بسم الله الرحمن الرحيم
اللهم صل على محمد وال محمد الابرار الاخيار
السلام عليكم ورحمة الله وبركاته........شلونج اختي تقوى ان شاء الله بخير ......اختي الكبيرة عدها مشكلة ويه ابنها الصغير
الجنس ( ذكر ) :
العمر :سنه و10 اشهر
المشكلة بالتفصيل :هو صغير بالعمر بس ماشاء الله عنده طاقه جبيرة للعب واللهو امه دا تعاني منه كولش هواي لانه حرك وكح جدا ينام متأخر ويستيقظ من الصباح الباكر وبس يبجي اذا محصل على الشي الي يريده ويصير يضرب وعنيف الشي اذا راده لازم ياخذه وكيح يصعد على السرير وعلى القنفات او الكنبايات ماعرف شتشموهن ويطفر وهو بعده صغير هذا الشي موزين عليه وميسمع كلام الي براسه لازم يسوي عنيد ومشاغب جدا وهاي تقضي يومها بالكامل وهيه تركض وياه ..حتى احنه من نتكلم وياها بالتلفون تسمعين بس دوي البجي وينوص 24 ساعه مرات ميبجي بي ينوص هيجي من لا شيء متعبها حيل حيل ,..وتشوفين كم مرة واقع ومتأذي على راسه وجبينه مرة من المرات وكع ع الجبين والله اختي تكول انتفخ جبينه مثل البالون ورجعت لطبيعتها بنفس الوقت لكن اتــاذى وطلع دم منه وصارت عنجورة عنده وهواي مرات ....
اكولج عن والده والده يشتغل الاسبوع كله ماعدا يوم الجمعه وماعنده قابلية لاطفال قابليته محدودة اذا بجى او ناص يحس راسه يوجعه ويضايق نفسيا الشغل متعبه كولش هواي ومن يرجع للبيت هذا يبجي ويوكح ميتحمله فيروح ينام او تاخذه اختي للغرفة الثانية وتلعبه بس حتى يجنبه ابوهم كولش حريص عليهم وامهم نفس الشي حتى مرات اروح سفرة سوية اذا شوية وكحوا او رادوا شي يتعب ابوهم منهم بعد ماعنده قابلية اكثر للتحمل.....
هسه صارو يضربوا ضرب تأديبي وخفيف جدا لان الكلام والمعاملة الزينه مفادت بي اخوه الكبير كولش عاقل كان ويسمع كلام اتعلم من الصغير الوكاحه وصار صعب بعض الاحيان بالتعامل مرات يكوم يغلط على الاكبر منه حجينه وياه بالهدوء بس ابد مفاد وهاي كل ميروح زيارة للعائلة يتعلم من اطفالهم الوكاحه والغلط لمدة 4 ايام تقريبا ايظل ويرجع بعدين لطبيعته يعني مدا نعرف شلون نتصرف وياهم وبالذات الطفل الصغير .....الجبير عمره 3 سنوات تقريبا وثنيناتهم ميروحون روضة او شي بس بالبيت جالسين لكن يطلعون بعض المرات سفرات ووهسة صيف امهم اطلهم دائما تلعبهم برا البيت بس مدا يفيد شنو التصرف الصحيح وياهم وبالذات الصغير؟؟؟؟؟؟؟؟؟؟؟؟
اختي ربة بيت وزوجها يشتغل الحالة الدراسية للاثنين شهادة اعدادي
..اللهم صل على محمد وال محمد الابرار الاخيار
السلام عليكم ورحمة الله وبركاته........شلونج اختي تقوى ان شاء الله بخير ......اختي الكبيرة عدها مشكلة ويه ابنها الصغير
الجنس ( ذكر ) :
العمر :سنه و10 اشهر
المشكلة بالتفصيل :هو صغير بالعمر بس ماشاء الله عنده طاقه جبيرة للعب واللهو امه دا تعاني منه كولش هواي لانه حرك وكح جدا ينام متأخر ويستيقظ من الصباح الباكر وبس يبجي اذا محصل على الشي الي يريده ويصير يضرب وعنيف الشي اذا راده لازم ياخذه وكيح يصعد على السرير وعلى القنفات او الكنبايات ماعرف شتشموهن ويطفر وهو بعده صغير هذا الشي موزين عليه وميسمع كلام الي براسه لازم يسوي عنيد ومشاغب جدا وهاي تقضي يومها بالكامل وهيه تركض وياه ..حتى احنه من نتكلم وياها بالتلفون تسمعين بس دوي البجي وينوص 24 ساعه مرات ميبجي بي ينوص هيجي من لا شيء متعبها حيل حيل ,..وتشوفين كم مرة واقع ومتأذي على راسه وجبينه مرة من المرات وكع ع الجبين والله اختي تكول انتفخ جبينه مثل البالون ورجعت لطبيعتها بنفس الوقت لكن اتــاذى وطلع دم منه وصارت عنجورة عنده وهواي مرات ....
اكولج عن والده والده يشتغل الاسبوع كله ماعدا يوم الجمعه وماعنده قابلية لاطفال قابليته محدودة اذا بجى او ناص يحس راسه يوجعه ويضايق نفسيا الشغل متعبه كولش هواي ومن يرجع للبيت هذا يبجي ويوكح ميتحمله فيروح ينام او تاخذه اختي للغرفة الثانية وتلعبه بس حتى يجنبه ابوهم كولش حريص عليهم وامهم نفس الشي حتى مرات اروح سفرة سوية اذا شوية وكحوا او رادوا شي يتعب ابوهم منهم بعد ماعنده قابلية اكثر للتحمل.....
هسه صارو يضربوا ضرب تأديبي وخفيف جدا لان الكلام والمعاملة الزينه مفادت بي اخوه الكبير كولش عاقل كان ويسمع كلام اتعلم من الصغير الوكاحه وصار صعب بعض الاحيان بالتعامل مرات يكوم يغلط على الاكبر منه حجينه وياه بالهدوء بس ابد مفاد وهاي كل ميروح زيارة للعائلة يتعلم من اطفالهم الوكاحه والغلط لمدة 4 ايام تقريبا ايظل ويرجع بعدين لطبيعته يعني مدا نعرف شلون نتصرف وياهم وبالذات الطفل الصغير .....الجبير عمره 3 سنوات تقريبا وثنيناتهم ميروحون روضة او شي بس بالبيت جالسين لكن يطلعون بعض المرات سفرات ووهسة صيف امهم اطلهم دائما تلعبهم برا البيت بس مدا يفيد شنو التصرف الصحيح وياهم وبالذات الصغير؟؟؟؟؟؟؟؟؟؟؟؟
اختي ربة بيت وزوجها يشتغل الحالة الدراسية للاثنين شهادة اعدادي
