ساعدوني الله يرحم والديكم

[أنين الليل]

السلام عليكم

انا متزوجه من 3 سنوات وكانت حياتي مع زوجي سمن على عسل والكل يحسدنا على حياتنا الحلوه

والحمدلله الله أنعم علينا ببنت وطرنا فيها من الفرح كان زوجي 24 ساعه وياي ماعنده صديق

كان يعتبرني امه وابوه وأصدقائه وفجأة انقلب حالنا فوووووق تحت

وكل يوم مشاكل بينا وكل يوم الثاني يرجعني بيت ابوي ويقول بيطلقني

لكن هذي المره عزم على الطلاق وقال بيتنازل عن ابنتنا

وانا ما اقدر اعيش من دونه والبنت متعلقه فيه واااااااااايد وصارت مريضه

ماادري شنو الحل ولا ادري شلون يرجع على طبيعته ؟؟

ساعدوني الله يخليكم بأسرع وقت لأنه عازم على الطلاق خلال هالاسبوع

[.:تقوى:.]

بسم الله الرحمن الرحيم
اللهم صلّ على محمد وآل محمد وعجل فرجهم
وعليكم السلام والرحمة

كيف حالك عزيزتي "انين الليل" ؟ اتمنى تكوني بخير وصحه وعافيه

عزيزتي لكل شيء سبب وكما يقول المثل القديم (لادخان بلا نار) لذى نحتاج ان نعرف اسباب اقدام زوجك
على الانفصال .. فأتمنى ان تجيبيني بكل صراحه ووضوح على الاسئلة التالية لندرس المشكلة ..

كم عمرك وعمر زوجك؟ المستوى التعليمي لكما انتما الاثنين ؟

كم مّر على زواجكما ؟ وكم عمر بنتك ؟

متى بدات أول مشكلة بينكم ؟ وما كانت المشكلة بالضبط؟

أكثر المشاكل التي بينكم ماهي ؟

كيف حاولتي علاج المشاكل بينكم سابقاً؟

هل يتدخل الأهل في حل المشكله ؟


اعذرين لو تأخرت عليكِ عزيزتي ولكن تأكدي أني سأرد ولن انسك

اهتمي بنفسك وكوني بخير
استودعك الله