثير يمكن 8 او 10 لااعلم وتجشأ
الاحلام\ 1\ لااذكر
2\ ان انا في بيتنا ووبطلع مادري وين ولابسه لبس كشخه ولكن لاحظت انه مشقوق قليلا ومندق يعني من كثرة الاستخدام والغسيل بان بانه لم يعد جديدا وقلت معليه محد راح يلاحظ وزوجة اخوي تجهزت لان صديقاتها بيجوون لها البيت زياره وجاو كثيرات وانا جالسه اسلم عليهم وعرفتني على وحده وحده وبالاسماء ونحن برا في الزراعه
وشفت عندي بنت اختي كانها نايمه عندي وظاله في بيت اهلي المهم وبعدين دخلت داخل البيت وشفت وحده من صديقات زوجة اخوي سلمت عليها وقلت انتي زينب قالت أي قلت لها تغيرتي وماعرفتك
وبعدين شفت اختي وولدها نايمين عندنا وقالت لي نومي ولدي قلت لها ان شاء الله ونومته جنبها مارضى يقول يبي ينام جنب (لااعلم ولكن في فتحه ) واحنا خايفين يطيح على هذي الفتحه وخذ اغراضه العنيد ونام جنب هذه الفتحه وانا كل شوي اطلع عليه واباريه وبعدين نزلت تحت في الصاله ولابسه جلابيه حلوه بدون اكمام وجلست وشفت المذيع نيشان (مذيع لبناني ) نازل من درجنا ونايم عندنا وسلم علي بيدي وانا اسولف وياه مبسوطه وكلامي جميل ومهذب جدااااا وهو يطالعني بنظرة ولكن لااعلم هل هو معجب ام لا ولكن كانها نظرة اعجاب باللبس وطريقة كلامي وسالت بعدين من وين جيت قال من فوق نايم انا جلست افكر وين نام فيه في غرفة اخواني او غرفتي وبعدين جاو بنات عمي وامهم وهم (متحنيات بيدهم نقشة حنه ) وهم عند فتحة الباب ودخلت بنت عمي وهي شايله بنت اختي وكانه تصيح وخذتها منها ودخلت بعدها اختها الثانيه وكانها هي العروس (وللعلم هي غير متزوجه وليست مخطوبه) ومتحنيه لزواجها وانا انظر لها واتمنى ان اكون مكانها او مثلها وكانت جايعه واخوي عنده ورق عنب وبقى اخر حبه وعطاه بنت عمي العروس (لااعلم هل ادخلته في فمها ورمته ام انها كلت نصفه ورفضت الباقي ام لم ترد اكله )المهم وقلت لها انا اكليه قالت لا اخاف يوقف في حلجي .
3\ هو ان ابوي يعدل لمبات غرفتي وفيه لمبه خربانه وشاف تفاحه داخله فيها لمبه طويله وضعيف وقال من عذر اللمبه خربانه وبعدين شفت ان احنا جالسين في مكشوف انا واهلي قبال بحيره وركبنا قارب انا وابوي واختي الصغيره وكلنا مالنا خلق وابوي يطرشني يقول لي نزلي كوثر ووديها عند الرمل وانا مالي خلق ابد ضايق خلقي وقبلت على مضض وونزلت انا وماسكه كوثر جهة الماء الغير غزير ونزلت الاغرقنا انا وكوثر في الجهه الغزير هوانا اظنها غير ذلك وانا ماسكتها وامشي وابي احد يمسكنا مب قادره اتنفس الا رفعنا ابوي وقال لي الله يغربلش وهو معصب ومشيت وواصلت .(وحسيت الماي دخل لحلقي حتى يوم جلست من النوم )
( نايمه وانا ضايق خلقي وجلست من النوم تعبانه راسي يالمني وتنمل كامل و شديد في اليد اليمنى مب قادره احركها واحس بحلقي مليان ماي ومزكمه وانا نايمه في الغرفه اللي اسوي بيها الاعمال )
4\ ان اني رحت لوحده احبها حيل اسمها فاطمه رحت لبيت اهلها وكانه بيتهم قديم حيل وفيه تهويه كبيره وكانت هناك صديقتها زهره وهم يسلمون علي بحراره وتقول زهره وكانت حلوه حيل وسمنانه اشوي وفي حجرها ولد كيفك وشخبارك ضعفتي حيل قلت لها لا اللي يشوفني يقول متنت المهم وفاطمه فرحانه فيني حيل وتسولف وتقول عاد تعالي على طول لي وانا اقول بقلبي ماابي اتقرب منك ازيد وادري انك تجامليني ولاابي تحطميني المهم و انا اطالعها واقول وين بطنها يقولون حامل الا شفتها مسكت بنت ورضعتها وبعدين وانا اسولف ماابي فاطمه تشوف اذني وفيها السماعات وشافتني وتطالعني بنظرات شفقه بس ماتكلمت وانا ضايق خلقي من اول ماجيت بيتهم والحين ازيد وقلت لهم بروح الحمام واكاني ادل الحمام وتدخلت شفت الحمام مكسور او مافي قفل وشفت ام فاطمه واقول بقلبي واخيرا شفتها واقول لها وشسالفة الحمام وكانها شغلت او حركت شئ مثل محرك ماي او دلومه وقالت دخلي الحمام الثاني ورحت شفته وانصدمت فيه والحمام الثاني كان مكشوف جداااا وانا احترت حيل وفيه اطفال يروحون ويجون واقول روحوا انا حسراااانه وطلعتهم وحده طلعتهم وتوني جلست اتبول (اكرمكم الله )الا جات وحده بتاخذ غرض من الحمام وانا اطالعها ومنحرجه وضايق خلقي ابتسمت لي ولسان حالها يقول بطلع الحين ( وكان الاطفال دخلوا مره ثانيه ) وانا معصبه حيل وضايق خلقي جلست اسوي عاده قذره بس قلت ماابي استمر زياده عشان مااتضرر ....لاتفهم غلط ليست عاده سريه بل شئ ثاني انا من وانا صغيره ونقلنا شقه اسوي هذه العاده القذره لانها فيها راحتي لاافكر الا متى افعلها وافعلها دائما ومتصل ولكني تركتها قريبا من6 سنين تركتها ماابي اطيع نفسي ازيد ....
(ونفس الشئ انا بعدي في هذه الغرفه وتنمل كامل و شديد باليد اليسرى وراسي بعده يالمني وحلقي وانفي مزكمه )
وبعدين جيت بنام غير مكان النوم الى الكنبه الثانيه وقرات كيف تطرد ابليس وتصيبه بالهلع والحمدلله ماشفت هالاحلام اللي تضيق الخلق ولا في الام ابدا
_____________
اليوم الثالث الاربعاء
الاعمال \مرتاحه بس مب قادره اركز زين مع القارئ
احس نفسي مشتته ذهنيا -عطست وفيني النوم وخمول
البخور \دخان خفيف جداااا وتفرقع كثيرا ولكن على خفيف وبسرعه انطفى البخور حرقان جاني وراح بسرعه الحمدلله (واليوم قرات جزاين قران براحه وروحانيه ونفس طيبه وقت السحر .... متى أرجع للمدرسه ان دخلت تضايقت وان طلعت تضايقت شالحل ؟؟؟....)[/size]
الاحلام \1\ فيه احلام لااذكره واحلام نصفها وجلست من الحلم تنمل كامل وشديد في اليد اليمنى وزكام شديد وحلقي وبعدين حطيت جنبي قران والحمدلله بعده ماجا لي شئ
<<< هو كاني في زواج وشايله ولد بنت عمي وكانت اختها تراقب هذا اللي انا شايلته وتتحسر وانا انتبهت لها وهي من شافتني اطالعها فرت وجهها الى جهه ثانيه
وشفت وحده مصوره تقول لي تعالي شوفي أي وضعيه احسن بالنسبه لك عشان اطبعها لك وانا مسانسه على صوري واقول حلووووين
وصورت كمن صوره لي بالقميص الاخضر وسروال جنز وانا فرحانه اقول صوري حلوه حيل بس ماطلع اللبس كله
2\ مااذكر الحلم كله كل اللي اذكر اني شفت رجل نحيف جدا وكبير في السن ولابس ثوب لونه تقريبا ازرق وواسع قليلا ولابس طاقيه وجالس يدرس اولاد في مكان جو مكشوف كانه خارج حضره او شئ باين انه في مكان مقدس روحاني وكان الرجل هو السيد الفاطمي وانا اقول في قلبي غريبه شفته يقولون ماينشاف وهو مايبي يوضح نفسه ولكن باين لي وجهه من الجهه اليسرى وثلثه يمكن مابين
3\ شفت السيد الفاطمي ويقول لي انصحكم بدعاء المشلول <<< انا قايله احس بنفسي مركزين عليها (جلست من النوم ذكرت اسم الدعاء بس جننتني الذبابه ونسيت وجلست اقول وش قالي السيد هل هو دعاء يستشير او دعاء المشلول )ولكني حاسه انه دعاء المشلول وان شاء الله اقراها واداوم عليها
3\ حلمت اني رحت كربلاء وتوني واصله عند ضريح الامام الحسين وشفت ضريح قبالي وانا مرتاحه وفرحانه وشفت حريم جالسات على الكنب ومن ضمنهم امي واختي الصغير هوامي جالسه وطفشاااانه قلت يمه بروح امسح على نفسي بالضريح ورحت ومسحت بمنديل ومسحت على نفسي وبعدين اروح للحضره الثانيه ورحت وشفت بنات خالتي في الحضره من داخل وقلت لهم متى وصلتوا قالوا وصلنا من امس مع امك قلت لهم امي زارت امس عند الامام الحسين قالوا لا كل حابسه نفسها قلت لهم وهذي حالتها في كل سفر (الوصف ... حضره عند الامام الحسين في المقدمه لااعلم لمن وهذا اللي جالسين فيه الحريم وامي ... ورحت داخل فيه حضرت الامام الحسين ) وانا امشي ودمعي بعيني واقول بحب واشتياق واخيراااااا تحقق الحلم اللي حلمته وزرت الامام الحسين (انا قبل حلمانه اني رحت الحضره ...حلم قديم ) المهم وانا امشي ابي هذه الحضره اشوف بنات خالي وداخلين كافيتريا وياكلون ورق عنب وامشي وشفت بنت خالتي بتطلع مع ابوها وقلت لهم بروح وياكم وركبت معاهم ومشينا في طريق طويل ووصلنا منطقه ثانيه كانها في حضره وانا لابسه جلابيه تفشل وانا متشفله من روحي وتقدمت عليهم شفت جندي يصوب المسدس علي زي اللي مرتبك الا نزله وانا خفت بس يوم نزله سويت روحي ماادري بشئ ودخلنا داخل وطلع في حسينيه قسم للرجال وقسم للنساءوشفت ابوي قالي جيبي كوثر قلت ادخلها الحمام واجيبها لك وهي مب راضيه وتصارخ تقول مافيني وانا حسرانه جلست ادور حمام وبالموت حصلنا ودخلت كوثر وتبولت (اكرمكم الله ) وفاصخه هيلا هب والحفاظه وبعدين انا جلست البسها وبعدين شفت بنت عمي وامها وقلت لها زهراء عندك ملابس قالت أي في غرفتي قلت يلا جيبي لي عشان (مب متاكده عشان اروح الحضره ) وانا شفت بيدي ملابس لي ماادري منين جات ويبي لهم خياطه وجلست اخيط زرار وجلس جنبي واحد كانه يصير لبنت عمي وماسك بيده شئ يخط او يركب لااعلم المهم وقلت لزهراء عندك عسل قالت أي في غرفتي وتركت اللي عندي ملابس مابقى الا زرار واحد ودخلت ادور العسل (وماادري اذا لقيته ام لا) وشفت شئ عجبني عطر كبير حيل وشميته عجبني حيل مكتوب عليه معرض لزلازل الارض وشفت عطر نفسه جهه ثانيه قلت أي هي رايحه المعرض وشفت سريرها حق فله
_________________________
اليوم الرابع الخميس
الاعمال\ لابأس حليوووو مافيه لاضيق ولاملل ولاتشتت مرتاحه على الاقل
البخور\ دخان كثيف – تفرقع – تفرقع قوي 3 مرات تقريبا – وتطافر على يدي اليسرى - وتجشأ حوالي 15 مره (لااعلم هل هو من البخور او لاني اكلت ورق عنب <<< اذا كلت تصير لي هذه الحاله ) بطني يالمني شوي
وظليت يمكن عشر دقايق تنمل في الرجل اليمنى
وبعدين ظليت يمكن5 ساعات تنمل في الرجل اليسرى
الاحلام \ لااذكر الا ان احنا متجمعين مع بيت عمي وابوي في بيتنا القديم
___________
اليوم الخامس الجمعه
الاعمال \ راحه مافيها ملل ولاتضايق ولاتشتت
البخور\ دخان كثيف – فرقع لاباس به - تطافر على كفي الايمن وتجشأ تقريبا 9 او 10 وكحه مرتين قريبا وتثاوب مرتين وحكه في الركبه اليمنى والام خفيف في اليدين اليمنى واليسرى والرجل اليمنى وبطني يالمني شوي وكتوفي ونعاس
\\ قبل ماانام كتبت على جسدي باسم الله واسماء اهل البيت 14 معصوم ... جاتني فكره فقلت هي اسماء مباركه وطبقتها ......
الاحلام \1\ ان ابوي في اليمين واختي كوثر بالوسط ولابسه فستان منفوش ابيض ورجل اوملك من الملائكه لااعلم باليسار ولكن كانه اكثر الملك
وابوي والملك يقراون دعاء او حرز لااعلم ماهو ...يقراونه على كوثر اختي (كانه حرز ابودجانه الانصاري ) وكان ابوي اخذ 3 مرات والملك يمكن 5 وقراوهم وشفت جنب ابوي والملك تتجمع الكتب فوق بعض وصارت كثيره وعملاقه وماادري كان هالة نور او شئ من هذا القبيل تحيط بشكل دائري وسريع وجذاب بداية من الكتب بكوثر اختي يعني جوووو حلو وروحاني واختي مازالت في الوسط وهي مرتاحه
؟******** في هذا اليوم انا صايمه ******
2\كاني بروح المستشفى اتعالج باللي انا فيه وابوي قال لاخواني2 الكبار روحوا ودوها ورحنا وكان الطريق طووووويل حيل وبعدين اسمعهم يقولون لي نزلي هذا فلان وزوجته ..(اعرفهم )... نازلين المزرعه لايشوفونك وانا مب متغطيه وانا اطل عليهم وشفت زوجة فلان لابسه عباه ومب لابسه الغطى الوجه ولا الشعر وجالسه تصور وبعدين مدري وين بروح قال اخوي الثاني الاوسط انا ابي (شئ يشبه لازانيا او شئ من هذا القبيل على عسل ) قال اخوي الكبير 1 المشكله مافي مطعم الحين مفتوح والحين الساعه7 ماحد يفتح (وبالفعل في هذا الحلم نفس الوقت ) الحين مسكرين بس بنشوف ورحنا لمحطه في الطريق وشفنا هنود ينظفون وهم عمال المطعم وقلنا لهم (فيه ... اللي يشبه لازانيا )
قالوا لنا لحظه بنشوف الطباخ وطلعت ..فلانه اعرفها ..لابسه لبس فاضح ولاعليها عباه وكانها توها جالسه من النوم وقلنا لها على الطلب قالت أي في وانا اقول في قلبي لايكون تغري اخواني واخواني يورونها شئ ورى السياره لااعلم ماهو وهي تناظر في شنطة سيارتنا وانا اقول ليش فلانه تشتغل وراضيين اهلها تلبس هاللبس ونقلوا لهنا مكان بعيد يمكن من مات ابوهم صاروا محتاجين وبيت عمهم مالهم دخل باحد مايبونهم الا اشوف اختها اللي اصغر منها المتزوجه تقول اختي حلوها بس محد يبيها عشان لبسها الفاضح وزوجي مايرضى اجي هنا لهم واشوف ولد عمتي ذكر اسمين للمطعم...بس نسيتهم ... وانا جالسه اتذكر اسم المطعم اللي شفت فيه البنت ..
وبعدين شفت روحي في مطبخ بيتنا وانا جالسه اجهز سفره للفطور فيه اشياء لاباس فيها واذكر فيها سمبوسه بالوسط ولقيت فوق الماكرويف لقيمات القاضي على دبس وتذوقته وانا اتلذذ واقول فلانه تعرف تطبخ وطبخها حلو وانا توني بحطه الا دخلت امي وتقول شنهو ذا ومنين وعلمتها هذا اللقيمات واحنا موصين عليه من المطعم يلا جلسوا لا يبرد اللي في السفره من زمان حاطته وجا الليل وشفت كان احنا في بيتنا بس شكل غير وصارت عندان مناسبه كبيره وكل الاهل متجمعين ولااعلم أي مناسبه ولكني في الحلم كاني اعلم أي مناسبه هي
وجا اليوم الثاني ونفس الشئ تجمع الاهل وفيه مناسبه كبيره وهذه المره لااعلم ماهي المناسبه وجيت سلمت عليهم وشفت بنت عمتي وبنتها وسالتها عن بنتها وهي دائما تخاف من الحسد وقالت قصيت رجولها وشفت بنتها صايره صغيره ومقصوص رجلوها قلت لها ليش قالت قلعتها تستاهل جننتني وانا اطالعها مستغربه واضحك واقول على كيفك وبعدين جلست على الكنب وطلعت ورقة صغيره بوجهين في الوجه الاول صور العلماء الاوحد وطلاب الشيخ الاوحد ميرزا موسى الحائري وابنيه ميرزا علي وميرزا حسن وميرزا عبدالرسول بن حسن الحائري وميرزا عبدالله عبدالرسول الحائري الاحقاقي والسيد الرشتي وواحد لااعرفه(رحمهم الله) والوجه الثاني مكتوب دعاء كانه اسم الدعاء لم اره ولكن كاني اعرفه بالحلم اسمه حصن الحصين ومشوشه الكتابه من تحت وانا اريد ان اعرف الدعاء كامل وابحث عنه وهواللي ومكتوب فيه اللي رايته (تحصنت بسورها محمد المصطفى وبابها علي المرتضى وقفلها فاطمة الزهراء ومفتاحها الحسن المجتبى والقائل افتحي (او نفخ فيه )الحسين الشهيد
....والحارس او الحامي او المراقب المهدي وفيه كلام نسيته بذكر الله وكانه والامام المهدي .........)
وانا وصلت للحامي الامام المهدي والباقي مشوش مب واضح الا جات بنت عمتي ولاحت علي نفس الورقه وجلست قبالي تشرب شاي ومعطتني ظهرها ولكن ورقتها اصغر وتقول اذا عرفتي الباقي كتبيه لي وحقتها اوضح من حقتي بس مشوش فيه تحت حيل وانا فرحت لقيت كلام بعد الحامي الامام المهدي بس سطر والباقي مشوش وانا اطالعها واقول بقلبي عن بنت عمتي غريبه انتي حقوده تبين تساعديني الله اعلم ولكن لااعلم هل كتبتها ام لا
(((وللعلم في دعاء نزله علي البحراني عجبني واريده كامل ... اسمه للحفظ من الجن والانس .. وهو يشبه هذا الدعاء وانا فاهمه كله الا بعد ومفتاحها السبطين الحسن والحسين وبعدها مافهمت حسيت ان فيه غلط او ناقص ولو حرف والله اعلم )))
وبعدين حطينا سفره كبيره وجلسوا كل الاهل فيها كل اشياء من الاكل كثيربس نسيت اللي فيه واذكر اني طالبه كباب دجاج خاص لي وجابوا لي وكلهم يبون من هذا الطبق وكلت انا وفيه كمن حبه لوتها بخبز ومديت يدي للي ياخذها قالت بنت عمتي الكبرى انا مابي لحم قلت وخذته قالت دجاج اكيد تحبني اللي عطتني وكلهم يبون ومديت لابوي بس ماادري اذا خذه واكله ام لا
وخلصنا من الاكل جلسنا اشوي والجو حاااااااار حيل وانا اتعرق ونادوني يلا لبسي اليوم خطوبتك وصعدت فوق لأ تزين ورحت غرفتي شفت زوجة اخوي مشغوله في شئ وتوها بتقوم قلت لها زينيني (ضعي لي المكياج ) قالت يلا انسدحي على السرير ومكيجتني على خفيف قلت بس لاتكملين يمكن اسبح لاني معرقه و حررر حيل قالت اوكي ورحت سبحت ولبست لبس الخطوبه وحلووو حيل لونه اسود واخضر وورد زرقاء وفيه نفشه اشوي وقلت لهم يلا مكيجوني وماشفت احد توهقت قلت لاختي فاطمه وهي ترضع تعالي مكيجيني ترددت بعدين قالت يلا وجات زينتني اشوي وراحت وجات حماتها وهي كاشخه وزينتي اشوي وراحت وانا متوتره وحسرانه حدي وقلقه وجا تامي قالت ليش لبستي الفستان الحين قلت لها عشان بسرعه اخلص بالزينه والحين توهقت ماكملوا وبعدين جات وحده لااعلم من هي وهي كاشخه وحاطه مكياج وردي واصفر وازرق رووووعه قلت لها حطي لي مكياج اخضر واصفر بس قالت ماتبين نفس الواني قلت لها أي هو حلووووووو ودخلي الالوان مع الاخضر ولاتطلعين منها وزينتني اشوي الا جاو الاهل دخلوا علي كلهم ونا ماابيهم يشوفوني الا لمن اخلص مفاجئه وهم يناظروني ومبهورين بجمالي وقلت انا بطلع للغرفه فوق واطلع الا الاقي بنات فلان اعرفهم ويسلمون علي ويباركون لي وجات بنت عمي مادري وش تبي قلت لها جيبي جبوني في الغرفه قالت انزين وصعدت في الدرج الا لاحوا الصغار جبن وزعتر في الزراعه وشفت ولد خالتي قلت له ياسين جيب الجبن بالزعتر وجابه لي وهو صغير وطوله صغير المهم وصعدت الغرفه وشفت في غرفتي وغرفة اخواني الاطفال داخلين يلعبون فيه انا طردتهم وكان ابوي قال لي جلسي محمد من النوم ورحت غرفة اخواني الصغار وجلسته بس ماادري اذا قام او لا المهم انا نزلت تحت بسوي التسريحه وماابي الزينه لاني طفشت منهم مايكملون لي ومكياجي صار اخضر واصفر مره حلووووو ونعوووووم ونزلت الصاله وكلهم مبهورين بجمالي كلي على بعضي وفي الصاله نااس كثيره وزحمه لااعرفهم كلهم يباركون لنا ويحضرون الخطوبه ووسمعت وحده ..لااعرفها سمراء طويله ولابسه عباه قديمه زينبيه وكانها امراه مؤمنه لااعلم .... سمعتها تقول لامي ليش ماجبتي ماي (كانها قالت ماي زمزم)... وهي تقصد ماي الامام الرضا ....
ليش ماجبتي ماي زمزم وهوترى يطلع كل البلاوي وخاصة في هذي المناسبات
قالت يوه مالت على حظي الله مايحبني ولاكان جبت وعطيته بنتي فقالت فاطمه اختي انا توني جايه من ايران ليش ماقلتوا لي اجيب لكم و(وكان ردت امي وقالت وش درانا ؟) وانا ساكته اسمعها المراه واتحسر واقول محتاجه لهذا الماي بس شسوي .. (وانا لاابتسم ابدا صايره ثقيله حيل واقول بداخلي كاني صايره احلام وبيقولون علي مغروره ومتكبره ) وبعدين دخلت الغرفه عشان اسوي التتسريحه نصهم لحقوني وعصبت عليهم وين اللي تسوي التسريحه وجات وكانها نفس الاخيره اللي زينني وسوت لي التسريحه وتوني بطلع الاجات فاطمه اختي وقالت تسريحتك مب حلوه تفشل سوتهها لك مقلوبه بدووون نفس مسويتها لك وماتسوي زين للناس << ووجهه الكلام لها وهي تبتسم انا اعدلها لك وعدلتها بس ماضبطت وانا متحطمه حدي وجلست انا ارتب التسريحه لعل وعسى تضبط وناديتها مره ثانيه وسوت لي تسريحه ثانيه غيرها وشفتها ماعجبتني تحطمت ازيد وقلت لهم خلاص وجلست اناظرنفسي بالمرايه وارتب نفسي واقول خلاص بطلع تاخر الوقت الناس تنتظرني واقول الوقت تاخر مايبون يمشون لانهم مستانسين ومبسوطين
وبعدين جات اختي فاطمه وجابت 3 بطاقات تقريبا من ابوي وقالت اقريهم وقريت البطاقه الاولى فيها كلااام حلووو حيل بس نسيته واذكر الجزء الاخير اهداء صلوات محمديه اهداء الصلاه على محمد وال محمد (للعروس ) وانا فرحت حيل بهذي البطاقات والهديه وقريت البطاقه الثانيه مكوب فيها كلااااام حلوو بس نسيته واذكر الجزء الاخير مكتوب فيه ,,,كلمه وبعدين (....للنجمه خديجه ) _(انا اسمي خديجه في الحقيقه )
وتحته مكتوب 500 ريال
((( و مب متاكده وهوكأن ابوي جايب بطاقات كثيره عشان يوزعونه على الناس ))) انا فرحت بهذه البطايق واللي فرحني اكثر الكل فرحان بخطوبتي وامي وابوي فرحانين ومتحمسين حيل والحين بطلع للاهل
وقبل مااطلع كاني تردد ت البس السماعات او لاوبعدين قلت لا مابلبس بيخرب الشكل وبعدين قلت الناس متحمسه واهل خطيبي جاو من بدري فرحانين ويبون يلبسوني الشبكه يلا خل ادخل قبل مااتاخر عليهم وطلعت للاهل وكلهم مبهورين حيل لجمالي وشفت بنت عمي الثانيه لابسه قميص ابيض وسروال اسود القميص عجبني حيل هي ملونته وحاطه بالوان المكياج قلت لها قميصك حلو وراحت ورجعت مره ثانيه وغاسله القميص وصار ابيض ناصع البياض قلت لها ليش غسلتيه قالت بس وهي تضحك الا قلت انا بقلبي يمه منها تخاف من الحسد وبعدين جلست افكر
وانا جالسه يم الناس واقول لنفسي اعاتبها (شلون انا وافقت على الخطوبه وانا بهذي الحاله )وشفت قبالي طقم ذهب لااعلم هل هو قلاده او اسوراه وشفت دبله خطوبه .
جلست من النوم تنمل كامل لعضدي الايسر وتعبانه وكحه شديده مب عافه انام زين ونمت وجلست تنمل كامل بالرجل اليمنى ونمت وجلست اصلي الظهر تنمل بالرجل اليسرى
3\ ان احنا نتحنى احنا وبيت عمي لعرس اخوهم ولد عمي وحجزنا حنايه و تحنيت بيدي وعصبت بي الحنايه مب راضيه تحط في رجولي وقلت لها انا دفعت لك 200 وبالموت حطت لي وسوت لي خربوطه وبس رجل وحده وبنت عمي تقول لي قولي لها قلت لها قلت لها وحطت لي مب حلو وشفت اختي حط لها كامل واحلى مني بعد وبعدين سووا الزواج ورحنا لهم وطلعت زوجته حامل من الخطوبه
وكان ملكنا مريض حيل والحلم مخرررربط مااقدر اربط خيط وخيط من هالحلم
___________ ملاحظات \
1\مستمره على دعاء المشلول ومناجاة الشاكين والصوم (احيانا ) بديت اصوم طوعا مشهيه واقرا ادعية الايام وبالاصح تعويذات الايام وقراءة القران جزئين في اليوم ودعاء يصيب ابليس بالهلع و ورد (لااله الا الله في صلاة الفجر وورد الحي القيوم العشاء والمغرب احيانا لاني انسى بعض الاحيان )
واستمريت عليهم لاني وجدت راحتي في هذه الاشياء الثلاثه وتدري لاول مره في حياتي اقرا دعاء المشلول ومناجاة الشاكين اسمع بهم ولكن لااقرأهم
و قرأتهم حسيت براحه كبيره وحسيت كانهم يحكون عني وبالذات مناجاة الشاكين وان شاء الله استمرار لاينقطع باذن الله لاني بدات الاحظ على نفسي قل الشك و الوسواس في قلبي واتقبل العباده بانواعها الصلاه والصيام وقراة القران وان شاء الله دوووووم
وصحيح الكلام اقطع الشك باليقين لتقبل الاعمال وتجد الراحه فهذا انا حسيت فيها
2\(عندي سؤال ياسيدنا هل تسمح لي اخلط بين علاجي هذا والعلاج السابق ؟ .... فانا محتاجه جدا واريد اجماع هذا العلاج مع العلاج السابق أي نبدا من جد وجديد في العلاج السابق ويكون علاج مبارك وشامل ؟ اريد رأيك انت فقط ؟ مع الاستمرار لن انسحب ان شاء الله ..........)
اللهم صل على محمد وال محمد الابرار الاخيار
السلام عليكم ورحمة الله وبركاته
ابنتي الكريمة
العلاج السابق ممكن اعادته لكن بدون عرض احوالكم لي
هذا العلاج نافع جدا لدفع ضرر الجن والانس, ونافع للفتح والقبول بمشيئة الله تعالى
أنصح العمل بموضوع الفاطمي وابطال السحر مدة 3 ايام.ثبت في كشكول الفاطمي
بعد الانتهاء من الاعمال أخبرونا عن أحوالكم اثناء الكتابة و الاغتسال والشرب والقراءة والبخور لكل يوم
للتواصل معكم بمشيئة الله تعالى رب العالمين وبخدمتكم
أنصح بدفع صدقة قبل القيام بالاعمال بنية الشفاء وقضاء الحوائج ودفع البلاء قربة لله تعالى
حفظكم الله تعالى من كيد وسطوات الجن والانس مع شيعة محمد وال محمد
وصل اللهم على محمد وال محمد الطيبين الطاهرين
السلام عليكم ورحمة الله وبركاته
خادم الامام المنتظر المهدي عليه السلام عج
السيد الفاطمي الموسوي
لاتعليق على كلامكم انصح باعادة العلاج وكتابة بيان احوالكم وفق
يوجد موضوع مثبت في الروضة تحت اسم ..عليك الدخول هنا قبل كتابة اي مشكلة أو عرض بيان احوالكم
