الى ابي الفاضل العزيز السيد الفاطمي انا لي اخ يبلغ من العمر 23 سنه ،متأخر في الفهم ، يعني الان عمره 23 بس ماكأن هذا عمره ،كأن عمره توه 12 سنه ،بالرغم من أنه ذكي بس متأخر في الفهم ووالده أهمله جدا لم يهتم به ابد لا في علاج ولادراسه ودرس في مدرسة التربيه الفكريه وطبعا التدريس فيها موزين ابد بس كل لعب خلص فيها الى ثالث ثانوي مخه فاضي جدا حتى قراءه مايعرف يقرا ولا يعرف يكتب كانت مجرد طوال السنين لعب يارحلات او يخلون يمسحون سيارات او يعلمونهم حروف الهجاء يعني مجرد تضييع وقت على الفاضي والود اذا سوا شئ غلط ابوه مجرد يضربه ويهزئه مايهتم به يعني ابوه قسى عليه جدا ويعامله كأنه واحد عادي ليس لديه اعاقه عقليه والولد خلص الفكريه طبعا وعدوه بالوظائف قالوا ذوي الاحتياجات الخاصه يوظفونهم طبعا من خلص ثانوي 4 سنين وطبعا كلام في كلام لاوظايف ولا شئ ،وحتى لو حاولنا ندور له في بقاله وظيفه مايعتمد عليه مايعرف يحسب عدل اي احد ينصب عليه ،وحارس امن خفنا عليه من أحد يلعب عليه خبرك هالزمن اللي مايخافون الله كثير واصلا حتى مواصلات لايوجد لديه وزهق جدا من جلست البيت ،قضى 3 سنين من حياته بين التلفزيون والسوني ،وبعدها مل منهم صار يطلع الشارع وحنا نخاف عليه ماندري بالشارع يمكن أحد يلعب عليه وصار يصادق في ناس اعمارهم 10 سنوات و9 سنوات ويلعبون عليه ،مرات يبيعونه جوال قديم او خربان بمبلغ فوق ثمن او مايستاهله وهكذا.....ووصلت لدرجه صار يسرق من البيت ،سمعنا من برا انه شرا سيكل باعه ولد سيكل بي 300 ريال وطبعا هالمبلغ سرقه من البيت، من الشنطه وترك الشنطه مفتوحه وخاف لاحنا نشوف السيكل وخبأءه عند اللي شراه من عنده عشان مانشوفه ونسأله من وين وفي البيت حنا نفقد فلوس ، وندري انه هو اللي ياخذها وحاولنا نفهمه ان هالشئ غلط وبينا له مخاطره وعقوباته فهمناه قد مانقدر ان حنا نفهمه يعني أخذناه على قد عقله ، ووعدنا خلاص مابيكرر نفس هالحركه، ومره نشوفه شرا جوال وقلنا له من وين لك الفلوس قال انا مجمعهم ، واصلا هو طبعا ماعنده فلوس ولا يشتغل عشان يجمع بس حده كل يوم يعطونه الاهل مصروفه الشخصي وقلنا له بكم الجوال قال بي 500 ريال وحنا نعرف انه سارقهم من البيت لان فقدنا 500 من البيت وطبعا بعد ماسرقهم يترك الشنطه مفتوحه مايقفلها ، وتعبنا منه شنسوي معاه ، وحتى لو سوا شئ غلط مرات نفهمه ويوعدنا مابيسوي الغلط فتره ويرجع لنفس الحركه وحتى الضرب مايفيد معاك ، مهما كان العقل ملاك الانسان وهو فاقد هالشئ، ولا عارفين شنسوي فيه وابوه مايهتم فيه من يكلمه احد عنه يصوت عليه ويرمي عليه كلمات جارحه ، ولايقول مايصلح يشتغل في مكان ، شوفوا الدنيا كل ماجاها بالنازل والناس في هالزمن اعوذوا بالله يقول عن أحد يلعب عليه في مخدرات او شئ هو مايفهم عدل ، ونبتلش في شئ ماحنا قده ،يقول خلوه مكانه جالس وخلاص ، وحنا شايلين همه ، بعد عمر طويل تعرف هذا سنة الحياه الاخوان كلايتزوج وينشغل في حياته ويروح في حال سبيله ولا أحد لأحد ولا زوج اخته يبيه ، لا زوجة اخوه تبيه ، وامه وابوه مودايمين له العمر كله ، ومهما كان من خلاه الموت ماخلاه الكبر تعرف الانسان لاكبر تضعف صحته ويبغى من يساعده يعني مافيهم يساعدون هالولد المسكين ، والولد خوفنا ينحرف اكثر او يضيع أخر زمنه والام المسكينه طبعا كل ماشافت ابنتها يتقطع قلبها ولابيدها شئ عليه،واخوه صغير، وخواته بنات مابيدهم شئ وابوه من النوع الشين جدا وغير متفهم ولا يهتم اصلا بمصلحت الابناء ، حتى الام صابره على معاملة زوجها لها بالرغم دايما كلماته لها جارحه جدا ومقصر عليها في اشياء كثيره وظروفه الماديه جدا حلوه بس يبخل عليها وعلى اعياله بس صابره عشان اعيالها وعشان ماعندها اهل ابوها قاسي عليهم تزوج على امهم وهجرها وترك العيال تعذبهم زوجته الثانيه وهي تزوجت هربا من عذاب زوجت ابيها لها وقساوتها وحرمانها والاب تارك كامل الحريه لزوجته تعذب ابنائه كيف تشاء، بس نقول أهون الباقي عقلهم في راسهم بس مالحل مع هالمسكين؟مالعلاج؟والام شايله همه تقول ماله أحد بعد عمر طويل مابقى كثر مامضى وشايله هم البنات مساكين ماتزوجوا ،تبغى يتزوجون تطمن عليهم وعشان يفتكون من العيشه مع هالاب اللي كرهم بالحياه وطفشهم من الدنيا.،بالرغم من البنات مساكين تأخرن في الزواج وحده عمرها 31 والثانيه 27 بس لللاسف الحظ مايساعد والبنات الان حزينات كل الحزن وخاصه اذا شفن البنات اللي قد عمرهم واصغر منهم تزوجوا وعندهم اطفال وهم لا .
هل لديه علاج في روضة ال يس ...هل هو موافق على العلاج
